海皇粥店 (彌敦道) (已結業)

自從搬家後，好久沒入海皇粥店食粥。今日發覺店鋪多元化左很多，連梅菜蒸鯇魚，保隊鍋都有😯。 今早同老公拍拖去食野，都係叫番我最鍾意既粥類，出左新款粥喎。黃金帶子笑蝦蝦粥 配煎堆($68)粥用鐵鍋上，份量十足，材料都多，有大隻蝦，帶子及肉丸，個粥仲打左蛋花，令粥綿d。而煎堆厚左。老公叫左及第粥套餐（$45）再追加叉燒腸粉（+$14），真係極度豐富，及第粥加左豬心、豬潤、豬粉腸、肉丸同肉片，滾熟左之後盛上，粥較濃味🤤，套餐仲包半條油條（油炸鬼），半條但其實都有成4/5舊。叉燒腸粉即點即整，豉油分開上，皮正常唔算厚，多叉燒餡料，不錯。我老公太耐冇黎，仲叫左雞翼糯米雞（$28）外表正常的一隻糯米雞，內藏雞翼，但雞翼偏淋身。

黃金帶子笑蝦蝦食完真係笑哈哈!!!依款粥亦即鳳尾蝦帶子肉丸蛋花粥!!!用鐵鍋煲仔上,所以碗粥食到最後一啖都重熱既!!!材料足量,蝦肉鮮甜,帶子大粒,肉丸爽彈!!!個粥底用左蛋花黎煲,更香更滑,口感更豐富!!!自己係屋企煲粥學下佢打d蛋花落去煲先!!!餐配的自選小食:燒賣,亦可選牛脷酥/煎堆/咖喱魚蛋見到旁邊既食客食緊煎堆,心諗好耐無食過,但成個咁大個又食唔曬,望下餐牌有"Q版油器",真係岩曬,比原版細個,但其實我覺得Q版黎講都算大個!!!油器櫃有保暖功能關上門更衛生!!!佢依到d野食款式都幾多選擇,臘味飯都有!!!Ps:當我想要紙巾抹咀,我都未問店員,竟然有位店員主動拎紙巾比我,同我講左句慢慢食,細節裏感受到窩心,真的觀察入微!!!

數下手指,都起碼成四五年無食過海皇粥店,諗諗下海皇粥店都開左好耐啦,舊時都係主打粥呀油器最多都係有早餐麵呀通粉咁,今日係油麻地做完facial經過想食下野,坐低睇下餐牌,嘩!!!真係出呼意料之外,d款式好新穎,連d粥既配搭都變得創新!好好味!!!重有店内全部都係女性姐姐,服務好好又笑容滿臉梅菜蒸鯇魚*可選清蒸,但個人覺得梅菜更野味,蒸出黎更香,鯇魚肉新鮮,肉嫩小骨,啖啖肉,蒸既時間剛好,無蒸到老身!!!*其實個餐牌係寫配飯既,但我落單時就問店只可唔可以轉做白粥,最後係可以既,依點好好!!!油菜西生菜,出面灼既油菜真係特別好味!!!加錢轉左個特飲,黑糖薑母蜜,薑味同檸檬,成杯野飲落好醒胃!!

當晚同屋企人夜晚冇煮飯，就提議不如外賣海皇粥店嘅嘢返屋企食。兩個人分別叫咗一個炒麵、兩碗粥加一個炸兩。炒麵令我印象特別深刻，比幾年前食過嘅要為之好食！另外炸兩配粥都係一絕！

位於油麻地497A地下的海皇粥店，主打粥品。天氣涼的日子吃一碗熱騰騰的粥暖暖胃，整個下午都工作得特別起勁。不過，繁忙的時間則較為入多，要和其他客人搭枱了。點了一客雙併生滾粥的套餐，生滾粥的配料是皮蛋配鮮豬肉丸。生滾粥份量十足，很抵食，剛剛端來時還在冒煙，熱得燙口。豬肉丸質感彈牙，頗為大粒。皮蛋也有四五件，頗為慷慨。套餐還會包半份油條，油條脆卜卜的，浸在粥內吃，頗為美味。特別加配了一客叉燒腸粉，豉油和腸粉是分開上的，客人可以按自己的需要去落豉油，十分體貼。腸粉即點即製，新鮮熱辣，厚薄適中，叉燒的份量也十分充足。凍豆漿的味道濃郁，大豆味香濃，份量也不會太細杯。

位於油麻地彌敦道的海皇粥店，係香港屹立多年的粥品店，最近食得太多肥膩野，想食返清一點，就揀左黎海皇粥店食粥啦中午黎到都幾多人，幾受歡迎啊！餐牌上有各類粥品，同飯麵類熱奶茶好有茶餐廳水準嘅熱奶茶，意想唔到地幾好飲海皇一品粥呢個係海皇粥店的主打，配料好豐富的有豬肉丸、鮮蝦、鮮魚片、蔥、花生、同少量油炸鬼等等，絕對足料！粥底好棉身，熱辣辣好暖身，好味道啊叉燒腸粉碎叉燒嘅份量都幾充足，味道唔算好鹹，配埋晶凝通透的腸粉，好味又飽肚！

香港美食選擇多不勝數，粥粉麵飯樣樣有齊，當中嘅粥品其實都好有特色，而我自己最愛就係海皇粥店啦！間唔中都喜歡食粥清一清腸胃，今朝就黎左海皇粥店食早餐早餐餐牌選擇都幾多種類，有白粥腸粉、迷你炒粉麵、油器等等任君選擇，可以隨意配搭，價錢都係$27至$39左右，經濟又實惠！皮蛋瘦肉粥+咖喱魚蛋及燒賣呢個配搭$39咋，有大大碗皮蛋瘦肉粥，足底好棉滑，有米香！仲好足料架，皮蛋份量勁多，瘦肉好鹹香！粥面上仲有適量花生、蔥花同油炸鬼，使到個粥格外滋味！魚蛋同燒賣質素正常叉燒腸粉外皮滑溜的腸粉好有米香，略帶嚼勁，內裏餡料好充足，切碎左嘅半肥瘦叉燒份量好多，食落啖啖肉熱奶茶估唔到粥店嘅熱奶茶都幾好飲，茶夠香濃，奶細滑，好有港式風味

是日跟同事在油麻地一帶開工，見到呢度的特餐價錢OK，加上有點趕時間，所以決定到這店午餐~~~同事點了蝦米腸，份量倒不少~~~而我就加$3配蛋黃咸肉粽，個粽唔算熱，我就夾來醮粥食，味道尚算OK~~~我們每個餐有免費豆漿一杯~~~同事點了艇仔粥~~~而我就點咗碎牛粥食，個粥賣相望落跟艇仔粥差不多，個粥食落都算是不錯，起碼碎牛唔太咸，但食之前一定要自己整碎d，始終好多地方的碎牛粥係一大舊碎牛放入碗~~~我跟同事好快速食咗個午餐就趕去開工，不用半小時就完成了午餐😂😂

當日媽媽因爲要做大腸手術所以去睇港華醫院。附近油麻地有間叫海皇粥店呢次同佢食。首先佢哋黃金帶子笑哈哈這款粥很特別。裏面真材實料，有帶子海蝦以及肉丸。帶子非常嫩口又彈牙，老人家食得好開心。最緊要健康。這間餐廳衛生唔錯。而且佢哋嘅海蝦係用真正海蝦非常之有海蝦味。可以做到色香味俱全。佢哋嘅粥系用蛋同埋粉絲以及粟米做底。濃郁而且有芳香撲鼻。下次復活節都要同屋企人嚟食。值得一提佢哋嘅豆漿好飲。不過有少少甜。

由尖沙咀到達了油麻地， 雖然只是短短的兩個地鐵站，沒想到我的肚子也餓了， 而我這次就選擇了再次光顧粥品店，全因為上次那良好的經驗。 這間粥品店，鄰近地鐵站，距離地鐵站路程約需一分鐘左右， 絕對是便利之選。我點了凍豆漿，真的是凍的，完全沒有被室溫影響， 沒想到在暖洋洋的粥品店內，也能提供如此優質的凍品。 味道方面，甜味適中，最重要入口香滑，帶有豆味。鹹肉粽， 很有端午節的特色 看起來和端午節吃的沒有大分別 味道方面， 綠豆，五香粉，米，肥豬肉，配搭得天衣無縫， 果然是端午節的聖物。反正我愛上了，下次見。

海皇粥店情人節套餐應該都係今年先第一次有，廣告效應既關係2月14去咗海皇粥店食晚餐，排隊排左20分鐘😆粥底一如以往煲得好綿好香，個南瓜粥比較少見，南瓜味淡淡地不過感覺好健康。牛脷酥同煎堆熱辣辣脆口好正。不過濃情蜜意熱綠豆沙售罄，紅豆沙都冇埋，唯有改食芝麻糊，食完個肚full哂好滿足。總括而言，海皇粥店大家都食過唔會陌生，但佢情人節套餐慶祝到之餘又唔奢華又抵食又好味，雖然好多人要搭枱，但見到其他年輕情侶捨棄選擇高級餐廳，黎到海皇粥店支持本地餐廳，感到好滿足😆

一大早約左牙醫洗牙，早左出門，打算食個早餐先，一出油麻地地鐵站，就見到一間海皇粥店，好多人在排隊，反正都系攝時間，我又排，結果好快有位坐。排隊時見到廣告宣傳好多樣菜式，好耐冇來海皇，估唔到海皇發展到有蒸魚食又有糯米飯賣。不過早餐時間，我都系乖乖地正正經經食個粥正氣一下，再加小小邪惡的牛脷酥好了。油器雖然熱氣，但每次來海皇都忍不住要食。要杯豆漿，就感覺冇咁上火。點左牛脷酥，好快就端上來，店員已經將牛脷酥剪開，方便食用。餅身炸得金黃香炸。入里實正好Q.來一碗皮蛋瘦肉粥，好大一碗，同朋友兩人share都好夠。皮蛋分量滿足。

本身都唔會點寫呢類連鎖店，要寫係因為服務好到不得了，一係就差到極點，呢次好明顯係差到極點極限！！！外賣左兩碗南瓜肉碎粥加一碟蝦腸粉同小朋友食，唔知咩事小朋友食食大叫，係個口到拎條骨出嚟😰，我再檢查下個腸粉，喂！仲有條骨係腸粉到，真係著火！！其實我好唔明白點解蝦腸入面會有兩條骨？喂！叫人點防呀？唔好講笑....粥入面都有條骨.......佢地嘅衞生情況好令人懷疑，咁大間公司其實可唔可以做好d質量？好彩個小朋友識係個口拎番條骨出嚟！如果吞咗卡住咁點算！溫馨提示：仲幫襯嘅請大家小心d食腸粉會啃骨！莫名其妙！

最近天氣突然轉冷，變得涼左，放工都覺得個人凍凍地，好想食啲熱野暖下個身，咁岩放工一個人行街，經過呢間海皇粥店，於是就走入左去，諗住叫碗粥黎食下，等個人可以暖返啲，唔會覺得陰陰涼。呢間都有好多唔同口味既粥，而我就揀左生滾西洋菜粥試下。啲西洋菜有陣青青菜香，口感爽脆，菜味清甜。👍🏾呢碗粥加左鮮豬肉丸同埋蝦米鯪魚球，唔錯唔錯。肉感幾豐富，而家仲鮮味十足！真係正！好味！😋👍🏾呢啲天氣食碗熱粥，個人當堂無咁凍。

本來想平平地食蒸飯，行過見到易拉架廣告，麻辣粥，雙眼發光，貴是貴一點，不過我愛吃辣。點了雜錦，即豬肉、豬肚、豬潤，內臟是滑的，但粥沒麻沒辣，最多有點豆辦醬的喊味。好彩還有齋腸粉。。。