海洋冰室

营业中

休息中

玩了一敢天，整個人又埶又累。便隋便走進一間又近又有冷氣的餐廳。誰知，那是惡夢。坐下後，打開餐牌，每一個價錢都嚇得我們心驚膽跳。價錢與食物價值根本就不成比例。看了好幾回後，終於發現到一樣能接受的。有東西喝，有東西吃，價錢也...... 付得出。於是我們幾個都叫了瑞士汁雞翼配出前一丁。上了桌後，我們立刻狼吞虎嚥地吃清光，連湯也喝了。生平，第一次吃這麼貴的公仔面，當然要吃光光了。味道不錯，但這是一定的，如果連這麼簡單的瑞士汁雞翼也弄不好，那真是連當餐廳的資格也沒有。

生日, 當然去海洋公園啦. 正日係免費!!!原本打算去海龍王食午飯, 但我姐話又貴又唔好吃. 只有幾張檯近魚缸, 唔值. 唯有隨意去吃其他餐廳. 咁真係寧願吃M記好過......入到去, 無人招呼. 每樣食物比出面貴1-2倍. 好彩有卡位坐, 如無我不會入來瑞士雞翼公仔面, 我想不會難吃因為瑞士汁是已調教好應該沒有問題. 原來我的想法是錯. 不是難吃而是太鹹. 連我友人也吃得濃味食物, 都頂唔順. 烏冬似糊仔, 只有1粒虾, 幾片蟹柳(係百x牌那種)同可以叫好多洋蔥同彩椒. 仲有好多油.

明知海洋公園d野食貴.但冇計啦,肚餓都係要食....好彩生日有8折.但都係好貴好唔抵d服務生真係hae到爆..叫幾十次先過黎..求求其其咁問你野..好似問多句都會死咁...又冇咩禮貌.大大力放d野落台服務態度唔好已經算啦!!!叉雞米洗唔洗65蚊呀-.-大家樂都食到幾碗啦...仲要唔係好食!!!!野飲就ok既,,但又係三十幾蚊一杯D遊客錢真係好賺..算啦.出黎玩都係開心姐....:食完都涼左陣冷氣再去玩,因為真係好熱..下次去都係食飽d再自己帶野食去啦..茄牛飯...同茶餐廳個d差不多,蛋也不見得較滑真係失望-.-65蚊既叉雞米.以為咁貴點都會好食d掛...點知又係咁..個湯好清..要落好多調味料先有返d湯底味..叉燒又燶燶地,雞就ok.但得幾舊冇咩肉野飲幾好飲..可能個陣天氣熱!冰涼呀~~

如果唔係肚餓又想坐得舒服、涼冷氣，真係唔會幫襯囉 ~ 海洋公園啲街邊小食店都好食過佢呀 ~ 環境好寬倘，密度不高，而且有山景海景添。切雞河，睇完個餐牌諗住叫燒味最穩陣，點知都係賴野。咸雞仲要有隔夜味，雞背同雞翼，無肉食有無搞錯，口感乾烚烚又硬屈屈。湯底淡，河粉硬，又係辣椒油出場救命既時候。我都唔明切雞河要跟醋、薑蓉、甜豉油，當左海南雞？埋單貴到嚇親我，不過預左依度係搵遊客錢，實貴到死，好食就話無所謂啫，咁既質數真係唔值囉 ~

嚴格來說都稱不上中伏,只是真的挺失望,對於這一些食物的質素由於同行的友人都是同學 VVV,所以以前來海洋公異都從未試過到餐廳內食飯因為申請了全年證,最近海洋公園申請全年證有很多的優惠呢這次我們在海洋冰室 可以在是日午餐有買一送一的優惠這就是餐牌 TT左邊的是四寶飯...右邊的是c餐..左下角還有半豌羅宋湯最好食 炒烏東四竇飯:真的不用期待什麼...喊味有點過重...食下口 有點反胃的感覺..c餐...:正常的快餐吧....炒烏東:等了比較久 VVV.但相信是即叫即炒的(當然我是平日去,假日情況應該不同)青口很受朋友的歡迎 VVV同行是7個人vvv....結果我們都吃不完東西 T口T由於今天天氣真的很熱...大家都沒什麼心情玩機動遊戲,結果我們在冰室玩起DEAL來 :0)待了一個小時多一點,才再次出發34元 可以在海洋公園 坐下 食下 都OK GE

今日就寫下海洋公園內的海洋冰室，經我精心既格價，發現最抵食都係呢間。環保都算舒適，空間感夠大，雖然沒有像灣景餐廳有那廣闊的海景，但都有園內景觀。食物款式夠多，各國菜式也有。見到呢到有海南雞飯，所以就入去試了。這個海南雞飯味道一定唔係好味的，可是卻十分細心，居然連雞中翼位也起了骨，係我食咁耐以黎都未有過的經歷。雞味不算濃郁，不過卻算是非常嫩滑，而且仲有些咸，完全是鹽焗雞般，油飯比較硬，但都有好香既香料味。另一個印尼炒飯配炸素菜春卷，整體黎講比較的骰，可是食完後，都有D飽肚。炸素菜春卷好幼，味道卻似公仔點心的炸春卷，所以不是太差。印尼炒飯上有沙嗲，炒飯都炒得唔錯，顆粒分明，用料都算多，味道幾好。這裡餐飲是另外order的，印尼炒飯是餐，所以只需加十多元，就有龍鳳檸樂，但海南雞飯則是散叫，所以另外order凍檸賓需要30元，所以埋單都需要200蚊左右，但好在有生日優惠，有8折。更多資料：http://hk.myblog.yahoo.com/zysk-c/article?mid=1979

自從兩位囝囝出世後,差不多每年都會一家出動去海洋公園,一來擴闊小朋友的耳目,二來讓小朋友珍惜大自然,但是每次有空檔的日子,總是烈日當空,找個好少少的地方,給孩子喝點水以免中暑是做父母的必然活動.早年多會去灣景餐廳,貪在登山纜車站頭之餘,又夠光猛,望著南面海灣食飯,心情都好些,雖然食物水準一般,但總算部份是熱辣辣,即叫即製.今次跟朋友一齊,打算轉個地方食午飯,由於海洋冰室位置比較隔泄,大概在大樹灣機動遊戲附近,但有全年証人仕又有一送一午餐優惠,所以遠一點亦想試試.翻查 OR 紀錄,最近的一個食評已經是上年八月,過了差不多大半年,以海洋公園的人流及當日客量,有這個情況又真的少見,.由於是假期日,整個公園是人頭湧湧,當然地北方來客少說也佔了一半以上,食肆要等位是必然的事,而且人多關係,等半小時左右已經覺得快了.室內檯與檯之間有點逼,光線透入度又不如灣景,但灣景是半自助餐廳,這裡是有伙計服務,不過明顯地人手不足,大家坐了近十分鐘,叫喚了幾次,先有服務員落單四寶飯 : 四寶是鹵水雞翼,紅腸,咸蛋及叉燒,其實好大路,求其將配料放上面再澆點豉油就可以,但個人好怕汁液中帶有鹵水料,黏在食物上,不過今次

係酷熱天氣警告之下...真係冇可能係露天食飯呀!!!雖然E度2點都仲要等位...不過等左一陣...D人就一輪沖風咁走曬lu...坐係冰室食野...食咩都好味d! 起碼好舒服先~焗石斑飯清清地白汁...比較'傑'...同埋唔係好夠汁...佢仲係用白飯...所以就會唔夠味喇...石斑肉就硬左少少...焗豬扒意粉是西汁喇...又是比較硬身的意粉...豬扒有少少脆...有D意外喎....焗牛腩飯是意粉的西汁...個牛腩幾諗...加左D芝士...個配搭有D怪...不過都match...日式咖哩牛腩飯日式不嬲都甜甜地...好似係開粉個隻咖哩...個腩都幾入味...但唔係好多薯仔呀個d配菜...here 好岩d遊客...地道的食物...裝飾又唔會好馬虎...幾有特式...靚靚的風味...入場個時有coupon...平左20蚊呀...!!食飽飽...charge夠電又出去再反過~

七月的某一天跟朋友來到久違的海洋公園玩了一天，大熱天時，頂著３４度的高溫在園內遊玩，對於機動遊戲真的不行，玩了越礦飛車＞衝天搖擺船就不行了！很不舒服坐在太陽傘的長椅，看見不遠處有間冰室就二話不說入去了！都沒有認真看餐牌，看見有午餐介紹就點了午餐，我都沒胃口只看著朋友在食，冷氣很涼快，很快就熱氣全消了～朋友點了很普通很普通的三寶飯和凍檸檬茶不要想有什麼特別的三寶飯，就很普通不過的一個三寶飯跟在平時在連鎖快餐店食的燒味飯相差不遠，只是價錢一點都不普通！當然來到旅遊區價錢偏貴是理所當然的，另外那午餐飲品是需要另外再加多十多元，其實後來細心發現如果認真看大本的餐牌的話，其實單獨單菜會較平！不過坐了一個多小時，單是冷氣都值回票價吧～

海洋公園食lunch時段周圍都咁多人, 揀左間有得坐又比較大既海洋冰室, 等左大約4個字, 唔算耐, 因為好多人拎完籌之後走左。好好彩咁坐望海位, 感覺好悠閒, 缺點就係被孤立, 想點野時一個侍應都無, 要自己出去叫人。泰國咖哩豬軟骨侍應姐姐怕我地唔食得辣, 特登提我地泰國咖哩係三款咖哩入面最辣(仲有印度咖哩揀), 但好朋友堅持要泰國咖哩, 上碟後證明揀無錯, 又唔係好辣, 好香濃既椰汁味, 好香。唔撈飯就咁食都好正豬軟骨比想像中多, 本來以為最多得3,4舊, 軟骨又夠淋貴就貴左d, 但值得叫是日兒童餐(白汁火腿意粉+麥樂雞+薯片+啫喱糖+汽水)以為份量好多, 但其實好少...不愧係兒童餐, 比較抵既係有送汽水麥樂雞似係老麥果隻, 薯片係珍珍, 好少得幾塊白汁火腿意粉唔錯, 汁就比較稠要彈既係隻碟幾污糟 , 有積......

因大姐夫生日,我們帶埋小孩去了海洋公園,行到又累又餓.去了海洋冰室,打開餐牌,哇~果然係遊客價錢呢,好在剛好已下午三點幾,有下午茶食噃,我們幾個都叫了下午茶餐,自選兩餸公仔麵(係出前一丁),我們叫了豬扒雞翼麵,仲有杯飲品,才$45元一個餐(連凍飲計),比起我們之前在又悶熱的在海洋劇場看表演時食的熱狗+可樂,叫做抵好多了~因為,都是相差$9元而已,起碼呢度有冷氣嘆~ 而世伯就叫了個焗飯$55元,不過,看他食飯的樣子,味道就不會好得那裡去了~個人認為,這兒只適下午茶時間來~~因為,抵食過食熱狗

為咗睇小熊貓同大熊貓，同久唔久都要探下啲海豚海獅，今個夏天就去ocean park 走一轉喇。雖然公園細細，都好開心嘅，最慘係食咗餐不知所謂嘅lunch，令我嘅郊遊快樂激減一半。朋友介紹的瑞士汁牛河熱辣辣味道其實只算ok。我呢啲廢事諗食乜，同一啲唔知餐牌噏乜嘅遊客一樣，都係叫個常餐套餐，諗住樣樣試下，點知惡夢開始。首先講明我唔算奄尖食客，睇過我啲食評嘅人都知。港式蛋撻，如果香港啲蛋撻係咁，就嚇死哂啲遊客囉，又凍又硬又唔算酥皮更唔係曲奇皮，中間個"屐"無蛋味嘅黄色凍糕，一小啖就同佢拜拜咗喇！個嗰迷你豬扒焗飯，又凍豬扒舊煎蛋同飯都又乾又硬，連啲汁都"瓊"埋。我細食，份量少我唔介意，想食一啲難啃嘅飯，就要嚟試下喇，香港好少有嘅。杯熱奶茶唔熱嘅，都算飲得落。叫咗杯特飲智者龜用奇異果香蕉整嘅奶者已經算係好嘢。唔該主題公園除咗花心機係啲遊樂設施之外，都花啲心思係飲食上面啦，入得嚟玩，都唔計較多一百幾十，比啲遊客知道我地啲香港美食係咁，死得啦！

去海洋公園慶祝生日免費入場，食野仲有八折優惠。玩左成日又攰又肚餓但因為夜晚食 buffet 唔想食太飽，所以去左海洋冰室嘆冷氣食 tea。叫左個西多士餐 + 凍 OT ($38) 散叫雞翼 ($35)及蝶公主 ($35)，埋單成舊水不算便宜。成件西多士炸到硬晒仲有油"益"味，切下切下原來成件都唔食得落口，至過份係無花生醬係裏面只係將三塊麵包炸做一塊 (唔係嘩咁都得)。其實一早預左係裏面食野貴但估唔到係又貴又唔好食 ~~ 怕怕

雖然不是第一次來海洋公園，但是在海洋公園慶祝生日到是第一次。坐完過山車正好肚子有點餓了，正好樓梯下面有間餐廳，入去正好有卡坐，不過漏天雅座已經冇位。 看看餐牌，東西不算便宜，不過在這樣的一個旅遊地方，東西不可能便宜。點左一個瑞士汁炒河牛，印度咖哩豬軟骨飯（咖哩有印度，泰國，港式供選擇）一杯檸檬茶（一杯檸檬茶就要20蚊，這個貴的太離譜）一杯雪糕紅豆冰（這個38蚊，也貴）。 瑞士汁炒河牛味道不錯，雖然有點濃味，不過肯定是瑞士汁的緣故。印度咖哩豬軟骨飯還不錯，而且咖哩有得選擇，這點很有心意。 由於萬聖節的緣故，所以餐廳佈置成冒似鬼屋一樣，特別是中間的天花板竟然掉著一只玩具腿，不過吃飯的地方看到這個真有點。。。總得來說環境不錯，花這樣的價錢在一個環境不錯的地方用餐也值得了。

2008.09.15 (一) 是日主正日生日免費遊園，而我也先購了特价門票$171，平了$37 抵玩。大門入口放了數款單張梗係拎齊先有備無患﹔其中一張是剛開張的新餐廳 "海洋冰室" ，未進場玩已經諗住陣間去食 時近三時，見到海盜船旁既餐廳一個箭步入內，隨即被人截回問幾位，原來先需登記，我倆又要行出門外挨多陣熱氣。未幾小姐問接受搭枱嗎，當然同意否則不知要等上多久。地方寬敞舒適落地玻璃窗冷氣充足不過冷環境不錯，可惜面正陽光玻璃窗全遮上遮光布海景拜拜﹔牆上掛有一輛人力車及十多個八十年代紅歌星大碟封套既相架作裝飾，奇怪為何用唱片封套來裝飾呢？跟海洋有何關係？！莫非冰室等同懷舊 中午套餐供應至三時，雖過了數分鐘也接受落單，套餐連中湯$58 可選燒味飯﹑干燒伊麵﹑及一個唔吸引既飯(唔記得係咩) ，主揀了伊麵而我散叫要了一個咖哩豬軟骨飯 $55 ，咖哩汁可選印度﹑香港﹑泰國(汁都有得揀都算用心)，就揀泰國喇﹔嘩...普遍冰都 $30一杯凍飲 $20...都係可樂喇唔該。伊麵冇味不值一提，真係食飽就算﹔泰國咖哩賣相吸引以砵仔庄份量足，咖哩味中傳來陣陣椰香妙極可惜我嫌辣了點，白飯份量過少而浪費了這好味咖