海韻素食菜館

营业中

休息中

同朋友一齊參加左地貌行去大澳，去了解下大澳的地貌同歷史，然後幫手清潔岸邊，係一個好好既體驗。朋友以前係大澳長大既，依家三不五時亦都會返大澳探屋企人，所以活動完左之後，就由佢充當導遊帶我地周圍去啦！掃完街再去左佢屋企(係棚屋黎，咁大個女第一次入去棚屋，睇到裡面結構，覺得好新奇！)坐左陣之後，就食晚飯啦佢話帶我地去＂海韻素食菜館 ＂，我一聽個名以為係食素，但本人係食肉獸，即刻問佢有無第二個option點知佢話依間野係有肉食揀既，只不過係有Ｄ特式素菜同素菜選擇較多，佢仲早一日訂左鹽焗雞添～（霸王鴨同鹽焗雞要早一日預訂）鹽焗雞超級入味，而且雞味好足，就咁鹽焗帶出鹹香已經好好味啦～根本唔洗點薑蓉另外雞皮薄薄一片唔會好肥咁，雞胸位亦都唔算好鞋依度係無海鮮食嫁，但你可以自己帶黎俾佢煮，收返加工費，朋友屋企人買左好大條馬友，揀左紅燒方式去煮馬友炸到卜卜脆，再用醬汁燜煮，就算醬汁淋滿成碟魚都唔會令到Ｄ魚唔脆，我食到尾都仲食到佢係外皮脆身既(當然一上桌時係最好) 馬友啖啖肉，加上個汁又香，炸得又靚，我忍唔到口食左好多舊呀！菠蘿生根應該係咕嚕肉既素菜版啦XD食落醬汁一樣，味道酸酸甜甜，只不過將豬肉變成生根，

對於很多人來說，素菜館一般都會指該店全面做素菜，絕不會想到會有肉吃，但是大澳這間素菜館卻正正打破這常規，雖說是素菜館卻有肉賣，所以奉勸有宗教信仰的朋友，必需三思這情況，否則當鄰桌在大魚大肉就會感到當罪了。先介紹個環境，從大澳巴士總站(新站)，下車前右面就是大家常常去的大澳市集，那大家請回頭轉一轉，你會見到在遙遠的一方有數間村屋，那裡正是這店的位置。進店子後，眼見已有好幾枱大枱已經有幾團人吃了，初時還以為是要吃團體餐才可以，不過其實散叫是沒問題。打開餐牌，一般的素菜都有，但在素菜前幾頁卻寫了有 ：鹽焗雞， 醬鴨等…等等，不是素菜館嗎？為什麼有肉吃？這問題還和家人爭論一番，即使吃的是素菜，但應該是用同一廚具煮肉嗎？而且油都是動物油吧，所以這才說有宗教信仰的朋友不要來，因為你不知道究竟那麼廚具有否用來煮葷，問又奇怪。但沒有的請慢慢食用。叫了三個小菜，椒鹽豆腐，酥餅三併和羅漢齋。椒鹽豆腐有強烈的豆味，這是現在的舖頭少見，三併是 芋頭炸卷，腐皮卷和春卷，都炸得很香，羅漢齋都是用料十足，值得一提他們的凍豆漿都係很香的，不妨一試。埋單310，便宜說不算了，都是市區價。值不值得就自己衡量。回程到巴士總

平時三步不出龜門的小人，一天居然傻傻的陪著朋友到大澳買蝦膏。走來走去，天氣又熱，小人差點餓昏😥，朋友還說到甚麼素菜館，當時實在萌生一走了之的感覺！但又覺得不好意思，心想勉為其難就相就陪他一次吧。奇怪的是原來素菜館都有肉食！馳名招牌鹽焗雞激瘦，無甚雞味，且有點靭，不過以補充體力來計總好過無。八寶鴨也很細隻，肉炆得極腍，釀料多而且汁香甜，雖然不能與蓮X樓的相比，佐飯是不錯的。椒鹽白飯魚的椒鹽下得輕手，略嫌不足，而且炸得乾硬化，在又熱又濕的天氣之下亦吊不起胃口。說到素菜，就是兩道豆腐及通菜。炸豆腐很難不好吃，只不過外層欠調味，乃無味極品。普通炒通菜一碟，通菜有點靭，吃剩了不少。在素菜館吃葷菜，食完變了兩個冏樣……

每年我都會來大澳探望家人，之後一家來海韻吃飯，假日很多人，試過幾次都是說不設訂座，但又每次見到室內有幾桌空位都說給人訂好了。今次也不例外，堂座有八、九張枱，只得一桌有客，卻堅持要我們一行9人坐外出，而且態度很差，我怕室外冷氣不足，老人家會不適，希望坐餐廳裏面，但服務員要求我們坐堂座一張很細的枱，因不想一家老少再找其他餐館，最後我們只好坐外出較大的枱。明年我不會再來惠顧了。食物方面，一般茶餐廳水準，其中點了一客梅菜扣肉，比較少餐館做，還不錯。

今日趁復活節最後一日假期，入大澳玩下，友人推介呢間素食店，由巴士總站行去約10分鐘，正值下午，幾乎滿坐。見到呢間店素食出名，叫了波蘿素雞$68同紅燒豆腐$68，仲以為素雞會好似素鴨甘，點知原來係用豆腐整，好心就改個餐名做波蘿豆腐，真係成肚氣，欺騙顧客。俾成150食兩碟豆腐真係火都黎。豆腐好鞋口，無豆味，街邊貨色，唔會再有下次，山長水遠黎到，真係令我非常失望仲有，這間只不過係掛名素食店，入面仲有肉食同海鮮。

喺大澳遊走完就去食lunch喇...朋友多年前食過「海韻素食菜館」話味道唔錯…所以就選定食呢間喇...見到已甩色嘅路牌就左轉...全程直路就會搵到...去到門口先知有一級…當刻都唔知點好…好在朋友當中有坐手推輪椅而且佢又可以落地行幾步…於是我就轉坐佢部車…齊齊有飯食(yeah！)雖然食店舖寫住「素食」…但其實無關係…事前無預約，等咗一陣竟然有枱！呢度主打食中菜…大家鍾意食乜就叫乜～椒鹽鮮魷 $70新鮮即炸，好食！鹽焗雞半隻$145新鮮雞味道真係唔同d！調味剛剛好，又係好食。咕嚕魚塊$70味道一般蝦醬通菜$入到嚟大澳自然想食蝦醬，正呀！荔芋酥卷 $70又係即炸，超級熱！好食呀，芋頭好粉糯，一d都唔油膩~生炒牛肉飯 $50味道麻麻哋，又唔夠乾身，不過好大碟囉～呢間食店應該有d出名...見到好多人都會嚟食...味道又唔算勁好食...不過價錢唔算好貴....一般人嚟食吓又無妨但對於輪椅使用者嚟講就唔太適合嚟喇...因為門前又有一級...店內空間有少少逼...唔~自己衡量啦

上星期日同成班朋友去咗大澳玩，大家行到肚餓跟住入咗 一間素食菜館食齋菜，原來有好多樣齋菜品種有芋頭魚，仲有大澳最出名嘅山水豆腐，腐皮卷，羅漢齋， 生炒骨， 本土有機菜心 仲有好多好味道嘅齋菜不能盡錄， 環境優美清靜，同埋老闆娘特別推介最有特色就係腰果露甜品非常好……食。尤其老闆娘同老闆非常有善，同我哋講其實都仲有好多海鮮餐都好好……味 服務ok👍 今次我們大家食過之後都感覺到醫生素食菜館啲齋菜 真係值得大力推介

家人心血來潮想去大澳，收到指示後已立即出發，可到達時已是下午五時多了。在市場匆匆逛了一圈，便來到今天的真正目的地~海韻素食菜館～餐廳並沒有漂亮的裝潢，像是大排檔，説是素食館餐牌卻有葷菜，離大澳的市場約十分鐘路程。一坐下便叫了一壺豆漿，好大一壺，一桌七人也喝不停，豆漿有一股炭烤的焦香味，甜味剛好，濃濃的豆漿，一面喝一面忍不住大呼好喝鹽焗雞是我所吃過最嫩的，咸香入味，功夫了得👍🏻芋頭魚的芋頭好粉好香，外皮又炸的鬆化，芋頭先用腐皮包好再沾粉槳炸，味道很好，只是有點膩。魚香茄子是真的超讚，主角茄子不像外面吃到的常被肉碎淹沒。這茄子超多，一片片切得好工整，光滑水嫩，每一片茄子都非常入味，咬下去魚香四溢，且一絲油味也沒有，juicy得來又有咬勁，十個讚👍🏻點了兩個菜，豆豉鯪魚油麥菜及蒜蓉炒菜心，油麥菜配豆豉鯪是最佳拍檔，這菜也無什麼要挑剔的。菜心真的很新鮮很嫩，咬下去還可以感受到淡淡的花香，只是我也嚐到一絲絲青澀，因此扣了點分。山水豆腐是嫩得像豆花，有炭火焦香，唯一缺點是豆味不濃。菠蘿牛肉幾乎見不到菠蘿，滿滿的洋蔥，牛肉有一點點臊味，嫩是嫩但沒什牛肉味。這是從海鮮檔買過來讓店家烹調，肉有點過熟，不

餸菜要等10年先到，等到明年春年花開時啦不如 😠😠😠第一次食野食到咁嬲，嬲到陣，要等野食都算，d野難食都算，有邊一間食野嘅地方d人可以服務態咁差，差到無人有，一定唔會再來！😠😠😠

係東涌行入大澳，通常二，三小時，行到入去無哂體力，即刻諗起呢間素菜舘，中午同晩市都有黎食過，今次夜晚多咗好多人，不過我地2個人，都好快安排咗張細圓枱比我地，其實呢度格焗似大棑檔，坐低可以飲茶或滾水。係呢度我嘅最愛係芋頭魚，特別鐘意佢整出黎外型係魚同入口啖啖芋頭感覺，出面係脆皮，燒辣辣上枱，超正！跟著叫咗個什菜煲，上枱都好大份，幾多菜，算無欺場，另外叫咗個蛋包火腿，味道算唔錯！整體都好評，下次行完山會再來！

素食店是指沒有肉食吧！但這裏竟然有得食海鮮及雞,是我蠢不明白還是店主故意欺騙客人?走進店內,衛生一般,桌面尚算清潔。不過從巴士站行過去覺得很遠很遠,來到已經很累。但這裏的職員並沒有體會到,攞位時還有面色給我們看,食物亦沒有什麼特別!跟大澳市心的特色食物有距離,只可以說很失望。

行完山嚟到大澳已經十分肚餓，再行埋過去海韻食啲野補充下體力先!雖然下午4點，但假日遊客特別多，都要等左一陣先有位。一共點左5個餸，碟碟都份量充足。椒鹽鮮魷，無咩椒鹽味，粉太多而魷魚太細。炸春卷，鮮炸上台，皮脆燙口，配料有芽菜 紅蘿蔔絲同木耳絲，食落好爽口同無咁油膩，而且有好多舊。芋頭魚，外形得意，芋頭味香濃，入口即溶，外層脆皮反而有點失色。紅燒豆腐，是次豆腐煮得燶左，有燶味，但好香滑，正好中和油炸的熱氣。仲點左雜菜煲，有幾種菜同有粉絲，煮得好爽口，粉絲吸收左菜的清甜味，食過唔停口。6個人食5個餸都好飽飽，而且味精不多同抵食!唔怪得就算行遠啲都仲有咁多人光顧,但感覺都係第1次食好味D!~

兒童節慶祝沒我份，KIDULT 的悠長假期不出港就一定向離島出發！今日去大澳玩，到達大澳，逛了一下子已覺肚餓，聞說大澳有一兩間素菜館，同行的靚太強烈要求下，假孝女又要去陪食齋去了~~從OPEN RICE搜尋，決定試一試排名較高的海韻素食菜館好不容易找到地址，看見門外坐滿等位的人，又好不容易搭枱坐下，同枱的一家是大澳居民，他們都好友善更加以攀談，原來此餐廳是他們及不少當地居民的食堂。打開菜譜，見到一頁食葷菜，大概是滿足部份非食齋的食客而設吧！紅燒豆腐($60): 紅燒豆腐真的是素菜館的最合我心，炸豆腐份量超讚的多多多！ 仲有小棠菜，冬菇、紅蘿卜等配料，送飯已很足夠荔蓉酥卷($65): 大油鑊將芋蓉外層的腐皮卷炸得脆香可口，芋蓉於內層相對很軟濡細滑，香甜適口。配上酸甜汁減少油膩。時菜素鮑魚($65): 小棠菜鋪滿全碟，蒟蒻做的素鮑魚爽口彈牙，加上素鮑汁薄芡，清清地幾好味。話說幫我落單的是一個大機7,8歲的小朋友，應該是老闆家人，同枱食客逗他說話也不太理睬，大概是太早起身幫爸爸手感到攰啦，見他抄寫紅燒豆腐也遂個字一筆不漏地抄寫，小學生的大小不一字體及堅持寫正字的態度令我忍俊不禁，都是自已寫下

今次遠征行 “ 東澳古道 “ ，由東涌港鐵站出發，經東涌舊村，沙螺灣，深屈，到大澳為終點。路程話遠唔遠，話近又唔係，但沒有大上大落故絕不辛苦，亦可以近看機場及港珠澳大橋。到達大澳，就到此店搵食，要試聞名已久 鹽焗雞，大澳水鄉，如果不在中心區段，其實非常清靜，中心地段，被遊客霸佔，人山人海，不是朋友介紹或識途老馬，遊客就不會過去另一邊，由巴士總站旁經過長長堤壩，約走十分鐘 店舖隱藏在民居中，未來過訪客，可能要時間搵下， 人頭湧湧，剛剛一檯客走了，不用等位，香港食家多，專程試菜亦不少鹽焗雞，好多時，遲來已賣晒，雞味香濃，黃油雞，肉質柔滑，鹽味入骨，要學卡通片主角 。。大叫好好味，推薦必食 外腐皮脆內裏芋頭味香 肉絲調製好好，芽菜亦好鮮 自家山水豆腐，推薦，豆味香，入口幼滑 喜出望外，椒鹽白飯魚，非常香口，魚肉鮮， 最差之一碟但我們都掃清這碟 星洲粉米。

食番一餐好既，為呢個秋日旅行劃上完滿既句號。海韻素食菜館，既食評都好正面，而且位置較入，好似一d隱世餐廳咁。白灼蝦：鮮甜多汁，配上辣椒豉油，正！！！芋頭卷：用腐皮包住芋頭蓉，卷好再炸至金黃，外皮香脆，芋泥香滑，口咸豐富。鹽焗雞：老闆話平時要訂先至有，但好好彩有人cancel左個booking我地先有得食，雞肉好滑，雞皮一d都唔肥，咸咸地咁，送飯一流。蒜蓉西蘭花：翠綠既西蘭花，加上香濃蒜味。大澳呢一個細細既社區，竟然有咁多好野食，真係值得再去！