深仔記茶餐廳

营业中

休息中

【油尖旺區】【深仔記茶餐廳】又嚟到亞士厘道食嘢，感覺呢度都係有好多遊客聚集嘅地方。不過而家潮流興「窮遊」，我相信啲餐廳食肆都唔敢「斬」得太狠。而喺呢度居然見到深仔記，仲以茶餐廳嘅形式出現，都幾得意。本身我記得應該係食粉麵呀，雲吞呀嗰啲，可能都要與時並進。叫咗個深仔招牌常餐，揀咗 $54 嘅「鮮牛肉湯意粉」，加 $5 轉麵底做「福麵」，老實講味道真係唔太討好，只係價錢都唔過份咁解。而「腸仔炒蛋」都只屬一般，炒蛋算係入到口不過好大原因係我本身中意食。個「豬仔包」係災難，拎佢掟人會流血囉。餐飲我揀「熱奶茶」，合理茶記水準，算係可以一戰。埋單 $59，其實又真係唔過份，拎走隻豬仔包仲有件武器傍吓身。我從來都好畀機會啲餐廳，之後我再去食多次，呢次我直接叫碗 $42 嘅「淨雲吞」。果然係撚手嘢，唔係大餡，但味道可以，値得食嘅。。。（地址：尖沙咀亞士厘道29-39號九龍中心大廈地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie

五一黃金周仲排咗一陣間，一心想試個芝士撈丁，因為新記執了之後，尖沙咀真係冇乜地方有得食！其實都係自己唔啱，唔應該叫呢一個，我見隔離嘅滑蛋叉燒飯賣相都幾靚，我個滑蛋係炒得好滑，都唔錯，雞扒也OK，唯獨是個芝士撈丁真係10分10分失望，因為個芝士汁淡而無味份量又少，啲公仔麵又煮定晒，都明白茶餐廳要快係唔緊要，但上菜時一嚿嚿，大家真係千祈唔好試，其實冇時間冇心整，不如取消咗呢個菜單仲唔會影衰自己！

因平日午餐時間較多人排隊，所以決定買外賣。洋蔥汁香煎豬扒飯：這道菜的份量相當足夠，有兩塊豬扒，然而，豬扒煎的過於乾硬，導致口感稍顯失望。米飯也是偏硬，未能達到理想的口感。洋蔥汁的味道較為普通，沒有給人帶來驚喜，整體來說味道略為平淡🙈於是第二日堂食，今次選了叉燒滑蛋飯，滑蛋非常嫩滑，味道不錯，不過，叉燒略顯油膩，如果能稍微減少油脂會更理想。搭配的叉燒汁為整碗飯增添了鮮香。🫶🏻不是每道菜都好吃，要好好選餐☺️

見今日仲有少少凍，行開尖沙咀附近所以就諗住食煲仔飯。menu圖片上明明有兩層鰻魚點知撥開雞蛋後，只係得一片鰻魚如果呢個價錢其實唔抵食本來想問問侍應點解聽一塊，因為驚會加料，所以都算啦○日式鰻魚煲仔飯+例湯個下個飯味道都算OK，不過個例湯就好咸可能嗰度衛生嘛嘛，未行下到落佐敦已經肚痛下次都係怕怕囉！！

食街邊垃圾仲好過食呢間不知所謂既餐廳下午3點幾去左食個tea set, 枝竹豆腐火腩飯寫明係火腩 但係出嚟嘅肉係瘦肉咁你都有得呃？ 你哋唔好當客人係傻先得架難怪個個假期都北上消費 你哋檢討吓自己嘅食物質素先啦 貴唔係比唔起，但係你呢啲咁既垃圾食物質素 我1蚊都唔會想俾。 你請我食我都唔會食沒有責任既員工仲喺度解釋話會有唔同部位，咁你就唔好寫豆腐”火腩”飯啦睇你間不知所謂餐廳幾時倒閉咁既食物質素都可以俾人食我煮都煮得好食過你啦 不正常廚師 不知所謂餐廳+員工

叉燒炒飯飯好一般 叉燒表面好睇，但係食落好乾唔夠juicy而且冇乜味、如果可以加返多少醬汁就好. 炒蛋最好就係乾身少少比較好另外叫咗芝士雞扒麵 白色芝士只係芝士汁唔係真正芝士 雞扒亦都煎得好老好硬 已經冇晒肉汁同口感 、估計係已經一早就煎好擺喺度攤凍晒 有客人落order就夾落碗麵度 飲品就叫咗熱奶茶超澀唔好飲 最後服務就算吧啦 以為門口有人排隊就好嘢😓 anyway 呢類型嘅茶餐廳通常都係得個樣 希望可以改善食物質素同服務

前幾日去尖沙咀買換季衫👗🧥，行到腳軟就入咗🌟深仔記茶餐廳，食返個豐富下午茶先🍽️🍴呢間茶餐廳裝修得幾靚 坐卡位好舒服👍見到餐牌有紅豆特飲系列，平時少見，即刻點返杯🥤紅豆豆花鴛鴦先。入面有滑捋捋嘅豆腐花，真係有特色。叫咗瑞士汁撈出前一丁，配瑞士汁雞全翼🍗同香滑炒蛋🥚🍳，非常美味。佢嘅瑞士汁好香甜，雞全翼炆得入味，香滑炒蛋真系又香又滑。叫多個西多士🥞🍞，佢用上厚多士製作，非常香脆煙韌，食完真係大滿足💯

叫左bb辣牛百葉雲吞河，哇，辣到飛起都算，辣味好主觀，不過完全食唔到麻辣果種香味，味道好淡口牛栢葉硬到食咬唔到！好似石頭咁，差d哽親！雲吞好細粒，味道雖然ok，不過食得出來自醃肉嘅味道，同食得出好似雪藏蝦差！杯熱檸檬水，真係好細杯，唯一值得稱讚係可以出邊refill水，環境好

通返關，條街多咗同胞，尖沙咀嘅旺記亦日日爆場。嗰晚諗著食，點知8點幾就已經賣晒...... 😢唯有轉場食隔離嘅深仔記，竟然意外地好食過旺記💗！🟠三併滑蛋飯 $60（蝦仁 + 叉燒 + 牛肉）真真正正嘅蛋比飯多🍳🤤，鋪滿晒成個飯面之餘仲幾厚身生熟程度把控得非常好，超級嫩滑，冇一處過熟👏🏻一般併得愈多料，就預咗每樣嘢愈少但呢碟三併飯單抽一樣出嚟，都可以做份單併飯，太足料了吧🥹！#蝦仁 大隻爽彈，已經有大蝦級嘅質素#叉燒 厚薄適中唔乾柴，醬香味合格#牛肉 滑嫩有肉感，𡁻得出牛肉味呢個份量同質素，大癲🌟！其他細微位置亦毫不失色，適量豉油加蔥花，迸發出一鼓蔥油香氣令人爬下爬下就光速食晒成個飯🤟🏻🟣大家同賣滑蛋飯，一間貌似有網媒持就爆紅，一個舖位之隔嘅就臥虎藏龍都冇人知🫢 所以話，畀多啲機會大家，唔好畀媒體綁死，咁又一間好西口袋名單v(￣︶￣)v

食個lunch已經冇炒蛋，想要太陽蛋又話唔得，一定要反蛋，叫阿姐比張餐紙抺枱，佢勁到係自己褲袋攞張紙巾出黎幫我抺，嘩…真係唔該哂，送餐黎就成隻手指插入碗粉度，呢間野真係唔會再食

本身諗住食旺記 但太多人了😢最後去左呢間 近近地得茶餐廳食飯夜晚放工時間唔駛排隊但入面都幾滿坐開關後多左好多遊客嗌左個饅魚炒蛋飯比較無誠意 賣相亦欠奉但呢個牛扒餐都算ok雖然一開頭嗌意粉佢比左薯菜🥲份量都足 有兩大塊牛扒再加薯角同粟米男仔食都夠飽食鐵板既重點係要倒汁既時候「咋」一聲☁️佢呢塊鐵板都夠熱做到呢個效果😆$98包一杯熱飲同餐湯都算抵食喎😍

今午我越行越遠，行到深仔記食下午茶。乾炒牛河+茶走($48）看賣相不錯，食落肥臨臨，成口油，是不是近來我要求高咗。奶茶，一般水平，不過不失。服務水準，服務員工爽快，要橙色辣椒醬，即送來。

沙律唔知擺左幾耐，蘋果爛到臭，睇相可以見到係啡色加霉霉爛爛，油脾睇到都知冇味，食落都真係冇味，大快活$30幾一個餐好過姨到。明白幾十蚊個下午茶唔可以要求d咩，但至好似正常茶餐廳咁唔太好食都唔好比變壞左嘅野人地食，姨間係咁大個人食過最難食嘅茶記。個老細應該對夥計唔錯，有十幾個樓面返工，真正做嘅得五，六個人，門口幾個吹水多過做野嘅呀姐。裝修係新嘅，所以都企理。個個做嘢都有戴手套。好多把風扇，但冷氣唔係好夠，聽到啲阿姐吹水講話好多人都提過唔夠涼。

呢晚出開尖沙咀做嘢，想食得經濟少少，於是搵間茶記醫肚。呢間望落幾光猛，座位較闊落，所以就選擇呢度食晚飯。餐牌食物選擇都幾多，我揀咗「招牌蔥花滑蛋飯系列-蝦仁+叉燒+牛肉三拼」 牛肉同叉燒味道正正常常，飯的份量亦足夠，蛋亦算滑，但蝦仁份量就比較少而且細隻，唔夠爽口彈牙。價錢為$60包一杯熱飲，以尖沙咀區來講都OK，食物不過不失，都係一般茶記質素冇乜驚喜，但求飽肚都可以。

#尖沙咀美食 #茶餐廳🍽脆炸魚柳配薯條💰38⭐️深仔記茶餐廳📍尖沙咀亞士厘道29-39號九龍中心大廈地舖==============================📝難得早收工可以去食個tea，就去食好耐無食過既炸魚柳，大x樂個啲完全唔夠喉。依間茶記無刻意去搵，咁啱見到就入左去。係一份對得起價錢既炸魚柳，魚柳size大過手掌，炸皮薄，脆皮正，最重要係唔會有陣雪味同魚腥味。當然急凍魚柳啲魚質都唔會要求咁多。佢個沙律醬都係加分位，用左酸青瓜mix 沙律醬，類似老麥魚柳包個隻醬，有返啲層次感，配上魚柳就無咁單調。同埋佢係配波浪粗薯條，炸得夠脆夠通透。跟餐有杯熱飲，性價比黎講都算高。💫⭐️⭐️⭐️⭐️值得一試