海皇粥店 (好運中心) (已結業)

海皇粥店的創意海報，創新菜單，值得欣賞。感覺到這家粥店時刻花盡心思，與時並進，突破傳統粥店給大眾的老舊形象。除了主售粥品外，海皇還有售少量飯類和麵類食物，甚至連糖水都有。已經做了海皇老顧客多年了，當然早已擁有它的會員卡。海皇會員除了可以儲分換現金回贈外，還可享有充值優惠。炸腸是我每次來海皇必點之選，新鮮炸好的油條，裹上晶瑩通透的滑滑腸粉皮，再淋上甜豉油，味覺一絕！今次來主要是吃宵夜，於是點了兩碗糖水。一碗是紅豆沙，另一碗是紅豆綠豆沙兩溝。紅豆沙和綠豆沙相當足料，豆渣滿滿的。紅豆沙中的果皮令紅豆沙味道更提昇，加上甜度適中，整體感覺出色。豆漿是我每次來海皇的必點項目之一。這裡的豆漿質感比平常喝到的濃，沒有加糖的豆漿感覺更健康，愛甜的可按自己需要放糖。

好耐冇食過海皇，估唔到依加多左好多新粥。咩海鮮粥，蠔士乾瑤柱粥，連粥底火鍋都有，都唔平，$50-75不等，不過如果足料都值嘅。我就叫左個南瓜粟米粥加菜，都係$39，個粥都ok足料，都好足南瓜味唔會白到死冇味果種，個菜都有成半隻生菜，ok底，女仔晚餐係足夠嘅，好健康，又抵，會再食😊

海皇粥出了不少新款，比如麻辣系列就挺不错，今天想试试其他的，结果中伏. 2块蠔肉，两个丸子，一个皮蛋，整体味道非常淡. 加一份炒面，这个价格，性价比太低了. 本以为是类似在大排档喝的那种蚝仔粥的味道

海皇粥店最搶手的食品是銀針粉，每次想食都剛好處於售罄狀態，失望了很多次。果然早起的鳥兒有蟲吃！今早了來吃早餐，竟然搶到最後一碗銀針粉！我最喜愛銀針粉那大大粒，有少少咬口的感覺。湯中加入了冬菇、蝦米和肉碎，湯底很香，正！豆漿是健康的無糖豆漿，自行決定糖度多寡👍

太忙很久沒寫食評, 但這次終於忍不住.海皇粥店長久以來都算中上,至少中平,於大量生產有這水平殊屬不易.上次幫襯見有麵餐供應,已覺不妙,但仍勉強合格.今次叫碎牛粥加蝦米腸粉,蝦米腸粉剛好買完,要即製,有號碼牌聽叫去取.新鮮本是好事,但粥都差不多吃完都未叫,出去問她們才說忘記叫,放了入蒸格內.腸粉軟而不滑,甚至有點鞋.粥就更離譜,牛肉多筋,啖啖都要吐筋,唔夠粉仔,超鹹,要掩蓋不新鮮的牛肉,粥底完全不綿不滑,超鹹的牛肉令粥都過鹹,毫無米香味,屬要回水的貨色!以前專做粥品,腸粉油器便好, 加麵飯根本冇可能維持水準,價錢又較坊間粥店貴,很難再俾機會這粥店.

簡簡單單嘅一餐，皮蛋粥，炸兩，蝦腸！兩個人食啱啱好！皮蛋都幾多，又真係唔得整皮蛋嘅粥會好齋，其實清清地我呢個蝦腸都幾夾。特別想想睇下個無糖熱豆漿，豆味非常濃郁，無糖得來唔覺得難入口，好快成杯飲晒。

今天早上來到海皇吃早餐，見到選擇的食物很多，有中式有西式。我們二人最後叫了兩個特餐。艇仔粥是我們最常叫的。粥底也算綿滑，加了豬皮、魷魚鬚、花生、粉仔碎牛肉和蔥花，味道非常豐富。特餐加三元便可配蝦米腸？炒米 、炒麵、蘿蔔糕，和鹹肉粽。我們選了粽和腸粉。今天的蛋黃鹹肉粽非常軟滑，內裏有蛋黃和鹹肉，但綠豆茸較少。沾白沙糖或甜鼓油吃也好味道。蝦米腸的蔥和蝦米不多，加了甜豉油、麻醬和甜醬，味道也不錯。最後，我們捧腹歸家。

天氣開始凍，所以同朋友來左海皇粥店打邊爐。 第一次食粥底邊爐，好期待。我地叫左個雙拼（豬肉同牛肉）粥底打邊爐，配白粥同油炸鬼。 除左豬肉同牛肉，仲有豬肉丸，鯪魚肉丸各2粒，蔬菜拼盤有生菜，白菜，金針菇，木耳，粟米同午餐肉。豬肉同牛肉都好重肉味，唔錯唔錯，唔洗點醬油都OK，已經好食。白菜勁甜！鯪魚肉球好重陳皮味，麻麻地呢個。豬肉丸好似Mix左D蝦肉，口感唔錯，幾好味。D粥煮到最後，吸收所有精華，整體幾好味！

已經好耐冇幫趁「海皇粥店」，皆因粥品一般！幾日前在街上幫長者買咗「愛心券」，券上附送很多優惠券，包括「海皇粥店」優惠券$5，今日經過粥店又係午飯時間，優惠券$5又推動我試試看有冇啱食，看水牌發覺款式轉換很多，並且價錢都提升咗，看到雙拼生滾粥&半條油炸鬼$41，覺得幾吸引就試多一次。我楝選豬潤、鯪魚球雙拼生滾粥，剛熟的豬潤有四件，很嫩滑，三顆的鯪魚球集鮮、爽、滑，咀嚼間還有陣陣的陳皮的甘香，微温的半條油炸鬼，自然比冷冰冰的好得多了！如果熱騰騰就更妙了！

星期六OT完差不多下午兩點，行經沙田好運中心嘅海皇粥店，見有位，就買左碗豬紅粥加蛋黃鹹肉粽醫肚。豬紅粥賣相吾錯，熱騰騰且大碗，材料是豐富，豬紅口感柔軟，粥底綿。如果淡返少少會更加健康。鹹肉粽質素優劣相差不會太大，只要糯米夠稔，切開時吾會散，蛋黃起沙，熱辣辣就OK。最理想當然係鹹肉要半肥瘦啦。這隻粽相信是工場交貨來加熱的，大部分是肥肉，所以冇要求很高，可接受。

點咗個套餐：$35另外加配油炸鬼，共$42（比錢嘅時候，阿姐講買滿$20可送奶茶👍）評語：1）粥係超鹹（皮蛋廋肉粥）2）油炸鬼硬個石頭，隨時蝕本連牙都咬甩3）奶茶係暖的（買滿20元送的）4）腸粉可以接受總評分：2分（滿分為10分）地點：沙田中心海皇粥店

好耐冇入沙田探婆婆啦，難得放假約佢食早餐。就婆婆近近哋到樓下海皇粥店。兩個人叫左生滾芥菜肉片粥、炒麵加齋腸。芥菜粥可以下火，粥底綿，肉片頗稔，只是咸少少，份量算大碗。炒麵吾算好油膩微暖，不過有d幹身，好似擺左好一段時間。齋腸可以接受，加埋芝麻香口。

沙田市中心想食粥既地方唔多有時病左就會去沙田好運中心既呢間粥店到食粥呢到d粥係好味既 但 食得出一定落左味精唔想食味精既人就自己小心啦（我係鐘意食味精既 但唔該唔好落得咁明顯）粥方面 煮得夠爛 粥夠滑 冇米粒呢方面要比likelike炸腸方面都係即整既 夠熱 甜醬豉油每張台都有得自己加呢方面都要比likelike既份量都多但價錢方面真係愈黎貴粥加炸腸 就黎要成50蚊上水街市 講緊都仲係20蚊有找既時候有時去呢到食真係有d肉痛

我睇佢海佈個飯好似好正，點知睇住佢係枱下夾塊扒出黎巳知麻麻，食落口真係仲衰過去大家樂食，價錢真係唔值，我都好耐未試過咁晒野，雞扒乾加豬扒乾!建議大家真係要食，叫粥食算吧！飯超難食!

本身已經好夜食，好餓，但比啲職員搞到又嬲又餓。事源係比完錢比左張單，翻位等左好耐都未有嗌我地no.，於是就出去追，話仲整緊，諗住可以拎啲熟食翻位食住先，又話唔比，要等齊先收得單，結果翻位等左好耐，其他食客已經有，所以又再出去追，問左三次先發現原來係整唔見左我地張單，又不斷退色，好過份。今次常食嗌左粥底火鍋，粥底有啲怪，但料係幾足，係可以飽肚，價錢又合理，可惜服務態度差，等左接近一個鐘，唔會再去沙田呢一間。