港滋味 (已結業)

我係買外賣嘅叫咗一個櫻花蝦叉燒炒飯，跟餐佢仲會送一支話梅桔仔水/冷泡鐵觀音之後去安排我坐低等外賣，一位侍應畀杯茶我，之後另一位餐廳員工又畀咗一杯自家製薏米水我，好有心！非常抵讚食物賣相不錯，味道也不錯性價比高

今日特登去傳聞好多野食嘅東大街搵嘢食行過見到呢間餐廳好大好乾淨，就諗住入去試下食物種類唔算好多，但係全部睇個名都好吸引，尤其係點心，我地就全部點心都嗌左一份試下另外老闆又提議我地試下佢地秘製叉燒，所以我地再加左個叉燒飯我本身好鍾意食小籠包，但係香港普遍嘅小籠包都唔太好食，所以本身對呢間都唔大期望，但係點心黎到時候真係超級驚喜！小籠包皮薄多湯味道調教得好好其他點心都好食，唔油膩仲有個話梅吉仔水！好清新解渴下次會再黎過

行過見到有間新餐廳就入去試下😋不過因為新店 選擇唔會太多聽聞叉燒好食🐖本身想叫叉燒同雞 點知賣晒 可能因為用新鮮食材咁冇計la 下次先再去試🥲之後叫左個二人餐 有三樣餸 兩碗白飯/油飯 其中一樣餸係薑蔥炒蟹🦀勁多蟹膏!!!!!!!🦀🤤真係好有驚喜 值得一試！啲葱都勁入味 仲嗌咗幾樣點心 其中一樣就係圖中嘅灌湯餃真係好足料 湯入面仲有蟹肉👍🏻點心仲嗌咗小籠包同炒蘿蔔糕小籠包一咬啲汁爆晒出黎💦有機會會再來食👍🏻

見到新開，抱住一個好嘅心態入去試吓，餐牌選擇比較少，所以就嗌左個二人套餐。個叉燒同炒蟹出奇地好食，多膏🤤🤤啲叉燒半肥瘦適中，會再去幫襯！另外嗰度啲嘢飲比較有特色，吉仔水幾好飲