影片
港铁湾仔站 B2 出口
继续阅读
开饭介绍
餐厅装潢简洁舒适，主打重庆火锅，供应重庆有名的九宫格麻辣大红锅，亦提供鸳鸯锅以供选择。午市时间则设有火锅及重庆口味的面食。
继续阅读
营业时间
星期一至日
12:00 - 00:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
🍗养生花胶鸡汤 重庆辣窝 鸳鸯锅底 🍜花胶鸡汤系生酮汤底，无味精，啖啖都系鲜味，健康得黎又补身。花胶有两条手指咁大只，绝对足料！听厨房讲，用料用上三黄脚，肉质嫩滑，皮脆骨软，味道鲜美。肴制足6小时，肴至皮散胶质溶于汤中，胶质十足。另一边，重庆辣窝，未上盘都已经闲到！超重牛油味，加上数不尽的大辣椒！眼口鼻舌都感受得到的冲击！配合埋蒜、葱以及麻油做一个干碟，一来就可以降温，二来更加可以增加香味。🍯二十多款生酮食材🍗以为生酮都系食得好闷，但原来唔系！二十多款食材，包括美国Prime 牛小排，十秒食得，油脂入口即化！稻田毛肚，配辣窝系一绝，爽口又入味！麻辣牛肉，好少地方有得食，平辣椒片包著鲜牛肉，一口入魂！
继续阅读
我哋好钟意打边炉架～见渝味晓宇 X 生酮达人唐贝诗推出左生酮火锅一于就去试吓有几款生酮汤底可选择我钟意佢哋嘅麻辣汤底🌶所以叫咗鸳鸯锅生酮或非生酮嘅朋友都可以一齐分享呀！🔸鸳鸯锅：养生花胶鸡锅+重庆麻辣锅🔸生酮杂莓汁鸡尾酒、青柠梳打🔸美国Prime 牛小排🔸嫩牛肉🔸猪心🔸麻辣牛肉🔸纽西兰精品羊肉卷🔸猪肉贡菜滑🔸韮菜饺🔸重庆炸酥肉🔸海带面汤底非常香浓又足料，我最钟意就系将重庆炸酥肉浸麻辣汤3秒拎起食，吸饱汤汁嘅炸皮仲脆的，好好吃！牛肉都好味，爱辣嘅朋友要试吓麻辣牛肉，用辣椒粉腌过好够辣，好劲揪！另外，猪心都好正，烚一分钟，又滑又弹牙。今次仲叫左生酮海带面，外表似粉丝，食落好爽口，好清爽，同埋佢唔会好似其他面咁，吸汤嘅油份，所以食完都冇负担，正。
继续阅读
生酮饮食最怕出街食饭好少选择，最近发现呢间餐厅竟然出咗生酮火锅，有专为生酮人士出嘅火锅菜单，生酮紧嘅我当然要来试试！我拣咗养生花胶鸡锅x大红重庆麻辣嘅鸳鸯汤底 一边养生，另一边就刺激啲，互补返 ！个辣汤好惹味，鸡汤就几浓香。美国 Prime 牛小排、黑豚腩肉补充靓油脂。生酮可以食动物嘅油脂，打边炉滚熟啲肉都相对健身。估唔到仲有猪脑 超嫩滑系我嘅打边炉最爱！点埋个海带面增加饱肚感热量又极低除咗食肉都要食菜，咁就够哂健康啦！水饺就朋友食嘅，我无偷食！生酮唔食得架！仲有生酮特饮：生酮杂莓梳打及青柠梳打，两款都系无糖饮品，用上生酮专用嘅糖，饮得开心又无负担！最紧要系佢连调味料都好讲究全部都系生酮用得 咁就唔会唔小心破酮啦
继续阅读
先讲讲由于屋企揾返黎嘅料都质素好过出面食，而又平啲，平时我系好少出街打边炉。今次系因为突然想食重庆麻辣同埋见到有内脏食所以先拣呢间。一坐低佢哋就俾咗一碗细糖水，等客人唔好一嚟就食辣刺激个胃。呢啲service俾人感觉好有诚意，印象会加分。嗌咗一个鸳鸯锅。一边麻辣中辣，一边猪骨汤。辣汤底：对于食开辣嘅人嚟讲可能唔够辣。咁我见唔系好多客就问下有冇得加辣，个侍应都好好即刻攞多兜辣汁出嚟加落去。味道都算浓郁，系几好，但唔系话特别标青。猪骨汤底：反而呢个有啲惊喜。平时出街打边炉，个清汤都系渌下菜，渌下啲唔落得辣嘅嘢食，但呢个汤底我偶尔都会渌下唔同嘅食材，因为个猪骨味的确几香。佢比起专门食猪骨煲嘅汤底冇咁甜，偏咸少少，都好食，纯粹睇个人喜好。食到最后我食埋骨入面啲骨髓！啲料都真系有啲料到！内脏最紧要干净同新鲜，呢度做到。香港嚟讲选择算多。但我上网睇返个menu，好似唔齐？（落单系用手机落，可能有啲嘢唔系成日有所以冇print喺菜单，净系落单𠮶时会见到）肉类反而冇咩叫，同埋其实可以留返啲quota食其他嘢。叫咗一份羊，还好，钟意食羊嘅略嫌唔够膻。一份嫩牛，麻麻，似系夹硬“乸”松啲肉质。另外仲有一份牛丸，唔掂，散嘅，又唔香，可以悭返。都系食其他嘢好。小菜叫咗一份酥肉，炸得唔错，味道都合格，肉质唔会柴。火锅店嚟讲，想食嘅话都可以嗌嚟食。虽然整体价格高，但啲嘢饮其实好抵。啤酒一jar $88 倒到4~5杯。另外杯特饮都系几十蚊一大杯。整体系有啲贵，两个人埋单过千（不过本身大食，我谂3个人都够食哈哈）但绝大部分嘢都合格有突，而且有内脏食（屋企难搞啲），所以就算呢个价都会想再返嚟食~
继续阅读
通常大家都会觉得打边炉系好heavy, 但其实唔一定架! 渝味晓宇重庆老火锅就同生酮饮食达人唐贝诗合作, 联乘设计左生酮火锅菜单! 而且仲特别转左生酮调味料 (生酮鸡粉、生酮酱油、生酮糖), 有生酮汤底同埋生酮饮品! 令生酮人士唔会破酮, 食住瘦!!//🦁 生酮鸳鸯汤底养生花胶鸡锅 ｜花胶都几多! 仲有滋补虫草花 有清甜鸡味 岩唔食辣既人士~普通辣大红锅 ｜辣得好过瘾~ -🦁 美国Prime牛小排｜黑豚腩肉2款肉味都好香浓~ 油花好靓!🦁 黑松露墨鱼滑｜鲜龙趸片香卤猪大肠｜牛蛙黑松露味好香! 龙趸片好嫩滑~🦁 海带面用海带整既面~ 成份主要系纤维, 接近零卡路里! 味道好似粉丝咁~ 好吸汤又够饱!🦁 青柠梳打｜罗汉果茶青柠梳打用左代用糖, 而罗汉果茶系来自天然罗汉果茶糖, 2款都系生酮饮品 唔洗怕肥~🦁 渝味晓宇重庆老火锅 Xiao Yu Hotpot皇后大道东202号QRE Plaza 6楼
继续阅读