渡邊屋

营业中

休息中

這天回母校探望恩師過後，順理成章地步行到九龍城找好吃的。明明是二月，氣溫卻像初夏⋯⋯小妹和同學被眼前的美食照片吸引著，決定不再冒著烈日遊蕩了。學生套餐不過$30，當學生真幸福啊。原來是一家外賣店，鋪位內容不下一張小桌。沒有了室內環境的優勢，飲品和食物就要比一般日式料理店便宜多——波子汽水只售$12，罐裝飲料只售$7。前兩天，小妹在某連鎖便利店買了大特價的烏龍茶，也要$8.5，這裡的$8可真讓人驚喜！雖然鋪位不大，但餐廳亦善於宣傳其鎮店之寶。食物種類並不亞於大型連鎖壽司外賣店或其他日式料理店。要飽肚，當然要吃刺身飯啦。這裡最「名貴」的刺身飯可要數「海膽盛丼」，是唯一一款使用海膽的刺身飯，$128的價錢簡直讓小妹欲罷不能啊。付款後，才瞄到「全板使用」的字眼，更是期待！果然是一板海膽的份量啊！色澤看起來也很新鮮。鋪位外面有一張高腳圓檯和一張摺檯，但沒有椅子，如要「堂食」，只好站在店外。然而，筷子、勺子、醬油碟、調味料、紙巾⋯⋯一件不缺。小妹尤其欣賞芥末，夠嗆鼻，齒頰留香。味道濃郁，有海膽獨有的腥味，同時夾雜一份清甜；質量上佳，夾起一片不會散成膏狀；在白米上留下的橙黃色，減少了單調的米飯味道。

今日約左朋友H食lunch，佢揀左位於九龍城衙前圍道既1間壽司店🇯🇵。原來佢系外賣店黎，不過店外都有枱比客人立食🍴。除左新鮮製造既魚生丼🍚之外，仲有壽司🍣、盛盒同卷物🍙賣。好多款都好吸引啊！不過今日我冇食早餐😶，就揀個豐富d既魚生丼啦🤤～其實黑丼同青丼都好特別(小妹第1次見👀)，但最後都系敵不過三文魚，買左特盛鮭魚丼($98)。同menu上面一樣，三文魚既份量好多啊😍，有7大塊！而且佢系厚切既😎，非常足料👍🏻！食落好肥美，好滿足啊☺️～三文魚上面仲有蟹子，份量都算多✨，蟹子咬落脆脆地，提升左整體口感⬆️～飯既醋味吾算太勁，比較黏，同三文魚刺身味道好夾😋。吾好睇佢細細碗咁👀，食哂全碗都幾飽架😇！朋友喜歡食海膽，佢揀左海膽盛丼($128)，有全板海膽架😝！小妹夾左1條黎食，都吾算腥👌🏻。呢個丼除左海膽之外，仲有三文魚同吞拿魚，吾洗淨系食1款咁悶😬。呢度d飲品價錢都幾實惠😮，實在難得一見(一般餐廳既飲品通常都偏貴💰)！津路烏龍茶都系$8咋，仲平過便利店👏🏻。小妹買左兒時最愛既波子汽水($12)，好好飲啊💙！溫馨提示：開個陣要小心d啊😛，我地噴到周圍都系😂。餐廳亦提供左醬油、支裝wasabi同調味

我相信好多人也知道九龍城多美食, 早前去開附近, 見到一間食店個名幾特別, 叫渡辺屋, 主打壽司, 手卷, 刺身和丼飯, 見到幾吸引, 便試下. 這裡以外賣為主, 店外也有枱供客人即場食. 枱上放了用具和醬料供客人使用. 我先點了芝士飛魚籽手卷和龍蝦沙律手卷. 手卷即點即整. 先送上芝士飛魚籽手卷. 估不到材料滿滿的放在飯上, 手卷都好重手. 卜卜的魚籽混入芝士, 兩者好夾, 雙重口感. 而紫菜仍然能保持脆身. 龍蝦沙律手卷. 龍蝦粒幾彈牙和鮮味. 兩款手卷都好好味. 再來就要試下這裡的丼飯. 由於我唔食生嘢, 所以只有浦燒鰻魚丼啱我食. 浦燒鰻魚丼上枱. 用上半條鰻魚. 鰻魚幾肥美, 也算厚身, 再配上醬汁, 更能突出鰻魚的味道. 而飯帶少許黏黏, 是我鍾意食的質感. 唯一是飯不太熱, 若配上熱辣辣的飯對於我來講是更好味. 最後, 飲番一支波子汽水, 非常舒服.

同友人去九龍城買野準備新年, 但因為件貨要等一個鐘佢先有人幫手又倉拿到店俾我, 所以我同友人就諗住食個快的餐醫肚, 見到路口有間壽司外賣店.. 見到個牌寫住即叫即造魚生丼 裏面也有凍櫃放了外賣壽司. 我同友人就看到這個刺身魚生丼Menu, 而佢有得坐在枱仔或在外邊立食, 我同友人橫豎也要等, 就立食啦 我就叫了個海膽盛丼 (HKD128) , 個Size 有湯碗咁大Size 的丼, 而且魚生刺身都佈滿了呢. 有兩塊三文魚, 厚切, 而且非常肥美鮮味, 魚油充滿口腔的說. 而吞拿魚也有兩厚塊, 不過我就食到有絲絲根的質感, 雖不是最肥美的部份但整體新鮮啦~ 而最正的就是用了一整板海膽, 味濃而絕無臭腥味, 新鮮非常, 將其撈飯吃加醬油一起吃, 正~ 而友人就叫了個極上刺身丼 (HKD88), 除了也是有三文魚, 吞拿魚外, 又有帆立貝, 魚子及蝦 友人說整體新鮮, 而我就吃了友人一塊帆立貝, 肉厚新鮮. 而蝦雖然只有一隻, 友人食後也覺爽口彈牙的說 食的時候收到相公的電話話剛放工未食飯, 所以我又買兩個丼外賣啦~好食完就行返過去店舖看可以拿東西未先~

九龍城出名好多嘢食而且我住喺附近所以都會留意下有冇新鋪頭開特別鍾意食日本嘢嘅我之前見到呢間鋪頭開到未試過適逢有啲肚餓就點左一件壽司同手卷食點左個蔥吞拿魚腩手卷紫菜仲係香脆嘅而且啲吞拿魚算多食到底都仲有魚肉至於三文魚壽司係即刻燒的野味香口唯獨有少少不安就係廚房入邊都係冇戴口罩日本菜來講就唔算好衛生

經新假期介紹，今日黎到九龍城試下傳說中嘅原板海膽盛丼同埋赤、青、黑丼。不過係現場睇到師傅嘅處理後，發現師傅真係即叫即整架！青丼 除了海膽丼外，餐廳最出名係赤、青、黑丼。青丼有厚厚的飛魚籽，顏色鮮艷非常吸引。青丼中的飛魚籽入口帶有濃濃嘅山葵味，感覺非常咁特別，口感大滿足嘅同時配合份量十足嘅飯，味道更提高一個層次原板海膽盛丼原板海膽盛丼同青丼份量一樣咁驚人。原板海膽盛丼裡面有一整板的海膽，還有兩片厚身嘅三文魚同埋吞拿魚。刺身嘅厚度比一般日式舖頭都要厚唔少。海膽唔會苦同有腥臭味，而且顏色都算亮身。份量對我地呢啲肥佬黎講都絕對夠食，又矜貴又醫肚當然食店除左呢啲丼飯之外，還有好多唔同嘅刺身、壽司、軍艦，全部都係日本直送。而且點餐紙上所有壽司同樣是即叫即做，確保新鮮，下次得閒經過都要再試下先得

於九龍城探望完同事的初生寶寶後，就到附近覓食。來到渡邊屋，餐廳玻璃門外貼滿不同丼的相片，頗吸引。渡邊屋主要提供外賣，但門外亦提供立食的桌子，所以我們就選擇立食吧。海膽盛丼海膽採用全板，佔丼的一半，另外還有兩片厚身的三文魚及吞拿魚。先講海膽，每片的份量不算大，入口creamy，略帶鮮甜，包着飯一齊食，又是另一個層次。煙韌富米香的珍珠米跟海膽拼在一起，不添加任何醬油芥末下，可吃出兩者的「甜」。至愛的三文魚肉色呈橙色，有較多白紋油份，肥美新鮮。雖然平常不太喜歡吃吞拿魚刺身，但為了不浪費食物，也要吃清。太愛三文魚的關係，再追加了一客，另加帆立貝刺身。帆立貝入口鮮甜而軟腍，雖然不算大粒，但吃完都算滿足。

1997 年前，不少書友仔移居外地，一別廿載，幸好有 Facebook 的出現，把我們的距離拉近，數年前起，我們一直透過 Facebook 連系，一直跟進大家的生活狀況。上星期，她突然返港，逗留十分，找來不少舊友陪她四處重遊。而 BeautySearch 的任務便是陪她潛入九龍城尋找美食，或許，她透過 Facebook 也感受到的的為食吧！ 不過， BeautySearch 是有名的路痴，蝦子餅怕我迷路，於是，便前來九龍城接我回家。我與友人6時起便開始吃晚飯，但可能太久沒見，不知不覺便傾至 9時許，苦了蝦子餅在街上等候，竟然連晚飯也未進食...... 前往回家的小巴站途中，發現一間日式外賣店 ---《渡邊屋》，店外的食物照片相當吸引，加上蝦子餅實在太肚餓了，於是便進店看看。 店子不算很大，店內放置了兩個大雪櫃，店外放置了立食用的桌子，空間最大的，相信是廚房了！店子雖不算大，廚房的大玻璃及牆身貼滿了美食的相片，相當吸睛。 店子以日式丼飯為主，配搭款式相當多，因為太餓了，蝦子餅最終決定在這兒立食。 最後，蝦子餅點選了一客特盛三文魚丼 (HK$88) 還搭配了一瓶日式波子氣水，並決定在店外

心血來潮想食日本野,不過九龍城好少少都好貴,行行下見到一間外賣壽司鋪,入到去,鋪頭細細,放滿一件件外賣壽司,當我留意真D,原來仲有即叫即做魚生飯,款式多而且好抵食,店員仲好好建議我可以係鋪頭出面有張小餐枱,可以企住食,心諗我攞走都冇地方食,加上我都未試過係店外立食,乾脆試試吧!見到menu有好多食物選擇,首先一定揀個魚生丼黎食啦, 我必選海膽盛丼,因為108價錢可以食到海膽同三文魚吞拿魚刺身簡直超值,朋友再點左個特盛鮭魚丼,另外再叫左火炙芝士三文魚,帆立貝同芝士蟹柳壽司等等。可能即叫即整關係,等左一陣先有野食,壽司先黎, 火炙芝士三文魚芝士入口好濃芝士香,半溶芝士配半熟三文魚好美味,另外帆立貝壽司一塊好厚,十分滑嫩,而蟹柳壽司用既蟹柳都係日本蟹柳,唔係普通係超市買到個種,貨真價實!我最期待既海膽盛丼黎到,大大碗面鋪上大量海膽,顏色鮮黃有光澤,仲有厚切三文魚同吞拿魚添,真係一次過滿足晒我想食刺身既慾望,食一口海膽,好新鮮,濃濃鮮味直接滑入喉嚨,入口即溶,再試下其餘兩樣刺身,同樣鮮味無比。另外,我都有試朋友碗特盛三文魚丼,首先都係大量三文魚覆蓋成碗飯,而且清楚見到每塊三文魚都係非常之厚,呢

同阿媽去九龍城行街,因為佢近排牙痛,想食D軟軟地既野,我地都幾早就去到,好多餐廳都未開,好偶然見到對面有間壽司鋪,於是行過去睇睇, 原來鋪頭主要係做外賣,但店員話可以係店外立食,即係有張圓枱係店外,我地可以企住黎食,當時我地都好肚餓,加上見唔少人黎買外賣,相信質素應該唔錯!阿媽熱愛三文魚,所以點左個特盛鮭魚丼俾佢,我就想食熟野,點左個蒲燒鰻魚丼,陸續再點左D壽司,價錢十分相宜,都不過兩百幾蚊。我地點完餐就係外面等食,透過玻璃窗見到師博係入面埋頭苦幹,不停切切切,等左約7分鐘,食物上枱啦!三文魚上枱既時候視覺真係十分震撼,厚厚的三文魚覆蓋晒成碗飯,完全搵唔到一粒飯既踨影,可想而知D三文魚有幾厚同多,我媽已立刻打開筷子食,然後佢話D三文魚好鮮好肥美,再食口飯,軟軟香香,好入口,睇得出真係好岩佢胃口,我自己都試左塊三文魚,色澤望落好新鮮,入口好甜同好鮮。到我個鰻魚飯到,果然真材實料,大大條鰻魚切塊放係碗面,側邊放左大量切好左一片片既玉子,先講鰻魚真係十分厚,入口滑溜溜,真係入口即溶,配埋特製鰻魚汁,送飯一流,玉子又夠甜,日本米煮得岩岩好,我個人偏愛呢種米,因為夠煙韌,所以成碗飯好快就食清光!

Sashimi dons are trending lately and quite pricey.I went here seeing reviews that this place is quite affordable but you have to stand there to eat.The dons range from $68-108.It was really difficult choosing a don because they all looked captivating but in the end I chose the black one because you don't often see it and I got some extra Salmon roe because I love Salmon roe.There is sushi as well if you want something light.Here was my black don which was stunning as expected!!I didn't realize t

2017年，有得揀先至係赢家!!自渡邊屋開張到而加，成日經過都比佢牆上各式各樣嘅壽司、丼物吸引，但次次都唔係趕時間就食咗野，今次一於預好時間同埋個肚試下!!樣樣都想食，原來呢度有自選剌身丼呢度有成1.2.3....22款配料揀!(有選擇困難症嘅朋友，建議食返佢地預設好嘅特色丼物)我最後點左<三文魚赤貝蒲燒鰻魚帆立背北海度三文魚子赤蝦XL丼>丼內有三文魚、赤貝、蒲燒鰻魚、帆立背、北海度三文魚子、赤蝦XL同埋愛知縣久保田米!!因為驚太大碗，我仲叫左小飯添~~~係交紙嘅時候，見到叫度仲有啲「女神」推介忍唔住追加咗大拖羅，同埋珍寶帆立貝!!小店外有枱可在場立食，仲可以透過玻璃睇到MAKING OF丼，同埋...女神。先嚟大拖羅，食落好香魚油味，略多筋，較有咬口。接住<三文魚赤貝蒲燒鰻魚帆立背北海度三文魚子赤蝦XL丼>就嚟喇!!好豐富呀!!!!三文魚子好新鮮，粒粒晶瑩剔透，小小咸，多多脆，送飯一流!!赤蝦XL果然係XL呀下，非常大隻，而且鮮甜!!6個配料都只不過係77蚊，仲要超足料，下次一於試下佢地嘅其他丼先得!!老闆仲醒咗件劍魚腩比我添，哈哈，劍魚腩口感爽口，但

經過此外賣店多次，被門面食品相片吸引，一直想試一試，期盼小店有驚喜，終於特地去買回家一嚐其滋味原來都係無驚喜，刺身丼及鰻魚飯唔覺有鮮味及魚味，鰻魚飯嗰汁仲係麻麻地，而飯嘅質感則不錯。總括嚟講，它亦只不過係個普通嘅外賣飯盒，不作出任何期盼，這樣就不會有失望感

位於九龍城的渡邊屋，是一間日本壽司外賣店雖然主推外賣，但餐廳也有企位讓客人進食。昨晚吃得過飽， 特意連早餐也沒吃， 一心嚐嚐特大巨丼。究極蔥粒吞拿魚腩丼$108賣相引人的吞拿魚腩丼，可稱上是世界級的早餐世界級這三字，其實是我一邊拍照，一邊聽到途人的讚嘆。六片厚切激大片的吞拿魚腩，堆成一個小山丘，實在非常吸引哦吞拿魚肉軟嫩，味道濃郁，厚切刺身得令人啖啖滿足丼飯更滿佈吞拿魚蓉，吞拿魚蓉脂肪較高，入囗鮮味油香而且份量超多，大方得令只吃刺身便飽肚，滿腹哦。大食的我追加玉子$6，玉子切片，雖不夠濕潤，但甜度足夠，便宜好選擇哦

作為一個哈日族，喜歡吃日本菜當然每次出街都會想食，早幾天就跟媽媽到九龍城行街買野，行行下都就到食飯時間就決定到周邊搵下有咩好食～行過呢間唔算太起眼的食店，原來係外賣壽司店～店內少少，沒有任何座位，只有個凍櫃擺放著少量的壽司～門外貼著好多好吸引的刺身丼飯，價位十分相宜～也有其他散叫壽司、軍艦及卷物等～特盛鮭魚丼（HK$88）大愛三文魚就點了這個特盛鮭魚丼，看到上面的三文魚刺身都超大片，一點也不吝嗇～上面也有少量的蟹籽～三文魚超厚身，食落啖啖肉好有口感，而三文魚味也好濃郁～帆立貝及三文魚刺身（HK$58）同樣也點了刺物，帆立貝超大片，好新鮮，也沒有雪味～同樣三文魚也是超厚身超大片，超滿足～各類壽司（HK$7-11）也散叫了一點壽司，也是即叫即製的～我就點了三件火炙壽司～火炙壽司中，三文魚同帆立貝都十分出色惹味，外面熟內在是半生熟，咬落特別有口感～