添寶手撕雞 (已結業)

今天又再買左半隻香辣手撕雞 ，班店員好友善又有禮貌 ，d雞都幾滑，手撕雞啲汁好惹味，海蜇好香，食過返尋味，拎嚟撈飯一流。啲牛展擺咗上啲飯度熱咗少少軟林林咗熱食又幾好味喎，衰在冇啤酒賣如果唔係我會食多半隻雞，冇計啦懶得行呀嗎。只不過有個小小缺點...就係每次買都會有小小吾同味 有陣時濃味d 有陣時又會淡左小小！不過都理解嘅，可能落得多汁同小汁嘅關係啦，不過唔緊要都是好食的！已支持2年 會繼續支持！ 下次會試埋個黑松露手撕雞感覺好似好吸引😃

結業咗又開返，但甘既質素不如吾開。離曬譜❗️先買咗三樣嘢食，就有兩樣小食變曬味，買完返到屋企已開嚟食，食第一口仲以為轉咗配料，酸咗，酸得好奇怪，可能落咗醋？難食咗，因為之前都有幫襯過有對比，但聞真啲先發現已經變曬質，牛肚更有酸中帶少少臭嘅味道❗️❗️吾敢再食，仲要食定止肚痛藥，今次重開仲要加咗價，用咗$138買咗半隻雞，變質的牛肚同酸得好奇怪既牛展❗️諗起都覺得蠢咗！天氣熱吾係藉口，無法保證基本質素就吾好做飲食生意！永世都吾會再幫襯❗️諗起我仲吞咗落肚就想嘔，仲要嘔吾出🤢

去買兩個冷麵做晚餐，一盒要酸齋+生腸，見店夾餸份量正常，第二盒要手撕雞，另加$8-加海蜇，一時無留意佢夾嘅份量，拎到返屋企打開個盒一睇超嬲，因為先得一啖多少少，實在太過份喇😤😤😤之前都有試過加，雖然係少但絕對只得一啖嘅份量囉，今次真係超嬲😡

添寶手撕雞現時有多間分店小店主打是手撕雞, 不過我今天是買了這間的涼伴小菜小菜款式都有很多款式可以選擇蒜拍青瓜、白辣豆腐、甜酸麵筋、尖椒皮蛋、麻辣豬耳、粵香豬手、爽脆生腸、白水鳳爪、麻煩燻蹄、麻辣牛肚, 舟山海蜇, 還有數十款…我選了三拼豬大腸、牛肚及蓮藕片, 涼伴小食有驚喜, 很入味、豬大腸、牛肚有咬口, 蓮藕片很爽脆, 一盒很大份, 塞到外賣盒滿滿的, 下次可以再試其他口味小菜店面乾淨企理, 店員有禮貌, 整體不錯

岩岩開張果陣勁大個盒 裝好裝滿 覺得幾好隔左好耐諗住都係咁多點知$65 個盒又縮晒水 變相 加晒價。倒出黎都唔夠半盒….先唔講味道 淨係個size 細左好多 都真係好失望 覺得店家好無誠信 以後都唔買了

收工經過見排哂隊，決定一試。叫咗個麻辣手撕雞冷麵套餐，加2個皇牌小食-海蜇&墨魚。麻辣味係出色嘅，但係 份量同價錢唔成正比。唔講以為食緊青瓜絲明明套餐名係手撕雞冷麵套餐，主菜竟然唔係手撕雞，青瓜絲夾完又夾！數吓得12-14條雞肉絲，大量青瓜絲！不如改名青瓜絲冷面海蜇&墨魚 味道唔夠，但夠咬口，相比之下份量尚算正常。++++++++++++++++++++++抵食：⭐️ $57 得幾條雞絲，真係有點失望味道：⭐️⭐️⭐️麻辣味好夠👍🏻夠麻但如果可以揀小辣就好較怕辣

發現呢排喺路德圍開咗間手撕雞外賣店，就嗌個外賣返屋企當加餸😋半隻麻辣手撕雞（中辣）手撕雞本身好滑，唔靭同食到鹽焗雞嘅味，麻辣就係加麻辣醬，店員再即刻幫你撈，佢哋麻辣醬真係夠麻夠辣，非常推介👍🏻 平時去好多標榜食辣嘅舖頭，麻辣都只係得辣椒油，所以呢度令我非常驚喜，我呢個嗜辣嘅人感到非常滿意😝係舖頭見到佢哋除咗手撕雞，仲有好多唔同嘅小食，心思思另外一日就買咗10款小食加餸🤣 我哋揀咗牛肚、豬耳、豬肚、酸齋等等，小食嘅味道全部都唔錯，我最鐘意嘅係豬耳，爽脆得嚟又夠滷水味👍🏻 另外份量勁多，兩個人食咗兩餐先食得哂😂 百零蚊好抵食👍🏻-順帶一提，兩位店員非常有禮，以後會繼續幫襯！

因為疫情之下，成日都係外賣平台叫外賣速遞嚟食。今次揀咗呢間天寶手撕雞諗住唔係太Heavy。手撕雞拼盤 (HKD152) - 包左半隻鹽焗手撕雞、四款小菜（頭抽墨魚、海蜇、雞腎同埋薰蹄）手撕雞係比我想像中好食，好香鹽焗味，分量多味道都唔錯又入味。因為疫情冇得去台灣，試咗好多間台灣鹽水雞，但冇味，雞又硬。呢間算幾好，可以番兜。小食來講我本人最鍾意雞腎，因為夠爽又夠入味。墨魚都夠爽同入味，但唔夠大嚿，所以唔夠口感。海蜇同薰蹄就好普通，下次就唔會叫呢兩個，試吓其他嘢。叫咗兩大盒嘢食，自己再煮多個公仔麵襯返，正！以外賣平台來講百零蚊，有兩大盒嘢食都算抵食嘅。

聽朋友話荃灣開咗間手撕雞，A1出口，好方面，位置都易搵。今日由川龍行完山就去試吓。我哋點左一隻麻辣手撕雞外賣，小辣，d雞好嫩，佢加左啲芝麻，秘製醬汁，食落都幾香，惹味，辣度剛剛好，非常開胃，食到停唔到口，送飯一流。雖然都有好幾個客等，夥計手腳都好快，三分鐘就搞掂。我見佢地仲有好多款涼拌小食，有豬手，牛展，青瓜，墨魚，豬潤，豬耳，全部都係我至愛今次專程買雞加送，下次先至再試聽講佢屯門同埋大圍都有分店，屯門近我

相信大家經常會去路德圍，其實唔只個邊有好嘢食，行多兩步去到力生嗰邊，一樣有CP值高嘅嘢食！講緊嘅就係今次食嘅呢間添寶手撕雞～佢只係一間開喺轉角位小店，平時經過都未必察覺到佢，直至有一次經過嘅時候望多兩眼，先發現原來買一個手撕雞飯只係$30 (學生價) (不過其實就算原價都只係$35)！心裡面即時mark低，一定要食返次！直至今日，機緣巧合下終於試到啦！除咗飯之外，原來仲可以揀冷麵，不過今次比較肚餓，都係嗌飯啦醬汁就可以揀麻醬，麻辣醬同豉油醬。今次我就揀咗麻醬 (感覺好似同手撕雞夾d XD)雞同飯嘅份量合理，好多青瓜絲。雞皮嘅色澤好靚，每啖都好有雞香味。不過略嫌青瓜絲切得太薄，咬口唔夠爽脆，如果呢點都改善埋就會錦上添花！另外，店員超～～有禮貌同親切，舖面乾淨企理，加埋CP值又高，開喺一個咁唔起眼嘅角落，雖然有d可惜，但依然好似漆黑中嘅螢火蟲一樣，咁出色XD大家去開路德圍掃街可以順便過黎買手撕雞返屋企加餸呀！

新開不久的店家，服務親切：）很有衛生，最重要是菜色很多選擇，推薦黑松露手撕雞！麻辣的也很好味道！附近街是菜市場，也好適合買完菜順道過來買隻雞回家搭配！可以省很多煮飯時間！

啱啱經過力生果邊 諗左一陣買咩食 因為依家無得坐低食 咁啱就比我見到有間新開嘅店係整手撕雞 即刻衝左去買😍 一行埋去見到有好多配料 店面亦打理得好乾淨整潔 我就買一盒手撕雞冷麵黎試下 本身仲有野飲送 但本人唔飲甜野（如果日後有無糖野飲就100分，依家95分）盒手撕雞食完覺得抵食夾好食 除左手撕雞外仲可以加其他配料 樣樣都好似好好味 而我揀左海哲😬手撕雞入味 冷麵軟硬適中 海哲同手撕雞好夾份量係好夠❤️ 店員好有禮貌 有驚喜😍😍😍

價格比大品牌手撕雞店便宜，店主細心，知道要減肥嘅人都要去皮，所以將肉同皮分開，每片肉塊都充滿麻油鹽嘅咸香味，而且比較濃。可惜地處不起眼，總係會令人錯過，但真的值得一試。