海雲天

营业中

休息中

朋友為我補祝生日，問我想食啲乜？我揀點心放題。踏入十一月，好多酒店都加咗價，上網得知, 九龍海逸君綽酒店海雲天點心放題， 網上平台網上買票，每位祇需$168，現埸再俾茶錢同加一，埋單約$210位，呢個價可以任食，更有海景睇，算抵。分3個時段，我哋揀14:30下午茶時間，因為呢個時段應該無旅行團嘅旅客第一次嚟呢度飲茶，早到30分鐘攞個靚位睇靚景酒樓地方寬敞，適合婚宴，朋友話透過玻璃窗，睇住無敵海景同外面靚景， 未食已經心曠神怡，視覺享受一流呢度係scan QR code落單, 90分鐘用餐時間，但入座後60分鐘就截單。先嚟嘅都係甜點小食之類，蒸點就要等下推介豬肚及椒鹽豆腐粒，特別個豆腐熱辣辣，外脆內軟，鹹度適中其他小食：雲耳、中華沙律、鯪魚球、上湯菜苖👌甜點做得唔錯，黑金流沙包奶黃加鹹蛋黃無得輸桂花糕清甜，個人喜愛芝士蛋撻蝦腸👌薄薄一層咸蛋黃包住涼瓜，幾香口好食，但食多幾件感覺有啲膩，朋友欣賞鹹雞粥，話粥底綿同夠熱鮑汁鳳瓜炆得幾腍入味，但個汁太鹹同太油，乾燒伊麵夠乾身兩種蝦餃味鮮彈牙，但芫荽味唔太突出，燒賣亦是，蟹籽比芫荽優勝香芋排骨質地本唔錯，但排骨太肥，無乜廋肉網上訂位均有每人一隻蚊

秋高氣爽又係食蟹嘅好日子 海雲天-秋風起，同朋友一齊約飯局就有人提議想食大閘蟹，坊間食大閘蟹既餐廳花多眼亂，今次就係網上平台揀左個大閘蟹套餐試一試($468另再收加一茶位，大概550/1)，勝在好多樣菜式可以試。.海雲天係紅磡九龍海逸君綽酒店入面，中菜廳環境氣派一流，如果坐窗邊仲可以望住海景添，侍應亦都幾好禮貌，加茶都快手，唯一係尾段上菜速度太趕，食完大閘蟹之就一次上哂其他菜比我地，有少少趕收工咁，要扣少少分。-1.生拆蟹粉伴蒜蓉包3.5/5前菜都幾先聲奪人，一窩金黃色嘅蟹粉非常吸睛，而且仲好貼心咁用小蠟燭保持熱度，可惜蟹粉鮮味唔夠突出，但配住蒜蓉包入口仍係唔錯嘅前菜。2.功夫蟹肉羹3.5/5蟹肉羹都幾足料，落枱時侍應提醒要趁熱食，入口發覺稍為清淡，要加返少少醋調和先突出返湯羹鮮味，亦都頗為暖胃。3.雙色蟹粉小蟹包3.75/5蟹粉小籠包係本人非常鐘意食嘅食物之一，一隻靚嘅小籠包入口應該係鮮肉湯汁加埋蟹粉嘅鮮味令到小籠包味道提昇多一個層次，可惜依到既蟹粉只算係合格，味道唔夠突出，但都算幾好食。4.清水大閘蟹3.75/5今餐蟹宴嘅主角當然係大閘蟹啦，侍應提醒蟹分兩次落單，包保即叫即蒸，保

預訂了三人午市放題，早上11時開始，限時1.5小時，每位$188另加茶芥後再加一。食肆環境一流，但食物質量及店員服務態度就九流。早上11:10左右用QRcode點第一輪食物，約30分鐘食物才到齊，食物質素普通，份量偏少，例如一人份量的腸粉，腸粉只約一吋。侍應生服務態度其差，眼見我們及周圍食客都要多次催促，才幫客人茶壺加水。我們約11:45再用QRcode落第二次單，叫了約10種食物，但到了12:10才到了3種食物。我們向侍應生查詢，他原本說可能漏了單，叫我們再加單，但他又說過了12:00便不能再落單。真係激到我們一肚氣，唯有埋單走人了事。

當造大閘蟹季節，上網見到有優惠價買券大閘蟹9道菜，4個仲送花雕酒BOOK咗630，好好彩安排咗窗邊位，有海境睇，環境唔錯坐多陣見D人陸陸續續開始多人…..9道菜唔計大閘蟹，8道當中有4道係有蟹 大閘蟹SIZE唔係好大隻，雖然唔大隻，好多膏生拆蟹粉蒜蓉包，金黃蟹膏好香仲有蟹肉，仲有個爐仔”興”住，而份量足夠夾2塊蒜蓉包仲有多少少，唔會小家，蟹膏超正雙色蟹粉小籠包，呢個就普普通通功夫蟹肉羹，味道清清地，有蟹肉觧味，啖啖都有蟹肉古法蟹粉芙蓉撈麵，蟹粉芙蓉好似芡汁，亦都有一絲絲蟹肉除咗蟹，值得一提係椒鹽小黃魚相當出色，酥脆肉嫰，超好食，成條除咗個頭同條主骨之外，其他部分都食晒…..酒店既中菜廳，食物品質同味道唔錯，用優惠價買券就更抵!相當滿足嘅一餐不過樓面服務就差少少.....

第一次到海雲天酒樓吃晚飯。心想是酒店附設中餐。食物質數應有一定水準。結果一間5星級酒店。但卻出一間半星級水準酒樓。食物水準是小店不如。真是極度失望。侍應之間完全沒有溝通。第一道菜到茶水還沒有到。要斬六關才可最後送到茶水到但卻不是我們所要。第一道菜，蟹肉配麵包。麵包好像是早上做，晚上再上。第二道菜是主角-大閘蟹-從沒有吃過如此沒有鮮味，蟹糕大閘蟹。廣告上說有4-5両。結果3両都唔知有沒有？一晚菜色只有菜苗和湯丸才可以入口。其他真不敢恭維。

失望 加 失敗2百多元連加一 差不多300元一位水準之差先說食物上枱是暖的或凍的 食物質素差 我見伙記拿食物上枱連餃子皮都黏到出菜紙 或 黏到伙記的手黏到餃子皮甩哂 你睇唔到照比你食 你睇到唔要佢就比其他枱食 是多次發生更離譜的是你落單的點心有些未有黎 但無端端送上你沒叫的 再看 我食的是隔離枱追單的 再隔離枱就重複了很多點心是我落了單的 嘩 果D點心 週圍飛 你叫的去了別枱 佢的又唔知去了那枱的 超搞笑更離譜是同伙記說這點心不是我叫 他答 無所謂 你唔要就比另一枱囉！唔好去 超差連廁所都是差差差 五星級酒店喎！

左揀右揀 揀個爛燈盞，大閘蟹套餐一肚氣一嚟個蟹粉多士冇特別再嚟蟹粉小籠包啲皮又厚又冇味之後嚟未脫毛醉鴿第一隻低溫蟹一開已經酸臭😱伙記二話不說即刻去換！第二隻高溫小小，比較冇咁酸不過仍然臭，叫伙記唔該攞走好臭我話唔使再上蟹因為真係唔食得，即刻大閘蟹套餐可以冇蟹可以食一直呆坐左15分鐘冇上任何菜，亦都冇人理過我哋！真係等到火滾叫伙記問下，佢叫咗個啞又冇禮貌嘅經理嚟，我話D蟹臭唔使再嚟，咁其他餸都要上卦，佢一句都冇答我，一句唔好意思都冇就走左去！一間酒店竟然有咁嘅經理，咁嘅食物質素真係初體驗，正常都有個人埋嚟解釋下，隔離枱都投訴蟹有問題，呢個經理真係經過唔理！呢個工作態度真係衰都不得了

非常喜歡佢燒鵝酥同原隻鮑魚燒賣既賣相😎😎👍🏻，我本身食慾不大，但都被佢個賣相吸引到😬，好似「食神」裏面嘅賴尿牛丸，吸引到厭食症嘅人咁😛😛😛😛😛

網上KKday買咗平日下午點心放題。$168未計茶錢同+1. 計晒之後係每人$210。平日去。book咗2:30。呢個時候其實冇咩人。可以坐落地玻璃隔離望海景. 呢個時段應該是得三台客連埋我。本來滿心期待。見到其他人啲相，好似好好味。好精緻咁。網上亦都有10月份嘅點心紙可以參考。張點心紙睇落好似好多嘢，但去到之後發覺其實真係冇咩食。因為點心紙入邊有好幾種點心都係重複嘅。例如燒賣，都有三款。分別係傳統燒賣，麻辣燒賣，同埋芫荽燒賣。牛肉球，粉果，蝦餃都係有幾款唔同嘅口味。至於小菜類，睇落又唔係好開胃，所以冇乜點叫。叫咗個椒鹽豆腐，嚟到嘅時候係一啲都唔熱。應該一早炸好咗。又或者係上一輪食嘅炸物。基本上除咗蝦餃燒賣牛肉球同埋其他要蒸嘅點心之外，所有嘢都唔熱。感覺上係上一輪食剩嘅嘢。無論熱定熱都好，味道都唔係咁好。見到佢有個芝士伊麵，聽落好似幾好。雖然知道會好晒個胃嘅空間，都叫咗來試吓。但係中咗伏。首先係冇芝士味㗎。其次就係極度之鹹。應該落咗成樽鹽落去。根本食唔到。普通酒樓散嗌都好食過佢。以呢個質素人均$210實在太貴啦。如果喺出面正常嘅酒樓食，人均唔使$210，而且一定會好食好多。只可以話放題

4人訂了星期五晚上7點, 準時入坐, 有二張紙: 1. 是可以起菜, 2. 是可以上第二隻蟹我們7點收上菜, 好快就上了頭三道菜. 都依菜單上的次序上, 那接著就應該是第一隻蟹, 我們在聊天, 直到有朋友開始感到肚餓時, 才發現時間已經過了45分鐘, 那我們向一位女侍應(A)查詢:A侍應:完全不懂我們講什麼， 只想取走叫第二隻蟹那張紙， 一直回我們要交紙才可以。。。。過了１０分鐘， Ａ侍應（估計抄散)叫來B侍應 （資深)， 我又再講一次， Ｂ 的反應和A一樣， 又要我再強調。。。一隻蟹都未到。。。。Ｂ 回我幫你去查下。。。。。沒有回頭了我們開始留意是否枱枱客人都一樣, 但見一車車蟹出來, 都送去各枱上, 唯獨我們沒有...C部長(男) 推車過來問我們是否未有蟹...之後就離開.....(好似路人甲, 純為八卦) 看回拍相時間, 足足過了1小時..忍無可忍..出去同接侍員講要見經理, 好快經理(D) 過來...我又要再講多一次, D 都是和A, B C 三位一樣, 唔理你講咩..都係話交單才有第二隻......真係嬲到火山爆發...D 解釋人多做唔切, 我話都唔係成個小時, 無蟹就上其他

又到咗食大閘蟹的季節😚去咗紅磡海逸君綽酒店中菜廳海雲天，食呢個今年推出嘅九道菜大閘蟹宴。我最鍾意手殘生拆蟹粉🤫貪佢啖啖蟹粉吾洗拆⋯正呀🤤重有個靚靚海景，可以一路食大閘蟹，一路食海景添。鍾意食大閘蟹嘅蟹粉們，真係唔好錯過呀，想食就快手啲book啦⋯大閘蟹宴只會做到11月30日咋！「完美蟹逅」蟹宴套餐$598/位 （特價$468）另收原價加一服務費🦀生拆蟹粉蒜茸包🦀雙色蟹粉小籠包（2隻）🦀功夫蟹肉羹🦀清水大閘蟹(2隻）🐟椒鹽小黃魚🥬上湯雲耳浸豆苗🦆花雕醉翁鴿(半隻)🍜古法蟹粉芙蓉撈麵🍡薑茶湯丸

一踏入秋季，又來到大閘蟹季喇🦀坊間推出不少大閘蟹套餐，懶人唔想逐隻拆蟹，但又想食到啖啖蟹粉，蟹迷必試🤤不過酒店旗下食店既service 黎講，都算失望😔。🧄生拆蟹粉蒜茸包蟹粉蒜茸包有啲特別，熱騰騰既蟹粉放在香脆蒜茸包上面，咬落去少少，啲蒜茸味帶出蟹粉嘅味道，蒜茸包又吸哂蟹膏，啖啖蟹鮮🤤。🦀雙色蟹粉小籠包品嘗小籠包只食到淡淡蟹粉湯汁☹️。🦀功夫蟹肉羮美味的蟹肉，搭上滑嫩的豆腐🥳羹湯頭鮮甜又美味，滑口而不油膩，飲完暖笠笠。🦀清水大閘蟹精選「蟹中之王」清水大閘蟹，清水大閘蟹生長於天然環境，肉多膏甜，所以具有蟹中珍品美譽，愛蟹之人不可錯過😚。🐟椒鹽小黃魚脆口，略嫌椒鹽味過淡☹️。🥬上湯雲耳浸豆苗略嫌溫度不夠熱，而且無特別☹️。🐦花雕醉翁鴿醉翁之意不在酒～陣陣酒香既花雕乳鴿，單單香味已經虜走你個胃😎。🍝古法蟹粉芙蓉撈麵上枱嘅時候，蟹粉放到麵上，麵條不夠香滑☹️不過可以加上鎮江醋撈勻來食。🥣薑茶湯圓食湯圓呢，個人認為薑汁就好重要，尤其係秋冬天，食完湯圓飲埋薑湯，成人暖笠笠😚

先進科技👍點點心用q r code嘅落單方式。年長茶客都識用！多款點心任揀任食，數量可以自己限制，唔怕食得太！今日餐廳爆場。90分鐘任食點心放題一個鐘之後last order.仲有30分鐘俾你繼續任食。食物款式種類多。甜品都有。可以話一應俱全雖然爆場但上點心速度都有效率，唔需要等太耐。食物新鮮熱辣。最緊要有個無敵海景靚位，望晒維多利亞港😍賞心悅目！一路食一路睇風景時間話咁快就過。最緊要近地鐵站，方便好多。

上網搵點心放題一定介紹呢間，去官網訂位平$20一位，$168/90分鐘，另外茶位$23再加一。雖然間酒店近海皮，但搭地鐵去行5-8分鐘就到都好方便。地方唔算大，但個無敵180度海景真係不得了。我鐘意飲2:30嗰D時段，仲要係星期一，多數無咁多人，果然數埋得5枱，所以一定坐window seats。掃QR code 落單，簡單方便又環保，食物嚟得都好快又無漏單。蒸籠嘅點心嚟嘅時候熱到出煙，但其他就只係暖，唯一扣少少分。樣樣嘢都好好食，特別係咖喱魷魚同埋芫荽鯪魚球。

本人很少外出食中菜，然而這一間酒樓我一年內食了四次。沒有餐點上的精巧味美，亦沒有裝修上的富麗堂皇，也沒有服務上的賓至如歸，但是上述每一樣都做到恰到好處。酒樓位於酒店之內，由黃埔站D2出口一出，很快就到達這間酒店。位處岸邊座擁遼闊海景，加上大面積落地玻璃，用餐時能飽覽海景。枱與枱的距離充足，員工服務也不錯。價格方面，透過眾多平台預訂都有優惠，而菜單本身亦不算昂貴。總括而言 - 地點、服務、味道、價格都達一定水準，而且很好座。味道因各人口味不同，而不作詳述。(請參考附圖)