海悠

营业中

休息中

上次嚟食炸子雞 十分出色 回味無窮👍🏼 今次再試試其他美食😍 炒飯亦係招牌之一秘製蟹黃醬海皇炒飯 $58: 份量好大足夠兩個人食🥹 有蝦 翠肉瓜片 魷魚等 炒花粒粒分明，再加上蛋一齊炒香 材料非常豐富!!芝心咕嚕肉 $128: 咕嚕肉入邊加咗芝士 一咬即刻流心非常特別🧀 而且醬汁比一般嘅酸少少，更加開胃 可以中和油膩感🤗脆米金沙炒福花 $98: 第一次試呢個組合 福花再加入脆米同鹹蛋黃醬一齊炒，好邪惡😍 份量好多 不過鍾意鹹蛋黃嘅朋友一定會食唔停口💗 chui迷令後感層次更豐富👍🏼

今日午餐食咗（鹹魚雞粒炒飯）， 一上枱就聞到陣陣嘅鹹魚香味， 即叫即炒 ，好有鑊氣， 飯粒軟硬適中， 仲有好多粒粒雞肉同埋翠玉瓜， 好大份一定食得飽 ，係我食過最好味嘅鹹魚雞粒炒飯。 我今個星期已經食咗兩次喇。😋😋😋

見到很多人介紹此店, 終於嚟到可以試下 食物 : 炸子雞半隻 $68 ~ 此店最出名是炸子雞, 皮薄脆唔油膩, 雞肉好滑唔老, 值得一試 秘製蟹黃醬海皇炒飯 $58 ~ 炒飯唔係乾身嗰種, 食落個蟹黃醬有咸香味, 也有海鮮粒, 味道唔錯, 以為這個價錢會好細碟, 但兩個人食都夠飽 飲品叫咗紙包檸檬茶, 收$5/盒, 都算有良心 環境 : 小店在官塘熟食市場, 坐位有限, 環境不過不失 服務 : 人手較少 價錢 : HK$136/2人 (無加一服務費), 留意此店不收八達通及信用卡

炸子雞和前任師傅處理下有所不同，前任師傅比較乾身，海悠而家比較多油而且多跟一個泰式醬而且仲平$10。長腳蟹腳蝦湯海鮮燴飯味道非常濃郁，好重牛油味，應該足夠三人份量。外賣盒的設計有疏氣功能，非常貼心。

之前喺其他地方已經聽過呢間隱世既中菜館，今次經過觀塘熟食中心一定要過去試吓！係唔係真係好似傳聞中咁好食首先叫既一定係招牌菜炸子雞，整體來講十分滿意，雞肉鮮嫩多汁，連白肉都唔會乾柴，雞皮都煎到好入味，係唯一脆度可以再提高少少🤏半隻炸子雞兩個人食份量完全足夠，如果三五知己可以考慮叫一隻黎食～另一個餸叫左桂花蟹肉炒粉絲，三樣嘢組合一齊又好夾喎，特別係粉絲炒得好鬆身好彈牙，真係食到食唔停手！原來仲想叫黑松露蛋炒飯，不過因為兩個人裝唔到咁多野，為免口闊肚窄浪費食物，都係下次再幫襯既時候試啦！

短時間再去海悠堂食，真係太好味，佢既蟹醬炒飯必點，無論鑊氣、咬口都冇得彈。今日試埋口水雞，口水雞就比較失色，叫左中辣但都唔太辣，味道偏談。至於個蟹肉炒粉絲，都好正，有鑊氣之餘粉絲仲好彈。最後個米子福菜，蛋黃味好濃，米子好脆，咬口好正好特別，但就都幾肥膩。

海悠真係好食到不得了，食過幾次外賣，都試過堂食，佢嘅蟹醬炒飯真係必點，價錢平鑊氣夠，好食過好多大酒店、大酒樓嘅炒飯。另外，黑松露蝦仁炒蛋超濃黑松露味，雖然水咗啲，但都好正。其次，上次堂食食蜜糖味既鱔，份量超多，性價比高。再者，芝士咕嚕肉，份量都多，係略嫌芝士較少。呢間餐廳，非常推薦。

好耐之前已經聽過📍觀塘有一間超出名既海皇醬炒飯🦀上星期終於有機會去觀塘熟食市場一探究竟🤟🏼位於APM後方觀塘熟食市場1樓既✨海悠食品✨除左備受本地唔同媒體介紹之外📺更被台灣中天新聞﹑CNN Travel介紹「巷子內的美食」😻窮煮婦超鐘意食蟹同鹹蛋黃🧡海悠簡直成為左口袋名單✅絕對係會再Encore🉐大件夾抵食既觀塘新世紀福音食事🎉⋯衝出國際の炒飯🚀新派大排檔港式真風味🔥✨海悠✨一齊睇下窮煮婦食左咩 (每樣都係必食)💁🏻‍♀🔸紅顏炸子雞🐥HK$68即叫即炸🔥雞皮香脆爽口又唔油膩💛肉質鮮嫩唔會太乾身💦半隻都至少夠4️⃣人食👍🏼🔸秘製蟹黃醬海皇炒飯🦀🍚$58飯粒炒得夠乾身粒粒分明🔥紅遍海外既秘製蟹黃醬🦀聞落啖啖蟹香🦀食落咸咸香香🧡海鮮配料豐富🈵有蝦🦐八爪魚粒🐙元貝粒🐚份量絕對同價錢不成正比🉐抵食到喊🥹🔸芝心咕嚕肉🧀🐷HK$128用豬頸肉製成🐖口感爽口彈牙唔柴皮🌸大廚用豬頸肉包住芝心🧀上粉漿炸至香脆外層沾滿酸酸甜甜更有特色既士多啤梨汁🍓係目測每檯食客都有Order既必點菜式🔥🔸黃金脆米翠肉瓜💛🥒HK$98主材料簡簡單單只有翠肉瓜🥒加咗海量鹹蛋黃醬同炸脆米💥口感同味道即上另一層次🥰鹹蛋黃控絕對不能錯過

觀塘打工仔應該都有聽過駿業街熟食中心「海悠」嘅大名我由最初一開業就幫襯，雖然換過大廚，但食物質素一直都keep到水準，而且價錢合理，草左唔少回頭客。今次係夜晚堂食，都坐無虛席，好彩咁岩仲有2個位。我地叫左桂花蟹肉炒粉絲、蒜蓉炒翠玉瓜、紅酒燴牛肋條，仲有每次幫襯都會嗌嘅黑松露滑蛋炒蝦仁每樣食物都好出色，樣樣都好好味而且樓面管理亦都改善左唔少。記得最初人手安排好混亂、會出現漏單情況，但依家已經大大改善，有得QR CODE落單，而且付款方式多元化，唔一定要俾現金希望「海悠」可以愈做愈好，搬大鋪

______________________________ 位於觀塘熟食市場嘅 隱世•高質餐廳!食完之後勁想私心唔介紹 實在太高質😙最多人介紹嘅 一定係佢哋嘅招牌炸子雞！聽其他人講唔是通常好快就已經售罄所以有興趣的話 記得要預先同餐廳預留好彩有先預留 否則我嗰次晚市都唔會食到🥹______________________________ / 紅顏炸子雞•半隻 / ʜᴋᴅ68⚠︎︎⚠︎︎ 必食!! 必食!! 必食!! 必食推介!! ⚠︎︎⚠︎︎分別有半隻同原隻 中午已經開始供應!‪炸子炸得金黃 皮脆肉嫩 真係好完美肉質嫩滑多汁 連雞胸都係滑捋捋🥹真係好耐冇食過咁高質嘅炸子雞 超喜歡！🔥/ 秘製蟹黃醬海皇炒飯 / ʜᴋᴅ58⚠︎︎⚠︎︎ 另一個必食推介!! ⚠︎︎⚠︎︎近期食過最高質 最有鑊氣嘅炒飯 有蝦仁• 帶子•翠肉瓜粒•雞蛋•蔥粒飯粒炒得金黃粒粒分明 鑊氣十足 調味啱啱好惹味又唔會過鹹 而且完全唔油膩講起又想encore了🥹🔥/ 黑松露滑蛋蝦仁飯 / ʜᴋᴅ58 滑蛋炒得好嫩滑 生熟度啱啱好蛋香同黑松露香都好濃 仲帶少少牛油香蝦仁食落口感好爽彈 仲有大量蟹柳粒!本身係配白飯 亦都可以轉做米粉連米粉都係大大碗分量十

觀塘區出名又逼又多人，lunch食咩真係諗爆頭！好多間餐廳普普通通都可以大排長龍，所以經常同同事發掘下有咩好西！直到幾個月前喺熟食街市撞到海悠！當時佢剛剛開展午市，所以老細都好緊張個menu同味道，不停親自想問我哋意見，態度都勁親切友善，之後睇住佢生意愈來愈好，都好戥佢開心！食過好多次之後，強力推薦炸子雞(成日售罄，最好早啲嚟食或者預留！)，秘製蟹黃醬海皇炒飯，桂花蟹肉炒粉絲呢味！真係必食！好味得嚟份量又足料！

由開業到而家，每次過親觀塘都會幫襯，又平又好食，份量好足，老闆好好人，不過出名之後繁忙時間要等幾耐下，去之前要預時間。個蛋真係無得頂，好滑！調味啱啱好，黑松露味畫龍點睛，而且唔係一般餐廳快炒嘅蛋，呢隻質感係要慢火慢慢滑熟，好有誠意！淨係想講好好食，但係個系統要200字先至可以俾好評，咁我講多幾句啦，見到差評嗰啲全部都唔係因為味道，我諗應該係開業初期由人手落單轉做系統落單，同埋啲師傅未齊人做成嘅唔好用餐廳體驗，呢樣嘢我都感受到，不過最近去嘅時候已經冇晒呢啲問題，夠字！

最近發掘到觀塘駿業熟食市場有好多餐廳🤓鍾意中菜嘅朋友唔好錯過🥢 今次試咗3款招牌菜😋 平日2:15pm到都9成滿座🥹 下次試埋炒飯同其他小菜🫶🏼🐓 紅顏炸子雞 (半隻) $68（跟白飯）: 一講炸子雞就見到幾台都有嗌!! 即叫即整，落咗單等咗15分鐘以上先有😆 雞皮好脆 唔油膩 脆卜卜好過癮👍🏼 雞肉肉質嫩口 唔會乾，雞胸部位都唔錯，加甜酸汁食幾惹味☺️🦐黑松露滑蛋蝦仁飯 $58: 原來另一個招牌就係黑松露炒蛋😝 炒滑蛋滑到要用匙羹先夾到🥚 黑松露份量多到不得了❤️ 炒埋蝦同蟹柳 送白飯好正😝🥢桂花蟹肉炒粉絲 $58: 比期望更有驚喜~ 味道有少少似星洲炒米 有啲咖喱粉同少少辣味🌶️ 炒得夠乾身 唔痴唔油👍🏼👍🏼 有蛋花、椰菜絲同蟹柳肉幾香口🤍

之前睇過某YouTube channel 介紹呢間好岀色又平的炸子雞，所以難得休平日就去試一試，可惜炸子雞售罄無得食今次叫左2個餐，份量夠大又足料，女士們帶定飯盒裝起 足夠食兩餐都唔成問題秘製蟹黃醬海皇炒飯🦀️$58先講飯粒：屬於偏硬身有咬口，炒得乾身粒粒分明，掂！配料：欣賞佢哋唔孤寒，落足料👍🏻蝦🦐、帶子、八爪魚粒 🐙都有4-5粒🤣雖然只係急凍海鮮配料精華：嗰pat蟹黃令成碟飯好好味道，建議逐少逐少撈落炒飯度食用，勁好味😋靈魂所在🤭雖然都加左少少🤏價，但呢個價位食到呢種質素嘅炒飯，絕對收貨推薦度5/5黑松露滑蛋炒蝦仁 配白飯 $63看似簡單，又好難整得好食某大台電視劇早餐橋段經常出現嘅黑松露炒蛋，夏天熱辣辣無胃口，濕濕滑滑配飯食都唔錯 👍🏻而且蟹柳同蝦仁🍤份量都好多，勁足料，覺得好抵食😚黑松露香外，炒滑蛋確實好滑，真係好啱夏天食推薦度 4/5店內環境衛生一般食客絡繹不絕，街市熟食中心格局，真係幾多部冷氣都冇用🫤🥲ps炸子雞每日限量，要食趁早讚👍🏻另外枱上有好大方成包tempo 紙巾任你用無加一海悠 (觀塘)觀塘駿業街67號駿業熟食市場1樓52-53, 56號舖

睇咗YouTube介紹，有料廚師一腳踢，午市仲要有幾十蚊抵食客飯，就叫個外賣試下。現場非常熱，亦有好多人排緊隊等位同埋等外賣，非常受歡迎心諗實冇死本來想試蟹皇炒飯，點知俾錯咗蝦仁炒蛋，仲要冇跟飯...外賣袋落重本用保溫袋，有誠意但係只用十幾分鐘路程，有點浪費。夏日炎炎就唔行返轉頭換。炒蛋的確好滑，蝦仁亦爽口（似係有好好處理過，唔係hea 做嘅凍貨）。可惜好水，成個底都係蛋汁溝油。加上，需知要蛋滑就一定要多油，食到一半已經油膩到食唔到落去 可能撈飯會中和返比較正常