海怪活鮮刺身專門店 (已結業)

刺身食材新鲜，但是最大问题是点完餐到上菜大概等了40分钟，已经都饿过头了，应该是人手非常不足。而且店内两位男店员皆无戴口罩。建议可吃新鲜刺身，或者烧烤鱼类都好吃，鸡肉串类就普通…查看更多

店内有少量座位，未算坐得十分舒适，因为佢间铺冷气机漏水，我地要就住黎坐。但重点食材真系非常新鲜。𠮶日我地两个人嗌左几样刺身寿司，等左成半粒钟先有，饿到个人晕晕地，不过到野食上枱既时候就完全冇后悔，因为食材真系好新鲜，三文鱼同带子入口即溶，王子烧烧得岩岩好，中间芝士有少少拉丝。但系到加单嘅时候就好挣扎，因为又要等多半个钟。到最终都系照加，因为真系好好味。价钱方面都唔算贵，最紧要性价比够高，所以一定会再继续帮衬。但系如果你人少入去食就最好准备足够现金，因为要一千蚊以上先可以碌卡，支付宝又坏左，提款要由舖头行去ATM，都要五六分钟路程。…查看更多

终于兑现承诺带咗挚爱的嚟到海怪食刺身！（最紧要食得饱，随便叫啦！）当身边有人会不断咁支持同鼓励你，就要好好珍惜。不过最紧要系毋忘初心！入正题。北海道海胆 (半板) $388因为对上一次嚟系叫原只海胆，所以今次就试下嚟半板。海胆十分之新鲜，够creamy，谂起都流口水。海胆份量比配料多，啱晒我呢啲钟意就咁食嘅人。日本生蚝 $38@叫咗4只试下，手掌大细，爽口，少少海水味同金属，钟意轻口味嘅就啱晒。帮你起埋个带子咁先好。嗌多两只先！北寄贝 $148味道鲜甜，口感非常爽脆！北寄贝含有丰富OMEGA 3，同埋含有抗胆固醇堆积功能，想心脏好就食多啲啦。池鱼 (一份) $288口感非常爽脆，睇落去好似薄薄哋，但其实个texture好丰富，一啲都唔腥，配咗个柚子汁，点少少食特别清新，钟意重口味嘅点返豉油一样好味。再唔系就咁食，感受一下回甘味。油甘鱼 $68、带子 $38、赤贝 $48油甘鱼一睇就知厚切肥美啦，口感真系一流，我去边都要食。如果担心太油腻，最好配wasabi食。带子鲜同有口感，赤贝都系新鲜爽脆，佢亦都可降胆固醇同血脂㗎！鸡软骨 $30、盐烧五花腩 $48、盐烧牛舌 $33嚟少少熟食，鸡软骨普普通通，无乜特别。最想讲嘅就系五花腩同牛舌，大份兼厚切，尤其系牛舌，厚到一旧分几次咁咬，如果唔系太大旧！调味熟度都好好，咬落去啖啖汁啖啖肉。炸准山条 $38似薯条，但比薯条个质感更厚实，虽然炸得热气咗啲，不过下次都会再叫。话晒准山有益嘛。－－－－－－－－－－－－－－－－－－－－－－－－－－－－－－老阅同位位客人都好熟，又影相又一齐饮酒，的确系消遣好地方，最紧要系啲刺身掂呀！店舖位置近太子D出口，沿砵兰街行到汝洲街，转入柏树街再右转直行就到。5分钟左右脚程。…查看更多

今晚专程去试新返的日本知岐的生，叫咗半打，每一只都好creamy 同新鲜，入口仲好爽口，加上喜爱的龙蚝，因今日得两个人食，所以叫咗只细少少嘅印尼青新龙虾，肉质鲜甜爽脆，价价比得高。一直都常来帮裙，今晚仲叫咗炸虾卷同串烧，每一款都好食，下次要再一试北海道的白海胆，鲍鱼同深池。仲有花咲蟹，谂起都想再来一次，哈哈😄虽然地方唔大，但服务态度很好，啲服务都好友善，所以见佢都有好多熟客帮衬，希望佢未来都keep到水准，加油💪🏻…查看更多

今次系第二次黎 朋友带黎 ，第一次黎既时候已经十分满意 牡丹虾刺身扇贝刺身是非常新鲜 牡丹虾爽脆鲜甜又大只 上碟时还在动 鱼刺身都十分鲜甜 另外今次有惊喜的是鱼一夜干烧得岩岩好 唔会太干 味道很好 一条都只系$58一d都唔贵，另外 叫左日本生蚝同新西兰生蚝都系各有千秋同样鲜甜，另外鱼刺身条鱼骨亦不会浪费 令去煮鱼汤昆布乌冬，最后仲叫左芝士年糕呢到环境唔算大 一定要提早订位 想要特别某种刺身都可叫老板帮你系日本揾返黎，最钟意都系个牡丹虾 叫我食1打都得啊。…查看更多