添記麵皇

呢間野D服務態度唔錯.上菜速度都算可以接受. 最重要都係不含味精.而家D店舖已經好少唔落味精.食完一D都唔口渴.我叫左牛腩米線/.D牛腩唔係太濃味.不過勝在夠林.個人喜歡食林野…查看更多

大前日(12-5-2013 Sun)同男友探完親返荃灣,為晚飯買餸,同佢路經呢o度,佢記得呢間豬扒唔錯,叫我o係呢o係呢o度買餸,哦?!我o地睇睇,佢重見到有$20.00o既炸鯪魚球,話都買呢個,而香茅豬扒同樣係$20.00.我o地畀o左錢後就坐低等等.我同男友商量冇菜喎,我記得呢o度有油菜,就問亞姐油菜幾錢同有咩o野菜?$10.00,有菜心,芹蘭,通菜同生菜,唔…要兩個啦,一個菜心,一個生菜.然後男友又問我有冇生o既餃子拎返去煮?我答唔使啦.(其實唔想o係o度買,要買都去民豐吧.)等o左幾耐吓,所有o野整好其4個盒,其實兩個菜用一個盒裝已經可以呢.我一路拎住,啲蒸氣就由盒o既窿釋放出o黎,熱得我吖.而我地搭車返屋企時,都嗅到香味,覺得應該好好食. 返到屋企等到食飯時間喇,噢,啲o野凍晒,兩個菜o既份量都唔多,炸鯪魚球只有五粒,但新奇地畀沙律醬我o地蘸,試吓先,我覺得唔係幾配,鯪魚味重但食到辣味,係胡椒粉太多?外層脆就已經唔脆喇,不過都仍暖暖地同都算彈牙,男友就話蘸沙律醬食都唔太差.然後食香茅豬扒,同樣外層已經唔脆,香茅味極濃,肉質鬆軟,唔錯.最後o個兩個油菜味道正常,不過真係太少喇.味道分係3.5分…查看更多

每每走過鋪頭都會聞到香茅豬扒的香氣員工並沒有嬉戲玩笑, 各顧各地工作下午茶優惠是$30碗麵包冷/熱飲品奶白色豬骨湯底內盡是洋蔥、蒜蓉、芹菜加埋的甜, 米線軟滑, 吃入嘴裏舒服；還有清爽芽菜及木耳絲帶來的「嗦嗦」口感...湯甜‧軟綿‧爽爽 ... 諗起想再食香茅豬扒要盡快吃, 時間一到脆皮即腍, 是濕濕地的腍 豬扒是手打的鬆, 而非化學的鬆, 香茅味道濃郁但不見香茅枝段, 估計是用香茅調味粉調味。…查看更多

添記位於荃灣交通唔方便因為唔在香港的中心大陸既朋友就唔好去啦添記面積唔大得十幾個位peak hour 真係唔好去了去到就要排隊排隊有咩做最好睇電視佢果度有有電視睇真係要加分有電視睇汁都撈埋D野都好食D環境都干淨無老鼠有香味係豬扒味成間店都有好正~!!!!我最鐘意就係豬扒當然叫左個豬排米線有木耳同洋蔥配料木耳係黑色係植物黎有美顏作用食完真係靚左洋蔥食完好想哭兩樣野既配搭方式都好新鮮超碼第度食唔到豬扒都ok, 係夠大, 大過你塊面,又脆又軟又肉夠多, 真係要讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚!!值得一試~…查看更多

主打係車仔米線，標榜曰式豬骨湯底，無味精呢間係一家好普通嘅食店，但伙記之間好熟，有人情味車仔餸有好多選擇，豬肝、魚片、豬手、等等，我今晚揀左好普通嘅魚餃、羅白、腩肉三併，盛惠$29，再加碟油菜及豆漿，加$9呢道湯底比較濃，有好多洋蔥，葱花放響匙更上，放幾多悉隨尊便係呢個高通漲時代，有食肆唔加價，但就減少份量，我呢啲大食怪會唔夠飽，我寧願好似呢間鋪咁加小小價，食得飽好過總結：曰常一餐，要求不多，乾淨、食得飽，啱晒！…查看更多

今日(8-3-2011 Tue)爸爸上大陸,於是今晚又自己攪掂,放工已開始肚餓,但諗唔到食咩o野,麥當勞新出o既三款雞翼?又麥當勞,都係唔好喇.銀龍啦,行去睇吓有咩o野食,不過一邊行一邊諗,行到呢o度附近記得呢間,行到o黎就停低睇睇.有車仔麵,就揀個$27.00三餸啦,要貢丸,牛腩,豬紅幼麵,要個油菜,今次揀芥蘭,埋單$36.00.亞姐整好o左重有杯豆漿,咁我拎返屋企食o勒.打開個麵,見到貢丸有兩粒,豬紅有五件,唔太大件o既牛腩有六件咁啦,幼麵就唔太多,好,食lu.幼麵腍o左啲,湯有點點鹼水同唔知咩味撈埋,覺得麻麻.而貢丸豬紅呢啲冇問題,牛腩味道唔太濃,夾埋芫茜食覺得唔係咁o岩feel.芥蘭苦苦地,就算蘸蠔油食都遮唔到;最後豆漿甜甜地,.上o黎睇返食評,原來呢o度加價都加得幾犀利.…查看更多

Oh....一入去坐低睇menu,見米線加左價...本身 三餸米線$25,而家$26~ 四餸米線由$27變$29...wow~ 五餸由$30變$34...不斷晉升的價錢...... 三餸米線 **呢次我唔揀米線,要粗麵~點知都唔係我想像中咁粗...屬幼身~**炸醬 碎肉有幾粒好硬..帶有少少肥肉..而且又多油..不太健康..下次都係講多一聲分開上便好了...**札肉 共6片,幾好味~**金針份量好多,味道清淡,不錯!我地坐0係餐廳位置中間的桌,點知冷氣超大,真係好凍 之後我地轉桌,坐返入去就好返d...態度同埋工作效率也ok的~…查看更多

第一次試 炸醬::點知見到好多油浸住碎肉.....食落去憂味多過甜味,其實唔係咁特別,可能呢間米線店唔係主力sale 辣!所以炸醬自然平平無奇,無乜咁特別!令到我有點後悔無叫佢分開上..炸醬搞到成碗米線的湯底完全失去左豬骨味的味道..... 牛腩幾好味,不過唔係好大件,質素6.5分!如果你只係想食下牛腩,都不妨可以試下,但要求不可以太高呢! 生根共有4件,幾好味~咬落去有生根的汁湧出來~味道良好 整體來說,米線並非 非常爽滑,如果你希望係25元可以食到3款配料,要求不太高,又想醫下肚~咁就不妨可以入黎試下! 如果對食物很有要求,咁就建議可以試下其他米線店好了!以免令自己失望吧~ 任何1款米線 +$7 芥蘭 及 豆漿不過豆漿真係過甜.... 呢次點的芥蘭 比較多油,但勝在味道不錯的~新鮮,份量又夠多,而且美觀!!!新的女waiter,約40多歲,佢落單果陣很有禮,態度good! 加上上菜又夠快,仲記得上埋豆漿~雖然今次係搭枱坐,不過又唔會好迫~ 1pm多,都唔會好多人排隊等位~經過呢次0係道享用米線時,同時發現呢間餐廳的人氣並不太高!…查看更多

當0係旺角上完普通話堂,飛返黎荃灣食lunch~的確很肚餓了…. 到達時間2:10pm,都有好多空位,但果日係星期日,但係得2個waiter,人手真係少左d… 落order的女waiter態度幾好! 我點左個3拼自選米線 牛腩+金針+雲耳米線 $25 , 雖然每款的配料唔會比得好多,但我都感到滿足了~好食咁就得架喇個豬骨湯底唔係咁淡味,咸味適中~而且幾好味,原來金針就好似韮菜咁0既賣相,食落口都幾特別,口腔中傳出一點吱吱聲~咁多款配菜都感到滿意~雲耳幾爽滑!大大朵~ 全部蔥花,莧茜及蒜茸粒在湯匙上,綠色望落去非常之分明~我將蔥花+莧茜加埋入去湯底後,非常入味,滿心滿足!! …查看更多

3拼米線 $25貢丸 2粒~ 尚彈牙,而且飽肚感高~白蘿蔔 4-5件~只係有少少苦味~還可以的,清甜 腩肉 幾件,唔係厚切~半肥半瘦,味道醃得不太差~整體黎講,見d料 唔算好多…不過點都覺得係飽的~ +$7 油菜+豆漿 --芥蘭 大大碟,份量多,又幾新鮮~用油灼過的~等幾桌一齊cook,所以要久等1會~1st見到個男waiter,佢幾nice,仲好強烈聲稱話「試下啦，無味精的」,仲有個有點似日本人的女waiter,都幾好人~ 不過比漏左凍豆漿….之後追返~係略甜~無乜特別的 廚房員工2個,穿日式制服工作,可能呢間店sell 日式豬骨湯的昇係,所以穿日式制服吧計食物質素,還可以的~…查看更多

今日(18-5-2010 Tue)爸爸有事返大陸,但晏晝攪掂晒返落o黎,不過可能太攰所以唔煮飯,啊,冇問題,我買o野返o黎同佢食啦.就o係呢o度買個$27.00lo既香茅豬扒米線走木耳絲,我自己要$27.00o既紫菜六寶米線,有貢丸,墨魚丸,龍蝦丸,牛丸,魚丸同魚皮餃,兩個油菜,一個生菜,一個通菜,亞姐話有兩杯豆漿送o既,見有炸韭王餃,但我唔常再要炸o野咁熱氣,於是問有冇淨韭王餃,要湯o既?亞姐答有,我問幾錢?佢答$27.00,啊,咁要啦.呢餐total$97.00.等o既時候,見亞姐好有心機咁幫我砌好畀我拎,我見有咁多個盒都嚇一跳,重擔心咁問亞姐,一個袋夠唔夠力,佢話應該夠,咁我就戰戰兢兢咁拎返屋企.返到屋企即刻放低佢,其實已經歪o左喇,叫爸爸攞較剪剪開佢先,打開所有o野,嘩!啲湯多到呢,好彩只我功力都幾夠,冇乜點漏湯.擺好陣後就食喇,米線浸腍o左喇,啲丸丸亦多數腍晒,只有牛丸,貢丸同龍蝦丸未..我問爸爸覺得豬扒好唔好食?佢答好食.而通菜有太多腐乳,好鹹,生菜冇乜問題.而韭王餃好香韭王味,內裡冇蝦只有豬肉,但都好好食.豆漿就太甜喇,好彩雪凍o左至好飲啲.而我同爸爸食唔晒,好彩男友o黎o緊,除o左兩個米線外,佢就食其他o野,我其實食o左兩粒韭王餃,我問男友食到幾多粒韭王餃,佢答有7粒,咁唔通有9-10粒咁多?男友話有好多芽菜,攪到佢淨係食呢碗o野都飽晒.最後食淨兩個菜.服務:亞姐好好人好友善…查看更多

尋日(6-5-2010 Thur)由於爸爸上大陸又冇晚飯食,男友又話過o黎.放o左工邊行邊諗食咩o野,諗到喇,一係試點精品,一係帶佢o黎食呢間.會合o左男友畀佢揀,佢就揀o左呢間.o黎到都唔係好多人,裡面冷氣好夠,好正.我同男友都叫o左$27.00o既米線,男友要鮮桂花魚片米線,我要鴛鴦雞翼米線,又叫個$16.00o既炸豬扒做小食.等o左一陣,我o既鴛鴦雞翼米線到o黎,但碗內只有一隻滷水雞中翼,亞姐話另外兩隻炸o既會另上.啊.咁我先食喇,配菜同上次o既一樣有咁多種,滷水雞中翼入味帶鹹,米線唔太腍,可以.男友o既鮮桂花魚片米線都到o黎,都幾多魚片,食落都冇乜問題.而炸豬扒都到o黎,食落仍有好濃o既香茅味,男友第一次食,問我同魚鱻比較,覺得邊間好食啲?我答呢間有味道,但其實各有各好,我o地食o既就多一個好選擇.而兩隻炸雞中翼o黎到,我又食吓先,嘩!o岩o岩炸起,好熱氣,都係攡吓至食.食完之後我覺得唔夠飽,又見到有滷水牛(月展),男友話叫啦,應該唔會太多,咁我又想飲o野,就加$5.00要凍豆漿,男友又話要,咁又叫埋滷水牛(月展)啦.滷水牛(月展)$16.00.豆漿到o黎,只係室溫唔凍,而味道都幾甜吓.至於牛(月展),等o左幾耐至o黎,一碟都唔算少,食落,仍然凍o既,係雪住o左o既,又好入味幾鹹,唔知係咪雪得太耐,有啲乾啦.呢餐埋單共$96.00…查看更多

今日(14-4-2010 Wed)爸爸上大陸冇飯食,放o左工諗食咩好,本來諗住麥當勞,但天氣又涼涼地,唔係好想食.行經呢o度,見有香茅豬扒拉麵$30.00,試唔試呢間好呢?Um……就試吓啦,入到去坐低就叫呢個拉麵,亞姐問要唔要油菜?加$8.00咋,有生菜,菜心同芥蘭,重送豆漿.咁我要菜心啦,我問有冇熱豆漿?佢答冇,只有凍.啊,好啦.豆漿o黎到,飲吓先,好彩唔夠凍.但味道唔濃.之後拉麵先到,拉麵唔係咁多,有芽菜,木耳絲,洋蔥絲,蔥花,芫茜,亞姐話豬扒會另上,又一陣後豬扒o黎到,係炸豬扒o黎.先試豬扒,熱騰騰o既,食得出有香茅味,good呀,而肉質夠鬆亦唔乾.而拉麵呢,仍有啲唔夠腍,味道亦有正宗日本拉麵咁好食,食唔到蛋香味.湯底唔係好濃,但冇味精.最後菜心到o黎,都幾多,又嫩又冇渣.其他:我一路食,一路聽到廚房有揼o野聲,原來係自己揼鬆啲豬扒,唔錯啊.…查看更多

腩肉+芝士腸(共4條)+尤魚 米線 $25/3餸真係大大碗呀,腩肉切片,半肥半瘦的肉~芝士腸~個皮脆卜卜,質素不太差!!尤魚~質素一般!切成細細件咁湯底方面,我食落口,都相信係無加味精的~ 另外加7元有油菜+豆漿tim呀,真係幾抵~選了芥蘭~下次order少油好d..因為油..係多左d...賣相很好~幾新鮮,又多選擇!豆漿普通size~甜度一般~在此店,唔會坐得好迫~而且職員態度很不錯呀,當日係星期6 lunch time 1:30pm ,等位只係得我+朋友等,,之後都好快有位呀…查看更多

lunch時段唔算太多人,可能唔近巴士站,地鐵站之類吧,間鋪唔算好大~但睇落去都幾衛生~meau印得幾好~欣賞欣賞 25元3拼米線~金菇,腩肉,生根~米線唔係非常的一級棒好吃~因為唔係主要sell米線的,,係sell個豬骨湯底,很yummy,很清~無油的~所以都飲左好多~又唔覺口乾!!個湯底是不錯不錯的~而且份量都唔少~其實3個配少,25元都平架喇個碗也是一般米線店大大個紅,黑色的碗,每次扲碗米線俾客人,waiter都會加句「無味精架,試下啦」其實腩肉唔係好多,半肥半瘦,能夠迎合大眾化需求的~生根無bi油出來~~口感都幾好呀金菇又幾多,食落去唔會有泥沙,挺好但我食完之後都唔覺得口乾,我諗真的無味精吧!…查看更多