添好運點心專門店

营业中

休息中

記得對上一次食添好運已經係N年前，近排有d掛住佢個叉燒包，想回憶一下☺嚟到發現多左不少新野，今次就叫晒d限定新款，同埋個酥皮焗叉燒包😍✨酥皮焗叉燒包 - 質素依舊，個包仍然好軟熟，面頭好酥脆，裡面熱辣辣，食完一個會想繼續食~✨脆皮炸班蘭鮮奶 - 班蘭我至愛，帶出淡香清甜，呢個要趁熱食🔥✨米網鮮蝦粟米忌廉卷 - 裡面都幾多彈牙蝦粒，粟米同忌日都係一個幾好嘅配搭，整體口感唔錯，一人食一條都幾飽肚😂✨泰式鮮肉脆餅配自家冬蔭醬 - 一咬都幾多肉汁，配埋個冬蔭醬好有風味👍✨櫻花蝦珍菌醬撈粗麵 - 櫻花蝦形成左小山堆，都幾吸睛，個醬有少少似xo醬，好惹味😋✨話梅鮮凍淮山 - 全晚最清嘅一碟😝酸酸地，幾解膩！✨消暑冬瓜薏米糖水 - 消暑必叫嘅糖水，仲好多冬瓜肉，而且唔會太甜🧡✨免治牛肉腸 - 腸粉滑嘟嘟，裡面幾足料！✨白桃烏龍 - 新出嘅冷泡茶之一，比想像中大壺，味道清新，消滯唔錯~✨人參烏龍 - 呢壺個色水都濃郁d，味道比較甘香👍

約得皇太后👩‍👧去飲茶飲，梗係要去遠𝐝啦🚌屋企附近個𝐝，留俾佢平時同𝐅𝐝𝐬𝐬𝐬去😂同佢去左拎過多次米芝蓮🎖又唔貴既添好運💃🏻點心即叫即蒸，仲有☀️夏日小清新系列☀️我地食左勁多野呀🤰🏻🤰🏻~•~•~•~•~•~•~•~•~•~•~•~•~•~•~•~•~•~•~• ☀️ 夏日小清新系列 ☀️▪脆皮炸斑蘭鮮奶 ($35)外層炸到脆卜卜，內軟身🍼用新鮮班蘭汁 • 鮮奶製，食落係清甜，唔係砂糖甜😜.▪米網鮮蝦粟米忌廉卷 ($42)米網皮比起一般既香卷皮鬆好多💥多重口感，彈牙既蝦 • 脆脆粟米粒加埋忌廉，都幾邪惡😈.▪話梅鮮凍淮山 ($38)養生健脾胃既爽脆淮山，酸酸甜甜幾開胃😜.▪泰式鮮肉脆餅配自家冬蔭醬 ($45)有冇朋友仔鍾意食芫茜? 依個肉餅加左勁多🫢我覺得本身鹹香味都夠，點唔點醬都𝐎𝐤𝐚𝐲🥢.▪櫻花蝦珍菌醬撈粗麵 配大地魚湯 ($42)叉燒撈粗就成日見，依個配搭又得喎😂櫻花蝦份量勁多🦐鹹鹹香香，粗麵條條都沾滿汁.次次飲茶都係(滾水)熱茶🫖，斟完要放一陣先飲得🔥依到有(玻璃壺上)嶄新冷泡茶❄️ ($𝟏𝟐/位)，勁岩夏天呀💃🏻▪冷泡人參烏龍 : 推介❣️有甘香甜味，唔會苦澀▪冷泡玫瑰花茶 🌹(*當然

有時想放工飲夜茶食點心，小型點心店就岩哂啦✨添好運有多家分店，港式餐廳格局坐得比較自在，間唔中會推出新款創意點心，有新意又貼近年輕一代嘅口味👍🏻🥢食物1️⃣脆皮炸班蘭炸鮮奶 $35: 外皮香脆，班蘭味好出，鮮奶好香滑😋2️⃣米網鮮蝦栗米忌廉卷＄42: 香脆鬆化米網咬落卜卜脆✨爽口彈牙嘅蝦肉配清甜栗米，成件事幾夾😄3️⃣泰式鮮肉脆餅配自家冬蔭醬 ＄45: 香口炸豬肉脆餅，加上小量蝦肉及洋蔥🧅令口感更好，再點埋冬蔭公自家制醬汁，好有泰式風味😄4️⃣櫻花蝦珍菌醬撈粗麵＄42:上檯有陣陣櫻花蝦香味，粗麵煙韌爽口，珍菌醬類似XO醬，少少辣夠惹味！5️⃣酥皮焗叉燒包 ＄30: 成個酥皮外型光滑都已經好吸引🤩外皮食落似菠蘿包，內裡係多汁叉燒，中西合璧👍🏻6️⃣白桃烏龍冷泡茶 ＄12/位：飲茶唔一定只有傳統茶葉既款式，這款烏龍加上白桃味，散發淡淡桃香又易入口🤭7️⃣消暑冬瓜薏米糖水 $28: 薏米健脾益胃，冬瓜生津解渴，飲完清甜涼快，夠哂清爽🤗

添好運 享有米芝蓮榮譽，店門排滿人龍。深水埗店全面裝修後，座位更加舒適，點心亦有特色，竟然有小編恨食嘅炸鮮奶💕 🔅脆皮炸斑蘭鮮奶 $35好耐無食過炸鮮奶，炸粉薄，裡面嘅鮮奶餡多又滑，香斑蘭味亦好出 🔅話梅鮮涷淮山 $38少見有健康嘅點心，淮山爽口，撈上話梅汁帶少少酸 🔅泰式鮮肉脆餅配自家冬蔭醬 $45冬蔭醬好特別，酸酸甜甜，好有泰式風味，除咗點肉餅，小編重用咗嚟點其他點心 🔅米網鮮蝦栗米忌廉卷 $42入面充滿鮮蝦同粟米，雖然加入忌廉，但又唔會好膩🔅黃沙豬潤腸粉 $30豬潤係全熟，咬落爽口，腸粉滑溜🔅雪山叉燒包 $30脹卜卜，皮薄叉燒餡多，面層焗得香酥 🔅櫻花蝦珍菌醬撈粗麵 $42撈麵鋪滿櫻花蝦，啖啖都食到。珍菌醬微辣，惹味，不過預會有少少油膩 🔅人參烏龍冷泡茶 $12/位飲落有淡淡嘅人參甘香味，食點心配涷冰冰嘅茶，感覺新鮮

-呢間大家都認識，因為實在太出名，好記得佢第一間店喺旺角，當時我排隊都等咗兩個小時，但真係好好食，依家不知不覺已經開咗六間分店，要讚一下，分店可以維持水準，真的不容易！點心款式唔會太多，但因為咁樣先可以維持到水準！最出名必食🤤酥皮叉燒包所有點心都即叫即製，所以出面個皮好鬆化，配合入面嘅叉燒餡料，同平時叉燒包有截然不同嘅感覺。但對我嚟講最啱我胃口🤤韭黃蝦腸好欣賞咁薄皮嘅腸粉，要做到呢個厚薄嘅腸粉，一啲都唔易，仲要蝦勁大粒，所以我每次必點。🤤其他點心，例如皮蛋瘦肉粥/ 杞子燒賣王 全部都水準以上，暫時未點過一樣嘢係難食嘅，最多只係唔啱我口味。😢呢度服務真係麻麻地，可能生意太好，大家都太忙，唔好預有任何招呼。😢另外環境真係好嘈雜，想靜靜哋飲茶聊天都唔得，每次都係食完就即走。不過呢度CP值極高，價錢都仲係好抵，呢個價錢食咗呢個質素嘅點心，我覺得已經好幸福！-

以往飲茶就只可以去酒樓，其後點心專門店愈開愈多，令更多人開始歎點心。當中的添好運就人氣十足，衝出香港在東京、首爾、台北等地插旗，將香港點心發揚光大。今日去買電話卡，就一訪深水埗店。現場所見本地人和旅客都有，可見點心魅力不減。今次除了品嘗港式點心外，更發現有新品登場，一於叫壺冷泡茶慢慢歎。◾️ 米網鮮蝦粟米忌廉卷外皮炸至香脆，內裡卻保持creamy，更加入粒粒粟米增加口感，香甜滋味有驚喜。◾️ 脆皮炸班蘭炸鮮奶香脆不油膩，內裡香滑味濃，更散發出陣陣的班蘭香氣。◾️ 鮮蝦燒賣皇以豬肉和鮮蝦作餡料，鮮香味美，啖啖滋味。◾️ 話梅鮮凍淮山爽脆的淮山吸收了話梅的酸甜，清爽又開胃。◾️ 酥皮焗叉燒包外皮香脆帶奶酥甜香，內裡叉燒內餡鹹甜適中，一啖咬下口感軟熟，難怪是招牌作之一。◾️ 消暑冬瓜薏米糖水這款清甜的糖水最適合夏天享用，冬瓜薏米有消暑祛濕之效，吃畢整碗都無負擔。◾️ 泰式鮮肉脆餅配自家冬蔭醬食落啖啖泰式風味，加上自家製冬蔭醬增添風味。◾️ 冷泡茶除了常見的熱茶外，更有應付炎熱的冷泡茶，備有3款口味，白桃烏龍、人參烏龍和荔枝紅配法國玫瑰，清新回甘涼浸浸，擊退暑氣無難度。

🤤無人不識米芝蓮添好運點心店一直深受港健人及遊客歡迎就我當日中午 左邊係內地同胞右邊係泰國代表 前方係外國人😂睇黎大家食點心同時都想‘添’下啲‘好運’氣💓😏⍥ 脆皮炸班蘭鮮奶 （4/5）😆特別既配搭，鮮奶加新鮮班蘭汁，外脆內軟，香滑而且少甜，史生最愛！⍥ 米網鮮蝦栗米忌廉卷（5/5）呢個我大愛，香脆鬆化，咬落係好豐富肥仔😋但好好味⍥ 泰式鮮肉脆餅配自家冬蔭醬（5/5）我最愛😆呢個肉餅不得了，半煎炸鎖到超多肉汁！落左好多芫荽，唔洗蘸汁都夠鹹香惹味👍🏻⍥ 櫻花蝦珍菌醬撈粗麵（5/5）賣相惹火，珍菌醬似xo醬，少少辣撈粗適合不過，浸一浸湯鮮味又濕潤🤤⍥ 話梅鮮凍淮山（3/5）淮山乃健脾健生之物😆爽脆滑溜，不過話梅酸唔夠突出，否則相當開胃⍥ 晶瑩鮮蝦餃（4/5）蝦餃vs燒賣🤪最後蝦餃勝！大大粒料好足，餃皮薄身啲就完美⍥ 酥皮焗叉燒包（4/5）招牌喔！好耐無食！熱熱的😗酥化既外層包裹住甜而不膩既叉燒粒，一不小心就食晒🤣⍥ 炸兩（3.5/5）溫度夠，腸粉亦夠薄，油炸鬼再脆啲會贏到我地歡心🤭⍥ 紅油抄手（5/5）史生講明必叫，刺激惹味香辣但點到即止，一啖一粒唔過份😋⍥ 白桃烏龍冷泡茶（4/5）第一次

好耐冇食點心勒，去咗《添好運》食點心嘆返杯茶，咁熱嘅天氣好多人都想飲返杯冰凍飲品涼一涼，佢哋依家新出咗冷泡茶，可以過下茶癮之餘又透心涼除咗有冷泡茶，仲見佢出咗幾款新嘅點心，即刻叫嚟試試先╰☆話梅鮮凍淮山鮮凍淮山好冰涼，清新又爽口╰☆脆皮炸班蘭鮮奶外皮脆而不硬，内嫩可口，班蘭同鮮奶又幾夾喎！╰☆米網鮮蝦粟米忌廉卷脆口嘅米網包住鮮嫩嘅蝦肉同粟米，再加上濃郁嘅忌廉醬汁，滋味無窮╰☆泰式鮮肉脆餅配自家冬蔭醬唔使點醬都好好味，脆餅炸到金黃酥脆，鮮肉新鮮爽彈，美味多汁╰☆櫻花蝦珍菌醬撈粗麵粗麵彈牙掛汁，櫻花蝦有豐富嘅海鮮香氣，加上醬汁，咸香味十足╰☆酥皮焗叉燒包呢款我每次去都會叫嘅酥皮叉燒包 ，熱辣辣而且外脆內軟，搭配香甜嘅蜜汁叉燒內餡，一試就愛上🤤另外仲叫咗鮮蝦燒賣皇、晶瑩鮮蝦餃、鮮蝦腐皮卷、蜜味叉燒腸、白灼西生菜🥬同豉汁蒸鳳爪，最後食埋甜品杞子桂花糕，好滿足😌

之前食過香港站分店，今次黎到裝修左既深水埗分店，仲有兩層高，裝潢更柔和雅緻，係我中意既色調💛最近仲有新出既菜式，樣樣都熱辣辣新鮮出爐😍夏日限定🔻🔻🔻✨櫻花蝦珍菌醬撈粗麵少少辣帶咸香，粗麵彈牙，醬料索晒啲麵到😍鮮蝦增添口感，好惹味，朋友仲想叫多個🤣🤣✨泰式鮮肉脆餅配自家製冬蔭醬少係點心店見到，咸香脆口，入面仲有莞茜，莞茜控必選💛✨脆皮炸班蘭鮮奶新鮮熬製班蘭汁，外脆內軟既口感，入口即溶。✨米網鮮蝦粟米忌廉卷外皮好酥脆，忌廉同蝦融合份外清甜，新創新配搭又幾夾！✨話梅鮮凍淮山有話梅放係淮山面，酸酸甜甜，作為開胃菜一流😛✨白桃烏龍冷泡茶打破傳統熱茶，感覺幾新鮮，岩晒夏天飲，仲有人參烏龍同塊麗堂皇冷泡茶仲叫左其他～～～超滿足✨✨✨✨酥皮焗叉燒包皇牌！差唔多枱枱都叫！唔叫會後悔@@✨鮮蝦燒賣皇✨晶瑩鮮蝦餃

尋晚就同太太放工之後就去左搵嘢食😬突然間又好想食點心，咁就去附近「添好運點心專門店」食點心啦😋去到呢間新裝修無耐，而且有2層嘅「添好運」，果然係人氣店，去到已經有好多人排緊隊啦😬脆皮炸班蘭炸鮮奶 $35米網鮮蝦栗米忌廉卷 $42泰式鮮肉脆餅配自家冬蔭醬 $45話梅鮮凍淮山 $38櫻花蝦珍菌醬撈粗麵 $42晶瑩鮮蝦餃 $36酥皮焗叉燒包 $30鮮蝦腐皮卷 $32豉汁鮮肉釀茄子🍆 $35韮王鮮蝦腸 $32鮑汁鳳爪 $38杏汁大白菜燉豬肺 $38白桃烏龍冷泡茶 $12/位人蔘烏龍冷泡茶 $12/位黎到食點心當然要盡興啦😂同太太瘋狂點😝全部都係即叫即整😋新鮮滾熱辣，非常之豐富，兼 好滿足呀😆

深水埗旗艦店啱啱新裝修重開，今年仲重獲米芝蓮😍呢日就帶呀女來嘆點心，午市時間真係人山人海🫣雖然人好多，呢到姐姐人好親切又識講笑，值得一讚👍🏻.坐低見到8月全新推出夏日小清新menu😍好岩而家熱辣辣的天氣食☀️➡️嶄新冷泡茶：$12/位➡️脆皮炸班蘭鮮奶 $35➡️話梅鮮凍淮山 $38➡️米網鮮蝦粟米忌廉卷 $42➡️泰式鮮肉脆餅配自家冬薩醬 $45➡️櫻花蝦珍菌醬撈粗麵 $42➡️消暑冬瓜薏米糖水 $28.而家天氣，飲茶可以嘆杯冷泡茶即刻透心涼😌揀左白桃烏龍口味，清香回甘好有驚喜必點！仲可以refill超正😍.六款夏日點心同樣出色，最愛炸鮮奶，班蘭口味，外層脆口入面好creamy出色👍🏻 撈麵滿滿櫻花蝦，同上湯和醬汁，惹味好食😋 泰式鮮肉脆餅香脆厚肉，冬蔭公口味夠哂香辣🔥老公大讚👍🏻 忌廉卷裏面好多粟米😍甜甜地好味🤤最後飲啖冬瓜薏米糖水，冰凍清甜好消暑😌.試完新口味，來呢到緊係食下招牌菜！每次必點酥皮焗叉燒包，酥皮鬆脆包非常軟熟，入面叉燒啖啖肉勁多醬汁每次食都覺得正😋燒賣彈牙足料大大隻鮮蝦阿B食到舔舔脷😋釀茄子🍆 豉汁口味又幾夾，大大件入面好大塊魚肉😍.呢個價錢食到米芝蓮點心超開心，新裝修坐得好舒服，

午市時段黎排隊排左成45分鐘!超推介呢度嘅酥皮焗叉燒包!新鮮焗出嚟脹卜卜好靚!咬落外皮好酥脆,入面嘅叉燒包餡料半肥瘦,餡料多,醬汁濃郁好好食😍櫻花蝦真菌醬撈粗麵醬油好好食!唔多油!份量大!正!

添好運在重新裝修後還新增了一些新菜式。脆皮炸班蘭鮮奶是一道受歡迎的甜點，結合了脆皮外層和香濃的班蘭鮮奶內餡。這道甜點在口感和味道上都帶來了令人驚喜的享受。咬下去時，你會聽到清脆的聲音，並感受到鬆脆的質感，內餡的班蘭鮮奶 濃郁的鮮奶餡料與脆皮的對比非常出色，為整個甜點帶來了平衡和豐富的口感。我嚐了一口他們的燉湯，非常驚艷。配料豐富，味道鮮美，絕對是一道令人難以忘懷的美食。除了餐點品質，服務也是我非常滿意的一點。工作人員友善、熱情，迅速為客人提供服務。

今天，我來到深水埗的添好運分店，這是他們最近經過重新裝修後的首次造訪。一走進店內，我立刻被翻新後的裝潢所吸引。以前相對陳舊的裝潢現在被換成了現代、時尚的風格，營造出一個舒適、溫馨的用餐環境。添好運一直以來以提供新鮮、美味的點心和精緻的粵菜而聞名。在重新裝修後，他們並沒有忽略這一點。我點了一份燒賣和招牌酥皮叉燒包，它們都表現出色。燒賣餡料鮮美多汁，叉燒包則是外皮金黃酥脆菠蘿皮，內餡鮮嫩多汁，絕對是一個讓人回味無窮的享受。新款食物米網鮮蝦粟米忌廉卷（炸）外皮超香脆入面有豐富嘅忌廉，10分惹味！

同屋企人去食，一到門口成堆遊客，以為好好味，可能又係啲咩社交媒體網站推介，或者附近冇乜好食，全部黎食，排哂隊⋯冷氣凍到不得了，叫左既野唔洗好快就吹凍哂⋯⋯炒麵超級多油，但又唔係好好味。鳳爪又難食到不得了，每碟份量都唔多，每一樣都唔好食⋯⋯人就多，但係感覺唔到呢間野有乜好食，美心集團既點心比佢好食好多！燒賣好普通，馬拉糕好甜好難食⋯⋯完全冇興趣再食第二次，menu既野都好少，可以比客人選擇既野食真心唔夠多。