海悠

营业中

休息中

在觀塘熟食中心的繁忙午餐時間，我發現了一家隱藏的寶藏，一家名為「海悠」的餐廳。我點了蟹肉炒粉絲，炒得香口的粉絲配上鮮甜的蟹肉，每一口都讓人愛不釋口。蟹肉炒粉絲絕對是一道令人垂涎的美食，尤其是對於喜愛海鮮的人來說。最後，我嘗試了他們的紅顏炸子雞。這道菜讓我驚喜不已！雞肉外皮酥脆，內部卻保持著多汁和嫩滑。每一口都充滿了雞肉的鮮美和香氣。這道紅顏炸子雞不僅外觀誘人，味道也絕對令人滿意。它結合了香脆和柔嫩的口感，給人留下了深刻的印象。如果你正在觀塘一帶，我強烈推薦你來品嚐這些美味佳餚。

見到社交平台有推介，果然冇介紹錯👍🏻個炸子雞有一半係雞髀，一半係雞胸肉，好好味，個皮脆卜卜，如果唔要飯，淨係$68 ，真係抵食到不得了！另外叫咗個炸脆鱔，外面好好味，唔會太鹹，個鱔出奇地唔多骨，啖啖肉，仲大碟到不得了，兩個人，每人差唔多食咗8舊！雖然要$188 ，但係係值得嘅，隔離台見到，都即刻跟住叫😂加個白飯都係$5 ，另外嗰啲嘢飲都好平，大部份都係$5一支。不過地方就比較迫夾，坐得唔係好舒服，但絕對可以接受，性價比高。

要即刻bookmark去食! 位於觀塘熟食市場入面既小店 主打港式小炒 每道菜都即叫即整 好有鑊氣之餘熱辣辣好新鮮 足料惹味 價錢合理又好食 不枉我特登搭車去呢🤭 · 紅顏炸子雞 半隻 $68 ⇾ 𝟴.𝟳/𝟏𝟎 ⭐️皮好薄脆 肉質嫩滑 好juicy好入味 連雞胸都唔會鞋 要試! 而且份量好多好抵食 想食的話記得要先預留~ · 秘製蟹黃醬海皇炒飯 $58 ⇾ 𝟴.𝟲/𝟏𝟎 ⭐️好有鑊氣☄️ 蟹黃醬望落唔多但其實好夠味 加咗帶子蝦仁雞蛋翠玉瓜落去炒 好足料✨ 飯粒粒分明 偏硬身唔會太濕 少少偏油但可接受的😋· 椒鹽魷魚鬚 $78 ⇾ 𝟳.𝟵/𝟏𝟎炸得啱啱好脆口 唔乾 炸粉唔會太多 魷魚少少韌 唔係爽身 帶啲咬口 可以早一分鐘上碟🤪 椒鹽我覺得偏鹹咗少少 始終炸野會膩啲 重口不過都好食~· 脆米金沙炒翠玉瓜 $98 ⇾ 𝟴/𝟏𝟎呢個鹹蛋黃味比我expect明顯&濃好多🤩 整得好入味 sok晒啲汁 翠玉瓜挺身得黎少少淋 (唔會太淋/太爽) 加埋脆米多個口感 好惹味〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃😋 𝘵𝘢𝘴𝘵𝘦? 𝟴.𝟰/𝟏𝟎 🥳 𝘦𝘯𝘷𝘪𝘳𝘰𝘯𝘮𝘦𝘯𝘵?

今日專登嚟到觀塘駿業熟食市場食呢間嘅炸子雞好多人都推薦，今日就試下佢先佢炸子雞嘅皮好脆，好好食😋雞肉質地亦都好滑身，鹹到亦都啱啱好🙈價錢嚟講$73包埋飯真係好抵食另外亦都都叫咗佢個秘製蟹黃醬海皇炒飯入面啲料好足入面有唔少蝦仁同帶子仲有海鮮配料等等，淡淡餸同醬真係10分滿足重點係佢只係要$58！性價比超高最後叫咗佢個黑松露茄子安格斯牛，呢個性價比就相對冇咁高啦，要$238食落仲淡淡油味道係唔錯但價錢偏貴有機會會再去食🙈

妹妹快生日來預祝一下，家裡都習慣在這些日子打包回家慢慢享用～ 最近就發現觀塘一間私房中菜店廣受好評，這天就來按妹妹意願打包幾款回家黑松露滑蛋蝦仁 $58店家的招牌之一！一打開食物盒就散發出濃郁的黑松露香，跟外邊同款的差別在於這個用上海量的黑松露醬，完全不吝嗇呢！再加上雞蛋、蝦仁、蟹柳和蔥花，即使是外帶關係仍然保持著嫩滑的口感，非常香口又下飯！細心的店家更會另附白飯方便客人配著吃～秘制蟹黃醬海皇炒飯 $58另一款店家招牌，以蝦仁、八爪魚粒、帶子、翠玉瓜入饌再稍為調味，再加上份量蠻多的秘制蟹黃醬製成的炒飯，緊記先將醬料拌勻再享用！原以為味道會比較重可是沒有呢，就很香口而且滿口蟹香鮮美味，飯也炒得乾身好吃！看照片也許會覺得份量很少，其實都是廚師把炒飯塞得滿滿，難怪大家都會推薦這個！金沙海皇豆腐 $98我跟妹妹都很喜歡吃以鹹蛋黃入饌的美食啦只可惜太邪惡也不常吃，這款集合了妹妹喜歡的食材：豆腐、蝦仁、八爪魚粒跟蟹柳，再加入已經炒香的鹹蛋黃醬烹調，本是滿滿健康的蛋白質變成邪惡之物啦！入口嫩滑口感豐富，鹹蛋黃醬甜味多於鹹香，感覺上少了一份罪惡感～ 其實沒有啦，不過認同的是這道菜是老少咸宜的下飯菜啊！

今日晏晝又去食lunch， 🐟金銀蒜粉絲蒸龍躉片， 每次食完老闆都會問我味道如何， 老闆會用心聆聽我嘅意見， 再改善出品。 🥢今日個金銀蒜粉絲蒸龍躉片， 畀上一次好味好多😋，🐟 龍躉依然係新鮮， 豉油再重新調配， 再加多啲金銀蒜， 帶出魚嘅鮮味。 粉絲索咗蒸出嚟嘅魚汁 同埋金銀蒜同豉油撈嚟食，真係超級好味，😋😋😋😋😋😋😋😋 完全係性價比高👍👍👍👍👍海悠老闆 👍好重視每一位客人嘅意見😁 😍再加上嗰度啲姐姐好有禮貌， 就算佢地忙到氹氹轉 💃每一次嘅眼神接觸都係見到佢哋微微笑🥰

每次經過熟食中心都會諗起網上推介海悠嘅炸子雞好好食～今次嚟到炸子雞賣晒所以叫咗其他小炒試吓😋估唔到都有驚喜！⭐️芝心咕嚕肉一開始上菜見到佢顏色咁紅其實有啲不安🤣咕嚕肉外皮酥脆又好薄 咬落有空氣感🫨醬汁亦都酸甜開胃～然後入面包裹住芝士醬🧀非常邪惡但唔會膩！味道融合得超級好😋非常推薦！💓⭐️桂花蟹肉炒粉絲桂花蟹肉嘅存在感唔高😵‍💫不過味道有啲似pad thai其實幾好食🤣而且炒粉絲嘅份量好多～$58 CP值非常高！想飽肚都不失為一個好選擇～

真係好鐘意黎海悠食野，特別炒野，真係做得好出色。魚香茄子炒米粉好有鑊氣，米粉唔會炒得好爛，少少辣辣地好正。蟹黃炒飯一貫保持水準，係飯質問題，味道可媲美大酒店。黑松露蝦仁炒蛋勁香黑松露味，味道真係非常夾。反而炆牛肉就一般。總括性價比都係高，好味，推介。

我今日去咗觀塘熟食市場搵「海悠」個老闆算帳，因為上次我食唔到🐓炸子雞🐓，「海悠」由開業至今可算得上係熟食檔嘅天花板，每日午市晚市一定座無虛席，外賣單多到接唔切，都係因為食物質素三個字平靚正，最精彩當然係每台必吃嘅炸子雞、午市飯餐都係幾十蚊起👍🏻👍🏻🐓▪️炸子雞皮脆肉嫩 （半隻 ）$ 68 大癲價🫨每一台必點紅顏炸子雞，首先賣相就如高級粵菜一樣精緻，雞皮色澤光鮮，一啖咬落去好香脆，肉質剛剛熟非常鮮嫩，味道鹹香鹹香夠入味，就咁食已經好味道，亦可沾上甜辣汁增添風味，呢個價錢食到半隻雞，真係超級癲，怪不得成日都咁早賣晒🦀▪️新鮮長腳蟹腳蝦湯海皇燴飯 $ 298燴飯用上中式嘅食材，長腳蟹、蝦仁、墨魚、翠玉瓜、香米、蝦湯配西式嘅煮法，用上忌廉、芝士，味道和口感就如意大利飯一樣Creamy、而且材料滿滿每一啖都食到米飯和海鮮，重點就係面頭鋪上非常鮮美既長腳蟹肉，用了料足絕對對得起價錢👍🏻🐋▪️蜜椒脆鱔球 $ 188鱔球食得出好新鮮，肉質爽口又彈牙，用上黑椒、蜜糖、脆米、香蔥爆炒後，味道甜香甜香又食到黑椒嗰種嘢味，最正就係脆米和香蔥好香口，令脆鱔增添口感，超級正🥬▪️蟹黃醬蝦仁炒福花 $ 98福花究竟係咩呢？

午市有蒸餸食啦， 今日試蒜蓉粉絲蒸龍躉片， 份量足，有好多魚呀，新鮮肥美， 粉絲索咗蒸出嚟嘅魚汁 配合秘製豉油，超好味哦😋😋 條魚應該好大條， 因為塊魚皮好厚， 食落口滿滿嘅膠質， 魚皮好煙韌彈牙😋😋

上次嚟食炸子雞 十分出色 回味無窮👍🏼 今次再試試其他美食😍 炒飯亦係招牌之一秘製蟹黃醬海皇炒飯 $58: 份量好大足夠兩個人食🥹 有蝦 翠肉瓜片 魷魚等 炒花粒粒分明，再加上蛋一齊炒香 材料非常豐富!!芝心咕嚕肉 $128: 咕嚕肉入邊加咗芝士 一咬即刻流心非常特別🧀 而且醬汁比一般嘅酸少少，更加開胃 可以中和油膩感🤗脆米金沙炒福花 $98: 第一次試呢個組合 福花再加入脆米同鹹蛋黃醬一齊炒，好邪惡😍 份量好多 不過鍾意鹹蛋黃嘅朋友一定會食唔停口💗 chui迷令後感層次更豐富👍🏼

今日午餐食咗（鹹魚雞粒炒飯）， 一上枱就聞到陣陣嘅鹹魚香味， 即叫即炒 ，好有鑊氣， 飯粒軟硬適中， 仲有好多粒粒雞肉同埋翠玉瓜， 好大份一定食得飽 ，係我食過最好味嘅鹹魚雞粒炒飯。 我今個星期已經食咗兩次喇。😋😋😋

見到很多人介紹此店, 終於嚟到可以試下 食物 : 炸子雞半隻 $68 ~ 此店最出名是炸子雞, 皮薄脆唔油膩, 雞肉好滑唔老, 值得一試 秘製蟹黃醬海皇炒飯 $58 ~ 炒飯唔係乾身嗰種, 食落個蟹黃醬有咸香味, 也有海鮮粒, 味道唔錯, 以為這個價錢會好細碟, 但兩個人食都夠飽 飲品叫咗紙包檸檬茶, 收$5/盒, 都算有良心 環境 : 小店在官塘熟食市場, 坐位有限, 環境不過不失 服務 : 人手較少 價錢 : HK$136/2人 (無加一服務費), 留意此店不收八達通及信用卡

炸子雞和前任師傅處理下有所不同，前任師傅比較乾身，海悠而家比較多油而且多跟一個泰式醬而且仲平$10。長腳蟹腳蝦湯海鮮燴飯味道非常濃郁，好重牛油味，應該足夠三人份量。外賣盒的設計有疏氣功能，非常貼心。

之前喺其他地方已經聽過呢間隱世既中菜館，今次經過觀塘熟食中心一定要過去試吓！係唔係真係好似傳聞中咁好食首先叫既一定係招牌菜炸子雞，整體來講十分滿意，雞肉鮮嫩多汁，連白肉都唔會乾柴，雞皮都煎到好入味，係唯一脆度可以再提高少少🤏半隻炸子雞兩個人食份量完全足夠，如果三五知己可以考慮叫一隻黎食～另一個餸叫左桂花蟹肉炒粉絲，三樣嘢組合一齊又好夾喎，特別係粉絲炒得好鬆身好彈牙，真係食到食唔停手！原來仲想叫黑松露蛋炒飯，不過因為兩個人裝唔到咁多野，為免口闊肚窄浪費食物，都係下次再幫襯既時候試啦！