清亭越南菜館 (已結業)

晚上同傻鬼想食檬粉係景隆街2選1就入去清亭食. 叫左個香芧豬扒檬- 一般啦...豬扒似普通煎過咁無咩香茅味. 檬粉亦唔夠其他好味.馬拉盞炒通菜- 這味係我地2個都覺得好味, 炒得唔錯又唔會太咸及油.焗青口- 嘩...好咸呀...不過份量都幾多有成8隻. 青檸忌廉- 都唔係成罐忌廉俾我, 有d覺得唔太抵.我就覺得服務好過佢地d食物啦.

前日和女友到銅鑼灣行街食飯，見好耐無食越南菜，就走去呢間嘢食(因Causeway Bay 可以選擇的越南嘢不太多--- 金牛苑、ricepaper、強記及小巴黎水準都只是OK)。叫咗一碗茄汁牛肉河、香茅豬扒凍檬及佢號稱最出名的牛油雞翼...只可用一句詞形容---不知所謂。茄汁牛肉河---係三者中較為可取的一品，嗰汁ok...應該係有花時間煮出黎(因我哋等了很久)，但D件肉就唔得...好似吉野家嗰D碎牛，一D都唔入味。凍檬--- D豬扒仲靱過柴皮，亦無香茅香味，D檬粉就很普通，最重要嘅係D魚露既不香亦太少，正统的越南菜餐廳應該會擺一樽魚露俾客人任點...牛油雞翼--- 粉太厚，雖然炸得幾香，卻彌補不了粉多的缺點。埋單差唔多要$190...真係火都嚟...

爬山後坐公車回香港島，偶爾走過景隆街，見下雨天仍人頭湧湧，就進內試試。點了魚片湯檬($26)和咖喱雞煲($52)。魚露湯頭帶起了味道，魚片爽脆，湯檬久泡不爛。咖喱雞煲雖相對失色，法式麵包泡在咖喱汁裡被蓋過麵包香味，不得不多點一碗白飯。便宜的東西有時賽過貴價食品，這又是一例。環顧四週，牛油雞翼似乎頗受歡迎，下次回來要試試。

男朋友話想食越南野,o黎左清亭我地都係第一次o黎叫左蟹肉炒粉絲,沙爹豬肉串燒,咖哩雞煲配蒜蓉包,椰青,咸青檸梳打個蟹肉粉絲好好味喎好難得炒得咁入味而且仲保持乾身,食落又一d都唔覺得硬~男朋友超鍾意食沙爹豬肉串燒都幾好,落左d香茅一齊燒,好香口,d沙爹汁仲正!另外,個咖哩雞煲都幾好,蒜蓉包同咖哩汁很配合,好惹味~忍唔住食完又食~d雞就食唔落,連汁打包返屋企~整體覺得幾好喎~雖然環境係迫夾d...不過唔緊要啦,一餐半餐~

諗住之後去食雪糕, 所以兩個人只係叫左碗大生牛肉湯檬再加一個炸蝦餅($28)食。碗生牛肉湯檬份量都好足, 味道都ok。點知個蝦餅一黎到, 當堂嚇一跳, 然後得啖笑, 因為真係估佢唔到, 得一塊薄薄蝦餅, 切成五件仔, 真係好唔抵食呀﹗早知加多四蚊叫四隻牛油雞翼($32)好過啦﹗>.<

十點幾先去, 都仲幾多人, 點左三味, 牛肉河, 沙爹牛腩飯, 豬肉蝦卷, 仲有一杯青檸忌嬚. 牛肉河湯底幾好, 好鮮, 咩調味都唔落一樣好食~ 沙爹牛腩..d沙爹好怪, 可能係越南口味, 同泰國D沙爹好唔同, 冇咁香, 麻麻地, d 牛腩好怪, 似牛展多D, 豬肉蝦OK 幾好食, 點埋個醬正好多, 粉皮夠薄~ 整體, ok 啦, 不過我反而覺得渣甸街o個間仲好食D

星期五陪男友換身分證後佢話餓又想食越南野, 本來想去隔離燕萍, 但未開門, 於是就黎呢度.點了牛油雞翼(4隻), 都叫有牛油香及勁多蒜茸,但唔夠脆. 紅粒牛肉飯, 試左少少, 飯只係普通炒飯, 呢個好似燕萍好d. 奶茶及咖啡各一, 味道一般, 過甜.埋單$107

地方太窄細，環境唔ok。最出名個樣牛油雞翼太重味精，食完超口渴。咖喱羊太淋，冇羊味，跟法包轉蒜蓉包加$5，但係先得四片。乜D蒜蓉好值錢咩？搵笨！越式炒飯，超少料，得幾粒扎肉同雜菜粒，食白飯好過！總結：冇下次！

today I bought one as my lunch.It cost $45 but each piece of beef contain 筋, I cannot bite them...therefore, I keep on "vomitting" those 渣after eating a piece of beef....very poor.....too little beef, too many rice...finally, I did not feel full...唔飽never visit this

20051215 8.30pm跟女友A 的晚飯, 友人想吃越南菜, 又來到這條街. 燕萍與清亭之間挑了這家, 原因是- 因為不用等位囉~2人order-* 茄汁牛腩河- A 竟然是第一次吃這種越式茄汁牛腩河, 對此讚口不絕! 腩鬆軟得很! 茄汁不會太酸, 很讚!* 鹹魚醬(?)炒芥蘭- 其實我已經忘記了用什麼炒的了, 但是我還記得是好吃的.* 炸蟹餅- 味道不俗, 但炸的太乾身, 比較遜色.* 炒金邊粉- 比較油, 但很惹味, 忍不住吃了大半碟!* 凍鹹擰水* 熱鹹檸水環境比較差, 位逼得很. 服務一般.埋單約$190. overall 來說食物比隔鄰的燕萍出色, 不過環境就燕萍好一點.

7 December 2005 - 晚飯好友生日，決定一班人黎呢度食，但係原來有得坐樓上，就係喺正正對面既二樓，我都係而家至知！我哋十二個人叫咗兩客牛粒紅飯，三客牛油雞翼，兩客生熟牛肉河，兩客春卷．．．我都唔記得仲有啲乜，只係覺得咁耐冇食好似退晒步，而且食物好似唔熱，仲覺得一啲都唔平！坐地舖又要等好耐，坐樓上啲食物又冇咁熱，雖然坐得幾舒服，因為冇乜人坐．．不過我諗我真係唔會再點黎。

D牛油雞翼冇以前咁充滿牛油味道,但生牛河還可保持水準。

環境Very迫, 迫你order, 迫你食快D(D嘢未食完就收你隻碟), 迫你埋單(待應自己攞張單比你, 我都冇叫埋單)....2個人食咗150大元, 只係用咗25分鍾...唔會再去...

清亭是我吃越南菜的首選. 雖然坐得唔太舒服, 但味道好, 招呼亦不錯.今次食左生牛肉河, 豬肉蝦卷, 軟殼蟹和鹵水汁唐生菜. 每樣都好好味.吃生牛肉河, 別忘了問侍應要青檸辣椒和香花菜(好似係咁叫). 擠些青檸汁, 加些辣椒和香葉, 成碗牛肉河完全唔同晒!

星期日六點幾黎呢度食晚飯, 可能尚早人唔多. 對上一次黎已經係四年幾以前既事了(講明先, 我唔係好老架咋, 哈哈), 第一次食仲係佢地未響對面搬鋪既時候. 記得個時俾錢都仲係吊住d"桐"響頭頂拉來拉去. 今次再黎食無叫佢地既紅牛粒飯, 我同bf 叫左個燒豬肉撈檬, 一個satay牛肉飯及牛油雞亦同一杯咸檸檬梳打. 咁耐無食, 梗係覺得水準不再, 雖然第一次食佢地既燒豬肉撈檬同satay牛肉飯, 但味道唔太好, 檬粉太淋, 而且d汁唔夠味, 但個燒豬肉就幾好(雖然少左d). satay完全係生粉糊, 無satay味仲加埋d急凍牛肉片, 好難食!!牛油雞亦雖然都無大大隻, 但梗係覺得無以前咁香牛油味.... 如果下次黎要排隊等位既我就唔會黎lu!!