影片
相关文章
明明嘅备注写明个粥要走葱走花生，但依然照落，我要自己拣番出离。如果D备注唔会有人睇，就唔该比人落单个时拣埋唔要葱唔要花生果D选行啦。觉得唔开心，嬲嬲猪啊，下次唔会再用app叫外卖。
继续阅读
对海皇粥店嘅印象仲系停留喺净系有油炸鬼、炸两同粥品嘅年代，估唔到今时今日嘅海皇粥店食物种类劲多！除左旧有嘅粥品、油器之外，仲有米线、火锅等等，超多选择；我今日就拣左$27连豆浆嘅银针粉套餐，原先以为银针粉好似咩𩠌都无，味道应该会好寡，但殊不知正相反，佢个汤底好浓味，好有中式上汤嘅感觉，加上肉碎、芫茜同芹菜呢d配料，味道一啲都唔寡，同银针粉配搭得相当之好！另外，杯豆浆都系一个小确幸，因为我本身对豆浆嘅预期唔高，时下好多豆浆嘅味道都系好一般，即使十几廿蚊杯果啲豆浆都无哂以前果只豆味，好似沟左水咁；但系！海皇嘅豆浆真系非常好饮，佢仲有少少豆浆渣，好似即磨咁，超正。总括嚟讲，呢个价钱食到呢种食物同饮品水平，真系相当唔错了！！可以称得上系穷人恩物，美中不足嘅系份量较少，自问食量比较大嘅朋友就可能唔够食了~
继续阅读
早几日个人饱饱济济 不如食碗粥清下肠胃 咁我就去左呢度嗌左个皮蛋瘦肉粥加左条牛脷稣 个皮蛋瘦肉粥个味都ok 而且料都几多 同埋都够"杰"身 而牛脷稣就够热同埋脆口 相信下次都仲系我食粥的选择
继续阅读
今日行经附近，想找一些轻食午餐，发现海皇粥店提供嘅选择都几多元化，最后选了新品葱油鸡丝木耳拌菠菜面，连细虾米肠或半份蒸萝卜糕.我点了蒸萝卜糕。收银员话菠菜面要等10分钟，即系即叫即煮。拣咗个位，等咗阵，店员都好殷勤咁帮我追单，先上蒸萝卜糕，口感可以，但粉比较多。味道可以！店员见我坐得耐，所以又帮我催，拌面份量原来都唔少，醋及辣油分开上，菠菜面好弹牙，鸡丝及木耳捞埋份量好饱肚，我自己再加上白芝麻，加添麻香味。呢份午餐盛为$25。太超值！
继续阅读
门口落单𠴱个服务态度极差 因为第一次冇听清楚冇奶茶 跟著佢好大声同我讲我都话冇奶茶咯！ 就咁嘅垃圾态度 送俾我都唔食 大把餐厅 要系商场食嘅都系街坊 咁嘅态度就唔好行出来返工 影响我一早嘅心情
继续阅读