海洋冰室

营业中

休息中

入到海洋公園玩夏水禮，午餐自然要係裏面食，見呢間環境舒服，有炒粉麵飯，就入左去坐。1。雞肉喇沙佢個麵有兩種麵線，有啲奇怪。個湯底就平平無奇，完全吾夠未。啲雞肉算滑而且都大件，不過似急涷雞件，其實可以調下味，用多啲醃料會好食啲。2.檳城炒貴刁呢個反而好啲，一上碟，好夠熱。而且個味調得好好，啲蝦吾夠大隻，而且都有好多配料，有芽菜，洋蔥，葱等，所以食落好rich.本身我有全年證金卡，但有coupon食夠$350可以送一杯飲料，兩者只可二選一，其實咁貴，應該比多啲優惠！吾好咁多限制。。。整體質素一般。

琴日去左海洋公園，搵返上次食果間餐廳—海洋冰室。雖然唔記得價錢，但係記得環境舒服，冷氣夠涼(有好多户外餐廳，價錢百幾蚊)因為琴日太熱，一定要搵間冷氣夠涼既餐廳休息下！一入到餐廳，客人數量唔係好多，我地五個人，安排左卡位比我地坐。食物價錢大約都係百零蚊，主題樂園既餐廳價錢都係咁上下，我見到有d要300蚊tim！最後我叫左碟乾炒牛河($148) ，有葱，芝麻，洋蔥，炒得好深色，好夠味，又唔會過咸過油，幾香，唔會太細碟，一人食都ok。

星期三閒日主題樂園依然多人, 本來想冰極餐廳吃午飯點知入面好涷且要排隊, 於是轉到海洋冰室用膳.. 去到現場明明見有幾張吉枱, 有唔少人排隊, 但猜想是人手不足故無安排客人入座.. 門口有部機先取票, 我們兩人等了約15至30分鐘主題樂園午餐都預算會比較貴, 飯類索價都近百中.. 點了海南雞飯和兒童餐海南雞飯中規中矩, 沒有驚喜沒有失望兒童餐感覺略貴, $170食材非常簡單, 幾件炸物, 兩粒西闌花, 三份一條栗米仔.. 小小意粉.. 性比價感覺不值, 唯"一年一次"仍可接受吧, 個人認為餐廳人手不足問題需加以處理, 因落單好難有侍應得閒, 食過的碗碟亦遲未有店員收拾 😓

又黎到哈囉喂全日祭！海洋公園既海洋冰室今年化身成急症室？！呢個套餐#萬聖節限定，所有食物都係以器官同醫院用品作主題，連餐具都係用鉗同針筒，好似好精緻咁，梗係試下啦。______________________________〖凍湯 Gazpacho〗//嚇破膽 Ghastly Bile//-蘆筍凍湯 Asparagus Gazpacho//冷血漿 Cold Blood//-甜椒蕃茄凍湯 Bell Pepper and Tomato Gazpacho.第一樣試既就係兩款凍湯，即係bile and blood 小編用syringe試左一小口，不了，可能本身我已經唔中意凍湯，所以真的接受不了) NEXT! ______________________________〖頭盤 Starters〗.//曲張靜脈 Varicose Veins// -鴨肝醬配蕎麥麵 Soba Noodles with Duck Liver Pate蕎麥麵扮veins我又真係無諗過喎，幾有創意，蕎麥麵既配料，ie.日式冷麪汁、黃蘿蔔同芝麻都係用test tube裝住，最搞鬼係有隻斷掌係d veins之間舉手求救，原來係

Happy Halloween 🎃👻At Hong Kong Ocean Park 中學無讀理科既我，對於化驗既比較陌生，所以要離做下新手醫生👩‍⚕️，將病人既手用離做實驗🔬。我依位新手醫生👩‍⚕️，一開始由手指入手（煙肉蔬菜卷），然後到血腥既手掌🖐️(煙肉雞肉卷)，番茄🍅汁加卷味道夾既。兩款凍湯味道一般。腦章（紅菜頭海鮮蒸蛋）較為好味，食度鮮味。手術完成後，為病人清理傷口，當然有棉花同棉花棒。白朱古力偏甜，棉花糖整體來說，為左呃like來食係值得，味道較為普通，價值偏貴，偶然一次半次還可以的。

講真佢呢啲樂園餐廳，唔會有咩期望。但海洋公園，就確實做得唔夠廸士尼好。大家都預左被掠水，但係迪士尼，起碼賣相好睇，味道又正常。但係海洋公園就......呢碟燒味飯，見到都唔想食羅漢齋套飯 買相係OK，但咸到我飲咗兩杯橙汁瑞士汁雞翼味道正常，但係凍嘅兒童餐最正常，啲炸雞塊，都係熱嘅。價錢好似係$170，仲有嘢飲同一杯 haagen daz雪糕。埋單大約係$5xx 。入場其實有比Q牌，但係都唔記得用。

今次係叮叮既生日，咁全日係海洋公園都要補充能量既。烈日當空要我地係户外食就未免太殘忍喇，我地入左依間，志在涼冷氣。叫左一個set，加錢要個特飲。另外叫左個小食大家share。煙火雞芝士三文治配薯條(3/5)冇乜特別驚喜，薯條好咸。唔知乜東東伊麵(3/5)冰室既伊麵算係咁，叫做填飽個肚仔。有名堂既特飲(4/5)有粒粒荔枝配雪碧，飲到我個叮叮開心死。總括而言，如果唔係夏天唔會幫襯。因為佢唔會好似另一主題樂園咁，附近既餐廳以周邊既機動遊戲製作出食物，誠實欠奉。而且食物都唔係太吸引。但係可以係依度同我鍾意既人食下雞，嘆下冷氣，都足夠令我回味。叮叮話佢未入過餐廳食㗎。希望依度滿載我跟你的回憶。Happy birthday ding ding.2018.05.22

之前係海洋公園周圍遊時，就見過有間茶餐廳既物體。但因為想坐得舒服，黎黎去去都係去海龍王多。今日周圍都勁多人。海龍王，企鵝，熊貓都勁多人等位，忽然諗起果間唔顯眼既茶餐廳就決定行去睇下啦。去到，真係勁少人喎，因為果個位真係得佢一間野同海盜船。入到去重有大把位可以揀。不過食物選擇就唔多囉。而且真係茶餐廳款式，但就酒店價錢囉。仔仔叫的燒鵝油雞飯，成160蚊，飲品重要加8蚊。本來仔仔想要叉燒的，但冇；最後叫左燒鵝，我同婆婆食，仔仔只食油雞。燒鵝都冇乜點既，一般唔會難食，但個飯就真係又硬，又冇味，明明個飯有好多汁係度的，結果都可以又硬又冇味...真係奇囉。我同婆婆每人叫左份芝士火腿扒三文治，因為飯丫，抄麵果D我真係麻麻地。而且出面賣40蚊有找的，係依度要160蚊；真係十分極之唔抵囉。不過依個三文治都成68蚊架，我本來以為會靚仔D的，薯條又應該多D的。結果賣相真係令人失望，味道亦都十分之一般，完全唔值68蚊囉。真係好彩係有金卡，食野有折，都冇咁唔抵食。結論係，入海洋公園，食飯真係唔好慳；去海龍王同企鵝係最好味的。去其他，係，價錢睇落平D，但質素都真係差好遠。變左其實重唔抵食。情願一開始比貴少少，但係

10月有好多大型嘅慶祝節日，除左國慶同中秋外，大家一定知道哈囉喂👻係月尾既重頭節目。今年係海洋公園40週年，為慶祝大日子，今年係全日制規模最大嘅一次，會有11個哈囉喂景點同埋12種獨特體驗。☠️▫️配合今年10月26日上映嘅《恐懼鬥室之狂魔再現》⚒，海洋公園今次哈囉喂都以SAW為主題，重頭景點【慌宅17】，皆時會係鬼屋入面見到好多有關SAW既場面⛓，包你嚇過飽👿😈。(備註：要預約先有得玩）▫️除此之外，海洋公園𥚃面既海洋冰室會提供SAW造型食品🙌🏻。如果你係SAW迷，一定要過嚟試吓👹👺👹👺▫️You don't know me, but I know you. I want to play a game. ▫️地點：海洋冰室 - 黃竹坑海洋公園海洋天地 @hkoceanpark 時間：10月5日至31日▫️

十月全城哈佬喂～海洋冰室喺屍立中學隔離，改咗名叫02教室，仲有兩隻骷髏坐喺度做緊lab，外加殘肢一堆申請咗annual pass 有coupon係生日主菜買一送一，$150左右喺海洋公園食到兩個飯，夫復可求～乾炒牛河有返咁上下水準，牛肉大大塊，瑞士汁炒得好匀，份量都ok雞煲雖然洋葱多到好似原粒咁，但係雞都有五六件，冇乜肥肉同皮。少少辣之餘，香料味道亦出到嚟，送飯一流。唔記得叫咩士多啤梨沙冰萬聖節特飲，跟餐加$12，單嗌$4x，以一支水要$28嘅海洋公園嚟講，抵到要謝恩。雪碧沙冰加士多啤梨，消暑解渴。玩到攰一攰，有個地方坐下叉返電食完再去嚇餐飽～

今日同哲豬豬去海洋公園。要揾地方食lunch,必需要坐得好先有得食,畢竟呢隻豬係會攪亂檔,所以唔可以坐喺outside。但間間餐廳都大排長龍...黎到呢間海洋冰室，雙眼發亮，唔係太多人在排隊，所以決定呢間喇。等左大約十五分鐘,發覺望入餐廳有2張枱係空的無人坐,但無人執枱,出面排隊的人都無得入去,開始覺得枯燥。由於出面太熱,哲豬豬都流晒汗,我唯有企入餐廳等,等老公一個喺出面排,入到去餐廳發覺裏面有更多的枱係空的終於可以入座,坐在餐廳最入面的corner位,個view十分靚,全海景,一點都唔似茶餐廳,這點係唯一最加分的!叫了一個菇伊面,唔熱,夾了其中一堆面痴埋一舊仲要凍。食完過後仲覺得好口渴.　老公叫了一個雞煲,比伊面好但太細煲,雞肉唔多明白喺樂園內的餐廳唔可以要求太高,但相信未必會再來...

天文台已預告今天會下大雨，去海洋公園玩，就要提前預備好。不想在滂沱大雨中午餐 露天座位果Ｄ，要等位 眼甘甘，企係度望住人地坐係度慢慢食 仲要等人地走左先有得坐果Ｄ！ 感覺好似罰企囉！所以提前購買餐劵，保証有位座。去年每張八十多元，現在每張加價至九十几蚊。在雨中，來到海洋冰室，大量座位任君選擇。於卡位就座後，看看餐劵指定的套餐。原來套餐正價是158元了。去年是128元，加了30元呢！選了野菌粟米雞球飯及印式咖喱魚柳飯。再另外點了熱奶茶（正價）。　 套餐汽水先上：杯內的汽水高度一致，而且很接近杯口呢！　至少內心舒服D。如果糖漿少一點，CO2加多少少就好了。　　　野菌粟米雞球飯　白飯與野菌粟米雞球是分開上。滑溜的白汁味道好正常，不是加Ｘ粉勾芡煮到杰撻撻扮CREAMY果D半透明貨色囉！雞球雖然是雪藏雞肉，但試味後，很放心給豆丁做午餐。　　印式咖喱魚柳飯　餐牌標明是＜越南龍脷柳＞!來貨價貴Ｄ嗎？所以要加價30元嗎？魚柳外層漿粉厚度夠，足以沾上印式咖喱。魚肉纖維明顯，可以看到肉質一層層的排列。可是這個印式咖喱汁香料不多，橙黃色半透明的醬汁內，看不到香料的碎碎。好似加芡煮到杰左的感覺，香料味

今天去海洋公園玩!看完海洋劇場, 快快脆行去海盜船果邊的海洋冰室午餐.職員帶位入卡座時, 見到牆上有幀許冠傑照片,雖然相片有點發黃, 原來許冠傑後生果陣頗英俊.望著咁靚的相, 希望可大快朵頤!由於之前買左餐劵每張85元, 包主菜及12安士汽水.我點了B餐:印式咖哩魚柳飯 + 汽水走冰汽水先上枱, 唔強求 & 唔吹噓汽水好好味,為何汽水水平位距離杯口很遠!這樣使我心理不平衡呀!!!!!!!!!!!!!!!上菜時, 望落幾靚, 飯和咖哩的SIZE接近.大大碗的咖哩汁內, 有炸魚柳3-4件, 薯仔約3件 + 青瓜, 洋蔥&蕃茄仔.第一口飯, 有少少硬.咖哩是微辣, 但係我食唔到其他香料的味道,只是啡黃色的辣醬.炸魚柳魚柳肉質好淋, 全靠個炸粉來定型,無魚味, 只有炸粉味,係雪藏魚柳 << -- 呢個我理解!(~~~唔通係海洋館新鮮捉條返來咩!)但味道真係好似10蚊件果D鯰魚柳.一般餐廳通常會用濃味醬汁去掩蓋這種雪藏味.如果咖哩味夠濃烈, 相信會好好多.但這家, 連咖哩咁方便的醬汁都懶得利用.魚係咁, 咖哩又係咁.質素咁YARP, 許冠傑都幫你唔到啦!照片左下角=最緊要好玩!對

玩到好熱,咁就入去坐低涼下冷氣,見又唔駛等位....$106 精選套餐~選兩款飯,我主力食 忌廉汁粟米豬扒飯 配蝶公主飲品~粟米粒多數都係得個皮..連中間粒粟米肉都無 好唔得!!! 豬扒塊皮好厚,又唔好味~唉..... 個飯球用個芒果形的模印出來,勁細個 蝶公主飲品 = 雪碧,荔枝!感覺ok啦~又唔算太甜~走冰!!套餐送Hagazis ice cream 75ml~叫我地自行扲,見有個盛雪糕的雪櫃,扲左曲奇味之時,個職員話要我地出去正門旁邊個露天雪櫃才可以取....真係好鬼麻煩 只有朱古力,云呢拿,比d最 cheap o既人地食~搞錯~其實咪又係雪糕一杯,無咩特別~我地個卡位幾好坐~但service比2分only.....唔得~要自己找位又無人帶o既~無笑容可言 好在叫佢比杯水都肯比姐...........

今日MAMA生日，去左海洋公園，BABA 同MAMA 起碼OVER 15 年無去海洋公園了，今次可以一家三口去真係好難得~為左唔想食老麥，太熱了，要坐係路邊，我就揀左依間公園內最平又有冷氣既茶記~叫左3樣嘢，分別係午餐B 日式海鮮炒烏冬+雜菜湯 ($ 88) ，常餐 沙嗲雞印尼飯+春卷 ($75) +扒芝士火腿治 ($38)雜菜湯: 送來時只有小半碗，BABA見到覺得好似飲剩咁，叫伙記換個碗比我，不過叫極D伙記都睇唔到我哋，唔知扮唔見定乜，後來都換個碗滿D既比我，但味道好淡，好似溝左好多水咁，好古怪，有好多蘿蔔絲係入面，唔好飲!!!!日式海鮮炒烏冬: 賣相好差，食落好淡口，一D都唔好食!!!!春卷: 最正常，熱辣辣LOR~沙嗲雞印尼飯: 飯唔夠熱，份量少，差!扒芝士火腿治: 最好反而係三文治，仲有一堆熱辣辣粗薯條，收$38 整咁多野出嚟，最抵食係多士喇~生日有8折，原價 $201，現$ 160.8，點都好過去無套餐既老麥食LA~