添飯餸

营业中

休息中

觀塘的添飯餸，是打工仔的日常美食。今天打包了一份滑蛋番茄和黑椒肉片的兩餸飯，份量實在豐富。滑蛋番茄的賣相誘人，鮮紅的番茄塊與金黃的蛋液相得益彰，醬汁裹著蛋花，香濃可口。番茄煮得恰到好處，帶有自然的酸甜，與滑嫩的蛋花相得益彰。黑椒肉片的醬汁濃郁，肉片切工均勻，火候適中不會過乾，依然保持著鮮嫩多汁的口感。黑椒的香氣撲鼻，帶有適中的辛香，與清淡的滑蛋番茄形成絕妙的味道平衡。白飯粒粒分明，吸收了兩種醬汁的精華，每一口都是滿足。即使是外賣，食物的溫度和口感都維持得不錯。這樣一個價格親民的兩餸飯，不僅能填飽肚子，更能讓人在忙碌的工作日裡，感受到一份簡單的幸福。

今次又係去食兩餸飯，冇計，因為窮。添飯餸又係兩餸$34 ，今次比上次新開張嗰時候少人咗啲，所以好快1:00排隊就輪到咗我。見到都係因為店舖面積比較細，所以餸菜選擇相對比較少，同上次種類差唔多，可能食埋今次就轉其他兩餸飯。先講吓，今次我食咗啲乜嘢餸，我食咗牛仔骨同埋冬菇蒸雞。牛仔骨佢嘅煮法唔算太過入味，但係肉質比較腍，可能落咗好多鬆肉粉，但係牛仔骨嚟講肉鬆先可以咬得入，所以可以體諒佢落咗肉鬆粉來嚟整腍啲，但係會令到味道反而冇咁好。至於冬菇蒸雞不過不失，阿姐都俾咗好多肉俾我。$34算係咁。👍🏿👍🏿總括而言，佢嘅缺點就係餸菜款式太過少同埋經常相同，所以想選擇比較多嘅朋友可以選擇其他兩餸飯店舖，但係添餸飯算係不過不失。

早幾日見新開咗添飯餸，所以嚟睇睇有咩揀。見到佢兩餸飯賣$34 ，送嘅選擇唔算話十分多，因為可能店舖面積所限，另外佢有糖水同埋唔同飲品可以選擇，我就揀咗雲耳蒸雞同埋薯仔牛肉粒。雲耳蒸雞份量多，肉嘅份量都算多，同埋味道都算唔錯，至於薯仔牛肉粒，佢比牛肉粒嘅份量，我覺得太少，味道方面我覺得$34嚟講算係唔錯，當然佢牛肉粒係算比較乾身。整體嚟講我覺得$34可以買到呢個質素算係唔錯，會在嘗試翻食，佢嘅地點係喺宏利金業中心2樓。