影片
上环苏杭街路口有间三𩠌饭，白色招牌上面大大只字写住上环添饭𩠌，仲有多张纸写住$34两𩠌、$42三𩠌，都真系几抵😗12点半午餐时间，成日都好多人挤满舖面，因为 $42蚊就有三𩠌饭，仲要系有菜有肉好多选择🥬🍗今次试左三𩠌饭，一入去店员就系外卖盒上装满一大碟饭，太多选择样样都好吸引🤩拣咗蒸莲藕有好多块好爽，仲有烧汁豆腐泡好入味，加上一大块香煎鸡扒🐥脆皮！性价比真系好高，加钱仲可以要埋是日靓汤𠻹🍲
继续阅读
见到呢间几出名既两送饭开左系上环 所以今日落雨都去试下 我叫左蜜汁牛柳粒同土豆丝 但系返到去打开发现蜜汁薯仔牛柳粒一粒牛柳粒都冇😅😅😅真系变成薯仔大餐 非常失望。
继续阅读
生炒骨真系得骨，又冇叫错名，唯一个少少肉好鞋，重点系其实我唔系叫生炒骨，个呀姐唔系好识广东话，跟住又听错哂，另外样𩠌又系唔知执咗啲咩俾我，我知你哋想快赚多啲，但最基本执啱俾我啦唔该场面极度混乱，几个人同一时间讲嘢，行埋去不停逼你拣，我即刻叫出嚟你又听唔到，你想快都要准㗎，啲客唔知有咩拣，同你讲完话要个𩠌你话有跟住执咗其他嘢俾我，由于佢闩咗个盒个样又睇唔清又混乱，根本未返到 office都唔知佢俾咩你…
继续阅读
今日十二点路过苏杭街见到呢间双𩠌饭店舖门口大排长龙，心谂应该都有啲口碑挂，即管买个双𩠌饭试下。门口橱窗大大张 poster写满各类饭𩠌，图文并茂，大大只字写住招牌双𩠌饭只系30元，见佢有两个𩠌好啱食兼且写明系金漆招牌，谂都唔谂就决定叫呢两款呢两款𩠌就系梅菜扣肉同豉汁凉瓜牛肉，梅菜扣肉有两大块五花肉加少许梅菜，五花肉唔会太肥，炆得够淋，味道啱啱好，唔会话好咸，豉汁凉瓜牛肉，好惹味，凉瓜有少少甘味，配牛肉就系绝配。终于明白点解会有咁多人排队帮衬！
继续阅读
「三𩠌饭」系前段时间开咗好多，不过一般人都系因为觉得便宜方便才会选择它，味道方面很少会去考虑，但系上环最近新开左一间价钱便宜而且食物质素都唔错嘅「三𩠌饭」，好适合打工仔嘅午餐选择款式好多，而且份量都好足，基本上你一星期七日午餐都系「三𩠌饭」也可以每天不一样个人比较推荐；蕃茄炒蛋（配饭食简直一流）莴笋（爽爽脆脆，唔会好淋身）水煮牛肉（辣辣哋好开胃）而且最主要系佢味道唔错，价钱又抵食；两𩠌饭先$30，三𩠌饭才$38！依个价钱系中上环真系好抵食架啦以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
继续阅读