海逸皇宮大酒樓 (已結業)

舊同事約大家在酒樓吃午餐聚會, 選擇了位處黃埔的海逸皇宮,  酒樓間格開揚, 面對無敵海景, 吃飯也吃得特別心曠神怡, order 了 8 樣食物, 味道皆不俗, 值得推薦!瑤柱蛋白炒飯, 不會太鹹, 飯粒恰如其分, 不會過硬, 亦不會太軟蝦醬炒通菜, 下飯一流蜜汁义燒, 口感良好, 蜜汁香甜魚肉釀青椒非常香脆蝦餃, 餃皮不易破損, 蝦肉鮮嫩, 值得一讚素菜餃同樣每隻都肥肥厚厚的, 蠻抵食啊!

兩星期前在HoKoBuy網購四人豪華龍蝦鮑魚盛宴售$ $468，今晚為家人慶生的晚飯。首先上枱是海逸脆皮燒雞半隻，很香脆的燒雞皮，喚起我童年的美味回憶~~炸子雞！花膠海蔘海皇羹，花膠、海蔘、海皇（蝦肉...）都很多材料，美味！上湯龍蝦伊麵底，一隻龍蝦都算足料，不過龍蝦肉就不夠實淨，肉質比較瘦削，美中不足。果皮蒸大連鮑魚四隻，大連鮑魚的品質尚可，而且價錢也相宜，相信受是食肆歡迎的食材。四隻果皮蒸大連鮑魚很美味！黑松露蚌片帶子，雖然感受唔到黑松露的香味，但整體炒得有水準，特別是脆口的西蘭花。魚湯鮮腐竹浸菜苗，一道很清淡中又帶濃湯的蔬菜，是頗受歡迎的。櫻花蝦炒飯，本是很清爽的炒飯，但廚師今次炒飯失水準，太腍身的白飯，沒有炒飯的香味。清甜宮廷桂花糕也算大件了！每張優惠券收取茶芥及服務費共 $160，額外人數須收取每位茶芥及服務費 $40，我們一行共5人使用4人餐券，打算會加餸，怎料不單不用加餸，還有半碟炒飯打包回家，人均消費$134都算抵食。

公司冬至能馳，十二位同事浩浩蕩蕩衝去飲茶！張檯細左少少喎，坐到要縮埋一舊膊頭黏膊頭，我地個個標準身形無肥佬肥婆架喎。鮮蝦燒賣，熱辣辣即叫即蒸飈晒煙上檯，氣氛一流！吹兩下啪入口，結實不散不肥蝦爽肉香，高質好味。糯米雞，不過不失，餡料平庸，雞翼、肉鬆，一般。黑椒金錢肚，得四條金錢肚，手快有、手慢無，哈哈。腍中帶點爽，杰杰的黑椒芡，唔難食。棉花雞，熱燙燙香甜爽彈多汁既白滑魚肚愛，不肥不油益，冬菇、雞柳皆可口。烚菜芯，淋上淡豉油微暖入口，爽嫩無渣，但菜甜味微弱得可憐。煎藕餅，唔講唔知係藕餅呢，蓮藕跟肉餅刴成一齊，咸味重，我還以為食緊煎咸魚肉餅添，嚥韌香口。口水雞，油味強而香辣微弱，沒有雞味，皮厚肥膏處處，入得口唔難食。醉雞翼，有趣酒留有醉雞翼食好少可，皮脆肉鞋酒氣香甜，可以啦。豉椒鳳爪，濃濃豉汁芡略油，甜得霸道，皮爽筋脆，大路貨無驚喜。鮑汁鳳爪，損腳趾我鍾意！膠膠黏黏黏，漿住您的嘴更是歡喜，鮑汁滲入雞腳之中甜美不咸不嗆有質素。金蒜排骨，非常蒜香味，辛中帶甜附在棉棉多汁不肥排骨上，啖啖肉夾惹味，滿意。煎蘿蔔糕，麻麻地，白膠一舊有幾點叉燒作點綴，永遠係街食既蘿蔔糕無可能滿意，因為阿媽出品多料多蘿蔔

仲有成個鐘先開飯，餓死我喇！一路行入貴賓房，場面冷冷清清的，只有疏落兩三檯食客啊。大廳阿哥阿姐獻唱高潮迭起澎湃，無記錯係我阿爸阿媽後生嗰陣最流行既金曲。瑤柱雙寶蔬，我估係小棠菜，但另一種就諗唔到。鑽石百花球，咩鑽石呢？杏片？鮑汁金錢扣鵝掌，金錢？元寶？唔會係原粒鮑魚掛，無可能金錢肚啦。當紅脆燒雞，唔係炸轉左燒？蟹籽蝦仁炒飯，我寧願揚州炒飯喇。百年鴻運，蓮子百合紅豆沙？好快迷底就可以全部解開！掛住食，好多都唔記得影相啊。鴻運宴每席送 6 罐汽水、6 罐啤酒，但我淨係想飲茶乍，飲到成肚氣會食少好多架麻。開壺鐵觀音自己慢慢嘆，呷一呷，好野黎喎，非常甘香可口。大紅乳豬全體，半肥瘦乳豬都有幾啖瘦肉食下。厚厚肥膏下面黏著清淡瘦肉，滑而不咸不肥膩，滿意滿意，最衰非常凍冰冰囉。燒豬腳仔搶住食，皮香肉嫩全瘦肉，味濃帶燋香，非常有咬口，大愛。西蘭花帶子，厚厚半熟帶子外彈滑、內嚥韌，泛著輕輕鹽味咸香，合格。無敵爽脆甜西蘭花，處理得宜，好好味。沾上蝦醬、沾上豆瓣醬都同樣出色，比帶子好食得多。作點綴的彩椒絲爽甜可口，一絲不苟。演繹得過份靜態，鑊氣微弱呢。瑤柱雙寶蔬，估中左係小棠菜，但估唔到係草菇。冷冰冰的草菇跟

買團購四人餐，每人埋單都係約$120（上個月唔多記得），但每道餸都好食喎！間店幾乎完全冇人，我們晚上去的，好像全部也是訂團購的人，哈哈...海鮮都幾新鮮和足料～雖然位置較唔方便，但如果再出團購會考慮再去！

自從囍滿庭結業後都甚少過黎漁人碼頭食 lunch 喇，不過今日同事們興致勃勃要過黎飲茶，無所謂啦。依家囍滿庭個位置變左做海逸皇宮大酒樓，而且門口劃左小部份位置賣衫喎，勁可愛。商場依舊冷冷清清，海逸皇宮比以前囍滿庭靜，午市都只得幾檯食客，生意難做，慘不忍睹。拍青瓜，爽脆充滿水份，微酸開胃前菜又健康。白灼菜芯，大大碌都鮮嫩多汁又無渣，散發少許天然菜甜味，難得。配上淡豉油，清爽甜美輕輕豉油咸香。炸雲吞，雖然已炸左段時間完全唔熱，但仍保持香脆不油膩，淋上大量甜酸汁依舊使人停不了口。脆皮燒腩仔，略肥皮微脆，層次不太分明，瘦肉位不泛肉汁夠軟棉，只係最低一層偏咸。沾上芥末同吃，希望減低咸度及肥膩感，失望地幫助不大。牛肉腸粉，碎牛肉餡少，雖然滑嘟嘟但不太食到。腸粉皮又厚又粉，欠缺滑溜溜、半透明、白裡透紅、若隱若現質地，向大埔陳漢記腸粉佬學野啦。鮮蝦腸粉，腸粉皮跟牛肉腸粉同一情況，失敗。大蝦球爽爽，鹽味重且鮮味欠棒，還可以啦。薑蔥牛柏葉，熱辣辣又爽口，並無蒸過火而使到硬硬鞋鞋。吸收薑蔥汁完全透徹，多汁味美，一定要趁熱食，凍左芡汁凝結到一舊舊，而且油膩感會倍增。咖哩魷魚，要食得非常小心，滑潺潺水魷不好夾實

行經突然走左入去,開頭真係有D驚,個場好大,但得4-5台客.不過,冇所謂啦,我不入地獄誰入地獄呀!叫左:金銀菜豬展煲豬肺湯,菠蘿咕嚕肉,金銀蒜茄子蒸鮮魷金銀菜豬展煲豬肺湯:一打開個煲就飄出好重金銀菜味,好香!個湯煲得好夠味好濃,足有成10碗,兩個人飲真係飲湯都飽.可惜小小,湯渣見唔到豬肺,不過真係好好味.菠蘿咕嚕肉:真係估唔到,HK$28有噉嘅質素同份量,菠蘿香甜夠味,酸酸甜甜好開胃,咕嚕肉唔會似出面得個炸粉,好有肉地又夠多,真係超級正.金銀蒜茄子蒸鮮魷:份量又係唔細,茄子好淋又夠入味,金銀蒜好香夠野味,用來送飯真係一流.鮮魷爽滑份量又足,十分好味.食完真係好飽,坐下飲杯茶,欣賞一下可以比美IFC嘅夜景,十分舒適.侍應走近貼心地查問:食飽未,先生可以上糖水嗎?雖然好飽,真係都要作戰到底,來吧!紅豆沙,味道都OK,如果,果皮味再重D就真係太好啦!飯後報告:物超所值,一定會再來.

幾年前去過呢間酒樓，有點失望，所以以為自己不會再來上星期，因為去探人既緣故，所以逼不特意要再去食，點知原來，後來同d夥計傾落先知原來佢地係2011年轉左老闆，成間酒樓都180度大改革，好左好多入到餐廳，被安排到張海景枱，大海一望無際，景觀十分舒服，頓然放下了都市既煩惱打開餐牌，發現雖然款式不多，五臟雖少，因應皆全，但各種傳統粵菜菜色都算是應有盡有乳豬整晚最出色的一道菜，份量很足， 肉質夠嫩滑彈牙，肉汁豐富，肉味夠濃，皮夠脆，烤得夠入味，皮下脂肪不多，絕對是火爐十足，必點。石鍋粉絲蟹肉鍋鍋上來了，熱氣騰騰，讓人食指大動。煮得剛剛好，不會吸太多汁，味道也不會太寡。白飯米飯有少少過濕，可能係當日廚房失手。但跟餸菜一起進食，口感豐富，彌補了米飯的不足。整體來說環境不錯，服務也細心，咁嘅價錢有咁嘅質素同氣氛環境，算係幾抵食嘅選擇。住係附近嘅你，不妨一試！

我堅持咗好耐，但敵不過友人。對上一次嚟，係一年前，差到無朋友。同事未經歷過如此混帳的製作。只是…睇中了個”無敵海景”大禮堂，話點都要試一次。哈哈…老遠行到過嚟…..點知，門口..攞位時，無晒大廳近海景窗座位，卒之…都係坐咗係裡面中間，免強睇到少少海景。豬腳仔，一啖入口，完全不是想像中的口感，不是爽皮彈口品種，而是軟身彈口。滷水汁幾好味，有些微微的麻辣味道。燒腩仔，餐紙上照片是肥瘦間的四方小粒燒腩。上檯時，是打斜長身"百佳有售"的韌皮燒肉。頂….!! 照片想像中的霞想破滅，皮唔脆，超瘦，鞋口，好失望….又諗起…寫食評…。如果餐紙無照片，又只係寫"燒肉", 我的...失望程度會降低些少。蝦餃，大隻款式，餡料擠迫感強烈，脹卜卜。蝦肉，一般酒家而言，無味道，好正常。無論如何，總好過唔新鮮腥味蝦仁。牛柏葉，最正常的一款，賣相都係差一皮，大大小小，厚身，顏色暗黃，最差係唔夠熱。叉燒包，大件，以此等級數酒樓，皮做得尚算軟熟，叉燒餡料多，驚你唔夠飽，可惜醬汁做得差，杰達達。幸好，叉燒唔太肥。春卷，微暖，餡料唔差，大蝦一隻，爽口，皮些少脆，加些少硬。真係唔明，咁大間酒樓，裝修錢都唔少，員工出糧幾十萬啦。

自上次包場事件後，要不然是這個特別的日子，我才不會再踏足這個地方。但老爸說有龍蝦promo，加上我老媽真的很有心，所以他們喜歡吃什麼就吃什麼好了。除了龍蝦外，老媽也就點了個魚之類的海鮮，最都是她自己一個吃的。我跟姐姐點了個金姑牛肉鍋，還有魚粒炒飯，老爸就再點了個津白，我見份量不多，最多添加了一個薯仔煮牛肉。星期一的晚上，人氣較弱，侍應的態度出乎地好，既沒硬推什麼其他海鮮，也露出了鮮有的笑容。傳統的中國人晚飯，老爸老媽姐姐都為自己點的菜負責，好不古怪。我說跟姐姐share那個飯，反而是整檯第二年青的我，為這頓飯加添了一點人情味。HH母親打來，開了speaker，很奇怪為什麼我會跟老爸老媽吃飯。我媽隔著電話黑了個面，好像倒是奇怪HH母親怎可能不記得這日子。我倒抽了一口涼氣，不怪什麼，心想不記得的何止她一個。酸味溢滿的同時，也檢討自己過往要求太多。更明白她她根本未到老媽的水平，所以上次2號書事件後，我老媽又再一次完勝了她她。想著想著，伊麵都涼了，變得極鹹，最後我跟老爸也吃不完，但以二百多塊錢來說，這是相當化算的。薯仔煮牛肉其實好好味，我在極飽的情況下，最後都頂著肚皮把它吃得乾淨。由於剛收工趕

終於完sem，所以約啲朋友輕鬆下。朋友住海逸豪園，於是夜晚近近地落樓下商場食飯。意想不同係細細嘅商場竟然有間甘大嘅酒樓，而菜式都幾特別。 一坐低，見到是日特價三寶係堂剪豬，魚同羊腩煲。我地一行十個人，所以可以叫兩樣特價菜。朋友介紹依到嘅燒味幾出色，於是選擇左堂剪豬同羊腩煲。第一味菜式係堂剪豬，依到嘅豬比平時食嘅特別脆。皆因隻豬係燒完即原隻上枱，又有專人為我地切成一件件，所以仲好熱，又吾太肥。羊腩煲啲羊肉好嫩，但可能係特價菜，所以份量對於我們十個人來說比較少。另一推介菜式係咕嚕肉，甜酸度剛剛好，而份量又不會太少。菠蘿 青椒 肉 等等都好足份量。總括而言，菜式嘅份量比一般酒樓還要大 (特價菜例外)，而價錢亦算抵。抵食！抵食！

眨下眼，蛇年將盡，馬年將至。除咗要同親朋戚友應一應節之外，當然老闆都會請我哋公司同事一齊食吓團年飯啦。依間餐廳好大，聽聞可以擺多成百圍酒席，所以食飯時間都唔洗點等位。依度每日都會有唔同嘅特價點心同粉麵飯食，而且非常抵食添，所以我哋叫晒4款點心。當中，蟹子燒賣好味到要encore，值得一試！新年就嚟，梗係仲要要食下蘿蔔糕，芋頭糕，年糕啦。如果唔想叫咁多碟，仲可以拎住張咭出去大排檔，特別要求佢整三色糕，一次過試晒三種口味，又可以即係拎啲嘢食返嚟食，唔洗慢慢又填點心紙又等。而去到大排檔，必定要叫埋鮑汁雞腳！！！而燒味類，佢哋嘅叉燒出晒名好食，bbq汁味道唔會太甜，肉質又好，唔會乾到硬骨骨。就算平時忙到冇時間食飯，我都一定會叫人幫我去買一盒叉燒飯，食極都唔會厭架 XD。總括黎講，依度啲嘢食唔算貴，好過差唔多平均價錢走去食個快餐啦。 

認識這酒樓是因為公事關係, 同客人來飲過茶感覺良好, 今次同太座來飲茶主攻點心, 質素是可以的, 點心如下:义燒腸粉 (大)$22.8 腸粉皮夠簿且靱, 有口感, 但餡料的义燒則沒什麼味, 明顯可以再濃味一點, 义燒亦是瘦义那種牛柏葉 (大)$22.8 牛柏葉夠爽口, 可惜牛柏葉只是鋪面那幾舊下面只有烏冬, 這個係大點嚟架, 得幾件牛柏葉有點那個喎!蝦餃 (特)$26.8 蝦肉都幾多, 夠鮮味爽口, 八折後$21.4除4即是$5.4/粒,真係幾抵食架!香瑤珍珠雞 (大)$22.8 珍珠雞兩隻, 所以一隻都幾豐滿下, 好多時三隻會變得餡料好小又或者得一小堆類似baby food嘅餡料,山竹牛肉球 (中)$18.8 三粒一碟, 都算”大碼”牛肉球架, 質地属於”有咬口”那種蜆蚧鯪魚球 (大)$22.8 鯪魚球不過不失, 但個蜆蚧漿有點稀身, 酒味不夠, 下次可以不叫!蒜香蝦春卷 (大)$22.8 蝦肉多, 但吸油吸得不夠乾淨, 所以每條都油光滿面北菇雞包仔 (中)$18.8 北菇踪影不見, 餡料蝦雞肉豐富,飽汁雞腳 (大)$22.8 呢個最唔掂, 個醬汁無味, 所以連個雞腳都無味,失敗之作

去年黎過依到做節一次, 當時覺得d野食水準好差. 今次再黎依度晚飯(只因地點方便), 估唔到有進步, 水準好左!蒸大青班係真係要一讚, 蒸得好滑又無唔熟, 岩岩好!d每日燉湯, $68夠10人飲, 味道亦都唔錯小菜一般黎講都ok, 咕嚕肉唔係死硬厚粉, good係d菜類就唔太得, 唔夠靚, 好老. 酒樓唔係應該選d靚菜架咩? 依d, 屋企煮個d都靚過佢.另外椒鹽鮮魷好un, 唔得燒鵝, 唔係超肥個d, 亦都算ok最後仲有紅豆沙, 又係一般水準, 但送既, 可接受啦埋單位位$120, 真係算ok了!成個場都無咩人, 都坐得幾舒服~又唔嘈~

I haven't returned to Hong Kong for such many years and finally I had the chance to return to this international city! My uncle and his family lives in Laguna Verde so we went along with them. I would say the food is actually very good... It's so much better than the ones we have in NYC! There was so much food available to be chosen and it was such value for money, for a party of 8 it was only like 600 hong kong dollars, around 70, 80 bucks... that's like 10 bucks each? Totally worth going to fo