海寶漁港 (筲箕灣道)

营业中

休息中

一上到去先知星期六、日個菜牌唔同，要成百幾蚊一碟餸。落單個陣，叫兩碟野，阿姐已經白眼：「兩樣咋？」.但因為好多情況，無得走啦，咁我同阿姐講，其實都可以收返埋平日個牌，唔好引人誤會。唔知係咪咁激嬲左阿姐呢？碟金銀蛋覓菜鹹過海水，食完飲左幾杯茶，我個口而家仲乾緊。最嚴重係食完之後我係廁所痾咗兩次。.同時，都聽到隔離枱投訴隻乳豬得肥膏，完全無肉。.之後阿姐仲刻意叫人唔好俾西瓜我地個枱食。.啲野又難食，服務我覺得用「勁差」都表達唔到我想講既意思。呢啲咁既餐廳，唔好再幫襯！！.真係未試過食飯食到咁嬲！最後我地三個人，食一碟金銀蛋覓菜、一碟黑椒牛柳，飯都無叫，要三百幾蚊！！請大家唔好好似我地咁中計中伏！

野食普普通通, 但服務完全唔掂, 去食下午茶, 諗住慢慢食, 都有耐食晒竟然熄燈, 烏天黑地, 叫佢開返燈, 佢竟然話熄左唔會再開返, 呢D係咩野態度?烏天黑地, 食左乜野落肚都唔知啦, 仲要剩係熄我地枱附近D燈, 其他又唔熄真係火都黎人地熄燈都係熄冇人D枱, 佢冇人D枱唔熄, 要熄我地枱D燈, 擺明玩野

等咗成大半小時話咩都無…又要再叫…過啲野食入單又遲！！！啲人又吾理你…根本無服務！！！！最後要成個半鐘先有得食，野食又難食…差！！！好失望！！！！不會再黎！！！

我是是長期茶客，酒楼食物還可以，但酒楼员工實在太差劣了，又懶，十叫九唔應，只照.顧熟客打牙較同玩細路，搞到D細路V嘩鬼叫影响其他客人又橋埋手唔做嘢都得，老細又唔理，咁搞法即係趕客！

今日同屋企人去開西灣河，平時都有黎開食下午茶，知道間野應該一般般，不過大家實在太肚餓，一於唔搵餐廳就決定去叫送食飯的酒樓出送真係好快，蝦雖然夠大隻爽，但完全沒有味道，麵煮到糊一樣，茨汁又淡而無味，真係唔掂蚌螺片好普通，都係冇味，意大利瓜同荷蘭豆一齊炒，好普通冇乜特別乳豬尚可，皮脆身，應該唔係炸放左好奈嗰種魚都算新鮮不過蒸得過左火， 豉油葱夠香，岩送飯差d唔記得有鮑魚，講真唔明點解呢度d海鮮都冇乜味，不過果皮調味搭夠，只可以話匙油真係好重要薑粒蛋白炒飯 我一家人都好驚訝 又幾好食喎！飯炒得粒粒分明又夠獲氣，小小薑的香味，材料就只有蛋白同葱，簡單又好食講真成餐飯除左炒飯好食外，其他野都一般般，服務都係一般般，不過一家大細確實係適合咁樣環境食飯，個個都好夠飽，已經咁平的價錢星期日滿座都尚算合理啦

一年容易又中秋，早前，友人送了一張寶湖飲食集團的雙黃白蓮蓉月餅券給小妹，是日，去了其集團屬下的西河灣海寶漁港取月餅。雙黃白蓮蓉$178/盒，寶湖VIP會員可享九折優惠，可以$160/盒購盒買。一盒四件，透明膠袋獨立包裝。寶湖月餅的表面用模具壓出凸凹花紋，中間且有金漆招牌「寶湖」兩字。切開一看，月餅皮薄餡足，白蓮蓉頗為粘滑，鹹蛋黃金黃油潤，賣相不賴。吃一口，白蓮蓉細滑綿軟，甜而不膩，只稍嫌未夠清香味遠。幸而，鹹蛋黃黃油滿溢的，入口甘香味美，很不錯呢！不過，傳統雙黃蓮蓉月餅，熱量和膽固醇始終偏高，為健康著想，只適宜淺嚐也﹗

海寶漁港衣幾年入面都翻新左唔少次，好彩嘅係食物質素冇乜點變到，晚餐時段依然有唔少孖寶優惠嘅選擇，其中特別推薦片皮鴨，師傅將隻鴨幾乎每一個部分都用適當厚度咁片出黎，口感味道俱佳，而宵夜時段有特價嘅椒鹽瀨尿蝦皇亦值得一試，夠惹味之餘啲肉又唔會太癡殻！

每星期假期我都會同屋企人去 海寶度飲茶今日 晏就 如常去飲茶可能呢間酒樓經常人手不足 無咩人招呼坐了很久才有茶水黎 食物普遍一般 叫不上即叫即蒸 我但求食飽先算了但係 至少都應該有既服務態度但係令我最憤怒都係收銀個中年女人令我嬲到爆 話說我地出去 收銀處擺單 比左張單佢埋 一句說話都沒話 該名中年女人將佢手上的單放了 張枱面前 我以為係我張枱的單 就埋頭計下張單有無計錯啦跟著該名中年女人惡言及冷冷地說：呢d唔係你地張單此時我只說了一講：如果唔係我地甘你就唔好擺 係度啦該名中年女人立刻恨恨的望住我好似 仲罵我tin~我只係說了一句用不著啤住我嘛這是令我唔想再黎幫襯其中是一而且整間酒樓都很嘈 好似去街市甘嘈之前幫襯過幾次收銀部女人經常黑口黑面架啦 希望酒樓可以改善下服務態度

年初一慣例跟眾多親友先到酒樓飲茶後拜年，知道喜慶日子食客必定多，所以親友已事先訂位。我們準時入座，被安排到較暗且焗的位置，甫入座，長輩已開始埋怨… 事不宜遲，飲茶當然要先叫點心！我們叫了多款點心，例如水晶奶黃包、黑椒蒸鳳爪、高湯鮮竹卷等，鳳爪調味太辣。當中較喜歡千層馬拉糕（左上），黃色的鬆糕結合了千層糕及馬拉糕的特色，鬆軟熱辣，中間的蛋漿很甜夠滑，不俗；另外，第一次吃千層腐皮夾（右下），一層層的腐皮疊在一起，軟腍入味。茶樓經典點心之一的蜜汁叉燒包。同樣新鮮蒸起，輕輕撕開鬆軟潔白的麵包，熱烘烘，幸好我不怕熱呢～中間的叉燒餡料非常足料，香甜多汁，好吃～其他還有蜜汁叉燒腸粉、四寶滑雞扎之類，又叫了肉絲炒麵。很久沒有吃過，以大碟盛上的炒麵賣相似鳥巢，外邊的炒麵炸得香脆，中間的麵條上放有豬肉絲及芽菜，澆上芡汁，致使麵質變軟腍，是懷念的味道。整體各款點心味道有驚喜，全部新鮮蒸起，值得一讚。然而當天因店員送餐的出錯，使我們的點心久久未能送到，約一小時前落的單在再三催促後終於送上，原來是店員將枱號調亂所致，即使食物不俗仍難以彌補這人為過失破壞的用餐心情，長輩更因此先行離場！不過明白當天為年初一，運作上

不在香港三個多月，最想念的除了叉燒飯，就是早上去茶樓飲茶，或許這種活動聽起來非常老氣，一般小女生都不會喜歡，但我偏偏對吃點心情有獨鍾，而且覺得茶樓的點心更有風味。趁著今天比較空閒，就拉著父母到樓下的海寶海鮮酒家飲茶。這家茶樓是家人近幾年的飲茶必去地點，可能並不是很有名，只是家附近的茶樓，但對我來說卻是充滿回憶的地方，因為我在會考和高考放榜後也有和父母在這裡飲茶，不算慶祝，就只是單純地想放鬆一下，找個地方好好休息。茶樓這兩年好像有重新裝潢過，以前的內部不是長這樣，收錢的櫃檯也沒有那塊金光閃閃的「海寶」。與一般茶樓一樣，來飲茶的大多是上年紀的公公婆婆，星期六、日才會有帶同孫子的家庭，平日的話就只能看到老人家，我的年紀應該是全場最小的。先開一壺水仙。廣東話是「開一壺茶」，意思就是點自己想要喝的茶，一壺就是供一桌飲用，我們家的習慣是「水仙滾水」，侍應阿姨就會送上水仙及開水各一壺。這家的水仙還好，淡淡的茶味帶甘香，很順口。每次來海寶都會點粥，這次選的是皮蛋瘦肉粥，它們的粥底熬很久，非常綿滑，但絕對不是水汪汪的感覺，稠稠密密的口感值得大讚！至於皮蛋就不過不失，瘦肉有點柴。這是我最愛的蝦餃皇，外皮又

大時大節貼錢買難受...街坊酒樓訂了位還是要等20分鐘...我們由門口只有樓梯的年代幫襯到現在電梯年代, 是最失望的一次, 亦或許是最後一次了. 從前只覺晚巿套餐很抵食, 但現在也漲價不少. 是夜幫襯,  因套餐菜式不太吸引, 罕有地不點套餐. 問題就出現了!叫了一個穿黑西裝的女服務員來點菜, 她一聽到我們不點套餐便黑面, 講菜名她又不明白, 指給她看但她又好像看不清! 最後只能以號碼來點菜. 等了良久, 第一味燒味終於來了, 而點菜的電腦單亦隨之而送上, 但我們發現我們點的菜少了一半. 第一次試過可以落漏咁多單!! 於是叫了另一個穿黑西裝的女服務員來更正, 但她又好像愛理不理, 最後她叫了一個好像是經理的男士來處理. 他亦是我們見到全晚"唯一"對客有笑容及會說多謝的職員!是夜吃了乳豬, 燒鵝, 燒腩仔, 蒸頭腩, 節瓜貴妃蚌, 香椒珊瑚蚌等等; 沒有拍照, 因跟本不會讓人有拍照的想法.跟乳豬來的甜醬和糖可能一早已經預備好, 白糖已經潮濕了, 並已經成了一大片硬塊; 節瓜貴妃蚌的湯/汁算甜,但貴妃蚌有沙; 頭腩多骨, 而且多鱗, 但味道尚算可以; 白飯碗的碗邊是灰色的, 而那個飯碗

早一個星期打去海寶BOOK位,之前未食過,飲荼覺得呢間野既點心唔錯咪打算試試囉一入到去,佢淨係比張套餐紙我點菜,又不斷話今日淨係做套餐, 我當堂呆左問佢點解BOOK位個陣冇同我講清楚?佢得4,5個套餐選擇,而且全部都係龍蝦, 6人套餐仲差不多要成$1000,你真係唔好去搶!之後講左一輪,佢終於肯比張散叫我既"紙",又係全部都加晒價而且冇選擇可言仲兇話我如果散叫要等好耐架WOR,今日我地主要做套餐先!點知點左菜唔夠3分鐘已經上菜了, 我地用左45分鐘已經食完餐飯, 仲要嬲到我連相都冇影到!佢D碟頭好細碟,大家都食得好唔開心! 我真係寧願去食放題好過,父親節姐,洗唔洗咁趁火打劫丫, 我樓下稻香同埋其他食肆都唔會咁啦!D野食又細, 味道其實都OK啦,但又唔算好出色囉, 但叫左個金銀蛋覓菜,勁淡,好似用水煮咁,我哥哥話好似坑渠水咁我地6個人叫左成8個送, 3個白飯,但食完都唔覺得飽你就知呢間野既碟頭有幾細!真係no more next time! 咁唔老實,點做街坊生意呀,以加又唔係新年, 父親節都咁湯客,新年,年30晚仲得了既

妹妹同學的媽媽黃太太來電問候，想起已有幾年沒有見面，約她和老爸飲茶敘舊。黃太太是妹妹小學同學的媽媽，當時我們兩家人來往甚密，直至到了中學，升學，搬屋，結婚等，少了來往，直至幾年前在某處相遇，又重拾放涼了的友誼，然而，人面桃花，兩家人都有些家庭成員離去或已移民外地，今次重敘，又可閒話家常。黃太太年紀不輕，為免舟車勞頓，約她和家人在她家附近飲茶，她建議來這處。中午時份，來到酒樓，要等一會也是正常，地方裝修尚算企理，也安心好讓老爸吃一頓滿足的午餐。作為東道的我，問了客人的喜惡便點食物，有午市三寶，選一碟菜蔬，半隻雞或鴨，再加一碟飯麵，都是$148，先選了一份，再加些點心，應該不會失禮。為老人家著想，煎炸食品還是可免則免，叉燒腸粉，雞包仔，魚湯腐皮卷，牛肉球等，應該夠軟糯，還有老爸喜愛的蓮蓉壽包仔和糯米滋。點心的質素是不錯的，叉燒腸粉，有米香，雞包仔，餡料和包的厚度亦不致得團粉，魚湯腐皮卷，腐皮包著有肉和唐芹的餡料，氣味清新，牛肉球彈牙，而蓮蓉壽包仔和糯米滋讓老爸吃個飽，我沒有沾手。過了四十五分鐘，發覺所點的午市三寶仍未到，著侍應追單，原來漏了落單，因各人已差不多半飽，點一碟金菇炆伊麵便算，伊

打完風,難買餸不如一家人出街食飯,呢間以集團形式經營的酒樓比較低調,通常響唔起眼嘅地方開鋪,好似呢間咁門口好細,好彩個招牌夠大,如果唔係都幾難揾.周末全場未滿但都有9成人,食咗個反通脹晚飯宴($1398)另收加一.菜式有以不各種:1. 片皮鴨,燒得皮脆又唔多膏,本來唔錯,但薄餅只得12塊,咁孤寒,2. 焗釀原隻墨西哥鲍鱼,原來係個売係原隻,裡面釀咗D一粒粒唔知係乜嘅嘢,真揾笨3. 翡翠蝦仁花枝,蝦仁幾大隻又爽不过好細碟,4. 花膠金湯翅,無乜翅,花膠就有D5. 蒸海班變咗雙喜班,但係幾OK,唔係雪條6. 北菇原條海參,全晚最正,有好多海參,北菇又夠厚夠爽口7. 生菜鴨鬆,普普通通8. 白切雞, 無乜味炒飲反而幾好,夠乾身.做街坊生意,價錢唔可以貴,將貨就價可以理解,裝修雖然唔靚但坐得舒服,檯又唔逼,算係咁啦.

經朋友介紹今晚一行四人到此晚飯. 門口小小的, 不太起眼. 點了一個 $238 的孖寶 (一樣海鮮 + 一款燒味) 我們揀了芝士龍蝦伊面, 叉燒燒鵝雙拼. 蟹肉貴花魚翅, 馬拉盞通菜, 椒鹽骨. 龍蝦肉好嫰, 芝士味略淡口, 濃味一點會更好吃. 叉燒和燒鵝都不錯. 炒貴花翅的賣相麻麻, 不夠乾身, 蛋望落有點老, 但味道卻不錯. 通菜一般. 椒鹽骨比想像中大件, 店員細心的即刻拿去幫我們再切細件. 味道不錯, 不油膩又不會炸得太利害.生果盤很鮮甜, 腰果露太多粉, 有待改進. 店員服務一流, 每句話都很有禮貌, 又時常換碟. 總括食物都不錯, 以這個價錢算是超值了.