渣哥一九九六 (已結業)

係附近行完街，朋友又OT未有咁快走，但個肚又響緊!!!!T.T 最緊要係唔想食咁多野，晏D又要食晚飯，所以行過見到呢間小食店，仲要有名人既光環，就黎試下喇!!!!魚蛋好有咬口，一D都唔粉，而佢地既腸粉亦都夠哂滑，等候既時間一D都唔耐，三兩下功夫就可以成碗拎走，仲唔係快靚正?而且佢地既醬汁味道岩岩好，夾埋魚蛋腸粉，更出色呀!!!冇令我失望，食完仲想買多碗，不過要留肚食晚飯，只好下次喇!!!><

尖沙咀來說往紅磡體育館方向那邊橋底附近食物選擇有最多，特別近這幾年，這處的食肆一轉再轉。甚少在這裡買早餐的我今早想了又想，最後決定到「渣哥」買腸粉，早餐有分A、B、C餐，本來A餐腸粉配熱飲比較適合我，但想到飲水比較健康所以單點四條腸粉就好。想不到單購需要$15，只跟餐差兩元。店員動作很快，瞬間我的外賣已經準備好。都怪自己問題，不小心將豉油倒到盒外，影響外觀。到公司後看到腸粉捲實，幼身得可憐，不過質感很嫩滑，只有甜醬及豉油，如果要另加醬就要落單時快快口說明。就這樣，一陣風的早餐就食完了。

小編放工去到尖東，凍到手都震埋。經過渣哥小食，一定要整返碗馳名碗仔翅。🍲小編同友人叫左細碗仔翅 $22。兩個人返屋企之前食少少，分甘同味啱啱好... 姐姐很有心叫我地小心熱，因為真係新鮮滾熱辣架。如果唔中意重口味的你地就學小編叫少麻油，胡椒粉。🙅🏼‍♂️買完之後係路邊的長椅食特別滋味。👫碗仔翅絕不馬虎，材料十足。對於追求懷舊小食的朋友絕對係點滴在心頭...

去看「永生傳說」木乃伊展覽前到渣哥食一份煎釀三寶。$15/4件選了炸墨魚卷/炸蕃薯/炸豆腐和釀茄子墨魚卷麻麻地其他都好味道最有名係魚蛋，但試過覺得一般，正常味道。店舖環境就是這些了題外話：木乃伊好值得看☺️

同朋友行街行到餓，但又未想食正餐，於是試下好出名的「渣哥」，平時只係經過鋪頭，今次終於食到啦今日人潮唔算多，好快就買到，買左＄25魚蛋燒賣和朋友一齊食，員工問要唔要辣汁，其實我都想試下，但又驚辣，所以唔要魚蛋同燒賣其實都唔算大粒，不過食落都幾好，有口感、彈牙，我地無落到辣汁，員工就落左少少蒜蓉汁比我地試下，個汁又好香，同魚蛋燒賣一齊食又幾夾嫁食完其實唔會滿足，因為比較細粒，反而開胃了，同朋友即刻去食正餐了

黎到紅磡, 食完附近個手卷, 唔夠飽, 繼續掃街我一心黎係掃街, 見啱就食, 唔理得佢有無明星效應呀行到黎有一間叫渣哥, 真係唔黎到小食檔前都唔知係譚小環開既諗住試下個三寶(蘿蔔/豬皮/魚蛋), $30三寶份量同價錢比, $30係幾貴阿叔問我地要唔要蒜蓉醬, 我地話要, 要左先知原來係辣醬買完之後就搵個位坐低食蘿蔔/豬皮/魚蛋味道一般, 蘿蔔都算幾甜, 似乎個辣醬更吸引, 好夠辣, 味道又濃, 配搭一齊食, 整體唔錯

話說渣哥開左0係尖東都一段時間, 生意*應該*都麻麻地因為佢一開始set 個價錢太貴了, 隔離又有間靚靚車仔麵做左咁耐可能係咁, 佢地自從今年年初時, 就終於肯減下價做下優惠一開始做得超平, 最平好似12蚊就有一個set大排長龍, 之後就提返價做14蚊, 價錢合理返好多, 於是就多左幫襯了~~其實味道都係咁上下啦, 不過呢份野只係20蚊早餐來講算係幾好啦, 尤其是冬天食, 熱辣辣咁~~~不過如果佢遲D 做返正價, 我就一定唔會幫襯lu~~~

Timing 問題, 一直都未的起心干食~見到小環撐起 100毛又十卜佢, 所以一直都心思思架~終於, 放學黎試下~一直見到佢有餐, 話由 3十幾蚊變 23蚊, 咁就想叫啦, 但原來係早餐先有~唔緊要啦, 不如我散叫啦咁, 但亞姐話可以照做餐比我, 但係貴d + 無野飲, 咁我又轉唔切個腦, 只係識問佢: 抵過散買架? 佢答我係 收我 $25, ok 啦 我比~唔食甜醬嘅我爭啲要做大side鬼, 好在 最後都比過盒無加嘅我...我响門口公共長椅食~味道, 真係大路味黎~魚蛋唔腥嘅, 但質感味道都係一般嘅唧, 係靠個汁先有味; 反而腸粉幾細滑, 口感細膩, 吸汁度剛好, 值得一試; 燒賣都唔錯 咬落軟身 唔係淨粉死實實的~明明 $10/8粒 魚旦 燒賣, 腸粉 $14/4條...散買 = $24, 我餐會係 =$25... XD 我自己唔精明 無法

喺尖東新文華中心地下嗰條食街有間渣哥，賣豬皮魚蛋蘿蔔嗰啲小食嘅 。我諗好多人都知間野既老闆係前港姐譚小環，喺佢鋪頭門口就楝咗佢張大post喺度 。唔知有冇明星效應呢 ，但係我哋買嘢嗰陣時就冇乜人。我哋買咗兜魚蛋試下，十蚊有八都算非常抵食。啲魚蛋幾彈牙！但係我哋叫咗辣汁。 哇！嗰隻辣汁真係非常之辣。食完果八粒魚蛋之后啪咗成支水。如果你哋下次去試佢哋嗰啲嘢食嘅時候，要考慮清楚要唔要辣因為真係唔野小。今次淨係試咗佢嘅魚蛋，下次要試埋其他嘢食。

行過見肚餓，見係譚小環開，所以即管試一試！叫左一份渣哥魚蛋（10蚊8粒），係尖沙咀區黎講，價錢都唔算太離地，都算可以接受。其實價錢都算其次，味道最重要。好味既貴啲都肯比嘛！坦白講，味道一般！唔係超彈牙那種，亦無乜魚香，同龍津質素差無幾...真的未必有下次..

本身我個人好少有機會去尖東意個地方。^_^倒數的日子，今年老公帶我去尖東海傍倒數。倒數完，通宵地鐵站多到人根本入晤到，唯有去附近揾野食啦^_^。 經過見到渣哥1996小食檔，印象中係譚小環開既。最出名應該係魚旦，就決定排隊試下。渣哥三寶價錢為$30一碗。>~<有六粒魚旦，幾塊豬皮，三大舊蘿白。份量不多，味道好一般，只能說好普通。魚旦豬皮都晤入味，秘制辣汁晤辣，唯獨蘿白甜。價錢上不值，整體算有點失望。

今年倒數同老婆去左尖東海傍睇煙花倒數。一點過後人潮未減，又咬痕想食野，又未至於肚餓，當然就想食下香港地道小食啦。尖東食市不算多，但集中。當晚十分多人安排隊約十分鐘左右就可以叫野食。渣哥意間鋪最記得係譚小環開。記得好做過好多訪問。店鋪食物種類都算多，都係香港地道小食腸粉魚旦碗仔翅鹵味類。當然最出名係魚旦同秘製醬汁。今次叫左個腸粉套餐，價錢$25，晤算貴，但味道真的好一般。名過於實。魚旦不入味，又晤算好彈牙。

本來過黎呢邊係想食新開果間手卷店，但黎到先發現冇開失望之際就過隔離幾個鋪位食串魚蛋，點知再失望啲…渣哥魚蛋 $10/8粒價錢唔貴，不過有時硬係覺得魚蛋係要串住食先夠爽…聽過佢地大名好耐，今次第一次食，魚蛋冇下次 (唔知其他燒賣、丸會唔會好食啲)魚蛋口感死實，冇爽口、冇彈牙可言，唔知有咩特別。至於聽講話似自家調製嘅醬汁，味道係幾特別，出面食唔到嘅味道，可惜我叫辣魚蛋，期望嘅辣味比較弱，反而蒜味較重。整體係好一般，雖然未至於負評，但都已經唔會再食。

今日下午做完嘢之後行過尖沙咀新文華中心覺得有啲啲肚餓，見到間「渣哥一九九六」擺放咗譚小環小姐嘅相片，知道原來係她同她先生開嘅小食店！我們就買咗他們嘅招牌渣哥魚蛋嚟食，魚蛋嘅質感極之腍身，一啲都唔爽口彈牙，而且味道相當腥，真係令我們覺得好失望，唯一可以讚賞嘅係醬汁，醬汁應該係他們自家調製，味道非常香辣惹味！

如果想食飽肚唔難食既頹飯渣哥一定首選但已經唔止一次食雞扒飯時俾塊雞扒熱溶左個盒覺得開始有啲驚如果真係想食，建議拎個飯盒去買味道可以，服務一般，最恐怖係飯盒有圖有真相，溶到穿左窿建議渣哥可以考慮換另一種透明飯盒或者用紙既，又可以環保啲