渣哥一九九六

Holiday mood已經入哂血，小秘書今朝任性一次，食個大早餐先開工😬 本來想喺公司樓下叫個通粉餐，可惜餐廳老闆走咗去嘆世界，居然無開門做生意👉🏻👈🏻 唯有退而求其次，喺公司附近搵其他嘢食。路過「渣哥」見到啲蒸籠出哂煙咁，原來係蒸緊「足料糯米雞」，足唔足料我就唔知，不過$30包埋一杯豆漿就幾吸引🤩 其實我想問糯米雞係咪應該有「雞肉」㗎？點解我食來食去都係得啲肉碎/叉燒之類嘅餡料嘅？不過調味又幾好嘅，加埋杯豆漿喺咁凍嘅天氣，夠哂飽肚呀🥳…查看更多

行開側魚涌，見到有間好乾淨既魚蛋檔。走去買碗渣哥三寶。個賣相好正。當中有蘿蔔、豬皮、魚蛋。售價$30。個豬皮重有毛。賣相唔好。三種食材都好彈牙。個汁好鮮甜。秋天涼最啱食。…查看更多

#小秘書 一直都唔明點解 渣哥 一九九六 啲食物要賣得咁貴，我估喺 #太古坊 呢頭返工嘅人都唔多明白😅 所以每當間間食店都排滿人龍買早餐，#渣哥 顯然變得冷清😌 #小秘書 今朝遲咗少少出門口，又見 #渣哥 無咩人幫襯，就試吓新口味啦😋 檔口上大大個牌寫住「渣哥豉油王炒麵套餐」... 無咩心水嘅我，就跟呢個啦😝 嘩！$30份量認真多，豆漿+炒麵之餘，原來仲有幾粒燒賣同魚旦👀 炒麵嘅質地比街邊檔嘅幼細（粗有粗嘅口感）、燒賣似有啲魚肉做餡（對我嚟講有啲腥）、魚旦似乎分別唔大，雖然我覺得味道都只係一般，不過齋睇個早餐盒，已經夠哂滿足😄 …查看更多

車仔麵唔求其，因為佢嘅車仔麵嘅份量都算多，唔係細細碗。雖然只得外賣自取，但係外賣行返到去食，大概五分鐘的麵仍然好夾口，唔會林曬。自助落單揀餸，好簡單。整個流程都是15分鐘內，正常時間內，因為商業區買外賣都算合理。再加上佢嘅餸菜都好多選擇。 咖哩汁絕對係值得推介，因為真係好惹味。除咗車仔麵之外，仲買咗煎釀三寶，煎釀三寶每一件都有番咁大件，冇偷工減料。而且，可以配辣椒豉油，真係好正!忠告: 要在有冷氣地方食，因為食佢個咖哩汁都會有出曬汗嘅! …查看更多

街頭小食不嬲都鍾意食，公司樓下有渣哥，所以間唔中都會去篤下魚蛋😋今日lunch未諗到食咩，於是就試下渣哥車仔麵，三餸大概$40，喺商業區黎講都算抵食👍🏿湯底就要左清湯加辣汁加麻辣油。一開蓋見到好似好夠汁喎，應該好入味，點知撈匀左係淡茂茂既😩十分失望🙍🏿至於餸呢就揀左水魷、蘿蔔同埋辣魚蛋。整體都唔錯，除左蘿蔔👉🏿👈🏿 甜得好假，完全無蘿蔔既鮮味。另一要讚既地方係菜平時通常會當一個餸，但渣哥就係本身就附送左，仲要份量都多👍🏿…查看更多

之前試過佢嘅辣魚蛋，真係好鬼辣，不過有蒜蓉真係幾好咪。今次試腸粉都同樣ok!幼腸粉幾滑，用單枝籤拮起都唔易爛，口感唔會好粉分量ok，早餐都夠飽，芝麻落得好多唔留手添。…查看更多

下午茶時間買魚蛋同煎釀三寶魚蛋有辣有唔辣。。叫左辣加蒜蓉醬10蚊8粒。。係彈牙細粒既魚蛋。。都 okay。。。而煎釀3寶就一般。。20蚊5件偏貴。。青椒仲生生地。。。醬油都okay…查看更多

公司樓下一開始開左呢間野個陣，成為太古坊大事，人人都想試。我就等熱潮過左之後先去食，食完之後知道點解人越黎越少 - 態度。間野有兩邊，一邊係賣小食，另一邊賣車仔麵，車仔麵還好，但小食部的哥哥好似唔想做咁，同佢叫個麵，佢用無尾音既語氣話「要等十分鐘」，大佬呀，你唔想做都唔駛咁趕客架，我見好多人都俾佢一句dud 埋黎話唔駛了。我堅持等一下，其實只係等左3分鐘，點解要嚇走啲客呢？俾你dud完個客又唔開心，何必呢？啲野食幾好都無用…查看更多

以往也曾幫襯過銅鑼灣的「渣哥」，但一直覺得十分普通，如今舖頭越開越多，前排進駐太古坊，欲令我一試再試。「渣哥」的價格一向偏高，一盒腸粉套餐(丸蛋+腸粉)$25、煎釀三寶4件$15。今次開在鰂魚涌，食物質素好像提升了點。煎釀三寶釀得非常乾淨整齊，以後會吃到魚肉與青瓜茄子分離的狀態，但「渣哥」就沒有這個情況出現，分量剛剛好之餘，亦釀得非常實整。另外腸粉套餐亦弄得十分乾淨，腸粉的切割整齊，粉的質地亦不會太厚，汁料方面亦非常搭配，不會落得太多或太少。相對魚旦和燒賣則只屬普通。…查看更多

渣哥真係冇得頂，雖然價錢係比一般競爭對手定得高，15蚊得4舊，但食材質素真係冇得輸，d魚肉真係好彈牙，平時果d成舊份架咋，強烈建詩各位試下，我覺得佢個紅腸整得最正…查看更多

車仔麵餸及餸十蚊一款, 很自然就會點30蚊, 因40蚊沒有野飲又太貴。用手寫自行落單+撕下單上號碼自己KEEP, 呢個方法第一次見，人多排隊不會混亂，有秩序，容易管理先後落單嘅問題 。餸菜也很新鮮，菜是送的而且不頹，蘿蔔同魚皮餃都很好味，湯底就淡咗啲。30蚊的車仔麵有3餸，在區內大受歡迎。新裝修嘅車仔麵檔，原來poster是譚小環，已認不出是她。…查看更多

係銅鑼灣試過渣哥，味道一流，見新開張係鰂魚涌，滿心歡喜咁試佢個車仔麵。點知咁就中伏。一去到就排隊就聽到呢樣未有，嗰樣未有，於是我揀左最普通既腩肉加貢丸。跟著排隊見前面兩三個人應該好快，點知等了又等，等左15分鐘先有。我叫左個兩餸米線配清湯+咖哩汁湯底。個湯底完全無香味，只有辣味。感覺就好似清水加辣椒既味道。食完真係好失望。所以唔會再買佢既車仔麵。…查看更多

公司附近新開左渣哥，見到佢有車仔麵賣，就lunch既時候落左去買翻碗外賣試下。車仔麵黎講唔算好多餸既選擇，每個餸都劃一$10，而麵底有6個選擇，都係每款$10，每碗最低消費$30。揀好之後就填紙仔交比店員。今次揀左3個餸，豬紅，五香牛筋腩同龍蝦丸配粗麵。豬紅同龍蝦丸就現成貨好難會唔好食，但牛筋腩就做得好好，入味得黎淋，而且都比左好多舊。值得一讚既係每碗都附送一種菜，岩哂d冇菜食既打工仔，今次就揀左生菜，但原來只有幾塊，多d就更好喇！湯底方面揀左清湯加咖哩汁，自己已經算幾食得辣都覺得真係好辣！辣得好刺激，如果完全唔食辣既可能叫翻清湯會好d。好中意食辣既可以試下用咖哩汁撈，應該更正！但d湯索得好快，建議一買完就好食，唔係會好易淋哂冇哂湯。…查看更多

今朝去買嚟食，叫個個腸粉餐，（有燒賣、魚旦、腸粉25蚊）一份蘿蔔及一份豬皮總共55蚊，啲燒賣好好味，腸粉好滑，蘿蔔甜，豬皮入味，啲員工態度好友善，下次試埋車仔麵先 …查看更多