深仔記

营业中

休息中

每次幫襯都會食佢嘅牛腩麵，貪佢啲腩汁夠晒原始風味，真係原汁原味。仲要牛筋腩炆得好腍。一個麵底做消夜就夠飽，如果係食正餐我覺得要加底囉！仲有而家好少食到咁香嘅辣椒油，辣得好有層次感嗰隻

下午兩點後 10萬分想食個雲吞麵，走出赫德道有一兩間都可以食到。我選擇了深仔。因為他們的設計有香港風情的味道。我叫了雲吞河加一支冰凍的忌廉。其實我一路食一路看着師父熟練地在再隔離枱包雲吞已經是值回票價。他們的雲吞是足料的餡，蝦亦沒有雪藏味道。大細適中。湯底淸味精不重，很喜歡這種清湯味道。配合的湯面的蔥花，I really like it 。而很久沒喝過的忌廉很冰凍。整體感覺良好加埋下午茶的份量沒有減少，價錢合理-滿意滿意！

到了週末的時候， 到尖沙咀閒逛， 替姐姐買了曲奇四重奏後，想正正經經有野落肚， 行入寶勒巷街即時想起深仔記， 早一兩星期食過旁邊的x 記味道雖然不錯， 但都係想兜返去呢間首先下午茶餐好吸引， 麵加可樂最平$31， 尖沙咀wor, 飲杯咖啡都無左， 依家仲食得飽， 感覺很好雲吞米-有5粒細細粒但蝦味十足彈牙的，味道很好， 略嫌米上的一層油， 相信是師傅最後加上令雲吞有令既效果，下次叫走油應可以解決的, 湯底很不錯，加10蚊有既油菜一點也不馬虎今天坐在最後排， 看著職員熟練包雲吞， 他看看我： 好食嗎？ 我點點頭他說好多明星都來這食的， 我微笑著， 跟他說著： 下次見  埋單＄41~每個人都希望有選擇的權利， 試過後有時候都會重回最初的決定， 未必是最好， 起碼是適合自己的味道

深夜想食返碗細蓉，朋友介紹左呢間！雲吞麵係招牌，真係好食，份量適中，雲吞滿滿都係蝦肉，幾彈牙，麵質爽口，湯底都可以飲埋。試下個豬手，豬手骨略多左D，但係豬肉質和豬皮都好入味。

第一次幫襯深仔記，買個牛腩米粉外賣返公司食。首先講味道，牛腩都幾硬，要大力咬才咬得開，有點像擦膠，米粉又碎好難夾，估不到連附送的辣椒油都不夠辣，好野而最令我倒胃的是我一路食一路發現牛腩有毛，每當發現一條毛我都將之抽出，到最後竟然有六條毛毛 上網搜尋過，不少人都說平時食牛腩係有毛，而且應該是牛毛。真偽我無從判決了，只能夠說我平日食開的牛腩都不會有毛，唯獨是這一次，一次過還有六條這麼多。我無法接受自己要吃一碗這麼多毛的牛腩，不介意就去食吧"

又來到一家出名的麵家，裝修帶點傳統，有卡位但有D窄，入内坐下叫了一個豬手麵，豬手淋而煙韌，麵夠彈牙，湯汁夠濃郁，和叫了一個豬手、牛肚飯，牛肚入口有少少辣，還叫了一碟通菜，而菜夠新鲜。

It was a small shop in the midst of bars and pubs. I went at about 10.30pm. I really liked it because they served food till late. The waiters and waitresses were very patient with us and we ordered our food after struggling for a while (since the menu was in Chinese only). We ordered a few dishes including the noodles and a fried wanton. The food was actually quite good and we were pleasantly surprised by the texture of the beef ball! It was actually springy and nice. The fried wanton was also g

去完日本旅行最掛住香港嘅食物居然係佢.......［黑柏葉］湯米粉，但居然米粉賣哂，咁唯有轉幼麵啦！其實香港依家好少有黑柏葉賣，買少見少。出面個d 都漂到白色（目的冇咁樣衰+爽口啲），但我最愛的還是有少少咬口嘅黑柏葉❤️。之前嘅湯米我嫌佢嘅牛柏葉太少，今次撈麵加多$2，就大份好多，真係大滿足。😋😋😋麵冇鹼水味，佢入面加左啲豉油，令到味道唔會咁單調。牛柏葉加埋蔥絲，簡直係絕配，一啲'蘇'味都冇，再點下碟豉油，個一刻我感到自己好幸福呀！但佢碟豉油過鹹，所以我加左啲湯落去等佢沖淡啲鹹味。

尖沙咀出名多遊客多野食, 今天無意經過一間幾有特色的老店- 深仔記。店面裝修好有古色古香的味道~ 坐底即刻點野食先。碰巧是下午茶時間, 所以比較抵食, $31有招牌鮮蝦雲吞河加一枝可口可樂每碗有五粒大大粒既雲吞,入面包住1,2粒既蝦肉同埋豬肉, 同埋少少肥豬肉,唔知佢係咪加左少少蝦子粉去醃…有少少蝦子味,好正~另加$10油菜一碟,阿姐不斷聳我地食多d菜,健康d, 於是 我地點了菜心, 菜都幾新鮮清甜, 配埋少少蠔油更加好食。整體都算唔錯, 而且唔算多人,坐得好舒服

係尖沙咀行街行到攰攰地，是但入左間港式麵鋪食個下午茶。兩點幾鋪頭冇乜客，雖然細但係坐得舒服。睇下餐牌平均都係$3x加碟油菜另加$10，點左個牛肚河加枝裝可樂。牛肚略嫌有啲un可以加啲腩汁，味道會更加豐富。不過$3x蚊係尖沙咀食到呢個牛肚河，勝價比已經贏左。值得一讚嘅係員工服務態度好好。後來上網睇返先知原來仲有幾間分店，希望佢地繼續保持落去，傳承香港味道！

M先生話靚仔髮型師原來對食物好有要求，我都信，佢介紹嘅一平安拉麵好得。剪完髮問佢推介店，佢話呢個鐘數區內要比較好，係深仔記，主要因為個生菜好味道，細蓉普通。我要咗細蓉、腐乳通菜。細蓉個麵唔算好彈又有啲鹼水味，個湯底仲擺明有落味精，雲吞就正常bite-sized幾爽口咁，整體okay啦。但菜真係得，阿姐自己見到比錯咗蠔油，唔比廚房拎嚟拎去，要阿叔直接比多碟腐乳我，服務好細心👍通菜固然因為剛落雨又新出，料靚。但錯有錯著，蠔油肯定有落少少豬油撈，帶甜又香😋，腐乳夠味帶微辣，但也被比下去。

約咗人本身係k11食甜品飲下咖啡，但見時間尚早又未食午餐，咁就遊到去赫德道睇下有d咩食。行行下見到間舖面細細又復古嘅hk style既麵店就行左入去試下。坐低見到大約$30一碗麵又唔太貴，叫左碗牛腩河走青。快靚正，一上檯見到有d驚喜，顏色靚，飲埋個湯👍 自動自覺加左腩汁，味道又唔會太濃，啱啱好，平時唔食牛根都食埋，炆得夠腍。順便讚下d服務態度，平時入去d麵檔係自己衝入去坐，呢度會問你幾多位，態度幾溫柔。

連環開會日, 早午晚已忘了要開多少個會。結果, 早餐沒有吃, 午餐忘了吃, 晚餐將要連續吃。但可惜, 神仙肚也有作怪時, 未到晚飯肚子已如引擎空轉, 發出”咕咕”之聲。最後還是要在晚飯前吃個快的!!個人對深仔記印象只是一般, 其砵蘭街老店只在吃宵夜才會想到, 味道水準不怎樣的。但原來鋪頭在尖沙咀赫德道開了分店!! 食店門口只僅一個人過, 鋪面長而窄, 但下午茶時間人不多, 也算是坐得舒服。要個牛腩撈麵, 索價HK$35。柱侯牛腩汁惹味, 有鹹香, 但味道不算太濃, 撈上麵條, 感覺可以。麵條要求要爽一點, 縱麵夠拖乾水, 但入口依然不夠彈, 而且還有點點鹼水性。整體效果只是一般, 但個人真的很餓, 所以這個也給填填空虛呀!!

其實我很少在家樓下吃東西的，但最近在家附近開了一間深仔記雲吞麵（創於1983年），見冇乜好食就入咗去，叫了碗雲吞碗也只不過$25，我知我條街最平既食店都非佢莫屬，入到鋪頭除了食物有水準之外（湯底同雲吞也做得好好，一碗有4-5粒雲吞，每隻有3-4隻中蝦），你最能感受到的是誠意，員工親切落力我深深受感動，跟著我又諗，在尖沙咀一間又長又窄的租金也至少6-8萬,佢每天要賣多少碗才夠交租嗎？雖然我愛新派菜，但我也愛傳統美食，為了表示支持，我多加一枝creme soda $8 同一碟通菜$12，埋單$45，食在尖咀邊度搵？

今晚同花老嘢同花老弟飲嘢，老弟話係附近開咗間雲呑麵店幾好食，飲完嘢之後老嘢就話去試試。我哋叫咗雲吞粗，雲吞米同芥蘭。芥蘭唻先，個色仲幾翠綠但食落又幾淋喎，我鐘意。食完油菜d麵先唻，老嘢先飲d湯，um....冇咩味，d粗麵質感都麻麻。我嘅米粉一樣，冇咩味個湯，但係d雲吞又好似咸咗少少。食完之後我哋之後都唔會再信花老弟啦。。。 隔離個枱姨姨叫咗成枱嘢食，又豬手又雞腳咁，問有冇水供應，有個姐姐話水機壞咗喎，未煲嘅水要唔要？笑咗另外有個姐姐疑似負責人or老闆娘啦，我哋食食下問我哋拎張單睇，理由係＂我想計一計自己條數呀＂，之後又去另一枱問。我覺得我食碗麵都唔使15分鐘，點解要咁突然咁要拎唻睇？你咁早(當時7點15分到)就要埋數架咩？食完之後拎張單去＂收銀個位＂埋，佢係第度執緊嘢，老嘢企係度等佢，佢見到即刻邊行邊伸隻手話＂俾我呀＂，好似講到我哋想俾第個咁。正常人係呢個時間係唔係會一路行一路講＂多謝晒＂咁，一係就咩都唔講架嘛。我唔係話我食嘢俾$大晒要人多謝我，我哋2個人都係食咗幾十蚊，但佢d行為令我有少少反感，加埋d食素真係令我唔會再encore囉。