影片
寻日(9-3-2011 Wed)冇饭带,公司姐姐蒸饭时见冇我o既饭盒就问我冇带饭,我至记得系㖞,自己冇饭带,亦冇买o野食.但虽然唔肚饿,都要叫外卖o既.于是又睇外卖纸,睇o黎睇去,好似都系呢间o既OK啲,于是叫个$20.00午市面餐,鸡中翼肠仔面,加$1.00要热好立克,落单时都交带声我几点食饭.亚姐好准时送到,够钟食饭lu,打开睇睇,鸡中翼同肠仔各一,鸡中翼冇煎过,唔知系咩味呢?食吓先,系咖哩味o黎,鸡肉仍滑但已经好腍,而肠仔就属正常,煎过o既.至于面呢,又系太腍㖞,唔系几得.热好立克都属正常呢.服务:好好,听电话同送o黎o既亚姐都好有礼貌,而且两个都有讲多谢.
继续阅读