深味餃子 (已搬遷) 新店位置

新開小店! 因為家姐住附近, 佢一個星期已經幫襯過3次, 媽媽都同朋友去過一次….我竟然 …….手工餃子小店環境舒適, 坐位寬闊! 客人免費得餐前小食 “醃蘿蔔”, 唔太酸, 少少甜都幾醒胃! 天氣乾燥再來一杯蘋果雪梨山楂水, 自家煲的味道! 本來想點淨餃, 不過家姐話麵都好食, 咁我就試餃麵啦 (飽死荷蘭豆)! 餃子是重點, 超讚! 餡料超多, 餃子大大粒, 皮薄而滑無爛! 口感十足, 十分有質素! 除左松露之外基本上我哋試勻所有口味, 部份湯上, 部份煎餃! 最最最喜愛野菌豬肉, 陣陣野菌香撲鼻而來, 煎餃外皮十分香脆, 餡料咬落多汁完熟! 我同家姐都唔喜愛芫茜, 不過家姐竟然話芫茜餃好好味…我就唔敢試喇! 上海麵滑身不過有點過淋, 自家煲湯底無味精同時都唔算濃味 (有點太淡呢)! 再點雞翼 (2款要晒…究竟呢5個人係有幾餓呢?) 入味, 肉有點實! 其實2款味道一樣, 分別在於另一款面頭有櫻花蝦吧!註: 一定一定要試辣椒醬, 有意外驚喜!

咁啱經過見到呢間新開嘅餃子，因為餃子控嘅我又點會放過。單點野菌鮮肉餃，有點松茸香味，食落比較多肉，而且個皮真係好薄，餡料好實在。湯底同出面好多餃子店一樣都係以老火湯做湯底，粉葛湯清甜鮮味成碗飲晒都得。另外叫咗一碗椰菜餃配麵，呢個個湯隻有啲清清地酸酸地，因為店員落單嘅時候都冇特別問我地要咩湯，所以唔知係咪配麵就會配呢一隻湯底。啲面比較幼生，口感唔錯，椰菜餃都okay，大大隻。爽口火雞腎，雞腎唔多爽口比較淋生，但醬汁幾夾。

讚1. 環境好舒服，坐得好寧靜，以呢類餃子店計，係意外之喜2. 餃子包得幾仔細，壓邊好，餡料唔算超爆滿，但比例好，入口幾清爽，同餃子店好唔同風格2. 雞翼好味噃，甜得入味又唔過火3. 野飲非常好！超足料彈1. 湯底太淡，可能係太健康既關係卦？

上次食完餃子湯麵同同事都好掛住，今次我特登試吓佢哋嘅煎餃！一樣咁出色，啲皮好薄，先到個底好脆！！encore ahhhhh同時都是左木耳椰菜豬肉餃子，但係都係鍾意芹菜豬肉餃子。比較香但係試咗正水餃嘅老火湯，都係鍾意有湯麵嘅豬肉湯多啲加油💪🏻

又來餃子店的分享今次的深味餃子是間值得欣賞的小店，位處荃灣享和街的店子前身是間不錯的火鍋店可惜還是做不下去！不知深味餃子又能否逃出厄運呢？ 每位客人也能得到一客免費餐前小食酸甜蘿蔔，爽脆口醃蘿蔔粒酸甜有緻非常可口好開胃。 惠顧湯或煎餃可以＄8加配蘋果雪梨山楂水、加＄5點豆漿或汽水，可惜車爸爸點的豆漿冇貨！而我則點了原價＄15的蘋果雪梨山楂水，味道挺清新加上微微的酸很滋味。 我們選了一碗湯麵和10隻煎餃來分享，一客有5隻的椰菜雲耳餃子麵售＄42價錢合理，湯頭有點擔擔麵湯似的微微帶辣味，但我不喜歡它有點過油！麵是幼身上海麵煮得有點過淋並未能取得我倆歡心！ 湯底跟麵須未合心意但餃子則超有驚喜！雪白透薄的餃皮滑捋捋很爽口，爆多的內餡塞滿滿於餃子內，咬下口感十足很有質素。 煎餃可在6款口味中選二來雙拼，更可彈性的選6隻＄46或10隻＄56的份量，我們選了韭菜豬肉餃拼黑松露芝士豬肉餃(加＄10)！ 餃子煎得香脆不油口感超正，韭菜豬肉餃咬下香氣撲鼻，而內裡餡料Juicy亦得很，味道調得恰到好處勁好吃，絕對是高水準之作。 另一味黑松露芝士豬肉餃吃下先帶幽幽的黑松露香氣，繼

今日同幾個同事經過見到新開咗，馬上入去試吓。發現冇最普通嘅白菜豬肉餃。但係見到有芹菜豬肉餃就試吓，其他同事就食煎餃，韭菜豬肉餃等等有免費嘅餐前小食，酸蘿蔔。好開胃我食嘅事芹菜豬肉餃湯麵，我哋幾個都好鍾意佢嘅麵質，唔係一劈劈 湯底唔錯。每一粒都包到好飽滿，而且個皮好薄我最鍾意佢個湯上面有好多豬肉碎，好似係滷肉湯。因為老闆話如果係嗌淨餃子嘅話，個湯就係老火湯所以下次我會識淨餃子，因為一碗湯麵都有五隻餃子，食到好飽。我哋仲見到佢哋職場喺度包餃子🥟唔記得個名，係類似蜜糖雞翼咁，好入味，不過乾咗少少見到應該係秘製嘅醬汁，有啲似XO醬再加左啲蒜蓉，落咗去湯到都幾好味