深屈村茶水檔

营业中

休息中

行東澳古道最好嘅一樣嘢就係可以邊行邊食😆，沿路都有一啲士多補給，除咗大牌子嘅飲品同雪糕，仲有販賣自製涼茶同有機水果🍌。行到大概三分之二路程，就到深屈村一排嘅士多🏘，食物都大同小異。我哋揀咗第一間好景士多，因為比較近海邊🏖，可以聽住海浪聲食野。我哋都係另一間士多買咗啲自己種嘅熱情果😙，$10有4小個，老闆娘仲好好送多一個俾我哋，酸酸甜甜整得梳打特飲非常好！————————————————👅山水豆腐花（$15）👍🏻行到咁偏遠，價錢都算係良心價🆗。豆腐花唔算特別滑，但係不過不失👅餐蛋麵（$40）👍🏻去到郊外嘅出前一丁真係特別好食，平時自己都唔會特別食公仔麵🍜，今次真係一碗兩個分都唔夠喉，厚切嘅午餐肉同埋燶邊流心蛋簡直係絕配————————————————🚩總結：到底係減肥定增肥？🤭———————————————— 🌟注意：行山唔好食太飽啊————————————————📍 深屈村茶水檔 - 好景士多地址：大澳深屈村8號 🗺地區：#bem離島📥分類：#bem港式💰人均消費：#bem_50蚊或以下

炎炎夏日好好天🌞吾去郊游會太浪費。所以決定行東澳古道，貪佢三個鐘路程就搞掂，而且中途又有補及站，親子郊遊好路線。😍行到深屈村，有數間茶水檔作休憩補及站，最愛黎到「好景士多」，對住潮汐漲退迷你紅樹林，吹住海風食住小食糖水解暑。小店主要提供三文治🥪、粉麵🍝、糖水，比較輕食下午茶☕️的感覺同時也可補充水份，感受大自然。海帶臭草綠豆沙（HKD 18): 綠豆沙絕對是消暑良品，綠豆雖然寒涼，卻清涼解毒，店家煲得好綿密，粒粒開花效果，甜度適中，而且加上臭草特別香味，味道強烈但營養價值豐富，利尿消腫，毫不吝嗇的海帶增加口感之餘又不失清涼功效，不錯👍🏽。總結：東澳古道必食名物 海帶臭草綠豆沙綿密口感 消暑解渴

點解我咁講？因為我實在太肚餓呢個係東澳古道必經之地，我由東涌行過嚟已經差唔多五個鐘，攰到癲咗，再唔抖下對腳補給下聽日應該返唔到工講返呢度，我一坐低呀姐就隊個menu過我，我見身邊嘅人都叫豆腐花($12)我都試下囉，再加多碟蛋牛治($24)烘底烘底無加我錢，感動豆腐花唔係食過最滑但你嚟到呢個位仲想點個蛋牛治烘底啲蛋就真係好滑，份量都算多，為我行程最後一小時提供足夠能量

今日天公作美，挑戰東澳古道，歷時三小時。途經深屈村中途站，決定坐下食碗豆腐花休息下。認住呢間「好景茶座」 ，相比起其他旁邊豆腐花檔， 呢間我咁保證最滑💕不止提供豆腐花糖水，仲有多士、三文治🥪、仲有湯麵🍜/公仔麵，作為補給站一流😉豆腐花： 好細心提供姜汁糖/黃糖加落豆腐花到，香滑豆味濃，一「筆」落去一片片咁，吾會話太過堅固，意味石膏粉不多，入口順滑，加埋黃糖提升至另一層次，有糖好味好多。總結：經過深屈村必食豆腐花有熱有凍 任君選擇

寒冷天氣警告下郊遊，熱量消耗量大，好快肚餓，剛剛食完早餐，兩個鐘已經餓，經過深屈呢度，幾間士多都有小食，呢間第一間，婆婆即刻招呼我哋入座（第二間士多伯伯已經嗌緊我哋）路邊嘅石屋，海邊一個凹位架起圍咗帆布簡陋棚，放咗幾張枱，對住石灘，天氣好應該好正，可惜天陰加大風，婆婆介紹蕃薯糖水（但賣晒🙄）食品都係涼茶、糖水加啲消暑飲品，天氣凍一人一碗熱糖水！山水豆腐花（$13）膠碗唔算大碗，只係暖唔係熱，落黃糖，豆腐花唔算滑，滑度只係正常，有啲澀味（落咗糖都蓋唔到）可能係啲石灰味，黃糖粉狀幼滑，味道一般，要急急食怕變凍海帶綠豆沙（$15）朋友食！好勁臭草同海帶味，落足料煲！朋友話好味！婆婆幾親切（唔知係唔係因爲無客）佢在石屋內！由得我哋食完，自己行入去比錢！（走咗都唔知）好信得過我哋！

個日仲係好早, 未到12點都唔算人多, 外面仲有位坐, 唔駛坐入裏面, 落雨裏面有蓋都幾好, 不過好大油煙味.天氣凍個陣, 個碗蕃薯糖水好夠熱, 但係餐蛋丁出到枱就唔夠碗糖水熱.丁麵多數好生, 上到枱要浸好耐都未食得, 我地多數叫佢煮林D, 其實上到枱都仲好爽啱啱食得.油菜好新鮮, 八卦友仲見到洗菜好乾淨.開頭唔知, D 油菜食曬碗麵都未到, 兩次都去左人地張枱, 之後次次都望實.糖水同餐蛋麵樣樣都好食, 但係埋單就真係同佢計清楚, 阿姐真係唔識計數㗎.矇查查計埋同枱對面未收個隻碗,  收多左碗糖水14蚊, 話找錢俾左4蚊, 俾番10蚊就得, 左計右計都話計唔掂俾番幾多錢, 裏面的人又叫極都唔出來幫佢計,  點計都唔明, 最後要隔離枱個客幫佢計先至計啱.

東涌行到大澳，這條東澳古道的中間，在深屈街有一間茶水檔﹗老實說只有行山人士才會發現此店，地點超隱世，電話只會收到中國移動，大約在東匯城出發經過沙螺灣三小時左右就會見到，而這店離大澳就仲有一小時多的腳程﹗由於估計錯誤，以為兩個小時的行程竟然要成四個幾鐘，十年都唔做運動的我行左三個鐘來到此處已經全身發軟，成件衫濕哂，與友人索性衫都除埋在此乘涼﹗老闆娘一見我地熱烈歡迎，開把大風扇俾我地吹吹，服務周到，仲話今天34度竟然仲會有人行山，叫我地小心中暑﹗講真咁偏僻的地方一日都未必做到兩枱客，如此炎夏平日假日都未必有人行山經過，搵食艱難呢﹗要了罐coke light檸樂消消暑，之後老闆推介我地飲自家製的楊桃汁﹗味道清甜，有淡淡的楊桃香，她說楊桃是自己種出來的再榨汁，相信真係自家製仲要無咩落糖，十分健康，佢話楊桃可以清熱氣又可消暑，最岩行山飲，仲推介我地食下佢0的餐蛋麵等，不過咁鬼熱，真係無咩胃口﹗見到牆上有推介各式自製涼茶，又有冰凍的自種大樹菠蘿，有緣來到此處，真值得一飲﹗休息幾個字又上路，行山雖辛苦大汗疊細汗，但運動過後那種精神奕奕的感覺，是值得的﹗