海鍋手工涮涮鍋 (已結業)

海鍋。手工涮涮鍋；完全沒有故弄玄虛嘅名。店員詳盡解釋「手工」來源，原來係即點即做，估都估唔到平日成日食嘅響鈐、油條都係新鮮咁做，所以口感味道都特別好，冇所謂嘅油溢味，原條鮮炸，響鈐居然長過手掌；油條亦唔輸蝕，脆硬適中。海鮮，鮑魚、蝦、蟹、象拔蚌...好新鮮，單單食蝦就試得出，蝦殼煮好就離肉，食落鮮甜，再加上蕃茄鍋底嘅蕃茄味，唔點醬油都已經好夠味。加埋杯乳酸特飲，成枝可樂加左入去，好滿足。而且環境乾淨舒適，總有USB充電服務。

星期四晚收工，約左一班friend食晚飯，有朋友建議食呢間尖沙咀新開的火鍋店，就一於試下啦！時間尚早，我地係當晚第一台到的客人一上到黎就比佢好靚的裝修吸引住！我地叫左個火焰清酒花蛤鍋做湯底，真係冇介紹錯，湯底有濃濃的酒香味，鮮甜無比手切肥牛（$188）一啲都唔老，又滑又有濃濃的牛肉味！象拔蚌仔（$30/隻）好新鮮，一放落湯底唔洗一分鐘就食得啦！墨汁墨魚丸（$88）好香濃，黑蚊蚊的墨丸特別有墨魚味三併餃（$88）有鮮蝦餃，白菜餃同九菜餃，三隻都皮薄涵靚，好味！打邊爐必點的魚皮餃，好香脆至愛皇帝菜，好新鮮，冇爛葉，讚豬潤（$48）好正，好爽口！又大份手打烏冬（$28）好滑！到最後因爲唔想浪費個湯底，我地叫左個泡飯，飯吸引曬湯底的精華，食完飽晒，正呀！

一班frd一向鍾意打邊爐，當中一個朋友最識搵食，周不時帶我地食好野，今次佢介紹我地黎呢間位於尖沙咀旺區的樓上火鍋店海鍋手工涮涮鍋。呢間火鍋店應該新開不久，裝修得好靚好新正，又多卡位，坐得舒服叫完湯底必有的混醬時間！店員介紹我地點呢個火焰清酒花蛤鍋，一黎到佢先用清酒燒香啲花蛤，然後再加入上湯加入上湯後的湯底，非常香甜，果然冇介紹錯！打邊爐點少得食牛，手切肥牛十分嫰滑！鵝肝蝦丸，將鵝肝蓉釀入蝦丸中，平時好少見，值得一試！墨汁墨魚丸，又係平時少見的火鍋料，加入墨汁的墨丸特別香濃，正！因爲覺得個墨汁墨魚丸好食，之後追加左個墨魚滑，一樣咁爽口彈牙湯底香甜，特別叫左個白蘿蔔黎吸收精華除左以上的，仲特別推介個豬潤，好爽口！一啲都唔鞋滿足的一餐火鍋，餐廳新正加上食材新鮮，下次會再來！

之前在這大廈大多去三樓吃米線，不過發現二樓開了新火鍋店就好想試新東西，看看有甚麼特式湯底。一點的裝修非常新，乾淨整齊。 我們被安排坐梳化位，座位好闊落。店員先奉茶，添豉油並遞上調味料盤讓我們混醬，好細心。在眾多的湯底中我醒了過之前未有試過的，再加一些配料夠吃啦~我們選的是火焰清酒花甲鍋，上來時就只看到 花甲，冬瓜粒和洋蔥等。底部有一些清酒，店員就在清酒中點火然後開始炒。清酒一開始揮發，香味就出來了啊！炒到火焰差不多熄掉就加湯了。問了店員是甚麼湯，他只說是濃湯，相信是秘密乳白色的湯，滾後先喝一碗，味道濃中再清酒香，頗為清甜，加上花甲更有鮮味，喝了兩碗都未覺口渴。花甲開口了就先全舀上來吃，每隻都肥美肉厚，鮮味十足又沒有沙冬瓜粒愈煮愈入味，好甜再喝多點湯就開始吃配了。玫瑰花豬頸肉的擺盤好美，逐塊夾來涮，肉質爽口，肥的部份很少，不錯呢。海蝦滑有一大團打得起膠，熟後肉色雪白帶粉，質感非常彈牙，味道鮮甜，蝦味濃郁。響鈴上來時我嘩了一聲，那麼大條啊響鈴是鮮炸的，上來時還是好熱，豆香味好突出。它的size是平常買到的兩倍或以上，真的超大！那麼大條有點難控制，不過浸了幾秒就帶上來，又脆又軟好好吃兩個人吃

朋友推薦話好好味同新開，於是上去試試,裝修舒服，有usb頭义電，傾計冇難度，因為我倆人只好要套餐，我哋選擇368每位，除了海鮮仲有5款任選食物，蔬菜一份，認真豐富，新張期間有8折優惠，掂，我哋仲好幸運見到黎耀祥，海鮮有鮑魚，象拔蚌，蜆，龍蝦，桶蠔，貴妃蚌，好鮮味唔點醬油都可以，餃子自己包，手切肥牛好有牛味，下次叫一班人去再試試其他，相信冇難度

呢度d野食好新鮮 好足料😋😋動L蝦出面食嘅蝦都係d死蝦但呢度上到枱隻蝦仲郁緊架！食落好彈牙炸魚皮出面果d都係拆四X牌嘅現成野 上到枱凍冰冰但呢度上到枱d炸魚皮仲有溫暖架！可見師傅嘅心思👍🏻👍🏻有米粥湯底 一開始個湯底有小小味 但去到最後d粥有晒d海鮮味 (小心唔好比d滾粥彈到！)

🍍海鍋手工涮涮鍋剛剛先試業，朋友介紹梗係要去試吓！可以揀手工火鍋或者特色小菜，今晚我地一行七個人就揀咗小菜！總廚發辦👨🏻‍🍳*由於未見到menu以下食品名靠估，大家看圖識字🤷🏻‍♀️-刺身盛鮮北寄貝、鯛魚、海蝦🦐、八爪魚🐙、三文魚✅一個字：鮮🤤-雞油花雕蒸象拔蚌仔如果有麵底仲正，啲汁好好味-海蔘虎皮椒🌶個人對海蔘一般，怕辣嘅朋友唔好食虎皮椒-梅菜粒煎雞雞煎得剛剛好外脆內juicy，配埋完全唔死鹹梅菜粒出奇地夾👏🏻-上湯瑤柱浸勝瓜勝瓜入口好滑好清甜，食到咁上下用嚟清吓個口，再試其他菜💪🏻-喇沙三貝個喇沙汁好有驚喜💯，三貝分別喺花甲，沙白、蜆，每款貝類鮮味都唔同，層次感豐富😲-怪味墨魚有wasabi包住粒粒墨魚，但入口麻而不辣，慢慢先再滲出辣味，好醒胃‼️-酸甜排骨好香好脆口，酸酸甜甜，惹味小食！佐酒一流🍻7個人埋單每位$310，不算過份吧？

平去食中式或日式火鍋大約都要百幾二百蚊, 食GE野來來去去都係一樣, 今次見到有間新開張GE海鮮火鍋,決定試下.Order $268套餐試試味, 連加一服務費同醤料費大約300蚊一位,不過另外Order了海鮮剌身同牛頸脊.人均大約400~500套餐會有海鮮拼盤,一分 蔬菜一份,加5樣自選火鍋料有面,烏冬,丸類,雲吞,雞豬牛等等, 基本上其它食火鍋有GE,呢度都有呢度GE雞件同豬肉片都好滑,口感一流. 響鈴大大件, 最適合最愛食響鈴GE人,主打GE海鮮拼盆都好鮮甜,沒有任何海腥味或怪味 (本人最怕腥味 , 有小小味道都頂唔順)食到後期,用海鮮煮過GE湯底去煮烏冬, 又滑又好味$268套餐即使唔加剌身同牛頸脊 , 份量都好大下 , 一定會食飽你呢度好彩無限時 , 可以比我邊傾計邊食 評價:價錢會貴過一般邊爐 , 同無法比你任食任拎咁有彈性但食物GE質素 , 環境 , 其實係高過好多打邊爐了呢個價錢GE性價比係唔錯的 , 如果打邊爐想食得舒服同試下高質素GE食材, 其實加小小錢去試呢間係唔錯的.就好似食普通放題同加小小錢去一間高質素D GE Sushi店一樣.

首先多謝小姐嘅寶貴意見！我們現發回你當晚的單據俾大家看一看，你們的單據9位共消費了2541元，小姐講嘅人均消費有出入其實魚片頭是打邊爐用嘅配料，至於話服務員過嚟清枱是想給小姐們一個舒適嘅環境來切蛋糕為朋友慶祝生日，并不是趕住收工，再次多謝你嘅寶貴意見我們會改進的

這已是我兩星期內第三次吃火鍋了(連埋日式紙火鍋就四次)。都說過，夏天打邊邊認真正，有傻人相伴，就更加爽！ 之前兩次地點均比較遠(將軍澳與九龍城)，今云回歸我經常出沒搵食的地區，尖沙咀，吃新開業的火鍋店。 店子在舊商廈的樓上，可搭升降機或行樓梯，雖則只是二樓，但樓梯比較長，還是搭「車立」好。 今時今日，食肆沒有提供Wifi，形同犯了死罪。如果有USB充電，唔知會否加分呢？ 點好湯底後，又到了打邊邊的指定動作，混醬。 豉油、麻醬，以及炸得很香的熟蒜，簡簡單單便可。 日本白粟米，相信吃過這款粟米的朋友都知道，是清甜到不得了的極品，想不到能在此處吃到。 是晚點的湯底，海參冬瓜牛乳鍋。女士對360牛乳總有莫名好感，加埋海參，幾片玫瑰花辬，增添幽雅，女士們定必興奮，而我更喜愛佢放入冬瓜，單是呢個湯底，已十分稱心。 海鮮拼盤有蝦、鮑魚、蜆、肉蟹等等，全都新鮮，還有坊間少有的新鮮北寄貝，輕輕拖幾下便可，質感柔軟，不會像吃擦字膠咁，讚！ 兩人套餐的配料，每樣來少少，份量剛剛好。牛肉就是雪花紋理已知是好東西，吃起來也証明我無睇錯；鵝腸爽脆之餘，更勝在保留了中芯的肥脂；墨丸是手打，口感自然好；很喜歡其韭菜

開心打邊爐唔又開心打邊爐，相信打邊爐已經係香港人不可或缺的美食！而各家亦使出五花八門的噱頭徒令食客傾心，但在於我來說吃火鍋離不開一個*鮮*字！ 今天為大家介紹這間火鍋新貴海鍋手工涮涮鍋 ，位於勁便利的尖沙咀區的商業大廈中。 還未正式開業的海鍋格局較新式，附設有不少卡座，坐得十分舒適。 而且更貼心附設Wi-Fi及USB充電制，最合我這些經常沒電的底頭族！ 這兒的火鍋套餐內包一款湯底，六款二人份海鮮主菜，另外還有五款火鍋生料，及特式蔬菜盤一份，內容也挺豐富呢！如是夜貓族9:30後更可享7折優惠抵到暈啊~ 指定動作大混醬，九宮格內載有XO醬，沙嗲醬，豆瓣醬，乾濕蒜，麻醬，辣椒粒，芫荽蔥等若惹味醬料。 特別一提很喜歡這兒用上充滿生氣的矽膠用具感覺十分新鮮，如果有紫色應該更加合我心意。 跟好友選上3.6牛乳冬瓜海參玫瑰鍋，光是賣相已經十分討好，味道更加是香甜美味，海參爽口沒異味，尤其是那冬瓜件和蜂巢豆腐索盡乳香好吃非常！ 接著侍應為我們送上一盤美美的海鮮，內裏分別有海青蟹，黃沙蜆，大連鮑魚，圍蝦，新鮮北寄貝及象拔蚌仔，看得出全部都十分新鮮光澤滿滿的！ 而且火鍋生料則選了手切肥牛，鮮鵝腸，

首先唔好意思，顧住吹水冇影相。另外提提大家，大廈入口係金馬倫道。諗咗好耐到底出唔出食評好呢？話晒都係友人既友人有股分，最終都係覺得做人要公平d, 而且都希望會有改善啦。講到咁，大家應該都估到九成。人未齊就叫住d熟食頂住先啦。烏梅甘草茶，即係酸梅湯，ok既。青麻墨魚，有驚喜，望落以為好清既青色汁撈埋墨魚粒，但食落個麻麻地，有d似麻辣個種麻，好鬼得意。雞泡魚干冇乜特別，同出而差不多。百味豆腐，說到低咪即係椒鹽豆腐咁。魚片頭，個碟好熱，但片頭是暖的，而且冇跟嘢點，淡而冇味，後來食完先發現係跌落火鍋料入面。芥末八爪魚，一般啦，但係青瓜多過八爪魚囉。鎮江小排骨，個汁好味，但d骨就干咗d囉。脆皮牛腩，即係成舊牛腩係面到整d脆醬炸炸，還可以。炸魚皮夠脆。人齊叫嘢打邊爐，一個莞茜皮蛋湯，一個有米粥鍋。莞茜皮蛋湯點解會係香色既？成煲湯得幾條莞茜同唔夠半隻既皮蛋，可以想像到點會有莞茜皮蛋味吖。有米粥鍋附上南瓜粒，芋頭粒同一條油炸鬼，之前成日係大深食粥底鍋，打完邊爐食d粥好甜，但呢到唔知點解打完邊爐d粥都係無味白粥咁，可能冇落鹽既關係。牛魔王就當然要叫牛啦，叫咗個牛頸脊同特級和牛肉粒，兩樣係一般貨色，論價錢

同朋友一行五人去試新野，食海鮮粥底火鍋。一開始叫左個刺身打底，都幾新鮮。之後上主菜，海鮮，一黎就放得好靚，仲有冰底，可以慢慢食，食左蝦蟹先，好鮮好甜之後食貝殼類，一樣咁正，原先放左d 豉油係到都無用過，已經好夠味。即炸響鈴，大大件，勁正。即炸魚皮都好香，唔油。手打丸都好好味，彈既。煲左咁耐，要食主菜中既主菜，粥底，真係好鮮甜。最後食埋d 牛同菜，飽到呢⋯⋯聽講d 手切肥肉仲正，下次再試。最後埋單每人唔駛四百，抵食，最緊要d 料真係新鮮，希望keep 到水準，下次可以試叫私房菜，見到有房有人食，送餸行過都好香。