海街丼 (北角匯二期)

营业中

休息中

呢個係一個值得介紹嘅高質日本餐廳🫶🏻本身行過北角匯見到就入左去食先發覺佢都有幾間分店🫧-炸芝士魚餅 $46咬第一啖啲芝士就多到流曬出黎🤭個魚餅又夠煙靭食落口係有滿足嘅感覺😆-炸牛油粟米 $55粟米好重牛油味又夠甜第一次食炸嘅粟米🤣都幾好食！-鱈場蟹丼 $160呢個丼飯一流😋係重頭戲！蟹肉夠大夠鮮食落真係好有驚喜👍🏻蟹籽都夠多會有一樣綠色嘅樽裝住啲湯本身唔知係咩黎🤣係比我地食到一半就倒啲湯落去食好似茶漬飯咁樣可以食到2款唔同嘅味！個湯都好飲 好夠味👍🏻自此之後次次去食都會嗌🤣-刺身2點 $119本身想嗌3點但店員話冇曬🫣但帶子同魚都係 好！鮮！甜！真係好似係日本食到嘅感覺滿足到大家咁耐冇返家鄉嘅味道🥰下次希望食到刺身3點👍🏻

今日近近地去北角匯既海街丼食lunch😋，呢間🐟海街丼幾出名， 之前喺鰂魚涌已經聽過佢嘅大名，以鮮魚丼聞名。🌹餐廳布置好有心思，舒服得來又有日式氣氛。🥢Lunch menu有廚師精選丼飯，推介當天新鮮水產。今日廚師精選丼（$180），🐟三文魚子、海膽、中拖羅、赤及真鯛，味道新鮮，成座山甘高😍。🍚呢度既飯無落醋，另外會比一小碟醋啫喱 自己撈。🍅日式凍辣番茄（$30）好開胃，丼飯食到一半有少少飽，我就會食下呢個番茄refresh一下。☕午市套餐送杯茶，+$5可以轉橙汁🥤。另有前菜及湯。🐽女女食滑蛋豬扒丼（$85），她大讚好食，🍳滑蛋撈飯一流，吉列豬扒厚身juicy。

今次嚟到位於北角匯嘅海街丼@umimachidon.hk 品嚐左呢一餐，好耐冇食嘅魚生飯🍱🍣！一入門口就已經見到沙膽好鍾意嘅ANYA , 成間舖頭嘅裝修都好日式，又夠光猛、乾淨整潔！聽講呢度啲廚師推介係必食！好在我哋趕得切食到咋，原來已經係最後一份！呢度嘅廚師推介每日都唔同㗎，用返當日最新鮮嘅食材做配搭！呢一份廚師推介定食，有我最鍾意嘅海膽、吞拿魚、池魚及三文魚子，所有魚生都蓋得滿滿又新鮮😋大大碗分量十足‼️呢度嘅丼飯，係有特別嘅食法㗎～1. 首先混合醤油和芥末，試試魚的鮮味。2. 然後再將特製「壽司醋果凍」溶入米飯，享受壽司的味道。3. 當壽司飯吃到差不多的時候，可加入用鮮魚秘製的「魚介出汁」混成茶漬飯加以享用。呢個食法好玩又好味😋另外，仲有叫左鹿兒島A4黑毛和牛丼比牛魔王，牛肉鮮嫩、好有牛味，再配上炸蒜片，香香脆脆、口感好豐富！我哋仲叫多個小食～醬汁吞拿魚生配蛋呢個真係好有驚喜，辣辣地好惹味！食到停唔到口！今餐又食到飽飽lu 😚海街丼 Umimachidon - HK 📍北角渣華道123號北角匯二期地下G38號舖#海街丼 #丼飯推介 #海寶丼 #和牛丼 #魚生飯 #北角匯 #北角美食

今日去到北角既海街丼日本餐廳，食一個好滿足既日本餐！點解我講滿足？係因為呢間餐廳有好多小食都好獨特，唔一定日本餐廳就有！餐廳環境十分有和風feel,環境好舍意，座位亦坐得舒適！配上啡色木做傢俬，令人感覺放鬆！用有優雅的既感覺！我同朋友首先係叫一款冷盤小食，涼浸浸既燒茄子配上木魚碎的香濃！醬汁令到茄子食落更加飽滿開胃！加上茄子汁濃厚食落更有口感！之後再叫左個海街三色刺身丼飯：主要材料係三文魚䰵，海膽再加上拖羅！三文魚子好鮮甜，再配上濃濃幼滑的海膽真係好夾！拖羅蓉食落去係好滑有質感仲帶鮮甜！配料附上芝麻，紫菜同木魚碎！令食物層次能夠更加出眾！上面更配上京蔥小小紫薑！令到食物多重口感！真係大滿足！之後再叫左火燒三文魚壽司,滑溜同火燒，配上醬汁同京蔥燒更加鮮滑！最後當然唔小得刺身！叫左滑帶子、吞拿魚，同油甘魚鮮甜新鮮！再配上一杯檸檬特飲，更加香濃開胃！必叫鮮魚(廚師推介) ！北角海街丼北角渣華道123號北角匯二期地下G38號舖 @umimachidon.hk

北角匯商場中這家日式海鮮料理的食評。這家餐廳以其優質的食材和精緻的日式環境而聞名。我開始先品嚐了他們的「海鮮寶」，這道料理包含了新鮮的日本海膽、日本蝦和帶子刺身。這道菜有幾種食法，可以讓你盡情品嚐每一種食材的鮮美。另外，他們還供應了濃郁的海鮮湯，味道非常出色。配菜方面，他們提供了一款特別的啫喱醋，這種酸甜的味道非常適合搭配海鮮的清新口感。如果你正在尋找一道值得推介的菜，這款「海鮮寶」絕對是一個不容錯過的選擇。要親身體驗試吓🥳🥳接下來，品嚐了他們的「白板魚旦」，這道菜的口感非常清爽，帶有些微的甜味。😍😍我還品嚐了他們的「燒青魚」，這道菜的味道非常美味，不過魚肉比較細條。最後，我品嚐了他們的「汁吞拿魚配生旦」，這道菜讓我非常滿意，以至於我現在已經想再次品嚐了。汁吞拿魚非常鮮美，生旦也非常新鮮，味道完美地融合在一起，讓人回味無窮。總的來說，北角匯商場中這家日式海鮮料理是一個非常值得一試的餐廳。👍👍👍他們的食材新鮮，味道優美，環境也有日式風格。如果你正在尋找一家能夠提供高品質日本海鮮料理的餐廳，這家店絕對是一個不容錯過的選擇。再加上他們豐富的日本清酒種類，這個餐廳絕對是一個讓人流連忘返的地方。

望見餐廳既門面，尤其雅緻高尚。呢間主打刺身丼既餐廳，其實大有來頭。原先本店係東京、涉谷，由2位香港人帶到黎香港，海鮮刺身由日本築地市場新鮮直送，調味料跟日本本舖一樣，甚至由日本店師傅到香港坐鎮。樣樣做到咁講究、咁細心，食物質素真係非一般，完全可以話係將日本味道直運過黎👍雖然食材、裝修都高檔，但呢度既價錢合理，一個丼飯一般都係百零蚊，which好多地方無咁高質都收呢個價啦！所以呢度絕對係性價比高！叫左每日限量既廚師精選$260：深海池魚、海膽、金目鯛、 醬油漬吞拿魚，仲有三文魚子、玉子。勁大碗！好豐盛！刺身疊得好高，正！🤩深海池魚魚味濃，醬油漬吞拿魚質素高，海膽鮮甜無比，三文魚子甘香卜卜脆。😋🥰每個定食都有一小碟小鉢(side dish)。另外好特別，有個壽司醋果凍。與別不同提供一丼三種食法！1️⃣首先將豉油同芥末混合，食刺身。2️⃣將特製嘅壽司醋果凍，溶入米飯，享受壽司飯嘅味道。呢個食法又幾特別又好食！3️⃣附有鮮魚秘製既"魚介出汁"（seafood soup）。最後加入呢個魚湯，同埋芝麻等，混成茶漬飯，多重享受！尤其欣賞食完刺身之後，黎個暖既茶漬飯，好味得黎個感覺好健康！😋🥰刺身豐富又正！又有多

日本東京過江龍丼飯品牌挺喜歡北角這家分店座位 裝修都比較舒適 靠近海邊挺舒服廚師發辦 丼飯海膽 和牛 三文魚籽 玉子燒海膽細膩的甜香 三文魚籽爆汁效果和牛油脂感 令到入口即融 牛香是會慢慢散發出來整體丼飯 份量剛好‘上’海寶丼角切油甘魚吞拿魚章魚貝類 配搭丼飯每口都充滿鮮味同魚油香蟹肉絲同三文魚籽 更有多重口感小菜有腌製過的三文魚鬆 鹹甜的開胃吃飯時加點醋啫喱 味道酸酸的挺特別吃到最後可以倒入店家安排的魚湯淡淡的魚湯 加上芝麻脆米紫菜像茶漬飯配合吃 清爽很多

掛住日本d丼飯，收工約朋友去北角匯呢間主打丼飯嘅日本料理尋找鄉下味道。❣️餐廳主打海鮮丼，天丼同埋牛丼，仲有多款刺身同魚料理揀！❣️ 丼額外配有特定湯底淋上白飯自製茶漬飯，好特別！🍣廚師精選丼- 冇特定menu，全由廚師發辦，安排左樣樣都好正- 大大片厚切拖羅，油脂滿滿，入口即溶，好滿足！- 滿滿魚子口感豐富，海膽味道都好鮮甜creamy～茶漬飯湯底係鯛魚湯，鮮甜有風味。🍤海寶天婦羅丼$216- 滿滿嘅各種海鮮同蔬菜天婦羅，茄子，南瓜等蔬菜天婦羅炸得外酥內軟- 另外仲有大大粒嘅扇貝同大大隻嘅蝦天婦羅好新鮮，配上特定嘅醬汁食真係好正！- 茶漬飯嘅湯底係清淡嘅昆布木魚湯，好夾天婦羅！下次再來食下有水準丼！😆😆

呢間魚生丼專門店🍙，主要有吞拿魚拖羅嗰啲，好鮮甜！店舖裝修充滿日式風格，有吧枱同卡位，坐得幾舒服，有少少居酒屋嘅感覺～除咗有魚生丼之外，仲有時令刺身同埋其他丼飯可以揀～今次衝住佢哋嘅丼飯而嚟，佢個丼飯食法比較特別，先加入佢哋嘅醋味啫喱，食到一半嘅時候又可以放埋紫菜、芝麻同埋脆米，再倒埋魚湯，變成湯飯，另有一番風味！------------------------------🦐◖時令刺身 - 兩點◗ $110有吞拿魚同帶子各三片，兩款都係厚切，啖啖肉好滿足！吞拿魚完全冇根，帶少少自身嘅酸味；帶子大大嚿，好黏口好鮮甜！🦀◖吞拿魚蓉蟹丼◗ $180呢個丼飯分別有吞拿魚蓉、海膽、蟹肉、蟹膏、三文魚籽，配料一層層擺放得好齊整，堆到成座山咁！蟹膏蟹肉份量幾多，加入左醋味啫喱同埋豉油之後，食落去啖啖都帶啲魚蓉，好鮮甜好有口感，再加入魚湯，食落去嘅鮮味更加濃郁！🌟 Encore指數：8/10

今日早餐食得少，就快餓死既肥仔出黎搵野食，就入黎食下哩間，叫左個滑蛋豬扒飯（大盛）。（碗底係墊高左既，食落大既兩碗飯左右）1. 小食，真心食唔太出係咩，我又衰冇特別影相，目測似係木耳、豆乾/魚碎同埋D花生/豆，味道似偏淡既鹵豆乾。冇咩吸引我，可有可無。2. 味噌湯，唔係死咸，味噌香味之中帶一絲微酸，好飲又開胃。3. 豬扒飯，應該係即叫即炸。厚切豬扒真係正，脆口，juicy，仲要keep到好明顯既豬肉味（唔似其他大部份都係比炸粉味覆蓋左）。滑蛋都好餸飯，香滑帶豬肉汁味，加上煮到口感軟中帶脆，味道香甜柔和既洋蔥片，真係好食，好少食到咁高質既滑豬飯。4. 凍綠茶，真係要形容就係幾似「維X」既蜂蜜綠茶，但係無甜，清爽。5. 可爾必思，手誤叫多，好笑既係飲到一D薑汁味，應該來自豬扒飯，但係食個時又唔係咁留意到。有薑味又幾好飲🤣下單到上餐大概15至20分鐘。$85 飯，跟小食，味噌湯同一杯茶，汽水之類加 $5，再加一哩餐係 $99。叫大盛好似唔會加錢，而且填飽到我哩個肥仔，真係肚餓又或大食可以考慮下。

朋友住在附近，到了他家樓下的海街丼食晚飯，一直都不知道有這間播過江龍丼店，我們點了一個醬汁吞拿魚丼及2個小食。醬汁吞拿魚丼一塊塊的吞拿魚使用了醬油、味醂、柴魚和其他秘密成分熬製而成，味道濃郁，而且非常平衡。吞拿魚肉質鮮嫩，非常容易入口即化，搭配上這個醬汁真是絕妙的組合。除了醬汁吞拿魚，碗內還有吞拿魚蓉和三文魚子，非常夾的味道，吞拿魚蓉口感綿密，加上店舖自製的白醋jelly，加入飯內攪拌酸酸的魚生飯，真是舌尖上的美味！每嚐一口，都能感受到吞拿魚肉質鮮嫩，口感豐富，讓人愛不釋手。吃到一半的時候，還有一樽細細保溫裝著的魚湯可以自行加入飯內，變成另一種食法茶漬飯，魚湯香濃味道淡淡的，再加上一早已為我哋準備的紫菜絲、芝麻、而且還有一些脆脆可以搭配食用。茶漬飯的提議，真的錦上添花，喝一碗熱熱的湯飯埋尾，舒服。一飯二食的感覺很不錯，有驚喜。清酒煮蜆清酒煮蜆，蜆肉質鮮嫩，口感豐富，使用了清酒，讓蜆肉的味道更加鮮美。非常適合作為前菜。木魚茄子茄子和木魚乾，加上一些調味料和醬汁烹製而成。茄子非常柔軟，以及木魚乾的香味，凍食讓整道菜的風味非常特別，非常開胃。

店名: 海街丼地址: 北角渣華道123號北角匯二期地下G38號舖北角站A1出口，行2分鐘環境: 4.5/5價錢: 4/5味道: 4.5/5醬汁吞拿魚丼❤️❤️❤️❤️❤️$190一碗滿足曬有好多個願望，有醬汁吞拿魚、吞拿魚蓉、鮭魚子😋吞拿魚切片有啲辣辣的味道，再點埋豉油wasabi又變左另一個風味，口感豐富唔會覺得單一🤩而且有兩種食法，一種丼飯，一種茶漬飯的食法。單試個魚湯係好香&清淡順口，可以自行加醋（透明啫喱狀的）按各人口味調味😚鹿兒島A4黑毛和牛丼❤️❤️❤️❤️❤️$180叫左個和牛丼 牛肉味加上油脂十足😍仲可以配上蒜泥，青芥末調味之餘又可以減輕油膩感。 另外仲有甜甜地嘅洋蔥汁可以令個飯冇咁單調😆

天氣咁熱最啱食魚生飯, 呢間有好幾間分店, 而且每間都有唔少人讚好, 所以一路都想嚟試吓叫咗最一份吞拿魚蓉丼, 同一份特上吞拿魚蓉丼, 真係太愛吞拿魚🤣吞拿魚份量唔少, 味道鮮甜, 唔使加豉油都已經夠味🤤加埋魚子一齊食, 口感豐富, 仲配埋紫菜, 可以自己整魚生飯卷, 海膽同樣好新鮮, 令成個飯再豐富啲😋另外我鍾意佢啲飯暖暖地, 上面嘅食材亦都唔會太凍, 入口溫度啱啱好👌🏻個餐入面有一樣配菜好得意, 就係用醋整嘅啫喱, 加入飯入面一齊食, 酸酸甜甜, 更加開胃餐廳係日式裝修, 環境乾淨舒服, 食物有質素, 價錢合理, 回頭率高🌟

-🍴🍽🍴🍽🍴 🍣🍱🍣🍱🍣 🍴🍽🍴🍽🍴-🥢 廚師精選魚生丼 $170 🆙 呢個套餐CP值非常高，包括有魚生飯、麵豉湯、前菜、熱茶同埋日本醋啫喱。魚生丼有肥美嘅油甘魚、吞拿魚、中拖羅、玉子、海膽同三文魚子。吞拿魚同油甘魚切片好厚，味道好新鮮。推介比心思思想試哂唔同種類魚生嘅朋友。🥢 蟹吞拿魚蓉丼 $150 🆙 如果你鍾意蟹肉同吞拿魚，呢道蟹肉吞拿魚蓉丼絕對係你嘅最佳選擇！吞拿魚蓉嘅鮮味同蟹肉嘅香甜完美結合，令味蕾獲得一種非常滿足嘅感覺，絕對係值得一試。📌 海街丼店以日式丼飯為主打，餐點份量十足，CP值非常高。😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10服務 𝗦𝗲𝗿𝘃𝗶𝗰𝗲 8/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 8.12/10-🍴🍽🍴🍽🍴🍽 🍣🍱🍣🍱🍣 🍴🍽🍴🍽🍴-🗺 海街丼 (北角匯二期) (北角)北角渣華道123號北角匯二期地下G38號舖-#bakdiu丼飯 #bakdiu日本菜 #bakdiu北角

經過呢間幾次都未食過，擇日不如撞日，今日就一於食佢啦！午餐時間有多款丼飯選擇，由$85-$1xx不等，本身想揀lunch嘅廚師精選，結果買晒，就揀期間限定嘅╰☆醬汁吞拿魚丼 $160入面有醬汁吞拿魚，吞拿魚蓉同鮭魚子 ，醬汁吞拿魚厚身有咬口，食落辣辣地，吞拿魚蓉顏色粉嫩入口軟綿綿好鮮味，加上鹹香十足嘅鮭魚子，超級滿足😌╰☆滑蛋豬扒飯 $85豬扒厚身又鬆軟，配上滑溜蛋花，香滑美味😋╰☆溫泉蛋 $15╰☆可爾必思 +$5