海港酒家

與家人到訪這間老牌酒家，經典的粵式點心與小菜依然保持水準。環境寬敞明亮，圓桌之間距離適中，適合家庭聚餐或長輩飲茶🫖。🥢 點心三部曲1. 蝦餃帶子腸粉 - 腸粉皮薄滑溜，蝦仁與帶子鮮甜彈牙，醬油清淡不搶味🌊2. 燒賣 - 豬肉餡料扎實，頂部蝦仁點綴，傳統風味十足👑3. 菠蘿叉燒包 - 酥皮鬆化帶奶香，叉燒餡甜鹹平衡，創意與經典融合🍍· 瑤柱蛋白炒飯 - 飯粒分明乾爽，瑤柱絲鮮味突出，蛋白滑嫩不油膩✨· 鮑魚雞粥 - 粥底綿密柔滑，鮑片嫩彈，雞肉鮮美，暖胃又滿足🍲整體而言，點心手藝扎實，用料實在，雖未至驚艷，但每一道都呈現出傳統粵菜的穩妥滋味。服務效率不錯，惟午市較為繁忙，建議提早到場。人均消費約 $78，適合追求經典風味、重視食材品質的食客。離開時長輩們都點頭稱許，這或許就是老字號酒家最樸實的魅力吧 👵👴❤️…查看更多

咁岩見佢個阿拉斯加長腳蟹做特價,每斤$198,嘩,仲平過街市買生out out既,仲要唔使自己整,即刻約朋友黎食呀可能因為做特價,都多人食,早幾個鐘打黎book位,黎到都要等20分鐘叫左個孖寶,例牌燒鵝+蝦,燒鵝比較少肉,味道可以,蝦食得出係新鮮既,好小菜正正常常不過不失,係多油左少少羊腩煲,羊腩多肉,入味夠淋,正等左咁耐,個重點清蒸阿拉斯加長腳蟹終於蒸好喇揀左隻3斤半既,4個人夠食喇隻蟹好易拆肉,肉質好兼多,好鮮甜中間個蟹膏蒸蛋撈飯真係好正埋單4個人先$1400,好抵食呀…查看更多

中秋前兩天的星期六難得約齊人提早做節，嚟到大埔呢間酒樓大約7點，櫃檯話好彩有最後一張大枱即時安排入座，坐了10分鐘應該係經理嘅人走埋嚟無乜禮貌問係咪落單，我地話睇緊，佢即話8點要交枱，我地話入座時無人講過，佢就不太滿意叫我地留意時間，走咗去無再返嚟。比佢嚇一嚇即刻叫嘢食。孖寶白灼蝦目測超過一斤好大碟，新鮮。燒黑毛豬肋排大條無乜肉又硬，最後剩3條無人食。清蒸藍瓜子斑蒸過熟有啲鞋。魚腐浸菜苗正常。脆皮燒腩仔唔脆比較肥。海皇炆豆腐調味過咸。蜜味欖角骨炸得太硬剩一半無人食。鮑魚雞煲啲雞切太細好似碎上。柚子蜜蝦球份量大，蝦球爽彈，調味適中。西蘭花帶子珊瑚蚌大碟味道唔錯。雖然價錢有點貴，但出餐份量足，味道可能太繁忙確係有啲參次，期望服務態度能有點改善。…查看更多

上次同屋企人嚟食個晚飯，覺得唔錯，啲孖寶都幾吸引，撞啱屋企人冇煮飯，咁就再過嚟食。端午節個餐牌嘅款式選擇少咗。冇咗之前蟶子拼炸子雞，有啲失望。夏天例牌要個冬瓜盅，因為之前食過都幾足料，但今次就好似料架份量比較少啲。成晚比較正常少少就係個餐前小食豬手啖啖肉，同埋個小炒皇、斑球兩味基本上係正常發揮。不過都真係要反映吓咁餐都幾失望嘅菜式就係牛仔骨，基本上大家都知道牛仔骨好容易斷開上邊個節，就會淨係得返下邊嗰節骨，諗住表弟鍾意食牛肉就叫，點知着咗八成都係得下半截完全係啜骨。就算我當你炒斷咗，都會有上邊嗰節肉，但我估真係得兩成到。另外個鮑魚雞煲都係比較多骨隻燒鵝除咗比嗰四件係有肉之外，下邊嗰啲全部係肥膏。呢餐真係好唔抵食。…查看更多

同男朋友屋企飲茶，揀個中間點揀嚟揀去都揀唔到，又想去海港 性價比高啲就揀咗大埔！ 10:30入座11點前落單趕得切早茶 但係原來係冇分早午時啊星期日🤣🤣蠢咗添，早知遲啲先起身約遲啲今日主要係男朋友落單，我冇睇佢 點知佢亂咁嗌嗌得太多🤣🤣其實我好想試嗰個上湯水餃 🥟 28個八有五粒，不過我哋七個人一早已經掛分咗 佢哋留返兩條菜俾我🤣🤣叉燒包幾好食，大大個熱辣辣 唔算好多料 不過啱晒鍾意食包包嘅爸爸們同男朋友share黑金流沙包都唔錯，細隻啲不過潮州粉果嘅皮淋少少，不過好多料好大粒冇食到呢個雞雜嘅雞同埋冬菇都好味先有鹹咗少少，金錢肚原來我影相好味 皮蛋瘦肉粥冇咗炸兩喺面 不過都幾足料唔錯，蘿蔔糕勁大份有$4食唔晒，不過煎得好油糯米卷就勁難食超硬 不過男朋友話糯米券係咁馬拉糕鬆軟搶手七個人飲咗五百幾蚊，今次又係唔記得嗌紅豆沙🤣🤣呢度個場好大，所以就算廁所有好多架有時都要排隊 服務態度就勁好，就算佢哋勁忙都會擠出一下笑容 服務，而且非常細心，見到我哋張枱好細好迫嗰啲袋唔知放邊就拎咗張凳俾我哋放 超好…查看更多

星期五放工，屋企人無端端吹雞話食飯。咁就入咗轉大埔，都好耐冇嚟過呢一間食，亦冇乜期望。反而冇乜期望情況下又有啲驚喜。入到去全場爆滿，真係好少而家見到夜市會座無虛席。屋企人$38叫做冬瓜盅，我遲咗少少嚟睇漏眼原來$38都可以嗌燒鵝半隻，早啲就叫佢哋嗌小我。不過冬瓜盅都係我心水，最估唔到佢裏邊都幾足料，有帶子有鴨肉絲。另外叫咗個孖寶，半隻燒雞加蟶子本身諗住食元貝，但係原本賣晒，蟶子仔雖然細細隻，但一啲沙都冇。隻燒雞都好好，冇乜肥膏塊皮又炸得夠脆。另外個蚵仔麵線，有少少似台灣嘅街邊小食，一鍋份量太是了吧！蠔仔肉飽滿，亦唔會有腥味。另外個豉油王鵝腸都多又爽口，比起其他打冷舖嚟講起碼等於兩碟。同埋好鍾意佢啲芽菜，細細條、脹卜卜有少少似怡保芽菜。另外叫咗個閃煲，啲白鱔都厚肉唔係淨係俾啲尾尾，再加埋啲枝竹索埋啲汁真係一絕。…查看更多

我遠水路黎飲茶都有個職員（應該是部長）都差不多尾是佢叫我地結帳，今次還差到話帮我地攞去結帳，好似害怕我地唔俾錢走左去，但之後都看到其他客（最小三，四都是自己出去結帳)，好似在針對我地一樣…查看更多

如果要揀一間最好嘅飲茶地方！一定係呢間！呢間質素勁穩定等位又快，因為本身唔會人口好密集，加上呢間海港超大！今日我哋六個人都好快等到一張枱每一間海港嘅下午茶點心紙都會有少少唔同 勁抵食呢間！佢嗰個蒜蓉蒸魷魚只係27個八咋喺假期！仲要勁靚勁大份 佢呢間海港簡直係平啲嘅價錢可以食到更高嘅質素 仲要服務環境都好好員工真係持續地親切 已經認得了 就算好忙都唔會亂發人脾氣㗎呢個燒肉米線只係$33 ，但係就超靚仔阿爸食咗勁多，肥瘦間隔非常完美，唔會話得肥膏 你見到佢係有三層！仲要呢度啲菜心係唔會好油㗎 好癲呢個下午茶嘅燒肉米線個碗米線又大又靚過碗都好present table 講返燒肉，佢又成12件真係好掂咋，27 21個抵食鹹菜豬肚，又係好足料同埋好重胡椒味！ 阿哥竟然想飲啲湯好難得🤣鹹菜唔係好多，不過好大件，因為我哋有六個人，有三個人夾完之後就唔係好搵到啦 豬肚就大量皮蛋瘦肉粥更加驚人！呢個價錢呢個質素超足料，而且好大碗！勁多肉絲同埋皮蛋 喺其他海係唔會出現呢種狀況不過唔知係咪今日啲廚師出色啲？記得有一次喺度食係冇咩料？星洲炒米又係勁大份！ $71勁多蝦粒蔬菜同埋叉燒絲，不過調味就真係爭少少。 用粉絲唔係用米粉會碎晒口感唔錯，不過個味道就麻麻哋排骨蒸陳村粉30蚊，所以都幾多排骨，而且啲排骨唔會得肥膏好多肉 底下嘅陳村粉朔晒啲汁 好入味阿嫂好鍾意！金錢肚又係超值 只係21個八黐線，勁靚仔 我諗佢呢期呢樣嘢特價？其他分店都唔會平到咁誇張。蝦餃，蝦腸就正常！ 整體而言服務食物好勁，屈機以後都鍾意呢間如果地點就近…查看更多

哇！今期真係要推介呢個！「$38一條沙巴龍躉或者燒鵝」你無睇錯！係$38！真係$38！魚或者燒鵝嘅份量雖然視乎人數而定，但係都一定比足相應嘅份量。講講條魚先，雖然平，但質素真係唔差，肉質結實，絕對唔係死魚。味道都唔錯，沙巴龍躉要求唔好太高。咁嚟到酒樓梗係唔係淨係食魚啦，我哋加咗個上湯龍蝦伊麵，龍蝦好新鮮，龍蝦味足，肉質結實，伊麵份量十足，足足有10碗一份量，都好值得食！淨係食呢兩樣都好夠食，其他餸唯有留返下次再嚟試。…查看更多

今日唔知點解平日，但係都多人咗 都要茶王廳，等一陣金莎流沙包 熱辣辣但係唔算太流沙蝦個皮屬於軟腍腍嗰種，比較容易爛不過都好多餡金錢肚好好味！所以encore咗因為一份得四件，但係再嗌嘅時候好似多少少？因為好想食肉，嗌完雞雜發現原來有棉花雞。 鍾意食棉花雞多啲，可能因為我唔係太食火腿同埋嗰啲炸過嘅枝竹皮。先有24個八好味新鮮腸粉嘅話好似冇一開始第一二次食咁好味，一開始食有皺皮腸嘅感覺 之後就比較厚啲 同埋啲蝦好似唔夠完整整體而言不過不失 但係好似感覺當初好味啲 因為個腸粉好出色…查看更多

之前去朋友屋企玩，夜晚就一齊去咗附近嘅「海港酒家」食晚飯。呢間酒家個門面超威水，招牌大大個，好搶眼。入面環境好闊落，燈光柔和，坐得好舒服。片皮鴨有待改善，鴨肉口感幾嫩，味道都唔錯，但塊餅皮好多都黐埋一齊，想拎嚟包片皮鴨食，搞咗好耐先分開，搞到有啲手忙腳亂。而炸魷魚同龍蝦伊麵都唔錯。炸魷魚炸到金黃酥脆，入面嘅魷魚肉好彈牙，上面嘅炸蒜碎幾香，再蘸埋個酸甜醬料，會令人食完又想再食。而龍蝦伊麵，一上枱香氣撲鼻。大大隻嘅龍蝦鋪喺伊麵上，龍蝦肉鮮甜彈牙，好有嚼勁。濃郁嘅芝士醬裹住Q彈嘅伊麵，每啖都充滿奶香同海鮮香，好食！總嘅嚟講，呢餐都唔錯，希望下次片皮鴨可以再做好啲！…查看更多

今日婆婆同阿爸都去飲茶，阿媽即刻建議佢哋去大埔 大，佢哋食好茶樓飲茶我哋竟然一個禮拜之後即刻再去 上次都唔記得講呢度嘅環境唔錯，我仲要地方好大可以好快入咗同埋大埔有種特色就係啲人好有人情味好親切喺香港好難得上次冇得食金錢肚今次嗌咗，呢間有下午茶啦18個8+3文都係21個八但係超級靚仔，金錢肚 又唔夠好厚，底下仲剪咗當做嘅芋頭好粉好正然後梗係要encore上次都好正嘅新鮮魷魚啦腸粉覺得上次果皮拉特薄啲 不過今次都唔差😍😚仲有XO醬蘿蔔糕，呢度唔會碎濕濕非常好 XO醬亦都好夠味黑金流沙包同蝦餃就正常發揮，包紮鳳爪，覺得好靚脹卜卜…查看更多

呢日緊平日下午茶 ☕️因為拎咗年假 同阿媽行吓大埔買吓餸 行吓舊區食吓嘢 又想坐得舒服啲，所以唔食豬什去飲茶 記得以前嚟過質素都唔錯🫖今日個雞蛋叉燒腸超好味，一向都唔鍾意食腸粉嘅我阿媽都食咗一半！完全好似臭屁腸咁出色個皮拉得好薄千層 叉燒亦都份量唔錯 偏瘦又有少少肥勁fit 仲有雞蛋 呢個真係超正攞滿分阿媽好少咁樣讚食物 想食肉大咗油雞半隻雖然而家特價$58.1半隻，但係覺得細隻咗好多，同埋個質素麻麻哋好鞋。食開啟hung嘅，我都覺得有少少柴。皮蛋瘦肉粥都好靚仔。不過唔夠熱。咁仲有個先有24個八咋！呢間真係平靚正！線又係條尾最高級同埋份量最老實好厚食得勁滿足…查看更多

今晚4大1細專登嚟食皇帝蟹，早喺十多年前長輩擺生日宴食皇帝蟹餐已覺質素很好，然後幾年前跟同事在西寶城海港酒家食嘅皇帝蟹也是非常鮮甜厚肉。 在國外也吃過很鮮美嘅皇帝蟹，今次相隔多年再次在海港訂台食，7點入座就去水箱揀蟹，因為人數少，就揀左隻細嘅未夠4斤，因為係為左食蟹而去，求其再點了2餸套餐+ 3碗白飯，心諗如果食物質素好就再加餸，可惜，我地覺得佢餸菜質素真係好麻麻，感覺係稍為優質少少嘅兩餸飯。至於蟹就更加失望到要上嚟openrice 比負評，佢唔係霉唔係死蟹，只係肉少唔鮮甜，d 肉仲係痴住d 殼，蟹膏有d 鯹，總結嚟講就係唔值，唔知係海港退步定呢間大埔分店唔得。 最後賣單1蟹2餸3白飯要千二蚊，真係無下次。…查看更多

海港酒家喺大埔寶湖商場1樓，酒樓好大但星期六都爆滿，我們都是預先訂位才有位，有一個大廳亦有多間細房，枱與枱之間都闊落。海港燒鵝皇，海港嘅燒鵝都幾出名，味道中上皮脆有肉香，感覺無之前咁好食，但對比其他地方算唔錯。👍脆皮燒腩仔，呢啲通常係成塊腩肉燒，相對穩陣，皮夠鬆脆，唔錯。 菠蘿生炒骨，排骨外皮夠脆，甜酸汁味道適中，炒得夠乾身蜜椒牛柳粒，配菜多，牛柳粒都不少，味道幾好，牛柳質素可以，面頭灑上芝麻有啲誠意。紅燒豆腐味道正常，無乜特別。…查看更多