添好運點心專門店 (已搬遷) 新店位置

添好運由前四季酒店龍景軒主管掌舵，食物水準有信心保証，加上米芝蓮效應同旺角平民價，要等咁耐先至有得食係意料中事。由排隊拎飛直至就坐埋位，足足等左100分鐘，真係少啲耐性都唔駛旨意有得食...山葵茄汁魚柳春卷($16) - 云云點心之中，以呢個春卷較為特別。呢個山葵味其實都幾強烈，但用茄汁剛好中和果種嗆鼻嘅山葵味道，效果竟然有意想不到嘅感覺，加上新鮮脆口，實在無得頂！煎臘味蘿蔔糕($10) - 咬落口食到一堆新鮮蘿蔔絲，口感非一般酒樓出品能夠媲美，而且食落去亦無一大堆粉糰果種膩口感覺，細味亦感愛到蘿蔔嘅甜同埋臘肉鹹香，實在同大記一樣都係高水準作品，非常好食～韮王鮮蝦腸粉($16) - 呢度其實最人氣嘅係黃沙豬潤腸，不過我唔喜愛所以無叫到，而改叫呢個鮮蝦腸粉。腸粉皮好滑好薄，晶瑩剔透，入面嘅鮮蝦亦夠爽口彈牙，味道算係唔錯，但又未去到唔食有損失嘅地步...麵醬牛肉蒸茄子($12) - 由於我本人幾中意食茄子，所以見到呢個點心亦自然選擇去叫。麵醬茄子好入味，不過食落去感覺都幾油膩，而且會幾飽肚，所以想試多幾樣點心嘅朋友就唔建議去試...家鄉咸水角($12) - 自細飲茶都好中意食咸水角，所以黎

次次黎無輪咩時間都要等 今次都o係門口企左成個鐘 脆皮X燒包 好正呀 皮薄涵靚 堅多蜜汁 有驚喜 12蚊3個 抵呀~~~ 蝦蛟 正路啦 鳳爪排骨飯 排骨幾滑 唔錯 不過只係得一舊鳳爪 糯米雞 最差係e個 葉味怪怪的 同埋好唔鐘意入面的''立尾''點心細細件的 2個人都要叫起碼8/9樣野先夠食 質素幾好價錢又平 只係因為座位太少 經常要排長龍 好無癮呢...

前陣子也來凑熱鬧，特意選擇不是假期時，亦不是午餐時間，大約十一時左右到達，希望不用等太久，但也要等二十多分鐘，等候期間，店外好熱，好像輪米咁內心很想走人，但老公話想試下，佢成日放假都陪我去覓食，今次只有扮若無其事陪番佢，乖乖地靜心等侯終於有位子坐下，不過真係好迫，好容易會碰到隔離，坐得好直，因害怕碰到其他茶客就不好意思最攪笑服務員左右手各拿一玻璃咖啡壺，問飲乜茶，好像飛機上空姐問coffee or tea？只有兩種茶，但飲落都唔知乜味？好像茶餐廳求其比兩杯茶咁，重收二元，但服務員很忙，叫了很久添茶，才加添了一次食物方面，算是不俗的。因為枱很細，有些點心無位影，又驚左撞右撞碰到人。酥皮焗义燒包：因為熱熱地好像剛出爐，個飽面脆身鬆軟，餡內义燒肉汁很冶味，好正蝦餃：唔夠大粒飽滿，鮮蝦不算彈牙，鮮味不足大腸：亦夠淋入味，味道不錯牛肉：不過不失，印象中不太差，但也不覺美味鳳爪：夠淋又入味，好味其實飲茶無壺茶，坐得咁辛苦，等位又要企在門口等，夏天日晒雨淋，冬天食西北風。食物只是很一般，試過就算了希望新分店會好些吧！

女友想去食咗耐,前排終於去咗,等咗50mins先入到,最老土係門口個阿姐串串貢,人地問多句就聲大大串人,number又叫到亂晒龍,不過我喺呢50mins嘅觀察,姐姐唔係對所有人係咁,每次只要有外國人出現,姐姐都唔會串串貢(因為姐姐英文唔掂,唔識用英文串串貢.....) 其實我都想唔等,不過女友真係好想試,so都等落去,八到去,$2茶錢真係唔覺得貴,因為唔應該用貴唔貴去形容,而係用值唔值,佢地嗰壺茶,同茶餐廳毫無分別,做咩收我$2..... 講番食物,其實都幾好食,酥皮焗义燒包好正,熱辣辣,好香,好鬆化,超好食 腸粉嘅皮真係好薄,薄到半透咁,不過我地叫咗豬潤腸,豬潤麻麻地,如果食其他賜可能會好食d添 馬拉糕味道好好食 桂花糕好香桂花味唔太甜,好食 糯米雞,$18超大隻,味道唔錯 牛肉球蒸得o岩o岩好,好嫩好滑 不過蝦餃就好失望,唔好食,一d味都無 本來我地想再叫多少少野,嗰陣係9點25分,佢地最後放人入來係9點半,但個阿姐竟然話焦得落單,你唔早d講....仲有,你9點半仲放得人入來,佢地食咩先,就算你之前叫佢地寫定,你都要等佢

一心想跟老婆B 在龍舟節 吃餐好, 左搵右搵來左呢間米豬蓮食店潮拜一下.誰知等要個鐘, 咪兜個圈回來, 明明到NUMBER 還要久等, 好聲問下個職員竟話得一個位, 我們想入的話叫老婆B 坐大脾!入到去, 跟老外茶客迫到死, 食物有D 似油未滾炒gum. 蘿蔔糕索油不在話下, 個牛肉春卷既肉濕淋淋, 而且又超小, 之前情侶茶客吃不消餘大半碟. 桂花糕D 蜜味唔錯, 但唔夠爽口. 比較好就是碟叉燒酥和燒賣, 幾有叉燒味和燒賣味. 其餘既腸粉和粉果都係一般.

好耐冇寫食評啦!! 但今日食完呢間, 真係唔寫唔舒服!!!!平日經過呢間食店都好好奇點解有咁多人, 又好想試下係唔係真係咁好味!!今日終於有機會啦~*因為有人搵埋位既關係~* 我就梗係樂於去試一試~!!係門口等位, 佢一定要齊人先入得我地4個人+1個BB, 要等4人枱真係好困難!首先, 佢派籌嗌籌毫無秩序我企係度短短20MINS, 我見到佢地可以明明叫到160, 但第2個人出黎唔知見到140未刪又叫過140, 即係你過晒飛你都唔駛驚, 因為佢唔會刪no, 咁 (但係第3個人出黎又會係咁叫係咁刪)第2樣得人驚既係, 佢竟然之後有人黎又俾張140既飛佢地, 咁即係你早到但籌no. 咁後, 你都唔駛旨意有得入!! 因為佢係亂派籌!!!!!!!!!!!!!好亂呢~?! 唔知我講咩?! 因為佢派籌就係咁亂!!!!!okay* 終於入得啦~佢得3人位, 佢問我驚唔驚迫, 咁實際我地4個大人+個bb 梗係驚迫啦!!!而早前我見到另一張4人枱好似埋緊單咁咪問佢law, 問係唔係果張枱埋緊單啦~??點知換黎俾人鬧!! 俾個收銀阿姐, 應該係老闆娘, 大大聲鬧 :" 人地係唔係埋單我點知啊, 你係入就入

第二站黎到旺角添好運, 由於我地係由佐敦出發, 冒32度高溫過到黎, 所以物理上身體已到左極限。黎到, 要等位, OH NO!! 不過其實一早就知, 所以都去左對面便利店過冷河。其實一般呢類食店要等好耐位既, 服務都唔多好, 不過呢間就唔同, 店員態度都好親切, 門口叔叔都好NICE。由於入去之前已經寫定食咩野, 所以入去就可以開單。呢度既野食款唔多, 我地就選左义燒飽, 鳳爪, 牛肉球, 同埋桂花糕。中間有個小插曲, 斜對面的食客倒瀉水, 山洪暴發到我呢邊, 好在我夠機警縮得快, 幸免於難, 諗住店員會覺得好麻煩又要抹之際, 佢地竟然同我同埋斜對面食客講起笑黎, 話個杯設計唔好, 又話我身手夠好, 一件可能對其他食客同埋店員都覺得好麻煩既事, 都俾佢地講到好似好開心咁, 唔錯。開始食, 牛肉同埋义燒飽非常好食, 特別係义燒飽, 真係好特別, 因為第二度食唔到, 好香口, 不過可能太多人叫, 整左好耐, 但係值得一試。總體都係非常好既經驗, 值得再去。

慕名去這家餐廳飲茶，大概11點半到達，領到的number已是71號。等了一個多小時進入餐廳，室內非常小，都要擠著入內。東西很便宜，兩個人吃了101。陳皮牛肉球：肉嫩多汁，又有彈性。晶瑩鮮蝦餃：一般般。蘿白金銀肚：一般般。酥皮焗叉燒包：強烈推薦！絕對的招牌。外皮烘烤的很酥脆，咬一口裏面熱熱的叉燒汁就流出來了，很香。沙茶牛肉春卷：不錯家鄉鹹水角：不好吃……韭黃仙蝦腸：腸粉拉得很黏，不過蝦很少。

今次已經係第二次再泥食!! 唔理幾多人都照排隊!! 因為真係值得叫左個糯米雞，但係無咩驚喜，勝在夠大舊. 同埋佢唯一一舊冬菇真係好好味!!! 不過可惜得一舊另外仲有個馬拉糕都唔錯，但係都唔係最好.今次再嗌多次鳳爪!! 個汁真係好掂!最重要既就梗係佢地最出名既酥皮叉燒包、蝦餃、燒賣同埋桂花糕啦!!!!真係仲keep到水準! 對上一次泥食已經係前三四個月既事，味道仲係一如以往!!大讚呀

今日老婆想食點心, 點名要食蝦餃同叉燒包...但係...係黃昏時間提出...茶市已經過晒, 因為家貧買唔起微波爐, 想話買丁丁點心都唔得, 凸然醒起添好運....傳說中米芝連推介既點心店, 甘耐都未幫襯過, 所以就去試下...不愧係名店, 果然係旺場, 等位大概半個鐘啦....原來等位既時候,已經要拎點心紙, 諗定食乜, 因為第一次去, 唔知訂, 入去坐低左至慢慢睇, 個阿姐話, 下次好諗定喇........店面好細, 坐得好迫, 不過唔緊要啦, 最緊要D野好食....總共叫左8樣點心....以下逐一評價:1. 酥皮焗叉燒包>真係好好食, 小弟誠意推介, 皮有D似墨西哥包面果層野, 入面D料都好好味, 熱辣辣....正!!! (亦係呢一餐裡面最好食既一樣野)2. 豬潤腸粉>D腸粉夠滑, 豬潤都好味, 只係份量比較少同豬潤都少, 唔係舊舊都有豬潤(正常中間切開一半)3. 陳皮山竹牛肉>好滑, 有牛肉味, 只係陳皮味就唔多覺....(今餐第二好食)4. 馬拉糕>正常, 一般...冇乜特別同驚喜5. 蝦餃>可能期望太大, 感覺一般, D蝦都唔係好爽,

冇地方去,想搵個地方食下午茶,見有時間所以就黎呢度碰下運氣,睇下會等幾耐=v=去到之後等左4臺左右就到我地3個女仔,位置擺明就係想攞盡D位做生意,所以都係岩岩好夠出夠入,anyway,都可以啦~我地叫左酥皮焗叉燒包: 個皮係墨西哥包個隻,都幾夾~晶瑩鮮蝦餃: 個皮真係幾靚,幾薄鮮蝦燒賣皇, 菲黃鮮蝦腸 :正常煎臘味蘿蔔榚: 呢個幾好,真係用蘿蔔做,唔係勁多粉個D~overall都幾好,不過其實佢都係sell即叫即做,真係幾新鮮~

我相信呢間野就好似以前芝士蛋榚咁, hit一排就無人, 某日下午行過無乜人, 入去食一次, 點心都係咁遮, 唔係咁特別, 價錢亦都唔係勁平, 味道同價錢都係一般遮, 坐位同招呼就真係不提也罷, 米芝連班友可能好少食到靚既點心, 要排咁耐的話一定無下次, 過對面新星起碼都坐係舒舒服服....

經過傳說中的米芝蓮三星點心店，便湊湊熱鬧。平日的傍晚六時，等了大半個鐘便被安排入坐。姐姐的態度是有點囂張的，又不停吩咐我們，但我覺得很有趣！後來聽朋友說，他試過週末等四小時。。。。。。看回大家的食評，才知道不同點心會輪流推出，怪不得選擇有限。無論如何，今次的開飯經驗也是正面的。蜜味叉燒腸：　　名符其實皮薄餡靚酥皮焗叉燒包：　果然是招牌菜得獎菜式，皮脆餡靚，熱騰騰，不可不試欖菜四季豆餃：　味道普通，但十分足料金錢肚：　　　　醬汁濃郁，味道尚可晶瑩鮮蝦餃：　　鮮蝦真的不太鮮，又細又不彈牙，比較失望的一道鳳爪排骨飯：　　鳳爪和排骨都好味，但說不上是最好的鮮蝦燒賣皇：　　上面的蝦仍舊是劣，但因為餡內豬肉不太肥，合格家鄉咸水角：　　皮薄得像煎埋，但不知怎的內裡有臘腸味，大家覺得呢？杞子桂花糕：　　個人認為偏甜了點隨著分店開張，輪侯的時間應該會縮短了吧！以這樣的價錢，我認為可以再來啊！

I don't hv to work full time these days, so I took my time to patiently wait to eat the cheap and so called "quality" dim sum I thought it could have remained like it was the first several times I went to.The fourth time I went with a friend of mine and it was her first time to try these dim sum.Northing is good but cheap price only.花彫蒸滑雞My god, the chicken is the worst i tasted among all chinese restuarants叉燒包the only dish that keeps the quality after all沙茶牛肉脆春卷worse than before陳皮牛肉球super worse

這是一次奇怪的經歷。常言道：「美酒佳餚。」相信點心和茶的關係也是一樣。一間以點心聞名的酒樓（或餐廳），供客茗茶的茶當然亦不能太差。自問對茶的要求並不是非常高，只求茶的溫度足夠，所用的茶葉不太差勁便行。可是，在添好運一坐下來，給你奉上的並不是剛泡好的一壺茶，相反只是如茶餐廳般給你倒下啡黑色的液體。先不論茶已沖泡了多久的時間，茶卻是不溫不熱，大減品嘗點心的興致。我和女友二人點了的點心如下：１．蝦餃２．燒賣３．花彫蒸滑雞４．叉燒包５．蘿蔔糕６．桂花糕蝦餃的水準一般，蝦肉味淡，皮內汁液不多。不少的酒家亦能造到此一水準。燒賣的豬肉滑潺潺的，吃下去我以為是加料。叉燒包熱度十足，但嫌其酥皮過膩。滑雞不錯。蘿蔔糕中有不少蘿蔔，與一般酒樓的製法不同，值得一讚。桂花糕味道令人難以恭維。不知何故，這道甜品竟然有鹹味，似是在雪櫃中吸收了其他食物的味道。總括而言，這次可謂是慕名而來，失望而歸。我想我會給它多一次機會，吃一些今次未嚐到的點心，看看會否令我和女友對其印象改變。