深仔記

营业中

休息中

今晚食蝦子撈麵+菊花茶($45)😍第1次食呢間行左好耐都唔知食咩好😥😥😥蝦子撈麵幾好味好耐無食過蝦子撈麵以前去澳門玩時每次都會食但我唔係好鐘意飲湯飲左2啖無飲😐食完有啲飽可能我對蝦子敏感食完個咀仔有啲痛同腫。。。😥下次應該食唔到第2次既蝦子撈麵了

第一次係油麻地食到深仔記，麵極富蛋香，驚為天人。後來可能易左手，鋪頭雖然越開越多，出品已大不如前.唔好話同麥奀、麥明記、麥文記比，甚至西環$20一碗嘅肥仔記都比唔上。泯然眾人矣

一碗熱騰騰的水餃面仍收三十二港元好像一些也不貴細細的，有點像麥㐅記的大小，但價錢卻便宜很多⋯⋯面條很好👌有堅韌力咬口夠趙頭和好味道不過蝦的水準不來唔得怪不得- 沒有麥㐅記那麼高真是一分錢 一分貨⋯⋯

在salon整頭髮，完成已9點，就在附近隨便找點東西吃。見這間雲吞面店望落企理，價錢正常兼有卡位，即管來快食一下。-叫了鮮蝦雲吞麵($32)，因為餐牌標明這是招牌。知道細蓉應該好細，加碟芥蘭($16)，順便吃得健康一點。-賣相唔錯，湯底是大地魚湯的顏色，令我安心。雲吞有五隻，細細隻但飽滿。咬落爽甜，起碼兩三隻原隻蝦在內。豬肉佔極少份量，正宗鮮蝦雲吞的比例。內餡加入蝦子，更添鮮咸香。唔錯！心內已俾好評，但幼麵有梘水味，而湯底空有顏色但沒大地魚味，太可惜了。如果叫淨雲吞就值得一個好評。

呢條街好多粥麵茶餐廳！呢間同隔離係最多人食。我地叫左鮑汁鳳爪麵, 四舊鳳爪, 吾少了。都算大舊嘅亦入味, 亦不會有茨汁湖口！但再淋D 更好食。深水記出名湯底基本上係魚湯，食落其實只是普通清湯。麵有D 爽口質地仲有點彈牙..有少少鹼水味, 都OK。朋友碟豬手撈麵見到幾有膠質！芥蘭算是新鮮，正枝還要粗身但很幼嫩，食落清甜無渣此店同其他連鎖店舖相比,沒有太大差異,食物新鮮唯一缺點是等位比較耐..員工都很友善我地食完見到門口好多人排隊嗱嗱臨埋單走人

是日晚餐食深仔記，叫咗碗雲吞牛丸米粉，等咗一陣好快就到。食得呢啲打響咗名堂既雲吞鋪，都預咗份量會較一般粉麵鋪少。所以叫多碟油菜，點知菜心賣晒，轉娃娃菜就要加7蚊，$23食一碟仔油菜一啲都唔抵，所以我都係轉返生菜算。雙拼米黎到賣相唔錯，點知食第一啖米粉已經覺得中中地伏，麵質好淋，一啲麵唔似粉麵鋪用既彈牙江門米粉。米粉味好淡，而且我已經加咗腩汁，但係仲係食得出米粉還米粉、湯還湯，味道好分割，一啲都唔入味。牛丸簡直係大伏，明明寫住爽口牛丸...但係一食就食得出係溝粉..唔止唔彈牙，牛丸應有既韌度都無，好失望😞唯一食得過係雲吞，真係原隻鮮蝦，而且係彈牙既！蝦味香，無溝粉真材實料，呢個無得呃。公道啲講，雲吞係好食既，價錢都算實惠，以尖沙咀呢啲地段$40-50食個晚餐係好化算。最後希望餐廳係出咗名既同時，其他食物都應該保持質素，而唔係只保持出名既食品水準。雖然話食得佢就應該食招牌野食，但係你比得其他食品客人揀，就應該都有返咁上下水準，一係你就獨賣果幾味唔好比人揀。比中評，係相信下次食時餐廳會有改善

經過尖沙咀口㾗入嚟整返碗雲吞牛根撈，牛根蚊得好琳，有咬口，鮮蝦雲吞足料，鮮🦐大大隻，下午茶2-6嚟有汔水或包裝野飲送，油菜加十蚊，次次嚟都嗌腐乳通菜加支忌廉，下午茶冇得輸。

今天要檢查牙齒遂決定要吃老字號的雲吞麵店深仔記竟有鵝腸湯麵也不貴單灼70$一碟碗麵才39$鵝腸做到外脆內淨無胛味或少最可惜吩咐走油他們卻一大堆熟油雖大量薑絲帶蔥但多油的湯是本人大忌保證水準的生面（不怕太多工夫）配鵝腸也堪稱🐟👏別開一面😊⋯⋯豬腳都品質管制咸肉糉可惜我最愛始終是上海火腿或咸肉糉有些傻我知要加獎別開生面試想想上次吃鵝腸是在方榮記火鍋吃魚 腸鵝腸肥牛豬肝⋯⋯現在是很難得才一點點的小試多滋味。

尖沙咀食肆雖然多，但一到左午餐放飯時間，出名少少既餐廳門口都排曬長龍。想食既餐廳都打曬蛇餅，咁我唯有另覓地點解決午餐啦！盲中中咁行到哩條街，街上面有好多間米線、茶餐廳同粥粉麵鋪頭，選擇困難症既我真係揀唔落手，咁啱見到深仔記既裝修好似比較是正，又唔太多人，就入左去啦每次係哩啲傳統粉麵店，我嗌親既都係雲吞麵，今次本身想叫炸醬麵，但考慮左分半鐘，都係覺得雲吞麵健康啲同食得出高下啲，就order左招牌鮮蝦雲吞麵啦！真係唔係講笑，落左單無耐，我電話啱啱開左鎖，老伙計就將一碗雲吞麵放係我面前，真係快到我覺得佢係整好左咁＞＜anyway都係食野最實際！就咁睇賣相，其實無咩特別。不過值得一提既係佢既鮮蝦雲吞有成五粒咁多，其他鋪頭可能得四粒；同埋雲吞仲大大粒，絕無欺場既然講開鮮蝦雲吞，咁就講左佢既味道同口感先啦！本身對佢係零期望，只係想食飽個肚，然後一咬落去個雲吞到，不得了！好彈牙再食多啖，口感依然，望真啲，原來入面既餡料唔係肥豬肉為主，有兩至三隻完整既蝦仁，蝦仁有彈性，唔似雪藏既，好鬼正，完全out of expectation除左用料大方之外，值得一讚既係佢既肥豬肉比例超少，誇張啲講係9:1 1係肥

又到下午茶時間，但實情仲未食午餐嘅我，嚟到食湯麵做午餐加下午茶，果然一到下午茶時間都多人，叫咗牛腩麵配可樂$35，加$10有油菜可樂係枝裝嚟㗎，夠哂汽最鍾意牛腩麵湯色唔算好深啡色，但湯底都清唔會好油膩感，仲有少少花椒八角香氣，牛腩腍中帶少粉口感，幻麵爽口彈牙唔會好大陣鹼水味，佢啲辣辣油都不錯油菜我要了芥蘭，翠綠帶嫩，烚得剛好有少少爽身，蠔油味鮮唔會死鹹餐廳位置有少少迫，不過都算快食完，唔會坐太耐，上菜都快

今日到尖沙咀辦事，然後從OpenRice找好吃的地方吃午餐，突然想吃粥粉麵，便找到了這間深仔記。我點了這裡的牛腩麵，麵底好爽，鹼水味不重，牛腩汁香，湯底不鹹，即使我喝了湯, 也不覺得口渴，而牛筋夠腍，但牛腩肉稍硬，不過整體食物都ok, 價錢不算昂貴，下次會想嘗試下雲吞麵或豬手麵店內裝修舒適，老侍應服務態度不錯，雖然食物款式不多，但勝在麵底好吃，可能尖沙咀食肆較多，我下午1:30到，店舖內也不算多人，深仔記設有下午茶時間，價錢會略為便宜一點。

聽老婆講有間麵店賣鮮魷魚麵，仲要一試難忘，咁今晚去尖沙咀就順便試一試啦。間麵店正門又細又唔太顯眼，好容易行過咗都唔覺。行入店內第一個感覺係好整潔，然後有個好似六、七十歲嘅伙計行過來好有禮貎咁請我入坐，完全唔似平日去開果類(大家明啦)。跟著我就點咗碗鮮魷魚麵，碗麵大約中size，麵好爽，魷魚味鮮而濃，加上蔥絲、薑絲原來可以好夾，越食越想食。伙計仲加咗一小碟辣椒醬油俾我點魷魚，真係夠哂細心。其實除咗鮮魷魚，間麵店仲有好多其他口味嘅麵，如雲吞、牛腩、豬手、牛雜等。下次一定要逐一試試。值得再提就係一班老伙計嘅以禮代客之道。完全唔似平時那些以老賣老，大聲夾惡嘅老油條。真係服務滿哂分

每次黎尖沙咀反工都會食黎間，好好味的！料又多😍😍下午茶仲可以$10加碟菜有飲品送都買單都只係四十幾，好過其他餐廳四十幾又唔好食！！尖沙咀黎講算平啦！！😋😋👍🏻👍🏻

雲吞麵是香港平民美食，台灣好友來香港玩，就帶他們去吃道地美食，剛好公司附近有一間我的最愛深仔記 選擇很多，除了雲吞，最喜歡他們的豬手雙拼只需再加$9，什麼都想要的我們，當然加錢啦😆豬手魚蛋麵$39雲吞包了2隻完整的蝦子，魚蛋Q彈，好有嚼勁，美味！牛腩雲吞麵$42有人說牛腩雖然沒有到很嫩但不會柴，還是好吃的，牛腩有牛筋，看了都覺得不錯吃的旁邊有醬料可以自己調配，他們的XO辣醬和麵一起配著吃，絕配啊！友人更是吃貨啊，直接請店員多拿一個碗給他，自己把麵和醬直接放在小碗伴著吃，厲害👍豬手好入味好嫩，一咬肉直接融於口中骨頭還有骨髓呢！精華在此

蠔油撈麵，有傳統的風味。銀絲細麵，味道很好。但飲完個湯就有D口乾。店舖不太大，但風味傳統，麵質的確很好，價錢相比其他老麵家都實惠。下午茶選擇算多，一碗麵跟一杯茶，($30幾蚊)有交易。但主餐牌選擇就較少。