影片
其实如果唔系病左，无乜胃口，想食粥，都唔会行入海皇粥店。记得细个个时，对粥品油器无乜兴趣，最怕就系屋企话要食海皇粥店，我就望住对面间老麦望梅止渴。细个其中一样最怕，就系皮蛋瘦肉粥既皮蛋。个时我会尽量唔掂d皮蛋，因为真系接受唔到阵味。但佢地既粥不嬲都足料，搞到我成日避唔开皮蛋。另外，我就唔太钟意食葱，但小时候屋企系唔会帮我走葱。但今次唔同，自己食，可以自己话事。对上一次食都几年前，望住个餐牌有点陌生。我谂左好耐，都系决定食瘦肉鱼片粥。我首先揾左位，放低个大书包。落完order之后系取餐区度望住佢整，d 粥望到就知好绵了。啊姐好熟手地将一早煮好既瘦肉放系碗，另一个啊姐就将白粥加热，然后将生鱼片用白粥煮熟。老实讲，其实我原本以为鱼片系鱼片河个d，不过无所谓啦照食。我赶得切系好熟手既啊姐落葱之前讲走葱，不过都系佢手快，落左几粒，佢讲左声唔好意思。取餐后自己攞左餐具同杯水之后坐低开始食。个粥真系好滑好绵，又够热，同埋真系好足料。我食左块鱼片，几新鲜，咁岩唔知好彩定唔好彩，第一块无骨，不过其他都有细骨，搞到我好怕吞到骨。瘦肉都好味，早知我就单叫瘦肉粥算了，我太怕鱼骨。不过成碗粥整体都几抵食，几好食。系我病到傻之下都接近食得哂（剩左少少鱼片），证明碗粥真系几好。唔怪得都几多人一个人黎食。我决定等我病好揾日再食过，到时味觉无咁迟钝一定更好食！
继续阅读
一直也觉得此店的产品质素不错，留意到近期的新早餐选择，可拣不同配搭的轻食份量，有肠粉、米粉、炒面和粥品。这次选了南瓜粟米肉碎粥、肉燥米粉配冻豆浆，是南瓜肉压成蓉，充满香浓的南瓜味；粟米份量足亦爽口，像在吃粟米羮一般，香浓美味；肉燥不咸，米粉干燥香软，配菜份量得宜；豆浆豆味适中，香浓度适中。是一顿美味而令人满足的早餐。
继续阅读
一想到食粥，通常都会想到海皇粥店，因为佢会有保证d，而且地方好干净，仲坐得好舒服添！天气咁热，唔想食到成身热，可以叫个轻盈套餐，细碗粥配细炒粉面，或肠粉，仲可以+油条($6)。~ 牛肉粥配炒米粉$20+油条($6) ~碎牛肉粥味道0K，但牛肉真系几少，炒米粉较湿较淋，幸好少油，份量0K多，味道一般啦！最正条油炸鬼，好热好脆，浸落d粥度食，好好味！~ 菜干排骨粥配虾米肠$18 ~碗粥好似冇落味精，清清哋，排骨煲得又好淋，又几好味㖞！但虾米肠就得6件，虽然好味，但份量少d啰！
继续阅读
今晚试食海鲜粥底火锅：肥牛有五片，青口两只，扇贝一只，超簿鱼片四块，鱼丸三粒，猪肉丸三粒，冬菇一大只，仲有生菜，小棠菜，同埋金菇。加左五蚊一罐可乐，四蚊一条油条，仲有加左原本十四蚊，依家加七蚊既柑桔蜜，不过肥牛不是肥牛是靱牛，粥底肉丸无味，其实应该话乜都无味
继续阅读
这间海皇粥店在6月已经开业，但当时帮衬时，店员告之并未有热饮供应，只有豆浆，对于一天至少要喝一杯热柠水的我，是即刻离开店子，而店外亦没有通告告之没有水吧，故此对这店有些不好印像~最近上网见到这个粥店居然有新张优惠，决定再比佢一次机会~由于是日优惠为叫一碟肠粉，送一杯热饮，当然唔会错过LA我叫了罗汉斋肠粉($16.5)一碟三条，肠粉很薄皮，而且晶莹剔透，外表几好，内里有很多胡萝卜、粟米、木耳及冬菇丝，对于爱清淡的我觉得很好吃至于妈妈，她叫了炸两($15)由于油炸鬼只是少少热，而且很硬，所以连带个炸两都唔够热，一般啦，不过不失~餐饮热柠水好够热，OK LA~
继续阅读