海記合桃坊甜品 (已結業)

一行五人，叫咗四款唔同嘅「紫色甜品」加一個合桃糊🤭先講「紫色甜品」，四款分別有：🔹紫薯芋圓紅豆沙🔸紫薯雪樂冰芋圓西米露🔹紫薯香芋雪樂冰芋圓紫米露🔸芋圓喳咋紫薯同埋香芋雪糕（即係雪樂冰）個味好濃、口感好綿密；紅豆沙個陳皮味好香；不過老老豆豆，除咗雪糕同紅豆沙之外，其他嘢對我嚟講都係一般，印象唔太深刻反而我最鍾意嗰碗合桃糊，磨到好細滑好香濃，面頭滿鋪嘅合桃碎增添咗個口感，個質地啱啱好，唔會太杰身亦唔會好似水溝粉咁，食到唔停口

在附件食完晚餐，覺得未夠飽，所以即刻上OPENRICE揾附近有咩甜品，揾到呢間，一於去試下。餐牌分為中西式，但其實只係傳統甜品同較西式的分別，成班朋友都入鍾意西式多啲，所以叫左紫薯香芋雪樂冰芋圓紫米露、紫薯雪樂冰芋圓西米露、紫薯芋圓紅豆沙，仲有芒果腸粉。一見到實物，大大碗，材料好多，$34一碗喺尖沙咀區，絶對抵食，雪樂冰雪/冰的成份唔多，所以有驚喜，並唔係想係中咬落去全部係冰，不過係有改善既地方，就係整碗凍食既甜品唔夠凍，不同色的芋圓味道差別不大，紫米的分量可以多啲會更滿足。芒果腸粉較相片份量細，但皮不算好厚，所以芒果肉幾多，皮比想像中厚身，實實地，唔會一拮就散，都有好處，所以好唔好食就見仁見智。

本身都幾鍾意海記嘅紫薯香芋系列~不過平時就幫襯開太子聯合附近嗰2間分店~今次第一次喺尖沙咀分店食~但呢間衛生明顯無太子分店咁好，一坐低，同事就喺枱底掂到d未抹乾淨嘅糖水😣枱面都未收拾好，仲有上一手食完嘅碗碟喺度~呢度同其他分店唔同，都幾得意，要出收銀位落完單+埋單先~🙄襯人多，今次叫咗幾款唔同嘅紫薯香芋系列嚟同fds share~1. 紫薯芋圓紅豆沙2. 紫薯雪樂冰芋圓西米露3. 紫薯香芋雪樂冰芋圓紫米露4. 芋圓喳咋.個人就偏好雪樂冰紫米露&西米露~西米露有勁濃嘅椰香味，好正👍🏻👍🏻而紫米露嗰碗就口感好豐富~😋😋可以一次過食到紫薯、香芋、煙韌嘅芋圓&紫米~但唔知係季節問題定分店問題，總覺得呢度嘅紫薯&香芋無咁香~另外，見合桃糊係呢度嘅招牌，當然要叫個嚟試下啦~第一次幫襯海記嘅合桃糊，都唔錯，好足料~總括而言，每人都係$30左右，都算抵食~但論衛生&好食程度，我會prefer太子2間分店多d~🙈🙈

又到星期五，一班同事食完晚飯，難得第二朝唔駛早起身返工，當然直落食埋甜品先走！去左海記，叫左佢最出名的紫薯芋圓系列試下！我地一行四人，朋友分別叫左紫薯芋圓紅豆沙、紫薯香芋雪樂冰芋圓紫米露及芋圓喳咋，而我就試下紫薯雪樂冰芋圓西米露。上檯一望，好似賣相麻麻，但食落竟然有驚喜。先講紫薯雪糕，好香、好甜，紫薯味好濃，食落好綿；芋圓好煙靭、好彈牙，食落好有咬口；西米露好香椰汁味，整體來說，好足料，食晒成碗，好飽、好抵食！

只是偶然走過，才知道尖沙咀也有這甜品店的分店。坐在較後的一角，看來這店仍是實而不華，可以這分店更覺簡便。突然很想吃紫薯，於是選擇紫薯雪樂冰芋圓西米露。店員回應價錢，似乎是送上甜品後隨即付款，相信與這裡是旅遊區，較國內客的關係。送上來，與圖片差不多，只是擺放欠精美。最大的一塊是紫薯雪樂冰，口感軟軟，又不像雪糕的口感，淡淡紫薯的味道，沒有紫薯的香，芋圓丸很有咬感，西米露不算太甜，整體還可接受，沒太大驚喜。突然想吃甜品，在尖沙咀樂道，也算好的選擇。

近期愛上了芋圓，所以就同朋友特登去咗海記食佢地其中一個招牌貨，芋圓。我哋分別叫咗芝麻湯圓同埋紅豆沙芋圓。先講紅豆沙芋圓，芋圓口味有紫薯、芋頭和番薯。三款芋圓都做得出色，不只是有煙韌的感覺，還有種淡淡紫薯、芋頭和番薯的香味。芋圓嘅份量都算OK，足夠可以過下口隱。而紅豆沙煲到起沙，但有點偏甜，有少少蓋過芋圓的味道，但大致上都係一碗值得一試嘅用心之作。至於芝麻湯圓，係中規中矩之作。湯圓始終不是海記嘅招牌貨，但個日只係想過下口隱。湯圓都夠大粒野，芝麻味亦香濃，所以都幾滿意呢碗湯圓。

週末吃完晚飯，感覺總是欠缺了某些東西🤔，原來是還未吃飯後甜品！😆現在開設了那麼多的甜品店，新派甜品當然感覺新鮮吸引，但是試了多幾次，總是較喜歡傳統中式糖水！❤️友人是「開飯先鋒」，今晚帶我到「海記」！一入店，看見牆壁上那招牌《沙沙合桃糊》，二話不說馬上下單點這個！《沙沙合桃糊》的賣相跟餐牌上的完全一樣，碗面佈滿粒粒合桃碎，是超多合桃！😍 合桃粒新鮮香脆，沒有油膱味！至於合桃糊，入口香滑，與合桃碎混在一起，口感絕不簡單！如果您是nuts迷，就必定要去試試！😋😋😋

前排經常扭傷, 睇跌打時醫師教路：後生女, 間中煲啲桑寄生嚟飲下啦。醫師解釋, 桑寄生有強筋骨、補肝腎、祛風濕等功效。我呢啲經常容易腰酸背痛嘅人就啱飲啦。雖然自己煲都唔難, 但既然經過糖水鋪, 直接入去飲返碗咪得囉！懶 ~ ~ ~ ~今日鋪頭入面唔多人, 大把位你揀, 不過全部座位都係無靠背嘅圓櫈, 舒適度就差啲啦。呢碗桑寄生蓮子茶入面都有唔少蓮子, 不過啲蓮子味道過甜 ,明顯用超甜糖水煮過, 而桑寄生茶本身就只係微微偏甜, 冇苦澀味, 尚可接受。不過海記始終都係做合桃糊比較出色。

朋友帶我去食芋圓甜品，太好了！第一次食，食凍紫薯雪糕芋圓西米露，食落時係暖冷交融嘅感覺，西米露還是暖的，被紫薯雪糕的凍弄得半冷半暖。主角芋圓再煙靭啲則更好，而家較為粉粉地，各式味道並不突出。紫薯雪糕幾好，夠濃味，紫薯味相當突出。仲好似食緊紫薯薯泥呢！我朋友食涼粉同綠豆沙，看樣子都吸引的。

去排鹿角巷但已經截左龍，就轉去食糖水😆 .紫薯香芋雪樂冰芋圓紫米露 $34 係芋頭同紫薯蓉，好似雪糕，都幾綿密，仲食到啲芋頭碎，芋圓有3種口味，紫薯、芋頭同地瓜，粒粒都係圓形，不過口感唔算好彈，屬比較淋~~~~而且我覺得紫米露愈食愈甜🤣🤣鮮芒雪樂冰豆腐花 $32 夏天真係好想食甜品🤣 芒果汁同芒果又幾甜，感覺到幾天然☺️芒果雪樂冰係類似雪糕，食落幾透心涼，豆腐花係幾滑既，不過我唔中意😂😂海記合桃坊甜品地址：尖沙咀樂道34號地下A舖

最近天氣太熱，放工後就決定食返碗糖水消一消暑。 同事介紹話依間鋪頭的芋圓唔錯，所以興致勃勃去到尖沙咀黎親身試下。間鋪頭大概可以坐到20-30人。由於時間較早，所以唔洗等位。大家揀好野食後，就要比咗錢先，然後姐姐就會送到你張檯皮。我今日食就嘅就係”芋圓紫薯雪糕西米露”，承惠HKD34。雖然食完確實透心涼，不過味道一般，首先，芋圓唔咁煙韌無咩口感、其次係果紫薯雪糕太淡。而且三樣野加埋有唔係特別好味，所以都未必會再黎食。

依家呢種天氣，尖沙咀行街只係行到半條街已經身水身汗，頂唔順見到間糖水舖就入左去，門面見到好多芋圓嘅相好吸引，不過我今次就唔係食佢。而係超級解暑嘅菠蘿雪樂冰豆腐花，上層菠蘿雪葩，下層軟滑豆腐花，菠蘿粒係有用糖漿浸過，加埋一齊食又唔會太甜。尖沙咀黎講價錢算係平。

尖沙咀乐道上的一家甜品店，生意总是很好，特别是宵夜时间一座难求。主打核桃热甜品和紫薯。入座后环境一般般吧，但收拾的还算干净，人少的话拼桌是常态，点了一份紫薯香芋芋圆紫米露。用餐之前先付钱且只收现金。甜品上来分量还可以，满满的一小碗，各种芋圆特别好吃，冰淇淋也不错，各种搭配的东西蛮丰富的，很好吃(๑´ڡ`๑)。服务也还可以吧，态度不错。挺不错的一家小店。

紫薯香芋雪樂冰芋圓紫米露 ($34)椰汁紫薯雪樂冰芋圓涼粉 ($32)合桃豆腐花 ($24)大良燉鮮奶 ($28)終於都試到海記嘅紫薯芋圓甜品🍠 不過而家好似減左料，由紫薯蓉變左紫薯雪糕😭 好彩芋圓又煙韌又大粒，紫薯雪糕都幾有紫薯味😋 燉奶都幾滑，值得一提嘅係合桃豆腐花嘅合桃露好好味，最啱冬天食。

之前於此試過燉奶及別樣，經已過分甜，當然，可argue糖水舖，無可厚非。今日路過，order紅豆豆花，杏仁糊豆花，到了難以接受的程度：豆花完全無豆味，係完全無。杏仁糊極甜，紅豆沙極甜及稀。食完後喉嚨一直乾渴不適，相信此甜味即使不是糖精調味，所用糖質量也不高。整體感覺四字：毫無誠意。可惜附近再無中式糖水舖，但經此一役，也不會再試這間。——————竟然要200字先可以rate差評，就再講幾句吧。打差評是為了表示可惜，此區中式糖水舖稀少，為何不用心經營，做一碗暖心的本地好糖水呢？不知經營者是否能看到改進。