影片
更多
2010-09-28
670 浏览
23-9-2010阿媽提議中秋翌日補食的「做節飯」去食海鮮, 當然舉腳贊成 鯉魚門 so far 只食過較近入口的鉅記 (http://www.openrice.com/restaurant/commentdetail.htm?commentid=2050280) 及海皇園林 (http://www.openrice.com/restaurant/commentdetail.htm?commentid=170380), 印象亦 so far so good, 今次行入一點睇睇, 最後鎖定呢度試試.由「兩老」拍板, 買了最常買的 5 款海鮮, 亦吩咐了最常叫的煮法, 另炒了碟菜; 店方就送了一人一碗湯, 一大碟水果及一大碟甜品, 食到勁飽:-前菜係皮蛋子薑... 子薑的粉紅色勁假, 無試了, 阿爸就話唔太辣; 皮蛋中間係實心, 食落粉粉硬硬, 不過味道甘甘哋,「石灰度」唔高, 還可以的; 中間仲有一碟糖可配皮蛋食, 但濕氣勁重喎, 黐埋一舊舊的!? 白灼海中蝦: 近年好似愈來愈難食到真正「鮮甜」的白灼蝦, 呢度的味亦較淡, 唯有蘸點豉油吊吊味; 蝦頭內的膏就好黑, 聞落亦腥, 唯有
阿媽提議中秋翌日補食的「做節飯」去食海鮮, 當然舉腳贊成 鯉魚門 so far 只食過較近入口的鉅記 (http://www.openrice.com/restaurant/commentdetail.htm?commentid=2050280) 及海皇園林 (http://www.openrice.com/restaurant/commentdetail.htm?commentid=170380), 印象亦 so far so good, 今次行入一點睇睇, 最後鎖定呢度試試.
由「兩老」拍板, 買了最常買的 5 款海鮮, 亦吩咐了最常叫的煮法, 另炒了碟菜; 店方就送了一人一碗湯, 一大碟水果及一大碟甜品, 食到勁飽:-
前菜係皮蛋子薑... 子薑的粉紅色勁假, 無試了, 阿爸就話唔太辣; 皮蛋中間係實心, 食落粉粉硬硬, 不過味道甘甘哋,「石灰度」唔高, 還可以的; 中間仲有一碟糖可配皮蛋食, 但濕氣勁重喎, 黐埋一舊舊的!?
白灼海中蝦: 近年好似愈來愈難食到真正「鮮甜」的白灼蝦, 呢度的味亦較淡, 唯有蘸點豉油吊吊味; 蝦頭內的膏就好黑, 聞落亦腥, 唯有放棄; 肉就夠爽實的. 下次食九節蝦 (幾時食過: http://www.openrice.com/restaurant/commentdetail.htm?commentid=90354) 先得!
椒鹽瀨尿蝦: 炒得少少油, 椒鹽份量不多, 但微辣亦夠鹹香; 瀨尿蝦肉幾鮮甜, 質地亦帶點爽彈, 幾好食; 可惜蒜粒較生, 又太多青紅椒啦.
蒜蓉粉絲蒸象牙蚌: 新鮮象牙蚌蒸得剛好, 食落爽嫩脆身又鮮甜, 加埋索汁的粉絲及蒜味強勁的 mashed 蒜, 其實都好難唔好食? 唯一要挑剔就係「蚌汁」略嫌唔夠多, 食得粉絲嚟卻送唔到飯.
油鹽焗奄仔蟹: 焗得乾身, 亦「爆膏」得很, 蟹膏食落軟滑濕潤又甘香, 蟹肉亦結實鮮甜, 正 細/碎殼幾多, 食得幾吃力, 不過好食就得啦, 忍吓啦.
豉椒炒蟶子: 蟶子夠晒肉厚及爽脆, 配上惹味及唔會好杰的豉椒汁 (落了粒粒蝦米的?), 食唔停口!
薑汁炒芥蘭: 芥蘭莖嫩綠爽脆, 葉部分就幾軟熟, 加上點到即止的薑味, 食落清甜無澀味, 難得呢碟好快清碟!
豆腐海鮮湯: 呈奶白色, 味道同普通豆腐滾魚湯無異, 不過夠真材實料的, 作為免費湯水無投訴了.
甜品就係桂花糕, 桂花味清香, 食落亦清甜, 不過質地實淨又「膠」到呢 , 我食緊啫喱糖?
食物整體滿意, 樓下地方就有點迫夾, 只怪我哋唔預先訂檯, 無得坐樓上 伙計阿叔 / 阿姐們就好禮貌又有求必應, 配套亦不錯的.
埋單每人約 $320, 價錢及質素都同之前食過嗰兩間差不多, 食得過的.
张贴
