添飯餸 (已結業)

這間店的質素越來越好，白飯有香味，雖然大熱天時，咕嚕肉仍很新鮮，有肉味，沒有絲毫變壞的臭味，非常驚喜，是沙漠中的綠州，而且長期維持高質素，得欣慰，衛生狀態完全無可挑剔。而且脆漿又脆，意料之內的好，脆漿和豬肉完全沒有分開，實在很好。味道很可以。茄子夠軟，很不錯。但咖哩雞的雞肉不會跟湯渣一樣嚡，好吃。咖哩汁拌飯亦很好吃。三餸飯42元不貴，咕嚕肉又太差，魚香茄子很好，水準不會時而飄忽。咖哩雞則薯仔和咖哩汁都很可以。雞肉長期高水準，也可以考慮換一下牛肉和牛腩。薯仔粉粉的，好吃，衛生亦令人安心。…查看更多

兩餸飯飯量正常，但餸菜越來越少，點了兩餸咖喱雞和咕嚕肉，整盒只有兩件雞，其他都是薯仔，其他餸量都比平時少，越來越不合理。咖喱雞維持老樣子，咖哩汁和薯仔都很有水準，薯仔很粉，又入味，但雞塊一如以往真心不行，又少，又嚡，又老，又過火，搯餸那位店員要注意，不應該厚此薄彼，應該要平均一點分配，汁多餸少不公平。雞的肉質一如以往的不合格，不過關。咕嚕肉這次的顏色終於比較好，但都是涼的，一點也不熱，但比上兩次好一點…查看更多

上環蘇杭街路口有間三餸飯，白色招牌上面大大隻字寫住上環添飯餸，仲有多張紙寫住$34兩餸、$42三餸，都真係幾抵😗12點半午餐時間，成日都好多人擠滿舖面，因為 $42蚊就有三餸飯，仲要係有菜有肉好多選擇🥬🍗今次試左三餸飯，一入去店員就係外賣盒上裝滿一大碟飯，太多選擇樣樣都好吸引🤩揀咗蒸蓮藕有好多塊好爽，仲有燒汁豆腐泡好入味，加上一大塊香煎雞扒🐥脆皮！性價比真係好高，加錢仲可以要埋是日靚湯𠻹🍲…查看更多

見到呢間幾出名既兩送飯開左係上環 所以今日落雨都去試下 我叫左蜜汁牛柳粒同土豆絲 但係返到去打開發現蜜汁薯仔牛柳粒一粒牛柳粒都冇😅😅😅真係變成薯仔大餐 非常失望。:(…查看更多

生炒骨真係得骨，又冇叫錯名，唯一個少少肉好鞋，重點係其實我唔係叫生炒骨，個呀姐唔係好識廣東話，跟住又聽錯哂，另外樣餸又係唔知執咗啲咩俾我，我知你哋想快賺多啲，但最基本執啱俾我啦唔該場面極度混亂，幾個人同一時間講嘢，行埋去不停逼你揀，我即刻叫出嚟你又聽唔到，你想快都要準㗎，啲客唔知有咩揀，同你講完話要個餸你話有跟住執咗其他嘢俾我，由於佢閂咗個盒個樣又睇唔清又混亂，根本未返到 office都唔知佢俾咩你……查看更多

今日十二點路過蘇杭街見到呢間雙餸飯店舖門口大排長龍，心諗應該都有啲口碑掛，即管買個雙餸飯試下。門口櫥窗大大張 poster寫滿各類飯餸，圖文並茂，大大隻字寫住招牌雙餸飯只係30元，見佢有兩個餸好啱食兼且寫明係金漆招牌，諗都唔諗就決定叫呢兩款呢兩款餸就係梅菜扣肉同豉汁涼瓜牛肉，梅菜扣肉有兩大塊五花肉加少許梅菜，五花肉唔會太肥，炆得夠淋，味道啱啱好，唔會話好鹹，豉汁涼瓜牛肉，好惹味，涼瓜有少少甘味，配牛肉就係絕配。終於明白點解會有咁多人排隊幫襯！…查看更多

「三餸飯」係前段時間開咗好多，不過一般人都係因為覺得便宜方便才會選擇它，味道方面很少會去考慮，但係上環最近新開左一間價錢便宜而且食物質素都唔錯嘅「三餸飯」，好適合打工仔嘅午餐選擇款式好多，而且份量都好足，基本上你一星期七日午餐都係「三餸飯」也可以每天不一樣個人比較推薦；蕃茄炒蛋（配飯食簡直一流）萵筍（爽爽脆脆，唔會好淋身）水煮牛肉（辣辣哋好開胃）而且最主要係佢味道唔錯，價錢又抵食；兩餸飯先$30，三餸飯才$38！依個價錢係中上環真係好抵食架啦以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

意外驚喜，選擇多，性價比高，味道唔會太重健康d。我哋呢啲「無飯家庭」，非常之歡迎有兩送飯。上環區有三間兩餸飯，我最鍾意「添飯餸」呢間。1. 安記對面個間：其實係我樓下最方便，但太重口味，搞唔掂，唔知點解個個餸同一個味同辣；2. 永樂街個間：味道正常d，都抵食，但7點幾放工時淨返嘅選擇，冇乜肉，唔係咁啱我口味；3. 新開蘇杭街頭近中遠呢間「添飯餸」，離我最遠，但選擇同口味最啱我，仲有湯同糖水；性價比好痴線地高，兩盒兩餸$30x2，兩盒湯$8x2，加一盒糖水(唔記得幾錢)，同一支涼茶($15)，最後都係$100有找，呢個價錢我平時call 外賣app/只得一個餸。兩盒兩餸，叫咗肉餅，蝦仁炒蛋，牛柳粒薯仔，苦瓜，全部口味都好滿意！！(我哋太肚餓，食到一半先記得影相)味精唔重，食完唔會太口渴；個湯，糖水，涼茶都OK！！ 相信呢度會變咗我地屋企嘅飯堂！！…查看更多

路過才知道新開了一間兩餸飯，永樂街及街市鐵皮檔附近其實也有類似的。看看此店舖有什麼特別。參考附有圖片，非常清晰，價錢也寫得很清楚。款式也很多，另外有涼茶甜品可以加錢。總共買了三次兩餸飯$30，份量正常但是相比其他店舖份量小一些，但是味道比較清淡非常合意。京都豬扒非常軟淋，蒸魚也是一樣餸不用另外加錢，涼瓜牛肉也很好吃😋但咕嚕肉偏肥，沒有什麼肉。相比其他店舖，其他有炒蜆，牛仔骨，炸蝦等比較吸引，款式尚有改善空間。店員非常有禮貌，下次會再光顧。…查看更多