清真惠記

营业中

休息中

從來都唔太吃羊既我,經同事潛移默化後,竟然一條友,膽粗粗咁走去灣仔鵝頸穚熟食街市三樓試下惠紀試正宗咖哩羊腩配飯~~~~係好有羊味,即係果種食唔慣,蘇蘇地既味,但係見嚟親既都叫呢味,個個重食哂添!今次仲配咗蘿蔔,先係$8蚊,至於咖哩就$26蚊,可改牛,雞咁,正係無豬之麻.....

I am now living in US and oh... this is one of the most I missed HK food.The Curry is really really good and the roast duck, fresh and tasty.Whenever I back every year to HK, Wai Kee never failed me.

毎次光顧;都看到有南亞人士一同光顧可想而知其味道的正中都有所保証以前獨孤一味咖哩牛,但已經戎了食牛所以現在都是獨孤一味咖哩羊,先不要小看那一小小碗的咖哩,足夠撈晒一碟飯但如果食羊的話,要小心一點因為有很多碎骨但如果要前往的讀者就要留意一下因為這間店下午6:00是交枱給其他店用所以last order最好在5:45pm前

2人食了咖哩羊腩飯,燒鵝飯,蝦子柚皮,鵝腸.燒鵝飯,全店最正.皮脆啖啖肉．而且勁平.燒鵝好食過再興及鏽記.咖哩羊腩飯抵食,咖埋汁都ok.蝦子柚皮,鵝腸唔太好同埋唔多好食

老闆娘介紹,而且同教會距離都好近,閒來食過=)佢隻咖喱係巴基斯坦咖喱，黑黑地其貌不揚，但就好香，佢既羊腩都好"LUM"，有少少膻（羊肉少少膻先好食Ga Ma....)，好送飯，細既22蚊，配飯就26，大既37，我食既係大既+飯=43.....如果你唔嫌多人同埋地方冇咁乾淨的話都OK既......仲有，呢間鋪6點就收Ga La，好有性格.....

一向知悉這熟食中心有檔咖哩頗有名氣, 今日响樓下買餸, 順道上來試試. 在熟食中心行了個圈, 大小公子話要吃車仔麵及三文治. 在另一邊找了張枱坐下, 先買了給他們吃, 然後我獨自走過來惠記幫趁.檔口前有幾個客在等外賣, 我只好排在後面... 有個啊姐問我要乜, 我想要一碟咖哩羊腩飯, 佢問我係唔係拎走, 我答佢我坐在另一邊, 想買碟飯拎過去食, 但佢竟然話唔得, 無咁樣拎走! 我抱着環保的理念, 堅拒不用飯盒, 啊姐只好冷冷地說: 你响度等吓啦, 睇吓師傅做唔做啦... 真係不知所謂! 之後就有個像老闆的先生問我要乜... 我就重新再講多次我的要求. 之後他叫師傅做了碟飯給我, 再對我說: 唔該食完攞番隻碟番嚟. 我想: 咁就差唔多, 豈有羊腩不準過河的?拿着碟飯及半肚氣回來, 坐下便吃, 咖哩未有預期般香口惹味, 羊腩也不是很腍, 且多骨. 整體上只可算普通貨式, 但勝在大大碟飯只收$26蚊, 倒是化算.下次便要試吓燒鴨, 看看又是否不準過河?

咖哩羊腩飯好大碟,有6-7件~羊腩炆得好入味,好鬆化~咖哩汁又香又辣,好正!我全碟掃清呢~蝦子柚皮好多汁,好腍冇渣冇苦澀味,好正!燒鴨雞飯好大碟,燒鴨真係好好味~好肥美,皮脆肉香,唔鞋口!好掂!!!但雞就好似冇特別啦~呢度真係大件夾抵食~

想寫一個老香港系列，除左大排檔、舊式餐廳、雲吞麵......燒味 and 街市熟食中心一定唔少得啦。一諗起燒味 and 熟食中心即刻諗到惠記啦 咖喱油雞燒鴨飯餐牌唔係寫住油雞而係叫太爺雞...... 不過正式既太爺雞要用茶葉煙燻過既，無經此步既只可以算係油雞 油雞唔太入味而且太熟啦，欠嫩滑有點鞋口。燒鴨 keep 住水準啦，熱騰騰皮脆肉滑留有鴨脂，港式油咖喱少少辣最適合混白飯吃。今日星期日，有印人、巴人、印尼人、白種人、中國人......大家同坐一個熟食中心，無分種族無分貧富大家都係比$25食同一樣既飯，日日聽到乜野反高鐵五十後八十後好煩，係度食完飯忽然多左一種和諧 ( 不如話港島區無幾多間 Halal Food )

每當看完openrice后想去港島試試食物，都會因太遠而卻步。如果坐巴士會很貴又慢，坐港鐵就是太逼了，尤其是假日。通常都是沒有出去收場。這次巧遇要去港島，看準了咖喱食物，惠記最match。咖喱羊真係正的。咖喱味一嘗試有所辣味的，刺激味覺。再嘗羊肉，雖然有一點點鞋口，但是如果食到連骨的那些就會松化一點。羊腩十分入味，小小蘇帶著濃濃的咖喱味，真的很正。在咖喱羊肉碟的底部會放有兩塊薯仔，很香口，十分松軟而薯皮有咬口。略嫌羊肉分量少了一點點，或是飯太多，不夠送飯。鴨比飯的飯比鴨的汁弄熱了，而鴨比十分新鮮熱辣，很久未食過熱熱的燒味！鴨比皮真的很脆！而肉質豐滿而多汁，肉食也彈牙，未食過這麼好的鴨比飯。環境是差點的，地方逼。服務都是看看是誰serve你。但食物真係正，可謂價廉物美。

鵝頸街市熟食中心---對於在灣仔就讀小學及中學的我，有如第二個家。這裡的燒味飯不知養大了多少人。由於工作忙碌，對上一次 "幫襯" 已經是大半年前了。惠記都有 100 個好評了，相信不用多說佢地既燒鴨和咖喱吧。今次crossover 咖喱燒鴨飯燒鴨飯又加飯又加咖喱汁底，就是不用加錢 燒鴨熱騰騰的，皮脆肉滑，皮和肉間留有少少鴨脂唔會燒得太乾。雖是冰鮮鴨但很和味，尤其骨多的部位連骨都有味，淹味功夫到家。咖喱汁是港式油咖喱但有一點點羊羶味，相信是咖喱羊腩既汁啦。$24 有差不多 10 件鴨既，在香港少之又少。店子經常滿座但無坐地加價，是少有的良心企業 今日同場的食客，多為基層 / 印巴人，店員一樣招呼周到。N.B. 清真即 Halal，鑑於回教教規對食物衞生有嚴格要求，教徒一般不會從普通菜市場購買肉類。對於將要遭受屠宰的動物，下刀時先要禱告，誦念真主之名，望其安息；操刀者必須是回教徒，不能假手於教外人。符合教義的肉類，稱為「Halal」

這次來香港,終於品嘗到惠記清真的美味。燒鴨，我連續兩天都去購買。因為住在利景酒店,所有購買非常方便。燒鴨非常美味,買回來后,和姐姐姐夫一下就吃得精光。第二天中午我們又去吃午飯,依然是燒鴨,還有咖喱牛腩飯和羊腩飯,美味啊。咖喱很地道,微辣,牛腩和羊腩也很足量,滿滿一碗,我們都吃得很飽很滿足誒。期待下次到香港的時候,再去品嘗！

行完工展,到此午膳,六個人叫了:咖哩羊腩(大)$37 - 羊腩香又淋,又無羶味,咖哩超正!掛爐鴨(小)$26 - 鴨肶上碟,皮脆肉香,食到嘴舐舐!鵝腸$15 - 爽又淋,口感豐富,醮豉油熟油更帶出鵝腸的香味!蝦子抽皮$13 - 又是一味難得的好菜.咖哩雞(小)$22 - 都好食,但個人都是喜愛羊腩多些.蘿蔔$8,油菜$8,及後再加一碟蝦子柚皮,一咖哩羊腩(小)22及白飯5碗$30,埋單$194,經濟抵食又好味.正!(因咖哩超正,為免浪費,在對面津記買來三片白麵包醮餘下的咖哩汁食,又係超正!)

當年初出茅廬，前輩經常帶我到惠記食午飯，仲記得當年熟食中心未裝修,有狗仔四處搵食，環境惡劣，當時絕少女仔到鵝頸熟食中心食飯，現在無分男女客似雲來咖喱羊腩--咖喱汁夠濃，辣度適中，香味欠層次，羊腩夠肥美，吃到滿口羶香，外賣份量充足，骨少肉多,抵食(外賣返屋企三個人分享)

朋友介紹嘅，今次已經係第三次幫襯啦。呢度最出名嘅三寶分別係咖喱羊腩、焼鴨同蝦子柚皮。 燒鴨試過，似乎“過譽”咗啲，食唔出有乜分別； 蝦子柚皮始終未試過； 反而咖喱羊腩確實濃郁惹味，並唔羶，難怪啲印度朋友、印尼菲島姊妺都嚟捧場…咖喱佢哋食唔少，邊間掂佢哋就最清楚！今次我同朋友要咗咖喱羊腩同咖喱牛腩每碟連飯只需26元，我自己亦分別打包咗咖喱羊腩、咖喱牛腩同咖喱雞，每碗要37元，好似無咁抵！ 兩餐咖喱，兩種不同感受…我第一次試咖喱牛腩，因為每次都賣晒。啲牛腩一“舊舊”大大件，雖然有啲“下欄”嘢，都係啖啖肉，不過啲咖喱好似無上兩次咁香…朋友話佢食嘅咖喱羊腩飯比較多骨，仲未飽…罪過罪過！他亦覺得今次無以前咁香，係咪我哋期望大咗，無咗嗰份驚喜…返到屋企，同太座囡囡再開餐！ 雞、牛、羊都試勻。 我將雞、牛、羊分開用煲加熱，難怪咖喱羊腩係鎮店之寶，羊腩嘅肉汁滲入咖喱汁內，咖喱汁又加重咗羊腩嘅香味，加埋香料嘅味道，咪埋眼仲以為自己身在印度… 咖喱牛腩同咖喱雞雖然無咁惹味，但係都好難响其他地方食到。 唯一係食完勁口喝，要準備啲水果椰青潤喉至好！大致上，清眞惠記飯店嘅咖喱以濃香取勝，屬印度口味，稍為鹹咗啲

中午去到, 嘩~咁多人!!都好彩唔係好熱, 冷氣都夠. 2個人叫了一個咖哩午腩, 一個蝦子柚皮, 個伙計建議叫個例牌燒鴨...唔夠5分鐘全部食物到枱, 我最愛蝦子柚皮, 好多汁好好味. 燒鴨唔肥, 好好食...但係個底有蘿白 最后食咖哩, 可能我都係愛印度咖哩多啲, 這裏的沒有太大驚喜....