海寶漁港 (筲箕灣道)

餐厅：海宝渔港地点：西湾河筲箕湾道菜式：点心、中菜今日我地一行九个人，有大人有小朋友，点左一个套餐同唔少点心。套餐唔记得二百几蚊包两款正常份量点心、一个炒粉面同一份小食。个瑶柱蛋白炒饭都可以，有细只虾肉粒食下。小食拣左蚬蚧鲮鱼球，一客六粒，炸得皮脆，肉弹牙，个蚬蚧咸香十足，真系有蚬肉。另外叫左好多点心。招牌虾饺皇 顶 $40一客四粒，我无食到，价钱唔平。蟹子蒸烧卖 特 $37一客四粒，正常质素。明炉叉烧肠粉 大 $34一客切开6件方便食用，皮滑而入面叉烧馅份量够。金粟鲜虾肠粉 特 $37鲜虾肠粉就差好远啦，虾系虾仔，好细粒，于是口感主要系肠粉皮，好厚又无馅，绝对唔建议叫。千层马拉糕 大 $34一客两件。黄金流沙包 大 $34一客三件，都有流沙既。蜜汁叉烧包 小 $28一客三个，质素正常，包松软，叉烧馅都够多。酱皇汁蒸凤爪 中 $31质素正常。潮州蒸粉果 中 $31一客三件，正常质素，皮厚，入面馅料普普通通。咖喱土鱿 顶 $40好大碟，土鱿质素唔错，好脆口！伴有薯仔粒。XO酱炒萝卜糕 大 $34份量好多，每粒都大大粒，略嫌唔够脆皮。唔会辣。金麻流沙球 大 $34一客四粒，都可以。茶钱每位$14。呢度系无下午茶时段。总括而言，点心系大大碟，质素整体都可以。座位都可以，唔算太吵。服务就出孚意料几好，公众假期都可以预先订位，电话个边服务员态度都几好，去到唔洗等直入，请经理影相都好乐意。作为一间位于非繁忙地区既酒楼，个人觉得价钱唔平。…查看更多

今晚食开年饭。二话不说，一于海宝渔港。气氛冇得顶。叫了好多嘢食。有烧鹅，西兰花两味，有虾有鱼，也叫了鸡，也有龙虾伊面，也有一个京都骨。西兰花特别好味，很新鲜。鸡也有鸡味。样样都大大碟。食了一半才记得影。一行五个人，大家都食得好饱。还送了个椰汁糕，样样都好好味，以后做了大会指定酒楼。希望每一路好落去。香港就系要多啲这样的酒楼。不要每星期上深圳食。今次每位$224。送啲椰汁糕特别出色。不知是否心理作用。因为唔使钱。…查看更多

就嚟过年开始要食团年饭，跟亲戚嚟食，冇介绍错，真系值得一试。服务几好，不过唔知系咪因为亲戚系属客。一行12人，叫咗9个𩠌，另有寿桃包，同埋马豆糕做甜品。个个𩠌都好味，大大碟，食材又新鲜，尤其条鱼同埋只鸡，真系肉质滑溜，全部食晒冇剩到。另外值得一赞仔佢哋𠮶个炒饭，大碟到好似成座山咁样，好干身，又足料。佢哋嘅甜品都好好味，寿桃包系中型size，做得好靓，长辈好开心，另外马豆糕又唔会太甜，每人都食咗几粒，好满足！…查看更多

你试过一定知系好嘢，尤其系山竹牛肉球宜家d人一味加鲮鱼肉整大大旧山竹牛肉，完全破坏左牛肉球嘅口感同味道；但系呢间嘅牛肉球真材实料，加埋喼汁简直perfect。想食返香港真正点心，一定唔会令你失望。另一个推介嘅点心系蚝汁肚皇扎。肚皇扎唔系度度有，扎得唔实嘅大有人在，一夹起就散晒。呢度个肚皇扎实净兼啖啖鱼肚，加上蚝油献汁，一吃难忘。如果你钟意食鸡，可以拣鸡扎。最后一定要试烧卖，里面好多虾，唔系一味放好多猪肉。仲有好多嘢想食，回味一下真正嘅港式点心。…查看更多

系投诉番之前既经历安排客人入座好唔公平没有依当时客人等待时间公平地安排比客人入座, 当向接待反映时, 接待既人反应好差仲话番我地转头, 话多人系咁架啦但明明系佢完全冇理4人枱既等待时间完全不合理只系不断比2人枱同大枱入以后唔会再帮衬!!!!!!!…查看更多