海鮮島海鮮酒家

营业中

休息中

2008年4月5日(六)本來訂了發記的，但去了發覺海鮮島d海鮮比發記的吸引，故去了海鮮島。這餐\叫了食物如下:沙薑雞腳薑蔥炒蟹魷魚刺身椒鹽墨魚咀椒鹽櫴尿蝦京都骨粉絲蒸象拔蚌花跳螺清炒唐生菜沙薑雞腳無咩突別。薑蔥炒蟹同出面好多店一樣，唔係炒而係炸，故很乾身，不過d蟹又幾多膏。魷魚刺身都幾新鮮，食完無屙，唔錯。椒鹽墨魚咀同之前食家一樣，無椒鹽味。椒鹽櫴尿蝦可能因為斬左件先炒，故也是乾身的失敗之作，如果炒完才斬件，我諗會比較好。京都骨不過不失。粉絲蒸象拔蚌好似蒸得過了火，肉身較\"un\"。花跳螺都幾鮮味，正。清炒唐生菜無特別不用多提。這餐\好采有人請，如果唔係又破財了。

曾經,向各方好友大力推介,一想起食海鮮都會黎呢度.今次病好,諗住食餐好,有朋友叫不如去西貢碼頭,我都堅持要黎呢度. 點知,出事.店前推介的蜆湯~ 一飲,滿口胡椒. 薑太多,只嚐到辣,不覺蜆的甜味.而且帶有沙. 芝士龍蝦伊面~ 味道淡如開水,無牛油無芝士的酥香味,而且龍蝦好像未曾泡油(泡油後,會有股香氣),伊面是面無人色,白雪雪.墨魚二食之刺身~ 味如嚼膠,沒墨魚彈性. 賣相雖比從前更美,但味道已不再. 懷疑沒親自挑選,店主給了不太新鮮的.墨魚二食之椒鹽~ 沒有椒鹽味,外層不脆且軟淋淋. 不知是否不新鮮,吃下去肉質也是一Pat Pat.椒鹽賴尿蝦~ 之前食過好多次,令我回味無窮. 今次單看已不行,沒有椒鹽在外. 吃下去,過了火,把蝦羔也炸焦了,肉也很"孩"口.2隻咁靚既賴尿蝦就咁就晒咗.蒜容帶子~ 想著是最穩陣的一味,怎料粉絲帶子乾淨淨,帶子底全是油.椒絲府乳生菜~ 基本上已經係最好食個樣.

完全食到哂海鮮ｇｅ鮮味　

寫翻之前的一餐海鮮餐香港地吃海鮮有三樣野要注意: (1) 店鋪能否將海鮮熟得好食同海鮮本身是否新鮮------ 依間海鮮都頗新鮮, 大部份海鮮都做到好食(2) 貴/ 合理------ 係西貢散叫海鮮好難可以平, 只有貴同合理的分別; 依間野勉強可以叫合理(3) 有否俾到足份量你 貴的餐廳唔一定俾到足份量你, 平的又未必唔足秤; (2)同(3) 係分開睇的----- 依間有少少唔足秤16號當日, 市區氣溫得11/12度左右, 坐係碼頭果邊食, 結果d野食好快已經唔熱, 食左好食的有: 南非"包"魚, 每人一隻@$68一隻, 口感比大連果種好, 不過好貴, 2年前好似賣緊大約$38隻$78四隻聖子王, @$28蚊一隻$112椒鹽瀨尿蝦一隻$?? 蛋白花X蒸蟹, $13蚊兩, 食左隻細蟹約$250左右後加墨魚兩食, $200, $10兩, 一斤四; 炸果個其實炒得一般, 不過刺身好食一般的有:蒜蓉蒸象拔"pon" 每人一隻@$28蚊一隻$58, 好"un", overcooked~ 難食: 炒小白菜$?? - 頗重味精兩支啤酒, 此處要收加一兩個人, 無叫白飯, 豪吃海鮮, 埋單$10

一家三口到此揾食，靚海景環境開揚，感覺舒暢。不食套餐，點選個人喜好:1/. 白灼蝦- 新鮮肉嫩彈牙，火喉剛好。8分2/. 椒鹽瀨尿蝦- 色澤金黄，啖啖肉入口甜爽。8分3/. 油鹽水蜆- 煮過火肉un，但啖湯清甜。6分4/. 椒鹽墨魚- 色香味全，鮮而不油。8分5/. 薑葱肉蟹- 啖啖肉，正。8分6/. 招牌炒飯- 不油，火喉足，香口粒粒飯。8分整體水準中上，食物+環境好過去西貢市食，但車位嚴重不足，服務算ok，仲有懶洋洋唔憂做feel，只要自己以悠閒心態去享受與家人共聚時光，包唔會激親。食完後行出大街途中有地道海鮮乾貨買，回家煲湯幾好味嫁。

睇報紙話布袋澳好靚所以今日一家四口入去行下行左一陣就俾"海鮮島"0既阿姐兜搭入去食野d待應好似散散懶懶咁坐左向度成10分鐘d人行黎行去唔知做咩入左去坐低左都冇人招呼茶都唔多滴淨係坐向度食風=.=嗌極都冇人理到後黎拎左一膠壺不知名的"茶" 俾你洗杯同飲但係好怪lor...行出去揀海鮮問佢有咩推介佢已經快快手手執左兩個大瀨尿蝦入桶我都好似未決定話要唔要=.=跟住就揀埋4隻帶子+ 幾大條同生猛ge黃立(魚倉)d人好似唔想你問黎問去揀黎揀去問咩都1好不耐煩咁話"得ga la,信我,哩d真係好食"黎打發我地番埋位=.=唔知係咪因為下午4點鐘d師傅休息緊出菜出得都有d耐唯有繼續食風先黎椒鹽瀨尿蝦d 爆蒜好淋好油"憶"味="=蝦一般冇咩鮮味殼多肉少肉淋身怪d蝦ge大細同頭先向桶0個兩隻唔同ge...再黎蒜蓉蒸帶子講起就一把火啦!!!!!首先, 4粒帶子旁ge裙邊唔見左!!! 4粒帶子ge大小等於一粒粒飛行棋咁大而佢0既肉質都好似一粒粒飛行棋咁鞋到嘔!!!冷藏仲好食過佢大過佢可怒也!!!邊有可能細成咁?仲有粒肉係好易拎起令人懷疑係掉包帶子上0既粉絲好碎好硬冇咩蒜蓉同豉油汁跟住係海膽炒飯d飯炒到爆海膽見

同同事行完山，一早訂左位黎呢度食。一個個餓鬼，望住魚缸已經流晒口水...因為人多可以叫抵食既套餐，我地叫左瀨尿蝦餐，有魚蝦蟹瀨尿蝦蟶子扇具蜆湯雞炒飯+另叫的象拔蚌...咁多樣海鮮，俾分最高當然係象拔蚌刺身，不過都幾貴連刀工，一隻2斤半到的要700大洋，我地叫果個餐都係1800咋! 之但係，又真係鮮甜到不得了~ 我應該係食得最多果個!!! HAHA~~~第2高分我會俾瀨尿蝦，好似有4隻定5隻架.. 雖然冇膏但肉質鮮甜!!!而佢椒鹽亦整得好惹味香口，欲罷不能，我呢個蟹后呢一晚放棄左我心愛既蟹(又因為佢整得比較辣)而取瀨尿蝦.季軍得主係白灼蝦，有可能係因為第一味，所以係寧舍好味，但其實又真係幾大隻幾新鮮入口彈牙鮮甜，就算唔點鼓油都好味!其餘既海鮮都有咁上下(蟶子係唯一炒得麻麻地)，白切雞賣相不討好但食落亦唔太差! 阿姐服務唔叫好但係都冇黑面既，咁多人大家將就下!好美味捧肚的一餐只需$260. good deal!!!

睇左好多食評先決定去海鮮島，評論如下：(1) 冇渣車的話真係好d難度，就算有車都冇咩位泊...(2) 做晒research，都知海鮮島的服務態度一般，原來大家真係好老實...我訂左台8:45，有個亞姐叫我跟另一個亞姐行去最入(長堤)，有兩張台，個view都好好，根住又話有人hold左，個亞姐竟想趕返我地出去，我話有冇攪錯，我位又訂左，又係你d人叫我入去坐，我當然同佢\\\理論啦，個亞姐一開始已鞋口鞋面，最後又咪係開張台比我地‧‧‧(3) 到我地出去叫海鮮，我女友超級like食墨魚，哈哈，睇得多各位兄弟姐妹的食評，冇理由唔叫墨魚兩食比女友，之後點左跳螺(因女友睇完\\\"亞蘇\\\"介紹跳螺)，大蟶子兩隻，貴妃丰兩隻，膏蟹一隻，一碟蒜蓉白菜仔。- 墨魚兩食，可能已經知道是怎樣，比我預期中冇咁好食，不過都好新鮮，但女友就食得好happy(這樣已經回本啦)，炸墨魚都ok，共80分- 大蟶子，好甜，好好味，90分- 貴妃丰，剛剛好，鮮甜，90分- 跳螺，有d似北寄貝，我都係第一次食，ok啦，一貫貝類海產味道，75分- 蒜蓉白菜仔，差差差，淡而無味，唔比分喇- 最後亞組仲落漏單，冇左隻膏蟹，真係

其實我係上個月黎食過,,上次無寫評語,,所以而家補返..上次男友話帶我食好野,,咁就揸車入黎食...其實之前未聽過布袋澳有海鮮食..今次我都係第一次黎.呢度環境OK,,有海風吹吹下..我地點左以下食物:豉椒炒聖子王兩隻...好大隻..好鮮甜..蒸扇貝...都係好大隻..好新鮮..墨魚兩食..墨魚我地好似係要左四分一隻..但都好大隻.1.)刺身..我唔係樣樣刺身都食到架..D個非常新鮮..勁爽甜..2.)椒鹽..我從來未食過咁正既墨魚..剛剛熟..唔會老..口感非常好..彈下彈下咁,,超正..芝士焗龍蝦拼皮皮琶伊面低...龍蝦OK都幾爽口,但同龍蝦比較,,我就覺得皮琶蝦鮮味好多....由於我地只得兩個人,,食量有限所以個伊面只係食左小小...兩個人食左七百蚊左右..需然好似貴左D,,但D食物有咁有質數..無所謂啦..PS:呢個地方就真係幾難搵..無車既話都唔知點黎.

寫海鮮的亞姐很悔氣，每問一樣價錢都黑口黑面；有些索價雖然離譜，但最後平均價仍算抵食，吃得開心就算數了。．鼓椒聖子--- ９０分．上湯龍蝦--- ８０分（但伊麵較差）．扇貝--- （唔OK ）＊交通不便，要３０分鐘一班小巴，搭的士也只需　＄８０。

同事生日~ 一團9人就決定左食海鮮賀一賀佢~咁0岩果日有大戲0係村做show~只見倒一個花面人0係後台new鼻屎hahaha~講番食~訂左台...但都等左10分鐘~~算OK啦~上左3樓...上完去...又行番落去揀海鮮....地方大~唔迫~~幾OK~店員態度都好~~我地叫左1) 芝士局龍蝦+伊面唔太特別~同出面酒家食唔差太遠~最特別係個芝士~一D都唔漏2) 蒸扇貝新鮮D~個味都唔同D~~幾唔錯~~不過唔大驚喜3) 墨魚刺身+召鹽兩食果然係招牌菜~~正!!唔食刺身既朋友都勁食...超爽甜~~最衰叫得一隻...唔夠喉...4) 蒜蓉開邊蝦海蝦size夠大~~蒸得0岩0岩好~正!5) 薑膏蟹本來諗住叫肉蟹...點知無晒...轉左超級大膏蟹..兩隻差唔多3斤= =" 可以用爆多膏黎形容...真係食到唔食...肉都多~~唔比肉蟹差~~炒得夠乾身~~good~6) 蒸鮑魚第一次食D唔係鮑魚仔既鮮鮑~好味~~不過都無乜驚喜~中意鮑魚既朋友可以試下,值得一試~~但試過就夠XD7) 召鹽瀨尿蝦正到爆~~D肉超爽甜~~直頭係龍蝦既級數~~叫左4隻...5分鐘被全台人秒殺...後悔叫得咁少8) 豉召炒蜆唯一

去到入西頁回旋處，有好多車呀!! 各人都怕入到西頁好難搵食，慧姐提議到布袋澳，在沒人反對之下，司機便立刻調頭。今次係我第二次到，第一次係.............. (唔記得、唔想講?)是晚的餸菜：(有D唔記得影想呀) 1. 魷魚刺身$350 - 這到出名之作，但口感嘛嘛!2. 蒜蓉鮑魚仔，好食過扇貝呀$1803. 聖子很肥美，鼓椒很惹味，正! $1504. 胡椒蜆肉湯，勁有胡椒味，合我心意!! $1205. 椒鹽懶尿蝦，雖然貴但物有所值$300 6. 白烚東風螺，朋友仔話好甜，但我對這東西不大興趣$80

不過埋單成1020~ (赤....)但D野真係好好食~~~~~ 魚岩岩離肉~ 最好食反而係聖子~ 夠大條又爽~~ 瀨尿蝦同灼蝦就唔錯... 不過反而扇貝無乜油無乜汁~ 就無咁好味~

暑假尾, 搵個理由又黎豪一餐, 今日同老公二人係碼頭搵呢間試試!清蒸瓜子斑, $17兩, $187, 肉唔太肥美, 普通魚一條, 黃立倉仲好食!椒鹽瀨尿蝦, $117, 肉好少....食唔到啖啖肉!粉絲蒜蓉蒸扇貝, $15/隻, 粉絲偏硬, 粒肉好假, 急凍既仲好食!清炒西蘭花, $48, 要求少鹽少油, 都做到, 可能係全晚最好食既一碟!白飯兩碗!臨尾送個新奇士橙, 幾甜!

十二個朋友連埋本人黎呢個我從來都未聽過o既布袋澳地方食海鮮，真係幾新鮮呀。一眾肉食者叫左一個十二位用套餐，食物包括﹕芝士龍蝦伊麵-> 一d都唔『漏』，好味鮑魚仔十二隻-> 淨係聽個名都知好味啦青蒸海斑-> 同大酒樓差唔多龍崗雞-> 同上椒鹽蟹-> 比較少食，未能分享心得基圍蝦-> 好鮮，唔駛加醬油都覺味其實仲有一個海鮮湯、生果拼盆等，未能盡錄。但價錢都算合理，食到反肚位位埋單計180蚊。地方算係乾淨。多謝巴士老闆好介紹啦。下次一定再黎食過。