海南粉 (已結業)

今日晚上7:15 左右黎呢度食野, 人唔算多, 座位都ok, 唔逼! 我地兩個人食左:1.金錢肚粉(揀左濃湯味, 不過湯唔算濃, 金錢肚唔韌, 都幾入味!)2.咖哩牛筋飯(個咖哩汁可以, 薯仔, 紅蘿蔔都算唔錯, 不過牛筋較少!)3.生菜(一般啦! 都係咁既味!) 4.海南三寶(炸雞:外脆內滑, 有水準! 豆腐: ok! 牛肉乾: 唔好食!)總結: 埋單$82, 算平, 食物大致ok 啦! 一食無妨! 相片可參考:http://www.fotop.net/thxdtsdd/eat

SET FREE 改珍珠奶茶!牛筋太硬,下次唔好叫!位太逼, 抱住果袋食野!

原來招牌係牛肉乾湯粉, 我都唔知0忝!因男友同呢度d 人熟, 我地去左Tea,門口貼左$15 西士多SET, 不過男友又話好細件! 牛肉乾湯粉又話牛肉乾略硬, 叫我點了豬肉湯粉( 佢都加大左碼比我地) , 豬肉好"林" ~ 配麻珍珠奶茶都係$23 ~ D STAFF 好NICE !

tea原本單價包一杯台式飲品。招牌牛肉乾湯粉:牛肉乾鎖住d汁,一咬d汁咇出黎,好香牛肉味,真係好正。湯底原本清清地都唔錯,之後食食下,牛肉乾同d湯lo埋,重正,而且唔口渴。但我點都食唔出抱羅粉同米線0既分別囉~另外,size不大,男仔會唔夠食~飲品:荔枝玉露---還可以,都冇乜expectation,好彩唔係好甜,玉露係罐果d囉。bar果個女仔好似做得幾求其。+,佢地cooperate 得好好,好有溝通,上野快。

中午12:45 經過尖沙咀，相約好友用膳。好友想試，二人便坐下。午市人客不算多，不用等位。坐下二十分鐘，未有侍應招呼。侍應忙的不是招呼其他客人，而是忙私事。點了食物，來了一半，還有一半過了半小時還未到，兩三個不同的侍應跟了單之後，才發覺漏了單。這是什麼服務?!二人點了海南三寶餐、滷水拼盤餐、珍珠奶茶和士多啤梨紅茶。海南三寶有牛肉乾、雞翼和豆腐。滷水拼盤有牛筋、豬腸、豆腐和肉。兩個菜的汁料是一樣的，味道也差不了多少。兩杯飲品的質素一般，沒什麼驚喜。後記︰侍應把其中一個套餐的食物和飲品分開計錢，所以多計了數元，幸好我們發現得早，要她多計一次。雖則數元算不上什麼，小費也不止這個數，但我實在看不過它們這種服務態度和手法。

今日去果度食野la~~d 服務態度差到爆叫果個waitress 寫野, 佢聽唔到都算la仲要聽錯order 黎錯野, sorry 都冇聲之後唔知做乜事黎多左d 野, 擺左係我地台果個waitress 一句野都冇講就拎走左去算咩意思ar 佢e+..... 最少起碼都講我地知佢黎錯左ar又黑口黑面, d 野又唔係話好食真係以後都唔去幫襯佢ar!!

招牌牛肉乾湯粉$23: 切條的厚身牛肉乾，放在湯粉上。牛肉非常入味，其實不太乾，有口感，但又不會太"un"。清湯底亦很好味，有芝麻和花生，配上湯粉，一流。

bf鍾意食牛…所以諗都無諗就叫左個招牌牛肉乾湯粉…而我本身諗住叫一個湯粉係有d豆腐咁gei…但bf話好似好齋咁…所以final叫左個雞絲撈米咁上下gei野…<br />bf果個我無試…但係佢\就話幾正…佢\食到清晒碗…<br />而我個撈米都唔錯…d粉好彈牙…bf都話好食…但佢\prefer牛多d…<br />service都無之前d人講gei問題…好普通…無乜特別…可能我地去果時無乜人啩…都幾好彩…<br />

食過2次, 2次都食到有陣怪味, 好似洗潔精味咁...但係同枱既人又唔覺喎...唔知係我自己問題定點...anyway, 食物質素一般, 而且無分開非吸煙區, 所以無咩必要唔會再去~

2005年5月14日(星期六) 下午4時30分行完二小時歷史博物館，路過這裡，記起國際都會商場都有一間「海南粉」，但未曾試過，便走進這裡一試，還可以休息一下。我們叫了二份下午茶餐，基本上隨餐牌上的湯粉類就贈送任何一款冷熱飲品，好抵食。招牌牛肉乾湯粉配杯芽黑磚($23)：湯底不錯，牛肉乾份量也不少，幾有咬口，食落有少少藥材味道，幾特別。因個人喜歡有杯芽的飲品，便嘗試叫了杯芽黑磚，黑磚只是細細粒四方的咖啡果凍，配上杯芽奶茶真的幾好。鹵水拼盤配金桔青檸($20)：鹵水拼盤包括蛋、牛肚和豆腐，鹵水款式比較少，鹵水蛋不算入味。至於金桔青檸，沒試飲不作評價了。P.S. 附近有一班十幾歲女仔在大聲談話、嬉戲，加上粗口滿場飛，亦引來其他食客注目，直至她們離開才回復寧靜的環境。看到她們這樣的境況，真的倍感希虛，感到現時年青人實在難教！

今日係紅磡分店試左呢間野下午茶，食左個牛肉乾粉+ 芣芽珍珠(送的）．個粉幾野味．．但ｄ牛肉好似韌左ｄ，有ｄ痴呀但個湯幾濃，ｄ酸菜好好爽，但得兩舊，整體上都算好味．杯芣芽珍珠就真係無乜荼味．似飲淡奶珍珠多ｄ

叫了雲吞粉，有三隻雲吞，所有皮已爛，湯和粉都不熱，味道不好。一定不會再來。我去的是都會海逸分店。

食過幾次牛肉乾粉....覺得都幾好味....但有時會嫌佢乾得滯....幾鐘意佢個湯底& 配料...明知重味精都會飲少少....其他小食則一般.....通常都係行過見到唔洗等位先入去食....

今晚約左幾個朋友去飲酒去諾士佛臺飲酒，六點幾時間未到，就去食少少野打打底。呢度店子不大，可能不是飯市，人也不多。對假味的台式飲品興趣不大，所以只叫吃的。見佢個牛肉乾粉係招牌貨，當然要試一試。湯底可選清湯、濃湯及辣湯，見佢又話濃湯最好，就要濃湯。等左一陣就有得食，碗麵賣相一般，湯底濃郁，牛肉乾樣子亦幾乾。渴口濃湯，是很濃重的味道，說沒有味精是騙人的，不過相信下的不多；牛肉乾吃落原來沒有外表那樣乾，有花椒、八角等香料的味道，幾夠味，都唔錯，說是招牌菜也不算太失禮；粉是粘米做的，口感較軟糯，比較腍身，個人而言還是喜歡比較爽身的桂林米粉，但這個都不算差；配菜還有花生、芽菜及酸菜，都算豐富。埋單23蚊，未吃過的都可以一試。忽發奇想，其實那個牛肉乾的最佳拍檔是冰凍啤酒，如果用來送酒一定受歡迎！

晚我睇完煙花，諗住食埋先走，見到間d食幾特別，於是去試。時好多人，我叫其中一個friend等住先，到我返去時，佢已經食緊，佢叫牛肉乾湯粉+茉香綠茶，跟住我都叫呢個餐。 到d到時，發覺有d問題，我杯綠茶都係大杯裝，得叫食先個friend唔同，佢個杯係d普通膠杯，但係隔離個個都係大杯裝，都唔知係咪d人俾錯，於是問個waitress，點知佢話個膠杯d綠茶倒出同大杯裝一樣份量。都唔知係唔係，真係想叫佢倒俾我睇! 呢間除服務唔掂之外，d食都麻麻!成碗麵都係油，唔夠淋，d湯同肉又太濃味。仲有，度環境擠迫，坐得唔舒服。下次都係唔考慮呢度!