海膽仔

营业中

休息中

繼續都係新蒲崗搵食，今次我同同事去食日本料理，仲係性價比好高既餐廳😗🥰 - 麵豉湯🥣 (跟餐)正常麵豉湯味道，值得一讚湯內都有幾多豆卜、豆腐、海帶，用料十足😎 - 沙律🥗 (跟餐)正常沙律味道，配上油醋汁調味，都幾開胃🤣- 雙重三文魚丼🍣 $88呢個丼飯包括有兩款三文魚，生的三文魚肥美，入口順滑😈，微微燒過的三文魚更加激發出油脂香😗，兩款三文魚都幾有鮮味，如果好鐘意食三文魚的話，呢個丼飯都幾值得一試☺️ - 海膽三色丼😋 $148餐廳用料完全唔吝嗇，海膽、吞拿魚蓉、三文魚籽都份量十足😏，雖然海膽未到好鮮甜但入口都幾順滑Creamy😛，滿滿呑拿魚蓉配上大大粒鮮甜三文魚籽，連埋煙韌有咬口飯一齊食🍚，三文魚籽係口到爆破，真係啖啖滿足😍 以呢個價錢來講食到海膽，真係性價比幾高😳😳所以我同同事間唔中都會黎食，大家經過的話都不妨試下😛 📍 海膽仔 - 新蒲崗新蒲崗衍慶街2-32號新蒲崗大廈地下Q號舖@uni_kotomo #justlingggxd_日式#justlingggxd_新蒲崗

💙雙重三文魚井配左沙律同麵豉湯，三文魚刺身5片再加一塊火炙三文魚腩，咬細細啖都好幸福🥹 魚油香味係爆分😍😍😍.💙三文魚刺身(8切)& 希靈魚刺身(6切)刺身好新鮮～ 厚薄適中，不錯☺️.💙火炙左口魚邊壽司燒完魚油爆曬出黎，連壽司飯都特別香口😗.💙鰻魚芝士卷大大舊芝士，同鰻魚又幾夾🙈.💙火灸鵝肝手巻鵝肝好大塊！輕輕火炙過，幾香口～ 紫菜脆卜卜，加分～.💙熔岩海膽魚餅有3件～ 包住滿滿既海膽，海膽唔算好濃，但勝在量多☺️

新蒲崗呢間食店有好多唔同嘅日本菜式，其中一個推薦嘅菜就係佢哋嘅日本黑豚肉眼定食$98，仲有沙律同埋麵豉湯一齊食。肉質嫩滑，味道香濃，絕對係物超所值。。如果你鍾意串燒，可以試下佢哋嘅雞翼串同七味五花腩，每樣只係$28。燒三文魚鰭$38同炸蝦蟹子卷$38都係非常有特色必食！。拉麵方面，可以揀佢哋嘅自家製叉燒拉面$68。另可以追加炸餃子(5隻) $28。。講返壽司，佢哋嘅火炙三文魚腩壽司$24、火炙鰻魚壽司$18、芥辣八爪魚軍艦$22，呢度啲壽司新鮮又好味，絕對好正宗日本風味。。十分滿意既一餐👍🏼

之前見到好多人推介位於新蒲崗既呢間小店🧡一直好多試下佢既海鮮丼飯🤩今次終於約左男朋友收工過黎食～我地由黃大仙行過去，大約行10分鐘左右。店舖細細間，但非常乾淨企理，又唔會太逼😊最好笑係我地去到撞到fd🤣佢地唔係住附近，都係慕名而來食日本野😚店員見到我地相認後好主動地問我地要唔要坐埋一齊，我話好之後佢幫我地安排😝服務好周到👍🏻❥ 海膽三色丼 $148三色丼材料好豐富💕海膽鮮甜飽滿，完全冇腥味，份量都足夠令我滿足☺️🧡配上大大粒既三文魚籽，鮮味十足！另外仲有吞拿魚蓉，軟綿綿既口感，配埋飯食一流！好欣賞個丼飯，充滿壽司醋味，味道微酸好開胃，食落都唔會太乾身！❥ 松葉蟹雙重丼 $128鍾意食蟹既朋友唔好錯過！有齊松葉蟹鉗、蟹肉、蟹籽、蟹膏，份量慷慨，啖啖都離唔開蟹🤭撈埋飯食好鮮甜滿足～～大力推介❤️❥ 原隻日本魷魚筒 $98真係大大隻‼️‼️魷魚爽口彈牙，好易咬，唔會太韌👍個汁燒得好香，我地都食唔停口😆❥ 芝士年糕(2件) $32即叫即製😍芝士年糕外脆內軟～咬落口好煙韌，芝士味濃😋❥ 原味波子汽水 $18飲落充滿氣泡感，好清爽😙💦💦❥ 富士山柚子梳打 $25梳打氣泡感十足，好清新解膩！呢個價錢勁抵！絕

今日同朋友嚟新蒲崗人氣日式餐廳😋 見到網上大量好評，食物質素一定不錯~ 😍 價格親民，好受歡迎！✴️刺身定食 配壽司飯、沙律及麵豉湯 ($148)好豐富刺身！一次食到多款美味食材，件件厚切肥美，特別推薦三文魚嫩滑鮮美，配上壽司飯食，好飽好滿足😋 ✴️雞肉炒烏冬 ($88)好惹味的炒烏冬，份量好多！配料豐富，除了雞肉還有大量雜菜，好飽肚👍🏻✴️倍化帶子吞海膽 ($98/2隻)必食！超大件帶子加海膽，鮮味十足🤤 口感極軟腍，入口即化✴️章魚燒 ($32)美味小食，口感軟糯，很不錯~

香港海膽主題餐廳唔多，特登過去新蒲崗潮聖。餐廳有落心機裝潢，有唔少清酒桶、招財貓、千與千尋無面怪擺設。更設有時令海膽，生蠔可外賣，價錢都貼地。 好期待個招牌《海膽丼$168》 果然冇失望！睇食評見通常隔一排，海膽來源就會轉。老闆應該係挑選當下時令最新鮮海膽製作。本身expect係飛佛大大啖加拿大海膽， 我哋今次嘅幸運兒係日本北海道海膽。味道比加拿大更濃郁，好鮮甜🤤🤤 以呢個超街坊價錢食到，性價比也太高了吧！ 仲附送一碗麵豉湯同沙律，簡直佛心來的 💡💡💡💡💡 《倍化帶子吞海膽$98》巨型帶子雙面微微煎香，夾住另一款時令海膽，今次呢款齋食帶小苦。但連埋帶子一齊食就完全被帶子嗰種鮮甜味覆蓋，雙重幸福呀💗😣 《熔岩海膽魚餅$38》相比之下呢個就完全比下去了。畀個名吸引咗，夠曬特別。食落似打邊爐嘅海膽丸，海膽唔算太熔岩，食落都冇咩海膽味，反而外面個魚餅不錯。 《鵝肝多士$48》聞落已經超香，入口即溶，配埋個厚度啱啱好fit到落我個櫻桃小嘴size嘅多士，冇得頂呀！《海葡萄$48》多年前喺沖繩食過海葡萄之後，喺香港搵咗好耐都搵唔到，竟然喺呢間臥虎藏龍嘅街坊小店有得食！嗰種爽脆爆汁爆炸糖海水嘅口感，

呢間日本菜主打食海膽，有大大碗海膽丼飯、小食、前菜等等，性價比高，鍾意食海膽唔好錯過啦😆🔸海膽凍豆腐 $68有兩三舊海膽同少少三文魚子，海膽鮮甜，凍豆腐幾爽滑，配埋凍豆腐汁食幾開胃清新！🔸海膽丼 $168🔸海膽三色丼 $148海膽丼好抵食呀！海膽份量好多，滿滿海膽幸福感滿瀉😍 海膽鮮甜唔腥，軟綿綿口感入口即融～ 仲可以用紫菜包住飯同海膽食，好好味！飯嘅份量都好足夠，男仔食都夠飽！海膽三色丼有海膽、三文魚子同吞拿魚茸，想食多啲其他嘢可以揀呢款～ 每樣材料都幾新鮮，份量又多，叫丼飯會配埋沙律同麵豉湯，抵食又好食！🔸火炙原條海鰻壽司 $58有兩件，海鰻火炙過幾香，口感軟綿，但會有少少細骨。🔸雞肉大蔥 $28🔸牛舌 $282款串燒味道都唔錯～雞肉幾嫩滑，牛舌幾爽口唔韌！🔸蒜香燒茄子 $48好多蒜！茄子燒得夠腍，又多汁！

「海膽仔」我絕對係衝着佢啲海膽而來，海膽唔單止性價比高，仲好高質，其他食物一樣咁出色，仲食咗即開嘅新鮮生蠔，價錢適宜就可以食到貴價食材，真係大滿足😋海膽丼 （$168）有埋湯及沙律，海膽同飯嘅份量都唔少，有兩種不同國家嘅海膽，味道甘甜，質感細膩，幾乎入口即溶，完全沒有怪味，果然係餐廳嘅名物，千祈唔好錯過😋日本生蠔（$68隻）必食推介，手掌般咁大隻，肉身肥厚，味道鮮甜濃郁，口感嫩滑好creamy, 讓人回味無窮😋三文魚大蝦帶子丼 （$98）魚生厚切肥美，帶子大大粒，好厚實，大蝦新鮮彈牙，大大碗好多飯～熔岩海膽魚餅（$38）外層係黑墨魚餅，入面係爆漿海膽，魚餅質地彈牙好食😋明太子雞翼 （$32）煎雞翼香口，再添一份鹹鮮，咬下去啖啖肉，明太子醬一湧而出～

今日去左新蒲崗探朋友，順便提早同佢食個生日飯，最後我地決定食日本菜，餐廳名叫海膽仔，聽個名就知呢到主打食海膽啦。海膽丼：擺盤好靚，即時要相機食先。海膽份量好足，入面仲有魚子、紫菜、薑，海膽口感順滑creamy。三文魚大蝦帶子丼：有大蝦、帶子、三文魚都有齊晒，岩晒有選擇困難症既我呀。三文魚厚身肥美，帶子同大蝦鮮甜。木村蘋果汁：加入山梨炙県.長野県產嘅蘋果汁，蘋果味好出，梳打入口清爽解渴。明太子雞翼：雞皮烤到微焦，入面釀左明太子，食落外脆內軟；唐揚炸雞炸到金黃色；吉列生蠔炸粉唔厚，口感酥脆；最後我地兩個都食到捧住個肚走。🔎海膽仔 (新蒲崗)📍新蒲崗衍慶街2-32號新蒲崗大廈地下Q號舖

不經不覺【海膽仔】已經變成我同大佬的飯堂，講真每次黎都必點signature的海膽菜式。今次我地見生蠔做緊優惠，就嗌左幾款試試，估唔到有驚喜‼️ 🦪西班牙-Eternia $48/隻🦪法國-Gillardeau $38/隻🦪日本-仙鳳趾Hokkaido $68/隻🐚加拿大海膽 $248🍣三文魚刺身 $68🦐珍寶赤蝦刺身 $38/2隻🍜汁燒雞扒拉麵 $68 餐廳生蠔做緊買5️⃣送1️⃣優惠，揀左三款黎試，三款都濃海水味，有鮮甜的口感。🇪🇸西班牙的生蠔，肉質偏肥厚，creamy。🇫🇷法國蠔，肉質結實，口感爽滑，層次分明。🇯🇵日本蠔亦稱「海中牛奶」，有手掌咁大，肉質柔軟肥美，口感嫩滑。 加拿大海膽都食過無數次，最欣賞佢夠晒肥美鮮甜，性價比高。這板海膽基本會配上波波飯團🍙、青瓜🥒、紫菜。無論點配都唔會掩蓋海膽本身的味道。另外，三文魚刺身偏厚肉，更加有口感。而大大隻珍寶赤蝦非常爽口。最後仲嗌埋汁燒雞扒拉麵，味道不過不失，但湯底非常濃郁！

銀雪魚西京燒魚肉甜滑、鮮嫩，加上沙律醬好惹味。魚皮就燒得卜卜脆😙 火炙鵝肝壽司最中意嘅火炙係呢個。一客$58有兩件。鵝肝的黃油滲入壽司飯，帶微微焦糖香。鼻塞都嗅到火炙左口魚邊壽司 & 火炙三文魚壽司左口魚和三文魚燒完油份豐富，飯粒普遍都幾軟熟，好香口。牛油果軟殼蟹卷海膽三色花之戀(1件）三色應該就係三文魚，油甘魚，吞拿魚。一次過滿足三個願望。海膽軍艦沒有辜負海膽仔之名，海膽係新鮮和鮮甜的。厚燒魚鰻魚木魚串一口串燒，厚度適中。我幾鍾意佢爐燒的程度、香脆但裡面又唔太乾。口感媲美我喺築地市場食到嘅燒鰻魚串。大根牛舌平時食開燒牛舌。想冇咁熱氣，所以叫咗醬汁煮的大根牛舌。牛舌住得好林，三件都係好似嚟自唔同部位咁，左邊有兩件帶點啲脂肪，幾好食。大根好冧身、清甜白蘿蔔嘅味道

1x年前係新蒲崗番工，個時淨係得工廠🏢，冇咩食。而家轉型左🏗，多左好多小店，又可以步行到啟德，搵食都方便左😃🌟倍化帶子吞海膽🌟呢碟刺身唔講得少，用帶子夾住啲海膽，可知帶子既厚度係幾厚🤏。帶子會用火槍燒一燒面頭，帶一啲啲炭香味🪵。粒帶子要成三 四啖先食得哂，超級大件呀 😍🌟三文魚腩刺身🌟過下口癮點黎食，肥美既三文魚腩啖啖魚脂香，又夠冷凍😋🐟🌟海膽三色丼🌟分別有海膽、三文魚籽同蔥蓉吞拿魚。滿意❗🌟松葉蟹雙重丼🌟松葉蟹肉拆肉上，蟹蓋上有蟹膏，雙重滋味口感🎊~➡️推介刺身類，夠新鮮，味道鮮甜

出去食海膽，最怕食到唔新鮮有苦味。想食新鮮高質海膽，梗係要去海膽仔啦😋海膽三色丼 $138海膽新鮮顏色金黃有光澤，鮮甜不澀。三文魚籽爽脆新鮮，吞拿魚蓉份量多，嫩滑充滿魚香。壽司定食 $128壽司種類非常多，有三文魚籽、吞拿魚、三文魚腩等，當然唔少得有招牌海膽。吞拿魚非常新鮮，唔係腩都唔會有腥味。三文魚腩充滿油香，赤蝦嫩滑味道鮮美。仙鳳趾生蠔 $68@1餐廳當日時令生蠔係北海道仙鳳趾嘅生蠔。仙鳳趾出產嘅蠔被稱為「海中牛奶」，口感creamy，海水味鮮甜，足足有成隻手掌咁大，而且肉身肥厚。刺身壽司類活赤貝 $45珍寶赤蝦刺身 $38@2松葉蟹膏軍艦 $38帶子壽司 $28三文魚腩壽司 $16全部食材都非常新鮮，特別推薦活赤貝同松葉蟹膏軍艦。串燒類厚燒鰻魚串 $28魷魚鬚串 $18鰻魚口感肥美，入口即融，兩種串燒嘅炭燒香味都濃郁。海膽仔新蒲崗衍慶街2-32號新蒲崗大廈地下Q號舖

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍海膽仔 (新蒲崗)🔍 新蒲崗衍慶街2-32號新蒲崗大廈地下Q號舖 🔹三文魚鵝肝帶子丼 💰138呢款丼飯絕對係邪惡美味組合，兩大塊鵝肝搭配兩粒帶子，仲有三塊三文魚，鵝肝油脂豐富味道好香🤤🤤清甜嘅帶子同新鮮厚切三文魚都大大塊😍另外晚市呢個set 仲配沙律同海鮮湯夠曬豐富～🔹海膽蟹肉炒飯 💰128每一口炒飯都散發出濃郁嘅海鮮香氣，讓人胃口大開！新鮮嘅蟹肉增添佐口感，搭配嘅海膽就帶來豐富嘅鮮味和奢華感，海膽份量頗多幾乎每啖都食到😋🔹甲羅燒配法包(2件)💰68蟹蓋裝有滿滿嘅蟹膏~十分邪惡😎再加埋生雞蛋🥚，撈埋搽落麵包度🥖勁厚足料嘅蟹膏，超級滿足😚🔹北寄貝刺身(6片)💰38每一片刺身都是新鮮厚實的北寄貝，色澤明亮，質感柔軟。搭配上適量嘅醬汁，更能突出北寄貝嘅鮮甜。🔹日本厚岸生蠔🦪 💰68蠔🦪肉豐滿而彈牙，帶著淡淡嘅甜味，食後又帶點金屬味。搭配上適量嘅檸檬汁，能中和蠔肉嘅鮮味，讓人感受到清新嘅口感！🤩🔹甲羅燒配法包 💰68蟹蓋裝有滿滿嘅蟹膏~十分邪惡😎再加埋生雞蛋🥚，撈埋搽落麵包度🥖勁厚足料嘅蟹膏，超級滿足😚

港女男朋友鍾意食日本嘢，今晚就同佢哋食吓海膽。特登走到入嚟新蒲崗，聽講呢間平民，但係質素都唔錯。入到嚟鋪仔細細，座位唔係太多，睇嚟都係做街坊生意為主。我哋揀咗個海膽丼，佢會跟咗一個沙律同埋麵豉湯，如果你一個人嚟嘅話呢個聲就應該啱啱好。你到嘅時候佢啲海膽嘅份量都唔少，我去咗幾塊紫菜俾你嗰吓手癮，啲海膽都新鮮鮮甜嘅，絕對對得住佢個招牌㗎。我自己唔想食咁多飯，所以就冇嗌多一個套餐，反而就揀咗三款唔同嘅花之戀。分別係三色花之戀，黑松露玫瑰花之戀，同黃金魷魚花之戀。三色花嘅意思即係三款唔同嘅魚生，玫瑰花嘅意思即係吞拿魚。然之後再叫咗個牛油果軟殼蟹卷，一份四件，份量都啱啱好。見到佢有鵝肝多士，所以我都叫咗一件，佢個size比我想像中大，咁又真係對得住佢個價錢。然後仲叫咗我最鍾意嘅明太子雞翼，嚟到嘅時候都俾佢個size嚇親，又係比我想像中大。咬開之後仲脹卜卜，滿滿嘅明太子，實在太滿足啦。然之後見到佢有個幾特別嘅海膽墨魚餅，唔好睇佢個外表黑孖孖，一啲都唔吸引。咬開係滿滿嘅海膽漿，真係好滿足㗎。最後仲有一個三文魚骹，佢層魚皮炸到脆卜卜，但係啲魚肉又唔會乾爭爭，返回仲滿滿骨膠原添。兩個人食飽飽都係四百幾蚊