海富美食餐廳

四寶飯——有誠意，但欠火候這碟四寶飯（切雞、燒鵝、紅腸、咸蛋）看起來色彩繽紛，份量也算足，初見時令人有點期待。不過，吃下去後卻發現它只是「有交功課」，離「好吃」還有一段距離。🐔 切雞：尚算滑嫩，但味道單薄雞肉的質地不錯，皮與肉之間仍保留一定的嫩滑感。但調味偏淡，薑蔥醬也不夠香，吃起來像是少了靈魂。若能再提升香氣與鹹度，會更有層次。🦆 燒鵝：皮脆但略乾，醬汁救場燒鵝的皮有脆感，這點值得一讚。但鵝肉偏乾，咬起來稍嫌費力。幸好醬汁味道不錯，甜鹹適中，能稍微補救肉質的不足。整體來說，是四寶中表現較佳的一項。🌭 紅腸：味道普通，偏油膩紅腸切得厚薄適中，但味道偏甜，油脂感重，吃多了容易膩。缺乏港式臘味應有的煙燻香與鹹香，像是量產品，沒有個性。🥚 咸蛋：穩定發揮，但無驚喜咸蛋的蛋黃油潤，蛋白鹹度適中，是四寶中最穩定的一環。不過，它只是「不出錯」，並沒有為整碟飯加分，存在感偏低。🍚 白飯：略濕但尚可接受白飯煮得稍微偏濕，粒粒不夠分明，但不至於影響整體口感。吸收了部分醬汁後，味道尚算過得去，只是少了米香。🎯 總結：四寶有誠意，但缺乏火候這碟四寶飯像是完成了基本任務，但沒有任何一項能真正打動人心。每一寶都差一點點，累積起來就變成整體的平庸。🫠🫠…查看更多

我間唔中都會去呢間餐廳食lunch ＇點知今日嚟食燒味飯。叫咗碟油雞燒肉飯＇一杯凍檸茶。點知我叫漏咗個飯字，但係佢好唔好語氣咁同我講話你飯定麵。唯有下次唔嚟食啦，等着我條氣。俾錢嗰陣仲要黑口黑面對住我。唔怪之得而家冇人幫襯啦，原來是這樣都唔知嗰個係咪老細嚟㗎？我好快就食完啦，費事受人氣我都係做飲食業嘅我都未見過人哋咁嘅服務態度…查看更多

星期日下午去咗呢間茶記 點知奶嘢 餐牌冇乜選擇 就諗住叫瑞士汁乾炒牛河 以為冇乜伏點知都中伏 非常不幸碟瑞士汁炒牛河 得兩嚿細牛肉片 !全部都係粉 又冇瑞士汁 星期日仲要加一  離曬譜 都唔知點解呢間嘢仲喺度！…查看更多

新年假期已經放完，又要回復正常返工，但一早已經約左去好朋友家拜年，所以放工就立即去朋友家，去到朋友家樓下，朋友建議食完飯先上佢家拜年。去左間街坊餐廳，晚飯時間可能仲早，仍有好多座位，侍應姐姐見我地四個人，就提議我地食個四人餐，四人餐有四個小菜，每人有碗白飯，再加埋例湯，小菜就分別要左西蘭花班塊、金菇肥牛煲、啫啫雞煲，同埋蒜蓉炒豆苖，小菜全部都煮得有鑊氣，味道唔算濃，尤其個炒豆苖，蒜蓉味啱啱好，加埋豆苖又嫩，配埋白飯一齊食，特別好味，簡簡單單又食得飽，街坊餐廳確係有吸引之處。食完走既時候，餐廳都不經不覺坐滿，真係好多街坊支持…查看更多

系奧海城想食餐晏真系唔容易，撞正放飯時間邊到都冇曬位。我地由奧海城一直搵，最後泥到海富商場先有小小位可以食野。由於太肚餓既關係叫左個特餐，貪佢有牛油多士同埋奄列，麵就要左個雪菜肉絲紅薯粉。牛油多士我就覺得幾好，烘到微脆既口感，幾香口。火腿奄就爭小小啦，火腿既量只有中心位置既小小，奄列油份都多左d。最後個紅薯粉唔同平日米線店常見個種，睇落有小小似瀨粉，吸唔到湯既味道亦都唔夠彈牙。最後野飲叫左凍檸茶，份量唔多，只系用普通放茶既杯，味道都系偏甜。成個餐$46，都過得去既！…查看更多

叫左下午茶餐，雞扒公仔面+火腿奄列，跟牛油面包。 我唔食牛油面包，叫阿姐收返，阿姐一招五爪金龍，使出10 成功力，一手就將牛油面包收回，勁。再黎雞扒面，整佢個制， 雞扒仲有重雪味，湯又過咸，好似食緊瑞士餐咁，好難食。好好地一塊雞扒，比佢搞到唔似人唔似鬼咁。火腿奄列就正正常常，火腿同蛋嘅比例適中，本身無乜味，自己加鹽。凍寧茶少甜少冰，都係standard 野。從一開始果招五爪金龍，已經無好感，再加上雞扒嘅失敗，成件事係。。。無下次。…查看更多

午餐又懶得煮既情況下唯有落街食但附近一街都係連鎖店有時真係唔想再食同樣既野就揀左呢間茶餐廳時間係下午3點咁就問個店員有冇下午茶啦但原來而家唔興下午茶得午市同晚市店員：「咪午餐個D」完全係茶餐廳既服務我就叫左一個干炒牛河食落左單近20分鐘都冇黎到好彩我坐得近水吧原來我個餐一早出左係個出餐位但係冇人理佢D阿姐又掛住抹餐具同吹水到佢發現拎上台比我個時已經涼涼地真係幾好食都扣左50分啦講番個牛河首先個賣相唔得啦份量少，肉得幾片不過肉係幾嫩滑我都收貨既河粉就勁油 大家都知河粉會索油所以成個就勁肥膩咁就成45蚊 冇下次…查看更多

下班回家後，見廚櫃和雪櫃也幾近空空如也。百般無奈之下，決定落樓下茶餐廳吃男人的浪漫 : 豆腐火腩飯。明明應該是門庭若市的晚飯時段，卻顯得有點冷清，很輕易就找到個空位。豆腐火腩飯送上。白飯上堆滿豆腐和火腩。碟邊有零零舍舍有一大點醬汁，這一點已經 fail 。但因為是茶餐廳，就不要這麼計較了。先吃豆腐。這個豆腐好像哈利波特的全口味豆，隻隻有驚喜，每次唔同味。第一個豆腐很好吃，外皮烤得很好，入面是又熱又滑的豆腐。然後，下一個豆腐就是帶點酸味，是豆腐放在室溫太久變酸了的味。=_= 之後大部分的豆腐也有這種酸味。至於火腩，肥肉太多，嚼不動。之後仲發現有一些詭異的黏液，好噁心。委實吃不下去了。本來第一眼望落去嫌份量太少，吃到後來，發現根本吃不完，是不夠好吃到令我吃下去。40元這個質素，又唔包飲品，實在認真麻麻。…查看更多

這間位於海富商場內的街坊茶餐廳，自己有時候都會來幫襯，不過多數都是散叫，這天來到，所試的則是「二人套餐」。雖說這裡只不過是一間街坊茶餐廳，但可能是這間茶餐廳比附近的幾間較大、較有規模吧，食物的水準是比較高的，雖不算是什麼美味，但作為普普通通的一餐，還是可以的。就以這次幫襯的「二人套餐」為例，$108的套餐，包三碟小菜，還有例湯。如要加飲品，熱飲只需加$5，凍飲就要加$7，都算經濟相宜。三碟小菜中，其一可選清蒸海上鮮或燒味雙拼，另外可選40或以下小菜一款及炒菜或灼菜一碟。這天不想吃魚，要了「叉雞雙拼」，叉燒質素不錯，不會太乾，肉質軟腍，可惜偏瘦了點，肥肉不多，沒有半肥瘦叉燒那麼好吃。切雞只是雞胸，雞肉不太多，質素只是一般。$40或以下的小菜則要了「菠蘿生炒骨」，酸甜汁調得不錯，酸得來不會過火，甚為開胃，不過生炒骨骨大肉少，卻是未能使人十分滿意的地方。「蒜蓉炒通菜」可是意料不到的好吃。一向吃通菜都幾乎必定是腐乳椒絲炒或蝦醬炒，想不到這裡用蒜蓉炒竟也有不錯的味道，真是意想不到。順帶一提的是這裡的例湯（這次是花生眉豆湯）和凍檸茶的水準都不錯。例湯材料多之餘，可喝得出沒有下味精，有湯的真味。凍檸茶茶味亦濃，比不少食肆的凍檸茶來得有水準。…查看更多

其實間野都食過幾次食左個牛扒飯,味道突出在個汁個汁幾好,可惜牛扒一般就一般茶餐廳貨仔,又唔夠厚,本地牛汁配得好可惜肉質差老實講真係無咩特別什致要40$一個飯但對比起,鄰近其他食店他味道是比較好如果走多20分鐘路程比他好的食店比比階是,價錢都比他便宜主要係就腳才選擇他可能由於多人幫襯店員一服不願做的樣子沒服務態度可言…查看更多

呢日本來想去奧海城搵食，點知成個場的食店都幾乎要等位，於是過去海富商場睇睇，見呢間海富美食餐廳咁耐以來都未幫襯過，又唔使等位，一於入去試下。原來呢間茶餐廳都幾大，地方十分闊落，裝修格局都係一般屋邨茶餐咁啦！看看餐牌，食物選擇都幾多，粥粉麵飯、各款套餐，中西式式俱全，於是求其叫左一碟什會炒河，一碟薑蔥撈麵做晚餐，睇下水準如何。食物端上來後，發覺賣相、味道都唔錯，份量亦算充足，特別係碟什會炒麵，除了一般的叉燒、蝦、豬肚等材料外，連青口都有兩隻，都算材料豐富啦！:)加上呢度的食品價錢都幾相宜，相信都可算係富榮附近的街坊之選呢！…查看更多

本來唔多黎呢度食,但係久唔久一次又有新發現,今次發現原來呢度既粟米班塊飯好好食!精緒係件魚!班塊好大好大塊,有成個飯盒咁大,唔止啖啖肉,仲煎得好香,個皮都好好味!而且粟米汁又真係有粟米粒,撈飯同連魚食都岩!總之成個飯好香!雖然話係一塊魚,但係大件程度抵得住人地幾舊魚,同埋個廚師煎魚的手勢可以話係一流(皮薄又唔會太多油)!…查看更多

點左個$26公仔麵餐,要牛扒麵,連飲品。麵既質素講真真係麻麻地,反而牛扒勁好味!煎得好香,但係唔會太乾又唔會太油,好香肉味,厚薄又適中,唔係一大件,而係有一件中型,再配兩件細細既,肉質唔靭易咬,唯一係旁邊多左少少筋,不過整體上都好好味!牛扒值得一試!…查看更多

估唔到呢度都有咁好味既野食...鐵板海鮮炒麵餐,$41飲品,餐湯,蒜茸包,係呢區唔算平,但係真係好味!一上卓熱辣辣香噴噴,肯定即整!一大碟炒麵放係鐵板上,好脆口,雖然有汁,但唔會太多,令炒麵仍然香脆,不過又唔會燶喎!犀利!材料豐富,估唔到青口都有兩只,仲有鮮魷同好味既班塊,足料又好味,仲有四條菜心中和一下添!蒜茸包都ok架,夠脆口!但係個羅未湯差少少,有點油,同埋辣辣地...食完好飽好飽,唔錯!…查看更多

突然間想食奄列,未試過呢間既奄列,所以黎試一試,要左個最簡單又最普通既火腿奄列,盛惠$21。個蛋煎得好油好油,而且都幾燶下,不過裡面有唔少蛋汁流出,連埋好多火腿絲,又幾好味喎!原來仲有一小片蕃茄伴碟,而且附送牛油方包一件,咁都算OK。雖一可改善之處,係唔好整到咁油,食完隻碟都成浸油呀!另點鮮奶,係金蓋樽裝,好味!…查看更多