深仔記茶餐廳

营业中

休息中

原來呢到新開左間茶餐廳，個裝修好靚!特別係個霓虹燈牌。叫左個蝦仁叉燒滑蛋飯，好足料，好多蝦仁同叉燒，蝦仁係大大粒，食落都幾彈牙。叉燒望落都好靚仔，邊邊仲有燒過，幾好食。飯中間會有甜豉油。蛋係好滑身好嫩。個蛋好好送飯，一啖接一啖咁食。乾炒牛河炒得好有鑊氣，一黎到就好香，牛肉份量都幾OK，又係咬落去好嫩口。完全滿足食茶記既心!!西多士好有驚喜，入面既花生醬係有埋花生粒，所以好有咬口，同埋更加香，配埋牛油同糖漿真係世界級好食!!推介! 奶茶紅豆冰都好好飲，茶底幾濃。

深仔記茶餐廳 📍尖沙咀亞士厘道29-39號九龍中心大廈地舖CP值極高既港式茶記👍🏻茶記都有煲仔飯食👀即叫即整～大概等30分鐘北菇滑雞煲仔飯$68 追加左排骨+$10 性價比超高😬 真真正正既煲仔飯🤤由生米煲成熟米～上枱熱辣辣出哂煙冬菇大大粒炆到好淋好入味🤤雞件好滑～排骨好夠味菠蘿咕嚕肉$78 跟飯同湯咕嚕肉肥瘦均勻～香脆可口❤️配上蔥、洋蔥同菠蘿酸甜開胃跟餐例湯：青紅蘿蔔豬骨湯～足料招牌蔥花滑蛋三拼$60按自己喜好簡材料我就貪心D🤭叫哂3款叉燒、牛肉、蝦🤝好豐富滑蛋炒得好滑🤣成碟食哂迷你三寶$15鳳城水餃、魚蛋、雲吞三併$15湯底好正✨餃子🥟雲吞好足料下次會再來試試粉麵❤️紅豆冰特飲🫘系列+$14涼粉紅豆冰奶茶🥤味紅豆🫘棉軟配上QQ口感涼粉配搭埋香濃港式奶茶☕️好正凍檸水+$3 ✅埋單人頭百零蚊✅抵食又坐得舒服真係幾唔錯港式茶記👍🏻#深仔記茶餐廳 #深仔記 #尖沙咀美食#香港茶餐廳 #茶餐廳 #茶記

“窩蛋牛肉煲仔飯+排骨”($68+$10)“芝士汁撈公仔麵配香滑炒蛋”($56)“紅油抄手”($40)尖沙咀深仔記茶餐廳最近大裝修過招牌用上大大個霓虹燈牌好sharp☺️餐廳入面有啲懷舊鐵閘做裝飾同時又帶點小清新嘅cafe感2者又配合得唔錯,完全唔會兀突睇睇餐牌發現食物種類超多雲吞麵,茶餐,炒粉麵,小炒,鐵板餐就連煲仔飯都有😍雖然過咗中秋仲係咁熱但都忍唔住叫返個🤣揀咗窩蛋牛肉煲仔飯另加排骨🐮大大煲飯入面舖滿超多牛肉同排骨加上窩蛋,豉油一齊又點會唔好食☺️個飯唔會太濕,食到尾啲飯焦超正😝另一份就叫咗好耐冇食嘅芝士撈丁🧀可以喺雞扒/豬扒/雞翼/吉列魚柳之中選擇我就揀咗要雞扒🐔😋雞扒外層微脆,入面肉質算滑唔乾柴😙芝士味唔會太濃太膩,岩岩好呢道嘅芝士撈丁最正係配埋炒滑蛋😍最後仲要咗份menu推介嘅紅油抄手雲吞大大粒,皮薄豬肉餡飽滿🤩配上紅油夠哂惹味☺️跟餐加配特飲都只係加$14☺️飲返杯奶茶涼粉冰就夠哂解暑😆

行經尖沙咀亞士厘道，原來開左間深仔記茶餐廳，望入都乾淨企理，坐位很多但都不會迫！餐牌食物選擇有很多，啱晒唔同人仕嘅口味。點了招牌滑蛋蔥花系列，可3併，但我只點了叉燒跟蝦仁，蛋很滑又香，半肥瘦的叉燒幾淋身，加埋爽口蝦仁🍤，蔥花、鼓油同滑蛋一併入口，啖啖滋味😋。淨水餃🥟，脹卜卜的餃子, 內裏有豐富的餡料, 餡料有蝦、瘦肉和雲耳，調味恰到好處。焗咖哩牛腩配飯餐，有個例湯送。焗得香噴噴，面層有芝士，牛腩入味，仲有薯仔同三色椒一併焗，真係可以撈晒成碗飯🫣。白灼菜心，菜心翠綠而且無渣。飲杯點了紅豆凉粉鴛鴦同豆腐花紅豆咖啡，咖啡夠香濃，味道都很夾啊😗。

上星期返公司做嘢，之後就約咗老婆去附近嘅茶餐廳食飯，呢度卡位都幾多，坐得好舒服，諗住隨便食個飯，點知 d 野一上檯就好有驚喜！好多野都有沙律菜，食到膩時可以清一清味蕾原條鰻魚炒滑蛋飯，非常嫩滑嘅炒蛋，又大又厚嘅鰻魚，份量十足，仲超好味！冰火菠蘿包，鬆化嘅酥皮加埋入面慢慢溶化嘅香滑牛油，一啖咬落去之後感受牛油喺口中慢慢化開，正！咖央西多士，外皮炸到微脆，用牛油同糖漿搽均全塊多士，入面充滿淡淡的咖央味～瑞士汁雞全翼，香濃嘅瑞士汁覆蓋全隻雞翼，不錯～炸雲吞，外皮夠酥脆，入面嘅蝦又大又彈牙，加埋沙律醬，好味！柚子蜜，柚子味好香甜～鹹檸七，個鹹檸鹹得黎帶有少少檸檬香，好解渴 👍🏻樣樣都好味，遲下再試埋佢其他野先得～

放工過了去食深仔記，餐廳主打瑞士汁雞翼、滑蛋、雲吞麵等多款茶記美食，而且價錢較平民化且份量十足。瑞士汁雞全翼雞翼滷得入味又不會過咸，瑞士汁帶點甜味，雞翼滷得剛好，不會過腍。淨雲吞雲吞粒粒都包到乒乓波般脹卜卜，而且裏面有原隻蝦仁，蝦仁新鮮爽口，湯底有大地魚鮮甜。豬扒炒公仔麵公仔麵炒至上色，麵質爽口，加了些洋葱、葱等配菜，食落又不會太油膩。蔥花三拼滑蛋飯有叉燒、蝦仁、牛肉，叉燒雖然比較瘦，但都算腍，牛肉有咬口，蝦仁新鮮爽口，滑蛋蛋香十足，質感幼滑。蒜蓉炒菜心菜心炒至翠綠且無渣。最後飲返杯餐茶，奶茶茶膽夠濃。

今次約朋友食飯周圍行下睇下有咩食既時候 不經意入左條小巷仔 然後就見到呢間港式茶記 望落幾寬敞舒適 所以就決定一試入到黎吾止地方寬敞 野食都比得好大份😂🤣我叫左個美國肉眼牛扒鐵板餐 配個素翅湯 $88咋 牛扒可以配黑椒汁/蒜蓉汁/洋蔥汁 同 可以揀飯/意粉/薯菜 黎到見到塊扒超大塊 配左好多薯角同炒椰菜 佢既蕃茄仲好有心思咁用左芝士鋪面煎 朋友話聞落有一陣一哥焗豬扒飯既味道 食落吾錯 薯角擺左一陣再食都仲好脆👍🏻朋友叫左個鳳爪排骨煲仔飯 加 臘腸一齊share 黎到都大煲 仲要好好咁比一支豉油你加 （平時個啲比一碟仔你加㗎咋嘛）幾加分 個飯焦吾多 然後好足料 🤘🏻🤘🏻然後叫多左個炒菜同白灼鵝腸 都系大大碟 鵝腸咬落都爽口 有啲似咬緊竹笙咁 但又脆啲 個底配左啲青菜 幾好既配搭 菜心黎到勁翠綠 好吸引🤓🤓 面頭仲好有心咁加左脆蒜😆佢既冷氣位都好神奇 有個風扇系底😂不過咁熱既天氣入到去系有啲熱 可以開大少少個冷氣🫣🫣

呢日同朋友行經海防道，見到《深仔記》嘅宣傳海報，轉入亞士厘道，見到呢間茶記裝修新淨，光猛企理，一於試試餐牌選擇豐富：港式炒粉麵、雲吞湯麵&撈麵、麻辣湯麵/撈麵&小食、西式燴飯、特式焗飯、歐陸意粉、招牌秘制椰香咖喱、招牌常餐、招牌蔥花滑蛋飯系列、家常小菜、鐵板餐、冰室小食、煲仔飯……order 咗一個扒，一個煲仔飯同一個小食 share🔸紅油抄手•小辣呢個茶餐廳版嘅紅油抄手幾特別用上蝦肉彈牙嘅雲吞，再配上大量蔥絲同香脆花生食完滿口蔥香同花生香🔸美國肉眼牛扒鐵板餐配薯菜•黑椒汁肉眼牛扒嘅質素同味道中規中矩相反薯角更出色，熱辣辣，超香脆呢個餐定價合理，又可以滿足吓想鋸扒嘅慾望🔸鹹魚肉餅煲仔飯•追加鹹蛋同臘腸個煲一啲都唔”仔”米飯份量十足肉餅口感同味道都唔差追加埋鹹蛋同臘腸令個煲仔飯更加豐富兩個晚餐分別跟一個西湯同一個中湯🔸涼粉豆花奶茶既係飲品，又係甜品好適合作為呢餐嘅ending 呢到食物選擇豐富，環境寬敞企理坐落喺亞士厘道本身較幽靜嘅環境，我覺得呢度係喺尖沙咀區一間唔錯嘅茶記～

上星期係尖沙咀行完街，就去亞士厘道睇下有咩好西，見到呢間平日晚上都半滿的深仔記，決定入去試下😏鋪頭雖然叫茶餐廳，但係我覺得格局似冰室多點，餐牌都幾多選擇，例如招牌滑蛋飯(可配蝦仁，叉燒及牛肉）、鐵板餐、香口小食及豬仔飽等等。當然，一般的炒粉麵飯就一定有提供！肉眼扒飯配素翅忌廉湯 $882大塊肉眼扒，咬落好厚身，叫肉眼扒就係想食呢種質感😋忌廉湯配上偽魚翅，濕下個口，幾得意🤣滑蛋三拼飯 $60可以按自己喜好，配1-3款餸都得，單拼54，雙/仨拼都是$60！個滑蛋炒得幾令身，火喉及時間掌握剛好👍蝦仁已挑腸，叉燒都唔會比晒d肥嘟嘟的部份，牛肉則普普通通。脆炸大雞脾 $33即叫即炸，炸到金黃色，食落去差d熱到辣親口，成隻拎住食，好有feel，肉質鮮嫩😎紅豆荳花鴛鴦$36樓面設有多張卡位，暫時不設入座時間，適合聚舊🧑‍🤝‍🧑👭餐牌參考：

本身嚟茶餐廳食晚飯，一心諗住食普通碟頭飯‼️點知發現原來深仔記嘅雲吞麵係馳名的，就決定轉軚食雲吞麵🍜一碗講究嘅細蓉👇🏻👇🏻❤️蛋麵麵質爽彈無鹼水味❤用️豬骨、蝦頭及蝦殼、烤大地魚乾製成湯底❤️雲吞內蝦仁佔9成，並有散尾呢間餐廳完全做到呢個水準雲吞皮夠薄，食落啖啖蝦仁湯底清鮮‼️⭐️⭐️重點係性價比高$38大大碗唔會好似麥X記要成$45先得細細碗～～～小食 - 蔥油鵝腸呢個鵝腸值得一食鵝腸洗得夠乾淨，加上去除左多餘嘅脂肪，食嘅時候富有爽脆口感😈邪惡誘惑出場 - 金莎朱古力西多士所有好味嘅嘢加埋一齊，確實難以抗拒一切開，上面嘅朱古力醬連埋牛油一齊滲出，視覺上好療癒‼️不過美中不足嘅係中間餡料唔係朱古力醬用左粗粒花生醬，雖然可以增加口感，不過我個人都係鍾意朱古力醬多啲ᴍᴇɴᴜ上寫係用朱古力醬的，但結果……美國肉眼牛扒鐵板餐塊肉眼好大塊呀重點係鐵板好夠熱，一倒黑椒汁就充滿zi zi聲，好有滿足感薯角好脆呀，有驚喜紅豆奶茶涼粉冰鹹檸七

今晚屋企無飯開，捉咗個老友陪小弟食番餐，兩個麻甩佬，都喺去茶記「浪漫」吓，之不過，老友對食都頗有要求，唔喺「求求其其」一間茶記佢都OK，想喺有啲特色，或有啲賣點，我話尖沙咀嘅「深仔記」啦，前「澳牛」大廚坐鎮，出名喺啲炒滑蛋，又有煲仔飯、懷舊鐵板餐。 餐廳嘅環境都幾大、幾闊落，一室木系裝修襯番木地板，天花又加「綠化」，裝修摩登得嚟帶點小清新。我哋剛好遇到有客離開，可以掗到個窗口卡位，啲卡位非常寬敞，雖然外面只喺街景，「夜媽媽」亦無嘢好睇，但勝在感覺會開揚啲。 雖然室內嘅裝修無咩大玩懷舊元素，但門口傳統造型嘅霓虹招牌，同啲舊式鐵皮拉閘，都喺茶記嘅標誌，依家呢類嘢已賣少見少，過多十年八載，可能要晌啲片先睇得番。 而枱面只放咗少少調味料，各樣餐具就如大多數茶記咁，放晒晌側旁嘅拉櫃中，自由取用，唔使煩住啲侍應，呢啲都成為茶記嘅指定設定。 一如茶記特色，食物選擇包羅萬有，早餐、下午茶餐、常餐、湯粉麵、炒粉麵、秘製咖喱、家常小菜、招牌蔥花滑蛋飯系列、鐵板餐……等等，專登掃描張外賣紙，就一目了然。 此外，仲有是日靚快餐，夾晌餐牌嘅第一頁，有晒日期，明顯就喺個個星期都會轉款嘅午餐同晚餐選項，包是日例湯及

呢間茶記位於尖沙咀亞士厘道，裝修以懷舊復古風為主，招牌更採用霓虹燈牌💖 十分搶眼🤪 食物方面除咗有比較常見嘅鐵板餐😆 煲仔飯🍲 港式小菜🍛 撈公仔麵🍜 西多士🥪 等😌 仲有傳統嘅招牌鮮蝦雲吞麵🥟 新派嘅秘製枝竹羊腩煲🐑 同其他麻辣系列🌶～ 款式應有盡有，老少咸宜😛 整體價錢十分親民而且店員嘅服務態度都好親切，開心又滿足嘅一餐💗🐷 菠蘿咕嚕肉 咕嚕肉份量十足，肥瘦適中，感覺到冇味精，食完之後都唔會覺得好頸渴🥰 味道酸酸甜甜咁幾開胃💗 另外配上三色椒同菠蘿🍍伴炒令到整體嘅香氣再次提升，口感豐富，層次分明😃🌽 粟米斑塊 魚柳外皮酥脆可口，內裏新鮮嫩滑，啖啖肉而且完全唔粉😋 上面仲舖滿唔少粟米粒同粟米汁添！配飯一流呀😜🐮 蜜椒薯仔牛柳粒薯仔煎至外脆內軟，大大嚿，夠濕潤唔會乾爭爭😎 牛柳粒嫩滑多汁而且牛味好出😃 每一粒都被蜜糖同黑椒汁包圍着，超級惹味～ 整體鹹度適中，好有鑊氣，絕對比得上大排檔😚 飲品方面要咗熱奶茶☕️ 凍鴛鴦同凍華田😝 果然茶記嘅奶茶都係好飲嘅🤣 鴛鴦嘅咖啡味較出，飲落去好順滑😆 凍華田就正常發揮～ 整體甜度適中，解暑一流，唔錯唔錯😙

💕深仔記餐廳嘅霓虹燈招牌好搶眼，店內原木色系裝修感覺柔和，牆身以金色鐵閘點綴帶來亮點，座位以卡位為主，坐得舒服🥰餐牌除咗招牌嘅滑蛋蔥花系列，仲有芝士撈公仔麵🧀麻辣粉麵🍜小炒等，連煲仔飯都有添🧡.🌈蔥花叉燒滑蛋飯 ＄54一向鍾情滑蛋叉燒飯🥚深仔記呢個係令人食完會想再encore嘅🥳滑蛋份量十足，完全蓋過成個飯🤤炒蛋滑嫩，叉燒肥瘦均勻，飯粒分明，配上自家製甜鼓油同蔥花助攻，好味度爆燈💡.🌈菠蘿咕嚕肉 $78咕嚕肉同生炒骨不同之處在於咕嚕肉係無骨嘅，食落啖啖肉，外脆內嫩，同酸酸甜甜嘅醬汁係絕配🙌🏽而且份量都唔少，食得超滿足🥰.🌈薑檸樂 久違了嘅茶餐廳特色飲品🍋檸樂加上薑片甜甜辣辣，飲完暖笠笠☕️

黎到位於尖沙咀的一間裝修新裝修的港式茶餐廳所以入去食下野今次叫了兩款主食和傳統茶餐廳特色飲品，包括：美國肉眼鐵板牛扒配黑椒汁同薯菜、瑞士汁撈公仔麵配香滑炒蛋加瑞士汁雞髀、奶茶紅荳冰美國肉眼鐵板牛扒配黑椒汁同薯菜 $88美國肉眼鐵板牛扒配黑椒汁同薯菜，上枱時炸炸聲聲效非常吸引，牛扒有兩大塊很足料肉質都夠淋身，但牛味不是太香濃，反而黑椒汁味道幾濃列。薯菜用上了炸薯角，食落非常香口不錯。瑞士汁撈公仔麵配香滑炒蛋加瑞士汁雞髀 $56至於，瑞士汁撈公仔麵的麵質比較乾身而且瑞士汁不突出。香滑炒蛋偏咸，但都算幾香滑。瑞士汁雞髀肉質比較柴身，而且不是很入味，有點扣分。奶茶紅荳冰 跟餐加14$這餐廳竟然有懷舊的奶茶紅荳冰，所以叫了一杯試試，奶茶味道茶味不太濃郁配上甜甜紅荳冰成杯整體一般，普通椰汁紅豆冰會比較優勝。總結，味道不是太突出，正正常常合格以上的水平吧

平日夜日6:45左右入坐，不用排隊仲有窗邊位。霓虹燈牌好有風味。雞比瑞士汁撈公仔麵配 香滑炒蛋-$56(3/5)雞比好大隻，勁多肉，端士汁好入味！個蛋好出色，好滑！美國肉眼牛扒鐵板餐，配薯菜-$88(3.5/5) 個薯角不錯，牛扒份量都多，有一塊大一塊細小小，加埋黑椒汁，好有懷舊嘅味道。奶茶紅荳冰-$14(跟餐價)(4/5）個紅豆煮到好綿，好好味，配埋茶記奶茶一流~總結：佢嘅餐牌有好多唔同嘅嘢食揀，價錢又好經濟，份量都好多。