海興隆茶餐廳 (已結業)

好耐冇去坪洲，今次特登冇食早餐，一落船就即刻前往呢間茶餐廳，食我期待已久嘅特色西多士💛🤤鋪頭係碼頭附近唔難搵，由於係平日去，完全唔洗排隊等位。老闆娘好淳樸好客☺️餐廳入面設有幾個卡位，坐得好舒服～🍞招牌沙嗲牛肉西多士（$38）📝評分：9/10毫不誇張地講，呢個西多士係我食過最有滋味嘅一款！😋即叫即整，等嘅時候可以聽到廚房劈裡啪啦聲～多士外表炸到金燦燦，size又大又厚，表面淋左十足嘅煉奶同牛油🧈切開果一秒真係忍唔住「哇」左一聲，煉奶同牛油偷偷地混合埋，順住切口咁流落黎，痴係牛肉上，個畫面好治癒🥰方包炸到好香脆，大大啖牛肉糅合香甜煉奶，冇諗到會咁夾，同埋香味好濃郁，又完全唔會甜到膩😌埋單之前我其實忍唔住想再食多個😆但都係留返個肚試下其他嘢🤰🏻下次黎我會想試黑糖珍珠味嘅西多士～

📍坪洲地道茶記 x 驚喜五香肉丁麵明明最想入嚟試名物菠蘿豬扒包最後竟然比五香肉丁麵難忘咗🧡落船嗰下覺得大肚餓一口氣叫幾款啦⬇️👉🏻五香肉丁麵雖然話冇咩技巧 但麵底軟硬岩岩好公仔麵吸咗五香肉丁湯底超級惹味之後有一次仲買有咗罐頭五香肉丁返屋企想自製！但感覺差好遠相信下次去我都會encore🤤🤤👉🏻菠蘿豬扒包脆皮菠蘿包夾住大大塊煎豬扒或雞扒配配秘製沙嗲汁/香口啊🐷👉🏻鹹魚雞粒炒飯太耐冇食過/質素合格🤝📌 雖然入坪洲冇乜嘢做但可以冇嘢做就係最好嘅節目啦☀️

坪洲永安街的舊式茶餐廳，提供多種傳統茶餐廳美食和飲品。我點了特色西多士、芝麻加紅豆、雞翼薯條和咖啡加紅豆。特色西多士$40是呢間茶餐廳的招牌美食之一，外層酥脆，內裡夠鬆軟，配上芝麻和紅豆，味道香甜可口。雞翼薯條$36係茶餐廳小食之一，價錢合理。咖啡加紅豆飲品$30味道非常獨特，值得一試。西多士芝麻加紅豆則是另一種特別的甜品，芝麻的香味和紅豆的甜味平衡得很好，味道不會太甜也不會太淡。餐廳的食物味道不錯，份量足夠。不過茶餐廳的環境比較老舊，價格超抵，比起隔離幾間日式食物，價錢平一半，隔離雞翼薯條係單骨…呢間起馬都都3隻，唔借薯條取巧5隻雞翼單得單骨。如果你來到坪洲並想嚐試當地的茶餐廳，可以一試，其他日韓美食我就建議返香港先食。

因為工作嘅緣故，間唔中都需要入坪洲~到上面嘅Cafe基本上都試得差唔多😂餐廳位置位於永安街，經過秘密花園行多100米就可以見到👍🏻極度推介沙嗲牛肉公仔麵，個沙嗲醬係由老闆親自研發，極香花生醬味🤩值得一試！

前排睇YOUTUBE，見坪洲街坊推薦呢間茶記嘅招牌沙嗲西多、同埋四方盒雙層西多，中意食煎炸野嘅我，即刻心心眼😍，結果搵左個星期六同屋企人一齊入坪洲。😏自己第一次嚟坪洲，唔知當日算唔算特別多人🤔，但上船果刻覺得去坪洲嘅人比去長洲多，加上坪洲唔大，眼見四圍都係人😂 下午1點嚟到餐廳，雖然唔係等好耐就入得，但等西多用左近20分鐘😯招牌沙嗲牛肉西多 $38牛肉份量算多，而且熱辣辣。不過真心唔會覺有沙嗲味，而且可能煉奶太多，甜到食唔到鹹味。四方盒雙層西多 $40揀左花生拼黑芝麻，夠哂厚身。粗粒花生醬拼黑芝麻呢個組合實無死，而且店家搽醬好慷慨，啖啖醬香。咖哩牛腩炒米粉 $62本身無諗住叫，但見到隔離枱位叔叔邊食邊話好味，忍唔住叫左。🙉我自己係第一次食呢類炒粉，即係米粉先煎脆，之後淋上醬汁，原來別有一番風味😯。咖哩好香，牛筋牛腩炆到好淋，而且呢碟粉好大碟!!🙊 (圖中黃色碗係普通飯碗) 兩三個人Share都無問題，性價比幾高。唯一敗筆係個薯仔度😥，裡裡外外都係凍嘅薯仔，無咖哩味、薯香，似係上菜前發現無薯仔，求其撈D雪櫃熟薯粒FEEL😣。最後男友評價傳統花生西多最好味。

坪洲真係養尊處優既不二之選🤣除左牛皮廠秘密花園 #大利島 都係人氣景點之一最後食埋個西多士 😌😌又要返去一個做野 #唔使急但最緊要快 既城市😵‍💫無咩事的話相信將來10年都唔會再黎😂😂😂好想一提海興隆既服務好好👍🏻唔知係咪男老闆nice到核爆臨走時我仲話：你呢到好食過祺森冰室 好多！🤭🤭然後佢大笑⋯⋯⋯⋯⋯⍥ 沙嗲牛西多士即叫即整，熱焫焫必須襯熱食😝炸到金黃色既西多，面頭係邪惡既煉奶同埋牛油，一切開裡面既沙嗲牛份量唔少，至少我切開六件，每件都有1-2片牛肉😚隱約都食到沙嗲香，牛肉幾稔又幾滑，鹹鹹甜甜唔會奇怪，不過我覺得九龍城 #樂園 既沙嗲牛西多更加出色😋😋但整體都唔差，試得過！⍥ 菠蘿冰朋友點的🤣🤣顛覆左佢平時飲開既菠蘿冰，一見到紅色既！？😌真心驚驚地，我諗係罐頭菠蘿，加啲唔知咩紅色水，無咩味架成杯，um 算喇！飲水穩陣🤗

難得去坪洲玩，即刻上網search下有咩必食美食😙 🖤黑白配⚪️試左呢間有特式西多嘅茶餐廳，話曬出面都少呢幾個combination🤪招牌沙嗲牛肉西多士 $36見到招牌兩字即嗌😂 平時西多係甜，估唔到變左咸又幾惹味多士十分厚，炸到金黃香脆滿滿沙嗲牛做餡，加上煉奶同牛油🧈嘅加持，雖然又咸又甜但係十分夾，口裡又同一時間有幾種唔同嘅味道四方盒雙層餡西多士 $38有紅豆🫘黑芝麻、花生醬任揀兩款🖤黑白配⚪️揀咗黑芝麻同花生醬，睇相都見到個餡真係好多令到食落口每一啖都充滿芝麻同花生香已經唔記得咩叫肥🤣豬扒菠蘿包 $28豬扒有陣陣沙嗲香味，但個菠蘿包就有啲失望🙍🏿個菠蘿皮唔夠脆，亦都唔夠熱包嘅質感比較實，感覺有啲似集團式連鎖店預先pack好嘅麵包質感

睇完電視劇，同老公請咗半日假，入咗嚟坪洲望吓，睇吓，搵好嘢食我哋星期一入嚟，所以好多比較出名嘅餐廳都冇開，所以嚟咗呢間比較地道嘅茶餐廳，上網睇，啲人話西多士是必食之選，果然真係冇介紹錯！從中環6號碼頭，坐35分鐘慢船嚟到坪洲，再行5分鐘左右，就嚟到永安街，好易搵。雖然係茶餐廳，裝修比較懷舊，好街坊feel，但係好乾淨企理，服務都好貼心。我叫咗個午餐嘅乾炒牛河，有杯飲品送，凍飲加$2($53)一嚟到都見到佢炒得好有鑊氣，熱辣辣，即叫即炒，食落真係要讚，牛肉大大塊，好多塊，份量好足，好想下次Encore!!等咗一陣都值得嘅招牌沙嗲牛肉西多士($36)連唔食又咸又甜嘅嘢嘅老公都話好味，切落去係脆身嘅，同沙嗲牛肉好味道都算夾，成件事好Juicy，我哋話下次要食沙嗲牛肉麵

📍海興隆茶餐廳坪洲茶記 (⁎⁍̴̛ᴗ⁍̴̛⁎) 雙層西多+沙嗲豬扒包🥳次次嚟都係食嗰幾間出名茶記有啲悶，今次等我發掘下啲隱世美食🤣個人覺得更加值得去！雙層西多幾有綽頭，食落都唔差～兩款醬本身都香濃，稍嫌麵包炸得over咗，邊位有點兒太乾同硬，所以我話如果有多啲醬就會平衡返！而塊豬扒就用沙嗲醬醃然後煎香，再夾埋暖身微脆嘅菠蘿包，都好難唔好食嘅☺️✧ 四方盒雙層餡西多士 (芝麻+花生) $38✧ 招牌豬扒菠蘿包 $28回頭指數😼3.5/5（打卡able又好味 \(//∇//)\

係坪洲返左幾年工，覺得呢間係其中一間最值得食既餐廳之一其實呢間餐廳好多野都好好食，不過最特別最好食應該就係雙層餡既西多士了雙層餡西多士 雙層西多士可以3 種味揀2 種 （花生 芝麻 紅豆） 我就揀左紅豆加芝麻一切開個西多士就見到滿滿的紅豆同芝麻醬，熱辣辣並非常香口，超級推薦！！！黑糖珍珠絲襪奶茶係坪洲就暫時未有珍珠奶茶舖，但係呢度就有得飲珍珠奶茶雖然唔係話特別好飲既珍珠奶茶，但係係離島返工而又想飲珍珠奶茶個陣，呢杯野真係拯救左我無數個tea time

去到坪洲真係有好多好野食！！而呢間茶餐廳竟然有我最鍾意食嘅西多士🍴仲要係激厚🍞😍炸到金黃香脆 咬落超鬆軟❤️雙層嘅西多可以揀兩個內款 必揀黑芝麻配花生醬🥜再配埋煉奶同牛油🧈味道層次感超豐富🤩

坪洲都有幾間有特色嘅茶記，其中數一數二嘅就係同樣位於永安街嘅海興隆茶餐廳🍳💫！俾佢哋嘅激厚西多士吸引到ヽ(´∇｀)ﾉ.① 四方盒雙層餡西多士 ($38)// 內餡三選二，分別有紅豆🫘 黑芝麻🖤 花生醬🥜～今次揀咗花生醬搭配黑芝麻，據說芝麻醬係店家自己整製㗎！西多士即叫即炸，上枱嘅時候香噴噴🥰表面倒滿煉乳同埋半溶牛油成個畫面不得了😳！不過西多士食落唔算好脆，同埋蛋香都唔濃，如果芝麻內餡可以再多啲就更加好～//𝙁𝙤𝙤𝙙：🌕🌕🌕🌕🌗🌑② 絲襪奶茶 (+$10)// 見到店家沖奶茶好似幾地道咁就叫咗杯凍奶茶試吓，不過茶底偏淡，仍缺乏茶澀，有啲失望🥲勝在唔會勁甜，不過唔算好飲呢。//𝙁𝙤𝙤𝙙：🌕🌕🌖🌑🌑🌑.🥞海興隆茶餐廳 (坪洲)坪洲坪洲永安街39號地下🍮 #aiiifoodie#aiiifoodie_pengchau #aiiifoodie_坪洲

坐船仔入嚟坪洲行下，影下相。見到哩間舖仔就入嚟叫咗個，菠蘿豬扒包！有驚喜！個豬扒包塊豬扒唔柴，醬汁香，配搭好好，價格合理🤭亦無最低消費🤣👍🏻 食得開心又放心

🌈🐭今次去左坪洲，展開爆卡路里之旅🤗坪洲唔算好大，假日出名果幾間餐廳好多人排隊，🐭無意中經過呢間茶餐廳，比佢嘅懷舊vibe同茶餐廳小食吸引左，結果冇令🐭失望🤪海興隆茶餐廳 坪洲坪洲永安街39號地下🧈西多士 $25重口味邪惡首選，滿滿嘅牛油加上煉奶(睇見都流晒口水🤤)，多士炸得香脆，又唔會太油膩，足料花生醬夾喺兩件厚多士入邊，每一啖再加上牛油同煉奶，完全係視覺味覺享受🔥🤩🍔招牌豬扒菠蘿包 $28菠蘿皮都夠脆，但件豬扒絕對令個菠蘿包昇華到另一層次❗️豬扒煎得好香，再淋上自家製沙嗲汁，食落勁香沙嗲味，加上香甜嘅菠蘿脆皮，出奇地match 😍 🧋黑糖珍珠絲襪奶茶 $30奶茶底好滑好香，黑糖珍珠口感夠煙韌，不過不失。👅舔脷指數：👅👅👅💰性價比指數：🔥🔥🔥🔥⭐️推介指數: 7/10✨茶餐廳仲有炒粉麵飯，好似乾炒牛河丶沙嗲牛肉麵等，大家想食下炒粉麵飯同小食都得😉

難得入坪州行下，行完秘密花園，行到攰諗住食下华茶坐下，行前啲見到有間好出名賣冰火豬仔包嘅，非常之多人，最怕等位嘅我，就行前啲去咗海興隆茶餐廳，本來諗住嗌佢個招牌豬扒菠蘿包，點知話今日麵包舖冇開，冇得供應，咁就叫咗個茄蛋治烘底，同一個豬扒薯條，飲品就金枝玉葉，茄蛋治做得唔錯，新鮮熱辣，豬扒薯條超水準，薯條甘香外酥內軟，豬扒一啲都唔韌，少許金黃而不油，入口甘香，而我好大碟。金枝玉葉係柑桔配果涷，酸甜適中，埋單83比之九龍的業餐廳還平宜，味道和份量卻超級！