海記合桃坊甜品 (已結業)

係門口見到有梳乎厘pancake引唔住入去試下梳乎厘pancake即叫即制制作需時，等了大約十分鐘就送到我地枱上，但係出一到黎已經扁左....味道比起之前食過既有啲唔同 冇咁好食反而芒果酥好好食, 好香酥皮味而且芒果肉微酸好正

第二次試海記，今次經過尖沙咀店黎試下，不過點的依然係沙沙合桃糊！可能天氣凍左，碗熱合桃露整得比上次喺土瓜灣食更熱，依然同上次一樣香、濃、滑，甜度剛剛好，連埋面頭既香脆合桃碎一齊食，更加香口、好味道！冬天來了，整番碗熱既中式甜品真係打從心底大滿足！😛😄

突然之間好想食芋圓，揾到附近有得食，所以就試下。睇餐牌紫薯芋圓系列真是好吸引，要左一碗紫薯冰芋圓西米露，賣相係好吸引，但是食左一口芋圓後，就好失望，一d都唔煙韌，幸好紫薯冰和西米露味道都ok。。。。。。不過試左一次就夠了

仲記得第一次去海記食芋圓，覺得係全香港最好既芋圓。之後再去，糖水水準keep唔到，好失望😞芋圓依然好煙韌，但係完全食唔到有芋頭或者蕃薯味。我叫左楊枝甘露加芋圓，楊枝甘露仲離譜，全部都係西米，根本無糖水，完全無汁，而且D汁只不過係糖水，唔係芒果汁。唔會再去食！

喺iSquare飯後，朋友突然話好想好想食傳統糖水，諗嚟諗去都想唔到附近有邊間，終於都係要上「開飯」搵料，原來正正iSquare旁就有一間⋯⋯哈哈其實成日經過都真係見唔到「海記」嘅存在，店舖貫徹一般糖水店，地方細細、座位迫迫，驟眼睇八成食客都係遊客。有個年青店員(可能係老闆二代)安排座位，佢集落單收錢有時上埋糖水於一身，佢態度非常好，我哋左揀右揀都完全唔會催促，落單再問詳情亦有禮解答，值得一紫薯蓉芋圓配香芋雪樂冰：我最鍾意嘗試新嘢食，這個份量十足嘅甜品，芋圓普通、紫薯雪糕有粒粒蓉、雪樂冰似某間的撈嘢但換咗係芋香味，整體好味特別又抵食。芝麻糊+杏仁糊加湯圓：芝麻同杏仁味唔算好香，個芡似乎過濃，一般般。食咗兩款糖水，味道一正一普通，整體其實都ok。下次喺尖沙咀如突然又想食糖水，都會再來！

最近被ig上的芋圓照片燒到，這天和朋友吃過晚飯便來了海記。說起來，我也很久沒來這種港式糖水店呢這裡的糖水選擇十分多，有芋圓的糖水已有約十款，另外也有耳熟能詳的糖水，如豆腐花、紅豆沙等既然是衝著芋圓來，我們當然是從芋圓餐版上作選擇啦不過因為晚餐吃太飽，我們二人分享一碗，還好這𥚃沒設最低消費椰汁紫薯雪樂冰芋圓涼粉($32)：最期待的芋圓/紫薯圓/地瓜圓其實一般，不算十分煙靭，有三種口味，其中只有芋圓有點點芋頭味，紫薯圓/地瓜圓都沒有紫薯/地瓜味。反而令我驚喜的是那球紫薯雪冰，紫薯味十分濃郁，質地軟滑另外，椰汁底的椰香十足，好味

行過睇到個餐牌，款款都好吸引，尤其佢主打既紫薯芋圓，仲有其他傳統中式糖水，桑寄生蛋茶，糖不甩，芝麻糊，海帶綠豆沙、薑汁燉鮮奶等。但晚餐食得有點太飽，決定食碗細細地我又大愛既桂花酒釀小丸子。佢係一道中國廣泛流行既甜點，聽講可以潤肺養顏，滋補身體。要自行行出收銀到叫的。唔好評論賣相，味道過關就得，有濃濃的酒香同桂花的清香味，兩者完美融合，唔會太過甜，啱啱好，再配搭埋口感軟糯的小丸子(起碼有20幾粒)。真係想食多碗咖。下次一定要試埋芋圓。

識我既人都知我好中意芋圓中意既程度係會特登搭的士為左去一個好遠既地方食芋圓而海記既芋圓之前已經聽過 今日甘岩行過尖沙咀先知原來開左係k11附近 唔係唔試呀嘛 紫薯雪冰樂好棉 紫薯味唔錯 又唔會太甜但係可能期望太多 注定難過芋圓口感唔夠軟糯 好似食緊一舊粉團甘樣始終同係台灣食既我覺得有少少距離既 反而呢個菠蘿冰有驚喜以菠蘿為提既甜品本身都唔多又幾新鮮wo 有種好Fresh既感覺 同豆腐花竟然又夾 所以話 有時你愛既 都未必係最好既～

和友人食飯，閒話家常，傾到大家都吾願走。唯有直落，食湯水。友人想食中式湯水，係尖沙咀，我就想起樂道的海記湯水鋪。海記沒有怎樣的裝修，很簡陋。而且坐得比較迫。打開menu,中式甜品的選擇較多，杏仁糊，綠豆沙，燉蛋皆有。紫薯甜品如紫薯豆腐花，西米露亦有。我叫了木瓜杏仁雪耳＄25木瓜有兩「舊」，清甜。雪耳係平民燕窩，含有膠質蛋白質，木瓜雪耳很滋潤。朋友點了川貝麥冬燉雪梨＄28她說這個亦清甜，川貝燉雪梨有助解肺熱，聲沙。

今晚同家人食完晚飯，見時間尚早，大家都好似意猶未盡咁，食糖水係一個不錯選擇，又可以傾吓計聚多一陣，又可以食小小甜野為晚餐作一個完美句號！(其實係大家好為食😂)第一次食呢間海記，之前見Facebook都有佢嘅廣告，每次見到啲甜品圖片都流晒口水🤤呢度有而家好興嘅芋圓食，當然要叫黎試吓啦，不錯，芋圓軟硬適中，媽咪叫咗合桃糊，合桃糊上有合桃粒粒，好足料！而且食落好香👍🏻👍🏻呢度有好多選擇，都幾啱一家大細，因為除咗有傳統嘅糖水，亦都有新式嘅糖水或甜品，而且質素幾好！

一大班朋友喺尖沙咀食完晚飯，意猶未盡直落找尋甜品，原來糖水鋪唔係只得厚福街、樂道都有一間海記。海記沒什麼裝修、只是那種家庭式經營的小店。售賣的糖水種類繁多、有中式、西式、甚至台式紫薯芋圓等。人大了亦變得健康了，想不到我們幾個都不約而同選了熱的中式糖水。因為已吃飽晚飯、我要了最簡單的養顏杏仁糊 $21 。奶白色的杏仁糊濃度適中、唔會好甜亦幾香杏仁味、但略嫌唔夠滑。 下次尖沙咀食完晚飯可以來試試其他中式糖水、唔需要去厚福街同人迫

平時夜晚經過見好多人等位 今日下晝經過冇人等位 梗係入去試吓啦叫咗個紫薯芋圓豆腐花 個friend叫咗芋圓咋喳！紫薯就好香 但芋圓唔夠煙un 無乜咬口 唔係我杯茶咋喳就好食好多豆，仲有紅腰豆同鷹嘴豆，落重本

今日夜晚同屋企人八點食完中餐之後仲有啲口癢，就去左海記座位唔多大約二十個，不過我地早到所以唔駛五分鐘就有位坐我同阿妹分左一個沙沙合桃糊，呀妹唔鐘意熱糖水所以叫左個凍既合桃糊份量都幾大，自己一個飯後未必食得晒🙈味道香濃，質感滑但係比較稠，筆起身望落有啲似漿糊，嚇親我地兩個😂上面既合桃粒粒又多又脆，唔會因為天氣潮濕冧晒，應該係新鮮切粒，同合桃糊撈埋一齊雙重口感😍反而可能因為食得太有興致，結果都係唔夠飽🤤二十八蚊一碗大大既糖水其實都幾抵，不妨同朋友黎試試😋

一直都係海記既忠粉, 好多間分店食過一直都無問題, 又平又抵食, even 尖沙咀呢間之前食都覺得幾好食, 但今次之後以後都唔會再食尖沙咀呢間入到去, 無乜冷氣, 得個吹風機, 30幾度已經覺得有d唔好坐, 想落單既時候已經變成要自己去落單再即刻比錢, 呀姐態度都....唔好有咩要求落完單等左成15-20分鐘先有, 分別叫左3碗芋圓, 3碗都超級難食, 仲有陣怪味, 真係好失望好失望!!!!!!!!!!!!!!!3碗分別係紫薯芋圓涼粉, 紫薯芋圓豆腐花同紫薯芋圓西米露:首先, d紫薯泥變晒質, 已經食唔出係紫薯泥, 只係一球唔知咩味既雪糕定冰既物體!d芋圓粒粒都唔同質地, 有d就超淋, 好似煮左1晚咁淋, 有d就彈牙d, 但全部都無乜味, 又唔凍。豆腐花好水既質地, 無豆味,西米露都係好水, 無椰汁味, 好似飲水咁, 涼粉係最正常既野, 彈牙, 夠味!總括黎講, 食埋呢次, 以後都唔會再試呢間, 要食都係番番去旺角海記好了.....

港式糖水其實都好好食,雖然賣相未必及其他外國甜品店咁華麗,但親民感有時候仲正!今次我擺明係衝住紫薯同芋圓而來~~去完台灣之後我就好鍾意芋圓彈牙口感又唔會太甜,呢度gei芋圓仲會配搭番薯圓,而我叫的紫薯蓉芋圓配香芋雪樂冰,仲有紫薯圓(其實o個一系列都有)成個糖水即時勁colourful!!不過我想講gei係,呢度真係好足料,舊紫薯蓉唔止大舊,仲真係100%紫薯,基本上你同食左半舊紫薯無分別~由於佢無另外加調味,所以就紫薯蓉味道偏淡,甜度低,都幾raw而香芋冰就好香芋頭味,不過都唔係好甜至於D圓s就相當彈牙,咁多個部份,D圓其實算係最甜!我D朋友就叫左紫薯蓉芋圓西米露同豆腐花,賣相其實同香芋冰差不多,只係下面的食材換了西米露最過癮就係碗野會越食越紫XD 不過佢都唔會好甜,但比起我o個碗就會潤少少,因為我o個碗太乾了~哈哈豆腐花都好食,因為豆花本身好滑豆味好香濃,加埋彈牙gei芋圓同番薯圓令甜度上升番,呢三款裡面我覺得豆腐花最好食~~仲有菠蘿豆腐花加芋圓(超貪心~~~),呢個D豆腐花分量就多番D,加上有菠蘿gei緣故,比起剛剛的,呢個會更加甜想傳統D可以叫紅豆豆腐花,D紅豆好甜,撞埋去D豆腐