湊湊火鍋‧茶憩 (MONTEREY Place)

营业中

休息中

之前已經食過幾次，今次約埋朋友夜啲9:15先入座，因為正價有8折😆😆套餐雖然冇折但都好抵食，喇沙湯底同酸菜白肉湯底都超好味，勁推薦👍👍👍之前食過麻辣同蕃茄都覺得唔錯，但試完喇沙湯底同酸菜白肉湯底之後就覺得呢兩個超正，落冬粉同豆腐超入味😋😋仲有牛、鵝腸、貢丸同企鵝墨魚丸都係必叫😝😝茶飲鍾意飲大紅袍冬瓜茶，平時行過都會買黎飲，而家一路打邊爐一路飲仲爽🤣🤣店員好有禮貌，服務態度好，店舖環境乾淨又坐得舒服，又一飯堂🤣🤣

第一次喺將軍澳呢間食，嘢食都幾新鮮。但最特別係食到苦嘅哈密瓜，簡稱苦瓜😅😅食完飯可以外帶鴨血同豆腐。今次店員主動送上幾好幾好。lunch冇咩人食，冇限時間。

今次試將軍澳湊湊火鍋分店，環境舒適🤩。食物以散為主，另有套餐選擇，價錢會較經濟，選擇了父親節2人套餐。另有自助區食物，有前菜、水果、滷肉飯及菠蘿沙冰等等🤤。-💥湊湊父親節日2人套餐 HKD$801，這個套餐食物都好多的，成張枱都放滿了🔥套餐食物包括：湯底、肉類兩款、推介小食、海鮮、蔬菜及小食。鴨血和豆腐係任食任添的😍，所以食到很滿足。-💥經典珍珠奶綠（跟套餐送的）飲品大大杯，可選擇冰塊和甜度。珍珠奶綠茶味濃厚甘香😍，珍珠口感煙韌Q彈。🍵湯底，可以選擇鴛鴦鍋，想同時吃兩款湯底選鴛鴦鍋就對了😎。揀咗蕃茄豬骨同臺式麻辣鍋，兩者挺大對比的，裡面各有不同配料，而且用料豐富。蕃茄茄豬骨湯味道清甜，蕃茄味濃厚及骨膠原豐富😚。麻辣鍋是小辣的感覺，裡面有嫰滑又大件的鴨血，還有入味的豆腐。-💥肉類，固定的是美國特選級牛小排，另有兩款肉二選一的，選擇了伊比利亞黑豬肉。兩款肉肉份量挺多😆，色澤紅潤紋理分明油脂均勻。肉質鮮味嫰滑，帶點油份挺香口的。-💥活鮮蝦| 企鵝丸 ，兩款食物也是冰鎮的，企鵝的造型很可愛。我鮮蝦放入兩個湯底也是味道很好，肉質爽口彈牙。企鵝丸這個造型很特別，是用墨魚漿所製成，口感彈牙入味。湊湊

今晚一行8人到餐廳食火鍋，我們點了四人火鍋套餐。火鍋食物的份量非常充足，海鮮有帶子和鮑魚，海鮮很鮮甜，牛，豬和其他食物亦好新鮮，蔬菜盤內菜式種類繁多，應有盡有，亦不需要額外添加火鍋食物。生果和小食都是自助任取任食，火鍋醬油亦有很多不同的選擇。員工服務態度友善和細心，先叫我們品嘗花膠雞湯，之後才開始火鍋，亦不停巡查湯水是否足夠，主動為我們添加免費的麻辣豆付和鴨血，價錢合理，服務態度極滿意。會再次光顧

推薦花膠湯底，味道很濃郁，二人套餐份量足夠，環境也不錯，建議先預約，另外胡椒豬肚湯的胡椒味也很夠，作為湯底不錯，主食選擇冬粉很入味，醬料的選擇也不少。整體來說味道不錯。

呢度個花膠雞濃湯鴛鴦鍋真係冇得輸，鴨血都好好食，但係豆腐好似老咗少少。 公眾假期中午有二人套餐，兩大一小六百幾蚊搞掂。跟餐嘅老油條有驚喜，煙煙韌韌唔錯。嘅飲品有手搖嘅珍珠奶茶多款選擇。醬料吧都好出色，食得出食材都好新鮮。仲有肉燥飯任裝。 又有餐前小食都可以免費添加。室內裝修都好好。 第一次喺尖沙咀食過已經覺得好唔錯，原來將軍澳都有分店。

湊湊火鍋店有幾個特色菜式絕對值得一試！首先是他們的「招牌秘制湯底」，這是他們店內獨家研發的特製湯底，口感濃郁，充滿層次感，絕對能夠為你的火鍋帶來獨特的風味。其次是他們的「麻辣獨門醬料」，這是湊湊火鍋店獨自調配的醬料，辣味十足，香氣四溢，能夠為你的食材增添一份獨特的風味。不論是沾蘸肉類還是海鮮，這款醬料都能夠提升整體的口感。這些特色菜式都展示了湊湊火鍋店的創新和獨特之處，絕對值得一試。無論你喜歡辣味、鮮甜海鮮還是創意料理，湊湊火鍋店都能夠滿足你的味蕾。記得去品嚐一番！

湊湊火鍋店真是一家令人讚不絕口的好店！他們的食物真是美味極了，每一口都讓人回味無窮。他們提供的食材新鮮豐富，肉質鮮嫩多汁，海鮮更是新鮮到令人驚艷。湊湊的湯底更是經過精心熬煮，口感濃郁，吃起來讓人舒服滿足。店內的環境也非常舒適，氛圍溫馨，服務態度親切周到。無論是和家人朋友聚餐，還是與摯愛共享浪漫晚餐，湊湊都是個絕佳的選擇。我肯定會推薦這家火鍋店給所有喜愛美食的人。因為確實是一間用心制作，不可多得的火鍋店。

食物good,環境good,服務good. 想來食好耐了，但之前一直很難book,又多人，所以到現在才幫襯 。價錢方面都合理，以為很難book,但都唔係，星期日竟然有位，會再次來。

非常好，已經嚟咗好多次湊湊火鍋 去過咁多間分店 最喜歡還是將軍澳這一間 父母喜歡吃火鍋 一行六人 喺OpenRice訂位  去到即刻有位  服務很好 選擇多 食物質素高 一定有機會再來唔該你。保持水準

食物整體滿意，服務正常。但晚市火鍋都只係得90分鐘，去到餐廳才知道，過程超趕，食到好無隱。夠鐘點員即攞單來叫埋單。見隔離有枱客都係咁比人催交枱。兩人餐埋單7百幾唔算平，限時90分鐘有點離譜。應該無下次。

環境：食店距離地鐵站需要行五至10分鐘，不過對於揸車的人嚟講就唔錯，因為普遍都有位，同埋有得充電。食店裝修算是有風格，坐得都算闊落舒適，乾淨企理冇異味，服務員態度好好，上菜速度都好快今次叫咗個鴛鴦湯底，湯底味濃唔算好辣，最欣賞之處是可以無限任加鴨血和豆腐，鴨血豆腐都非常入味肉類方面，份量都算充足，基本上叫兩碟四個人食都可以好飽另外仲有鮑魚仔，擺相幾靚，增加食慾，新鮮生猛總結而言：環境食物質素都是幾好，不過價錢唔算太平，不過對得住這個價錢

食物好好味，坐得又舒服，服務又好好，又唔太貴，性價比非常高！絕對會再幫襯！我哋試咗佢新出嘅牛油果尖椒鍋好香，不過對唔食得辣嘅我嚟講有啲太過辣；但係鍾意食辣嘅朋友應該會好鍾意！估唔到可以任攞嘅滷肉飯同魚皮都超好食！

嚟緊天氣難得凍返幾日，梗係打多啲邊爐養生啦. 今日又有平靚正好主意提供，就係湊湊勁抵食又好食嘅二人午餐, 閒日兩位$298，仲有得又食又拎，正.除左主食，前菜，醬料，白飯，滷肉，生果都係自助任添. 前菜有香辣魚皮同埋中華沙律，個魚皮好爽又唔腥滿滿骨膠原，沙律好清新開胃. 暖笠笠滷肉大大盤任裝配上熱騰騰香噴噴白飯啱哂大胃皇. 生果有西瓜哈蜜瓜仲有番石榴. 西瓜超香甜勁多汁，大愛. 真係未開始打邊爐已經勁回本. 醬料勁豐富有成十六款選擇，超佛心. 好啦，入正題. 火鍋湯底八選二，包兩款基本款或可另加$38 要特色湯例如有花膠雞湯及海鮮湯等. 我地冇加錢，叫左珍鮮菌菇鍋同台式麻辣鍋，湯料勁足料成鍋都係. 湯底好味，清清地又有辣得過癮又有滿足曬兩個需要. 肉類四選二有兩牛一豬一雞或混配. 我哋係牛控就要左美國特選牛板鍵同埋牛肩胛，各90g 每様有四至五塊，唔算超多不過過下口癮都唔錯, 而且個肉唔係比頹肉你都真係有d 質素，唔緊要，有任添鴨血加分，食多d，吃到飽. 主食可以要油條/ 粉絲/鳥冬，油條滾一滾索汁既香脆又惹味. 另外提提年底前用HSBC 信用卡可以飲品買二送一或者以優惠價加購食品.

已經幫襯過玄米茶幾次每一次有一個男員工都態度十分惡劣第一次買就好不耐煩咁跟住今日買杯嘢飲 我已經喺落單之前出示學生證 舉上去俾佢睇亦都講咗有學生證佢明明已經望咗張卡咁我認為佢睇咗就收返埋收錢嗰陣先發現佢根本就冇㩒學生優惠咁我就出咗單之後問佢佢就表示唔得 用Alipay退唔到錢但明明係佢哋問題 我依家係喺落單之前已經出示咗學生證 你哋冇比到優惠我 都算然後我仲發現我明明講咗幾次無糖佢都係正常俾我 想問個男員工耳仔係有咩問題？唔係想歧視，但真係好無奈態度差都算 做又做唔到嘢 湊湊老闆係咪應該審視下員工質素？不過多謝你 決定以後唔會再幫襯🥵