海興隆茶餐廳 (已結業)

🐝☀️早幾日去咗坪洲，幫襯咗呢間海興隆茶餐廳。╰(*´︶`*)╯🤍嗌左呢杯港式黑糖珍珠奶茶！價錢係30蚊！ (๑ʘ̅ д ʘ̅๑)!!! 🤍竟然喺坪洲都可以飲到珍珠奶茶，仲要係港式嘅奶茶加黑糖珍珠，真係好開心，所以就決定嗌嚟試下~ (ʘ̅ … ʘ̅)🤍飲落嘅味道係好特別嘅，奶茶真係港式奶茶嘅味道，而唔係台式奶茶，除咗甜味之外都仲會有啲苦味。🤍另外，黑糖珍珠嘅味道都非常重，好大陣黑糖味，會有少少甜。(๑•́ ₃ •̀๑)🤍杯嘅高度都幾高，份量非常足夠，對得住30蚊嘅價錢～(σ°∀°)σ..:*☆🤍如果大家有機會去到坪洲，都可以幫襯下呢一間茶餐廳，佢嘅質素都唔錯。(´∀｀)♡🐝🐝

既然是難得入坪洲嘛，當然要吃多餐下午茶才走吧 (笑)本來是想吃蝦多士個間，但看到排到轉彎的人龍就放棄了最後去的是 - 海興隆茶餐廳 ~ 看到一些特色飲品還頗有興趣的呢其實就舊式茶餐廳。冷氣開得有點大那樣子！看到別人點的炒粉麵幾大碟的！紅豆抹茶 ($28) & 黑糖絲襪奶茶 ($20)前者的紅豆稍微甜了些；後者的茶味略為濃了點，但口感仍是很絲滑 ... 另外也不算甜。因為是吃下午茶嘛～所以就點了 - 西多士 ($24)外觀看起來和平時差不多，但總感覺舊式茶餐廳比快餐店那些是好吃得多！

清假嘅日子星期五入坪洲行下，今次無去文青cafe飲mocha 打咭，反而揀咗原味道茶記，因為平時好少食茶記，其實我鍾意食嘅，但太迫太急所以好少食，呢間野有性格，即使政府放寬4人一檯同晚市堂食，佢仍然係維持2人一檯同無晚市堂食👍我地本來想食栗子炆鴨，但原來午市係無嘅，咁我地叫咗豉椒排骨炒河同三絲炒米，其實兩個賣相都唔靚嘅，不過炒米有驚喜，煎得燶燶地幾香囗，每款各46蚊，加8蚊配熱飲，奶茶幾好飲，好有港式地道風範😋, 香港原味道，like, 不過呢啲地段嚟講價錢就唔太實惠了😅食完行前幾步就去皮革廠打下咭

新年期間，又遇上疫情，有時候夜晚想出街食下飯都難！好耐都冇幫襯過海興隆晚市小菜，疫情期間晚市只做外賣，打個電話去叫定餸，講低幾點去拎就得，非常方便！今晚就叫左兩個小菜同兩杯野飲。麻辣雞煲，打開個盒，超級香噴噴！熱辣辣，雞夠滑，麻辣味香濃，令人越食越想食，好正！椒鹽茄子，又係香噴噴，外脆內軟！，真的炸到好脆！炸蒜料又夠香口，好食！飲品方面，叫左黑糖珍珠奶茶同埋珍珠綠茶，奶茶味香濃又滑，配上煙un珍珠，好正！綠茶配珍珠都好夾！有時候聽人講有幾好食未必準，親身試過先夠膽講，本人認為整體黎講，食物水準高，值得推介！

坪洲環境優美，令人好舒服，今個星期日好多人坐船到坪洲，下船就去搵嘢食，行過見倒呢間茶餐廳，好似老字號，望入去都有本地人食，應該唔會差，又咁岩有位，就入去試下。店員話星期六日冇餐，要散叫，我們2人就叫了干炒牛河，雞扒餐肉旦辛辣麵，西多士，凍檸茶。😏😏😏干炒牛河，香噴噴，夠鑊氣，牛肉多而不會鞋口，味道不會太鹹，加埋辣醬超正！雞扒餐肉旦辛辣麵，雞扒好食，餐肉香口，旦同麵正常我好鐘意食西多士，味道唔錯，中間花生醬足料！以上三款食物我都好滿意！重點一提，連杯凍檸茶都好好飲，茶底本身做得好！有時候，門面看似平凡的小店都可以係臥虎藏龍，唔好睇少，今次好彩有機會試到，非常滿意，店門口貼住推介港式黑糖珍珠奶茶，見倒好多人買，下次一定會試下！坪洲真係值得去，風景靚，食物正！仲可以睇倒日落！

疫情之下，已經係平日下午3：15去到，都是無位坐遊客依然同假期一樣多，唔緊要的，外買都可以是一個好選擇，回家食又安全又唔洗急！！！分量都是依然好足，加埋杯真材實料凍抹茶紅豆，真係大滿足！

本人是坪洲街坊，知道出了新的特飲就試了一下，抹茶紅豆同抹茶珍珠，非常好飲，紅豆起沙，珍珠Q軟！95分！下次有機會再試港式黑糖珍珠奶茶，中途聽到隔離枱個女食客話杯熱紅豆奶茶好好飲。

今日去左坪洲行街，雖然今日係平日，但坪洲都好多人，我地搵左好多間餐廳先搵到間有位，仲好好彩咁岩有人走，有卡位坐。 我地點左午餐$48 咖喱豬扒飯，乾炒肉片河，價錢都算經濟。咖喱豬扒飯，有一大碗咖喱，咖喱不太辣，豬扒都有幾件，豬扒好嫩滑，加上洋蔥同青椒，豐富了整個咖喱，非常不錯。可能咖喱太好餸飯，覺得白飯就少了一點。乾炒肉片河，炒得夠鑊氣，不會太咸同太淡。兩個餐都唔錯，可以搵到間抵食又整得好味既餐廳實在太好彩了。

難得放假,住喺離島既我,下午想去食個午餐,會揀返屋企附近既茶餐廳,貪佢方便同埋價錢公道今日下午2點同呀哥去左位於永安街既海興隆茶餐廳,呢間我多數同屋企人去食晚飯,但係今次就去試下食午餐,午餐只係48蚊,凍飲加2蚊,平過起香港市區食啦！我叫左一碟揚州炒飯+凍檸茶,呀哥就叫左鮮茄豬扒飯+凍檸樂,講下我果碟炒飯先,整體質素中規中矩吧,飯有d痴立立,而我個人都係偏愛粒粒分明既炒飯,另外,炒飯入面加左生菜絲,蛋,仲有叉燒粒,炒得OK啦，唔係好鹹,都係唔錯既選擇！至於鮮茄豬扒飯,佢係白飯底,個汁調得幾惹味,除左有蕃茄酸味,仲甜甜地（應該加左糖）,幾開胃豬扒就普普通通,個人認為豬扒拎去炸一炸或者改用炒飯底會好食d！總括而言,呢間餐廳既午餐係抵食架,性價比亦高,不失為假日消閒醫肚之選！

假日輕鬆一下，從中環坐船到坪州❤️遊人很多，隨便去了一間茶記！沒有套餐，所以散叫了一碟豉椒排骨炒河（$48）西多士（$20）凍奶茶（$17）豉椒排骨炒河份量適中，幾有穫氣，河粉係粗身型都幾特別。其他食物不過不失，服務態度都一般般喇😇

閒日放假，無無聊聊自己一個入左坪洲求其搵左間餐記食。入面充滿小島風情，每個都係熟客係度傾計吹水。咁叫左個豉椒排骨河食。送左個例湯。河粉炒得幾個鑊氣既，不過略嫌有D油。之後行坪洲全程都好口渴。但係個種小島風味，相信係市區比較難看得到了 

平日set lunch $30包熱飲例湯 乾炒班腩米 這兒炒野好大碟, 即使set lunch份量也夠多 米粉及班腩好多, 反而芽菜就好少, 亦沒有其他配料 米粉嫌佢過硬, 且較淡不夠味 班腩像雪藏得太耐, 又乾又鞋口, 得個咸字

時菜牛肉炒麵 $30包熱飲例湯 嘩, 好大碟, 個麵底好靚, 又夠熱, 乾麵與濕麵的比例各半, 乾麵香脆, 濕麵不會太油 牛肉雖然稔, 但肉味淡 西蘭花份量足

琴日去左坪洲玩 見到時間岩岩12點 就去食lunch 行行下見到呢個餐廳就入左去食 果度d野係百姓價 唔算好貴我叫左個鮮茄豬扒飯 我呀媽就講錯左蕃茄豬扒飯 果個伙計態度完全唔得係度話係鮮茄唔係蕃茄 我地冇蕃茄豬扒飯囉兩樣咪一樣-0-之後D野食送到啦 我姐刻O哂 係超大碟 d飯好高好高!!!!抵!不過味道就麻麻 d飯冇落- -點飲 我媽咪個栗米班腩飯d味啖到-0-抵:飯多 價錢平 環境好好缺點: 太淡 d飯冇落

我住呢度既.....試過叫外賣打去啦...d 語氣好差...仲要價錢次次唔同...一係就要搵一輪先答到你幾錢...叫左有時等半個鐘都未有得攞....差呀.....