海底撈火鍋 (海之戀商場)

营业中

休息中

星期六晚六點半嚟到門口, 已經見到好長龍排隊, 慶幸等45分鐘已經有位了, 真係好好彩! 今晚我哋叫咗個蕃茄同麻辣湯底, 蕃茄湯底唔算好濃味，麻辣湯底亦都唔夠勁。。 食材方面，叫咗肥牛， 魚， 魚皮餃， 老油條，炸魚皮等等，食物樣樣都好新鮮 ，值得一讚， 但炸魚皮比較厚，唔夠脆，另外有好多食物比較出面少見的都可以係到食到！！最欣賞就係份量可以叫半份，啱曬兩小口去出街打邊爐，飲品畀15蚊可以任飲酸梅湯同青檸柑桔飲！ 另外有 生果 同冷盤可以任食！ 幫手負責我哋嘅男服務員非常好，我哋一有唔明嘅嘢即刻幫手解決，亦有安排唱生日歌兼仲有份小禮物畀小朋友！ 埋單 1300蚊， 四個大人一位小朋友， 價錢正常但係 個人認為又未必去等咁耐去食海底撈， 因為打邊爐實在太多選擇了！

🥱🥱🥱🥱一大班人等左2個鐘以上，話轉頭就有位，一轉又等左35分鐘，一拖再拖，一係話抹枱，一係話埋緊單，大佬丫，冇位就早講丫，大嘅唔食，細嘅都要食，食餐飯要等甘耐，真係有甘嘅必要嗎？根住最後勉強俾張枱我，又話俾俾88折，結果埋單，當然一蚊都冇減😠😠😠😠。我真係好失望……冇下次😡😡😡

七個人去，到有位時話如果想一齊坐，就多等15分鐘，結果一等就30分鐘，吾緊要！入到去原因仲要系分開坐，同佢理論完一陣，原本另外有張大枱嘅，佢就話只可坐6人 ，所以不能給我們好！都算，佢話表示歉意，會全單88折比我地！結果埋單時，我問左佢兩次，系米已經88折，佢避開我嘅問題，話只有食物可以88折，其他的都是正價⋯⋯結果第二日我再睇返張單，發現所有食物根本就係原價全單加埋就係我比嘅價錢，，，扒街！以後都吾會再幫襯！寧願遲d返大陸食，都吾會再系香港食垃圾海底撈！

喺大陸就食得多海底撈，香港真係第一次！今次嗌左四宮格湯底😆👉🏻蕃茄味👉🏻清油無渣麻辣味👉🏻菌湯味👉🏻清水 (因為怕麻辣太辣，可以過去沖沖水😂)一如以往我都係最鍾意蕃茄味，因為真係好濃同埋會令到啲食物好入味！菌湯味我就覺得麻麻地，個湯得兩片菇仔咁但又好有菇味(但又有好多味精味咁)我地嗌左蟹味棒、炸魚皮、土豆、寬粉、筍、豆苗、豆皮etc. 全部嘅質素都好好~加十五蚊可以任飲柑桔水同酸梅湯，個人覺得酸梅湯好飲好多，柑桔水好淡🤣不過我覺得無論大陸定香港，個服務態度都真係好好。Serve我地張枱果個男仔好細心，會幫我地拎下水果、拎扎頭橡筋、留意整甲既編號、又得閒整碗蕃茄湯俾我地飲下咁😆 整體都覺得幾好食，坐得幾舒服😄

去開荃灣剛好遇着落大雨，就提早帶倆老去海底撈食午餐先，本意為會坐得舒服啲，服務好啲。點知去到才發現窗口位區域被封了，門口姐姐話此區只供晚餐開放…..暈（但入内只見員工在此休息)入內後發現四座位卡位超窄坐得一啲都唔舒服，哥哥仔話佢哋係香港最細嘅分店…好老實咁。點餐又唔比午市套餐餐牌，之後這位哥哥仔點完餐仲無再出現過，(係無人再服務過我們這張枱)全程無人主動問我們要唔要圍裙丶無手機透明袋、無濕紙巾丶無加過水….更加無比任何配合食物的配料（例：鴨血配乾辣椒粉，前菜…..)雖然依啲嘢唔係奉旨要比，但係感覺去得海底撈一定係服務重要過食物質素，總會有啲細心服務比你有賓至如歸的感覺架嘛有一刻冷漠到我覺得自已去咗茶記😅，所以以海底撈嘅品牌我給差評。

首次來到荃灣的分店 小朋友生日又好想食呢間 7.1假期 等位1小時 終于8:40分入座 點菜 排位做美甲（話假期冇美甲服務，只簡單做下护理）由於疫情關係政府根據條例 22:00前要離座 來個一鍋煮 總評分 食材很好 連鎖店品質保證 新鮮 份量也足 比起其它火鍋店餐廳服務很好了，但同香港海底撈其它分店比， 荃灣分店是需要進步的 特別期待的拉面（竞然是刀切好一小碟上的，也是醉了）以後還是去九龍區食 試過幾間後 感嘆：食火鍋還是 海底撈呀！

多年前巳光顧這間在中國以服務取勝和以師傅即場表演製作拉麵跳繩吸引食客的北京海底撈，價錢並不便宜。今次在香港再來潮聖，兩人午餐打邊爐合選共$420限時2小時，沒有拉麵表演，但服務一樣周到，可選一人套餐(湯底，茶介另計)，海底撈湯底味非常淡，其實選滾水湯底就可免收湯底價錢，自助區有很多調味料，可自製湯底更化算。 套餐主食三選一 : 撈麵/白米飯/出前一丁 (一份)而食材就大路為主，肉類是比較新鮮的急凍食物，而生果/調味料就自助任拎。若沒人排隊等候，也不會摧食客離開。乾淨衛生，坐得舒服，服務殷勤。爐分四隔，自動感應升降功能 鴛鴦鍋 : 味道非常非常淡 右上: 大骨湯 右下: 麻辣火鍋 左上下: 滚水生果/ 調味料醬汁自助區調味料總類非常多，可自製清湯/辣湯底 西班牙豚肉(100g)套餐~ $88巴沙魚(150g)套餐~$66拼盤B: 大白菜,油麥菜,金針菇,白蘿蔔,玉米段拼盤A: 午餐肉，凍豆腐，冬瓜，白蘿蔔，大白菜飯後甜點: 紅糖糍粑

安排入座職員有禮貌，但唔係個個都係食咁耐都係第一次冇人幫我開汽水，亦冇職員留意到要加湯隔油，到埋完單冇人送出門口正諗住算啦疫情底下減少左人手邊得閒 就有個男職員望住我走一句多謝都冇😂😂其他餐廳緊係唔會希望有呢啲啦 但貴公司出名係賣服務嫁嘛下

海底撈一出果陣超級熱潮，依家熱潮無咁勁，先黎試，午市時段黎食，唔洗等位，直接就有得入，唔洗排隊，店員服務態度幾好，主動。四宮格既湯底，覺得好玩，又可以一次過試到四個湯，對於果個爐有升降既功能，我地都表示驚喜，好貼心。湯底味道幾濃郁，好出味，火鍋材料都算多，有肉類，有蔬菜，有丸類，有海鮮，薯粉板條同埋丸類都好食，薯粉好煙韌，丸類好新鮮，蔬菜同埋啲海鮮都好鮮甜，鴨血想特別讚下，無腥味，係某火鍋店食過腥味鴨血，所以呢度既鴨血係幾正既，不過佢啲牛肉就無乜特別。最令我地驚喜既係啲前菜，我地全日最鍾意既啲前菜，無論係醃蘿蔔定係海帶條，枝豆又好，手拍青瓜又好，真心覺得全部都相當出色，直頭想畀錢打包返屋企食。我地就屎忽痕，叫左豬腦，諗住以形補形，聰明醒目，哈哈🤣然後我地一直討論，點樣可以兜住個豬腦咁滾，店員無啦啦走埋黎主動問，要唔要畀個網兜我地用下，朋友話放係麻辣湯無咁腥，最後，我只係食左一小啖，唔太鍾意佢既味道同質感。最後埋單每人$252，小貴，不過食物質素相對地好啲。

出名的海底撈深深食過一次，今次來到香港都無食過，難得同事吹雞食好野食這間剛到門口就跟大陸模式一樣，都有修甲服務，但差天共地無剪死皮，只生磨2野指甲（手乾地磨），做完感覺「把鬼」服務態度仍然都係「卓頭」，每位都十分有禮，就在我地話說先想試湯底，服務員主動幫忙，先在調味處提取了牛肉粒加西芹粒，再淋上蕃茄湯，簡直係絕配再來講講打邊爐配料，十分好！可以order半份，岩哂我地眼闊肚窄肥牛煩款款都好好，等別正既係和牛以及串蝦十分生猛服務員更會主動幫我們剝殼公主一樣呀 備注：*多款配料都好好*另叫了炸饅頭新鮮！*魚皮 no good

疫情關係，冇得出油麻地同銅鑼灣，就唯有去近近地荃灣新開嘅海底撈打邊爐頂癮。話說海之戀分店海底撈都開咗一段時間，一路都想試下，就趁放假嘅時候過去試吓。已經係星期一嘅下午去光顧，但係入到去完全沒有被歡迎嘅感覺，而且想叫個人落單都有困難，完全人手唔夠，再加多塊圍板完全冇人睇得見。可能已經登記咗做會員嘅關係，同埋又識得叫午市套餐，所以更加冇人理我，本身諗住生日就自己同自己慶祝吓，早知係咁去隔離食渝味曉諭儲Asia mile好過了。海之戀分店完全顛覆咗我對海底撈嘅印象🙊

Last Saturday was my friend’s 20th birthday 🎂, we go to very famous Chinese Hai Di Lao hot pot restaurant .The space was so large and comfortable! I strongly recommend you try Herb 🌿 flavoured hot pot , the taste was rich and sweet smelling! The above dishes were duck small intestine and pig aorta . Try , though they were weird but try, fresh And yummy !The staff sent some gifts to us !! They were so nice and great.

每次去完donki 個都心癢癢，好想去食海底撈，奈何幾次行過都好多人，一見到等位就唔想等。尋日行完，望兩眼，見到有位，唔駛等，咪早啲入去食，鐘意呢間坐得闊落，因為而家要帶口罩先可以去拎野食，我地就一次過拎哂入黎慢慢食，推介鴨血，配辣粉冇得輸

講左好多年想試海底撈，雖然平時我地都有返大陸食野，但大陸同香港店都係會排哂長籠，今晚終於試到喇 😆晚上9點黎到荃灣海之戀，好驚訝喺呢個時間停車場仍然需排隊進場。我地就分頭行事，一邊等泊車，一邊去攞位先。21:15攞飛，最後停車場等左45分鐘，海底撈排左65分鐘，差不多22:30先入座！期間侍應都有來提供免費飲料🍹 落單用平板電腦，可以選擇半份/全份。我哋大部份食物也是選半份，可以試多啲唔同嘅款式。他們的火鍋煲設計特別，有個自動感應將火鍋底盤升降，沉咗落底嘅食物就可以升上嚟，方便夾野食👍🏻基本上他們的所有食材也是普普通通質素，冇乜特別。肉類偏貴，這價錢的話其實坊間很多火鍋店也可提供更好的肉。唯一可讚的是他們的蝦滑及翡翠滑，幾新鮮，又彈牙。 響鈴是那種超市街市賣的盒包裝質素，有點失望。😵 今次叫左豬腦 🧠 第一次食！本人用左一段有時間，克服心理才敢放入口試 🤪 侍應介紹豬腦比較羶，所以建議我們放入辣湯底裡煲20分鐘。 豬味濃，不是很羶味，口感似蒸的太耐既水蛋/燉蛋。如落單叫撈麵，差不多食完前，師傅會來枱前表演拉麵。麵條可以選粗或幼，我地選左粗麵，每人有2條 約10cm x 4cm的麵條，幾

價錢呢道寫200-400，事實落樓每人四百幾五百，仲要唔係飽，如果目標係食服務既可以，如果想食食物質素既，就真係唔洗揀呢間。大家唔好準備每人$500，勸你哋帶多啲，等等唔夠錢埋單出動警察就唔好啦，話晒警察好鍾意海底撈，隨時重罰你。