海悠

营业中

休息中

早前見到有報道話叫間既炸子雞好正今次特登同屋企人一齊過黎食睇睇餐牌見到價錢都好平呀晚市至平$40就有，極度親民去到都爆曬場啦，好彩我預先book左枱先有得食🔸紅顏炸子雞就係呢個炸子雞超岀色呀👍🏻黎到個皮超脆，味道岩岩好，雞肉嫩骨，炸完都唔會鞋👍🏻不過記得想食炸子雞既就要預先預訂啦！未必即日會有，我都早左幾日叫老闆留定😍🔸黑松露滑蛋蝦仁飯黑松露唔會特別重，始終滑蛋一定要有蛋味，佢加入左黑松露，但又唔會太重，淡淡既黑松露香，蝦仁好爽口彈牙👍🏻再配個飯，正呀🔸秘制蟹黃醬海皇炒飯好岀色既蟹黃醬炒飯呀！雖然蟹黃醬只係點綴，但就係因為個小小先特別顯得好食！炒飯夠晒鑊氣，仲有好多餸👍🏻

我今日黎到海悠食飯，餐廳岩岩新開無耐，主打各種小菜。雖然餐廳位於熟食市場入面，但中環就好似酒家咁，啲枱枱凳凳都好乾淨企理，值得一讚！我就叫咗幾款招牌菜，真係正到冇得頂啊！第一道菜係佢哋嘅蟹黃炒飯，飯粒好彈牙，個蟹黃味道又濃又香，真係一食就愛上啦！佢哋嘅黑松露滑蛋入口即化，滑嘅程度超正，啲黑松露嘅香味仲係一直留係口中，令人回味無窮！最後就係啲啱啱出爐嘅雞，感覺上好似酒樓嘅炸子雞，雞肉啖啖有肉汁，加上啲秘製醬汁，真係好食！海悠食嘢嘅菜式價錢真係好實惠，食完之後仲想再嚟一次！大家如果鍾意食緊啲中菜，就一定要嚟海悠食嘢試吓啦！（聽講佢地有到會，遲下都想試下）

[ 海悠 ]今日嚟到觀塘搵好嘢食，朋友介紹有間人氣私房菜竟然開咗係駿業熟食街市裡面，午市仲有超過20款炒粉麵飯食👩🏻‍🍳👩🏻‍🍳✿ 5. 秘制蟹黃醬海皇炒飯 $58炒飯熱辣辣上枱，配料超豐富，有蟹黃🦀、帶子、魷魚🦑、蝦仁🦐&蟹柳，炒得有鑊氣之餘用料十足，難怪每枱都必點呢款炒飯，呢個價錢食到簡直超值，如果蟹黃再多dd🤏🏻就好了👅✿ 10. 桂花蟹肉炒粉絲 $58炒粉絲做得有少少似星洲炒米🤣微微辣夠哂惹味。最欣賞喺用咗真蟹肉，好有蟹味👍🏻👍🏻同樣炒得好有鑊氣🔥✿ 11. 紅顏炸子雞🐔🐔 半隻＄68/一隻＄128 (跟白飯 湯米+$3)估唔到呢到都可以食到炸子雞，炸子雞整得皮脆嫩滑，好有酒家嘅味道。炸子雞本身已作調味，另可配酸辣醬食。而且半隻雞份量都唔少，同朋友share食啱哂。總結🫦隱世嘅私房菜，而且午市價錢唔貴，難怪超爆場。想食建議早d打嚟book定位，店員話炸子雞都最好預早訂定咁就穩陣啦！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿海悠地址: 觀塘駿業街67號駿業熟食市場1樓52-53, 56號舖電話: 98479707✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

先講食物，我今次第一次嚟食，所以除咗個海皇炒飯之外仲叫咗個黑松露蝦仁炒蛋。炒飯超大份而且鑊氣唔錯，配料就正常急凍貨，冇咩味，但係都算足料。松露蝦仁蛋就炒得夠滑夠香，係細碟咗少少，但呢個價錢我覺得可以接受。但係，呢間嘢嘅管理方面就真係極度需要改善。首先我唔會推薦一個人自己嚟食呢間嘢，因為呢間餐廳只係留咗 *一張枱* 俾啲1-2人嘅食客入座。當日我放假自己一個人去，見到出面負責接待嘅姨姨一直放啲遲過我到嘅3-4人入座。直到我等咗半個鐘，見到佢又準備放其他人入去，我先同姨姨講我已經等咗好耐，個姨姨先勉為其難咁騰空一張枱畀我入座。（認真講，你留啲大枱俾5-6人以上嘅我理解，但你啲3-4人枱應該可以留番幾張俾啲人數少嘅搭枱掛？我覺得一直要啲早到嘅人遲入座唔太合理）然後第二樣嘢就係呢間餐廳嘅上菜速度極慢。呢樣嘢喺觀塘區放飯真係死罪黎。我見到隔離幾檯同我差唔多時間入座嘅客人（有啲係早過我入）等咗40幾分鐘都未有嘢食，結果佢哋有啲人要走先，淨低嘅就叫姨姨幫佢轉做打包拎走。我自己碟蝦仁炒蛋25分鐘上咗黎，本身諗住慢慢食，等埋碟炒飯，結果食下食下就食曬碟蛋，碟炒飯都仲未到（所以碟蛋冇影相）。原本都有諗過催